Zwothe nga ha u vhifha muvhilini havho u swika zwino zwo vha zwo khethea.

Zwo thoma nga nḓivhadzo yavho ya u vhifha muvhilini, he Gogo na Mo vha kovhelana mafhungo avhuḓi nga zwifanyiso zwa epic na vidio i takadzaho.

Ṅwedzi wo fhiraho Gogo na Mo vho bvisela khagala mbeu ya ṅwana wavho a sa athu bebwaho.

U isa kha Instagram, vhenevho vhavhili vho kovhelana zwifanyiso zwavho vha tshi khou dzinginyisa zwiambaro zwo ṱanganelanaho zwa denim.

Kha caption, vho bvisela khagala uri vha khou lavhelela nwana wa mutukana. Mafhungo avho o tanganedzwa nga milaedza ya u vha fhululedza ubva kha vhane vha vha tamela mashudu.

• VHALANI HAFHU: Nḓila ṱhanu dza u fhungudza mbilaelo dza phanḓa ha mbingano

Zwa zwino vhavhingani vho vha na baby shower, inwe ndila ya u pembelela lwendo lwa u vhifha muvhilini.

Vho-Sol Phenduka, vhane vha divhea vhukuma Afrika Tshipembe sa muhashi, vho dovha vha di wana vhe vhukati ha tshiwo tshihulwane kha zwileludzi zwa vhudavhidzani nga murahu ha musi vho humbela pfarelo khagala.

Hezwi zwi tevhela tshenzhemo ye ya dzhiiwa sa ya vhuaḓa nga tshifhinga tsha mbekanyamushumo ya Podcast na Chill na MacG.

Nndwa yo thoma musi Phenduka na MacG vha tshi ita miswaswo nga ha u ngalangala ha Elizabeth “Tsontso” Moselakgomo, ngeno hu tshi kha ḓi vha na nyofho nga ha mabulayo a vhafumakadzi ngei Kempton Park na Ekurhuleni.

Vhathu vhanzhi vho amba uri zwenezwo ndi u sa ṱhonifha nahone zwi vhaisa vhukuma vhathu vhane vha khou tshila nga fhasi ha yeneyo thaidzo.

Sol o mbo di humbela pfarelo kha lushaka a tshi khou tenda uri maipfi awe ha ngo naka.

Naho zwo ralo, vhathu vha re kha zwileludzi zwa vhudavhidzani a vho ngo fhumula.

Vhashumisi vha nyanḓadzamafhungo vha ri hezwi zwo no vha zwithu zwine zwa dzulela u itea. Vha sasaladza zwithu zwa vhukuma , ha tevhela u humbela pfarelo nga u ṱavhanya, na vhufarisani ha mabindu vhu khomboni.

Uya nga ha mulaedza wa Mpho Masango kha X, “Inwi na MacG a ni ṱhonifhi vhafumakadzi… nahone tshenzhemo yo vha i sa takadzi; ni nga si see u dzhiwa ha muthu.”

Vhafuni vha podcast ine ya divhea sa “Chillers” vho imelela Repent vhari u vha na vhuḓipfi ho khwaṱhaho ndi tshipiḓa tsha mbekanyamushumo.

Fhedzi vhasasaladzi vha nyanḓadzamafhungo  na vhatikedzi vha vhafumakadzi vha ri u ita miswaswo nga ha GBV nga tshifhinga tsha vhuleme ha lushaka zwi pfuka muelo.

• VHALANI HAFHU : Pitso o ṋanga vhatambi vhawe vha u thoma kha Bafana Bafana

Fhungo ili li dovha la vhea mutsiko kha dzi brand dzine dza shuma navho.

Busisiwe Thwala, ane a divhea sa Cici, o mangadza vhatikedzi vhawe nga u bvisela khagala uri u khou lavhelela ṅwana.

Mulaedza uyu wo kovhiwa kha zwileludzi zwa vhudavhidzani, nahone wo sumbedza u thoma ha tshipida tshiswa kha vhutshilo hawe.

Cici o ṱalusa zwipfi zwa lufuno na fulufhelo zwi no livha kha ṅwana ane a sa athu bebwa.

Kha mulaedza wawe, Cici o shumisa maipfi a pfeseseaho a ri: “Ro u funa ri sa athu u vhona, ro u rabelela ri sa athu u divha, nahone u funiwa nga ndila i sa koni u talutshedzwa nga maipfi.”

Mulaedza uyu wo kwama mbilu dza vhanzhi, wa ita uri ndivhadzo iyi i vhe ya ndeme kha vhathu vhane vha mu tevhela.

