Mafhungo a khou ḓi ṱanganya uri murepa o winaho pfufho na muḓivhalea wa mvelele Sho Madjozi u khou lavhelela ṅwana wawe wa u thoma.
Nahone khotsi a nga vha a si muṅwe nga nnḓa ha mubveledzi na mutsila Gemini Major.
Uya nga ha Sunday World, muthu are tsini na vhavhili avha o amba uri mutambi wa nyimbo ya “Huku” zwenezwino o vha na tshimima tsha Baby Shower o tingeledzwa nga khonani dza tsini na muṱa.
Muthu wa nga ngomu o ṱalusa Madjozi sa “o takalaho vhukuma” nga ha u vhifha muvhilini nahone a ri vhuṱambo ha tshiphirini vhu sumbedza ndima yawe i tevhelaho.
Mafhungo o nana musi vidio ya TikTok, ine ya pfi yo poselwa nga Nelly’s Events — khamphani ya u pulana zwiitea i tshi sumbedza u khavhiswa ha theme ya vhana na setup ya pastel-toned.
Naho zwo ralo, u bva tsheetsho vidio yo vhewa kha tshiphirini, nahone Sunday World a yo ngo kona u khwaṱhisedza nga yoṱhe zwi re ngomu hayo.
Zwine zwa khou humbulelwa zwi sumbedza uri Gemini Major, dzina ḽawe ḽa vhukuma ndi Benn Gilbert Kamoto, sa ane a vha khotsi a nwana.
- vhari wana kha facebook| .facebook.com/profile.php
Vhavhili avha vha na ḓivhazwakale ya u shumisana ha phurofeshinaḽa, zwihuluhulu kha single yavho ya 2020 Nekedi, nahone ho vha na mavharivhari a uri vho vha vha tshi funana tshifhingani tsho fhiraho.
Sho Madjozi, o bebwaho Maya Wegerif, kana Gemini Major a vho ngo amba tshithu khagala nga ha zwenezwi zwine zwa khou humbulelwa.
Madjozi o no vhuya a vala mafhungo a u vhifha muvhilini. Nga 2022, o ṅwala kha Twitter: “tshau u thoma, a thi na thumbu. Kha ri thome henefho.”
U fhumula hawe nga hetshi tshifhinga zwo ita uri vhafuni vha dzule vha tshi khou humbulela.
Translated by Nthaduleni Rolivhuwa
