Londie London u khou dzhia vhuimo ho khwaṱhaho ha mulayo kha mutambi ngae wa Real Housewives of Durban (RHOD) Minnie Ntuli nga murahu ha khanedzano i fhisaho ye ya bviswa nga tshifhinga tsha tshipiḓa tsha vhuvhili tsha u ṱangana ha mbekanyamushumo.
Kha vhurifhi ha mulayo ho khwaṱhaho he ha kovhelwa nga kha akhaunthu yawe ya Instagram, Londie, ane dzina ḽawe ḽa vhukuma ndi Londiwe Zulu,
O ṱoḓa pfarelo ya tshitshavha kha Minnie, a tshi pomoka muhashi wa radio nga u tshinya dzina na u murwa.
Vhurifhi, ho bviswaho nga vhaimeleli vha mulayo vha Londie, vhu amba nga ha zwiwo zwinzhi nga tshifhinga tsha mbekanyamushumo hune Minnie hu pfi o amba zwithu zwi tshinyaho dzina nga ha Londie na u engedza dzikhakhathi nga tshifhinga tsha u ṱalutshedzelwa ha u ṱangana hafhu.
Uya nga ha ḽiṅwalo, Minnie o rwa Londie ṋamani a songo ṱuṱuwedzwa musi e kha set, nahone a isa phanḓa na u rwa naho Londie a songo lifhedza.
Mafhungo aya o wana ṱhuṱhuwedzo khulwane nga murahu ha musi Gagasi FM, hune Minnie a vha muthu wa radio,
O bvisa tshitatamennde tsha tshitshavha nga ḽa 11 Fulwana 2025, a tshi amba uri Minnie o humbela pfarelo kha vhatambi nga murahu ha u ṱaṱisana ha muyani.
- vhari wana kha facebook| .facebook.com/profile.php
Naho zwo ralo, Londie u hanedza uri o vhuya a wana pfarelo musi tshenetsho tshitatamennde tshi tshi bviswa.
Vhurifhi vhu isa phanḓa na u pomoka Minnie uri ha ngo fulufhedzea, vhu tshi pomoka uri tshitatamennde tsha u humbela pfarelo na mulaedza wa u tevhela we wa rumelwa kha Londie nga ḽa 12 Fulwana,
Zwoṱhe zwo vha zwo itwa hu si nga ṅwambo wa u ḓisola, fhedzi sa nḓila ya u tsireledza vhushaka ha Minnie ha phurofeshinaḽa na tshiṱitshi tsha radio.
Tshigwada tsha zwa mulayo tsha Londie zwino tsho bvisa ṱhoḓea; Minnie u tea u bvisa “pfarelo ya vidio” yo livhiswaho thwii kha Londie na u i posa kha pulatifomo dzawe dzoṱhe dza nyanḓadzamafhungo nga 5PM nga Ḽavhuraru, ḽa 16 Fulwana 2025.
- Vhalani hafhu: Naa kani Sho Madjozi u khou lavhelela ṅwana wawe wa u thoma?
U kundelwa u ita ngauralo, vhurifhi vhu sevha, zwi ḓo ita uri Londie a tevhele maga a mulayo a u tshinya dzina na u rwa, hu tshi katelwa na u vula mulandu kha Tshumelo ya Mapholisa ya Afrika Tshipembe.
Translated by Nthadulei Rolivhuwa