Vhatikedzi vhanzhi vho ṱavhanya u mu fhululedza, vha tshi ri u khou dzhena kha tshifhinga tsha dakalo.

Nṱhani ha u tou amba fhedzi nga u vhifha muvhilini, Cici o sumbedza uri lufuno lwa mme lu thoma kale ṅwana a sa athu swika.

Izwi zwo ita uri vhathu vha kone u pfa vhukuma ha zwe a kovhela.

Cici o no vha mme kha mutukana wawe, Dialo, ane o bebiwa nga 2020.

Zwino u khou dzhena kha iṅwe ndima khulwane sa mme na sa muimbi wa muzika.

• VHALANI HAFHU : Sangoma na ṅanga : Mbilu ya u lafha ha Sialala Afrika Tshipembe

Vhatikedzi vhawe vha khou lavhelela u vhona zwiṅwe tshifanyiso na mafhungo a lwendo lwawe lwa vhuimana.

Muwini wa Big Brother Mzansi, Sweet Guluva na mutambi wa matambwa Thandeka Nodada vho  tshigwada tsha vhatambi vha dirama ya SABC1 ‘Amalanga Awafani’.

U swika havho kha mbekanyamushumo zwi tshimbilelana na ndugiselo dza tshipiḓa tsho khetheaho tsha Ṅwedzi wa Vhufa, tshine tsha ḓo hashiwa nga Ḽavhuṋa, ḽa 24 Khubvumedzi.

Sweet Guluva u do tamba lwa o thoma nga Lavhutanu la dzi 11 dza khubvumedzi, a tshi khou tamba tshipida tsha Ngwenya, mulanguli wa tavern ya henefho.

Mubvumbedzwa wawe u ṱaluswa sa muthu ane a ḓisa miswaswo na u sea kha mbekanyamushumo.

Sweet Guluva o sumbedza u takala haw nga u dzhena kha tshigwada tsha vhatambi vha Amalanga Awafani.

“Ndi livhuwa tshikhala tsha u tamba tshipiḓa tsha Ngwenya kha ‘Amalanga Awafani’, sa izwi vhathu vhanzhi vha sa zwi ḓivhi uri u tamba ndi tshiṅwe tsha zwithu zwine nda zwi funesa,” ho amba Sweet Guluva.

Mutambi uyu o ṱhogomela uri Amalanga Awafani i na vhuimo ho khetheaho mbiluni yawe ngauri yo filimiwa ngei Nquthu, he a alutshela hone.

Thandeka Nodada u ḓo tamba lwa u thoma nga ḽa 29 khubvumedzi, a tshi khou tamba tshipiḓa tsha Nandipha.

Nandipha ndi ramabindu ane a dzhena vhutshiloni ha Thembi sa mueletshedzi na mme.

Mbekanyamushumo iyi i do dovha ya swaya nwedzi wa vhufa nga tshipida tsho khetheaho tshine tsha vha na khontsathi ya *Amabutho* ngei Soweto Theatre nga dzi 24 dza khubvumedzi.

Vhaimbi Sannere na Feza vha do bvelela nga ndila yo khetheaho kha tshipida tshenetsho.

• VHALANI HAFHU: Pearl Thusi u hanedza R15 million ya muthelo wa SARS

*Amalanga Awafani* i tamba maduvha a vhukati ha vhege u bva nga Musumbuluwo u swika nga Lavhutanu nga awara ya vhurathi na hafu nga madekwana kha SABC 1 na kha app ya SABC Plus.

Naho zwo ralo muṅwe muḓivhalea wa Afrika Tshipembe hu khou vhigwa uri o ḓiwana e kha maḓi a fhisaho na (SARS).

Mivhigo ya zwenezwino i khou bvisela khagala uri muthu wa nyanḓadzamafhungo Vho-Pearl Thusi vha kha nndwa ya mulayo na SARS malugana na mulayotibe wa muthelo une wa khou vhigwa u tshi fhira R15 million.

Uya nga ha Sunday Times, Thusi o wana ṱhoḓea ya u fhedzisela u bva kha SARS nahone u khou lavhelelwa u badela tshelede hu sa athu fhela maḓuvha a fumi.

A zwi khagala uri ndi tshifhinga tshifhio tsha muthelo tshine tshikolodo tshine tsha khou humbulelwa tshi tshimbilelana natsho kana ndi mini tsho itaho uri hu kolodwe tshelede.

Fhedzi u ya nga Briefly, Thusi o hanedza tshivhalo itshi.

Miṅwahani yo fhiraho, vhathu vha re na bvumo vhanzhi vha katelaho DJ Black Coffee, Vho-Bonang Matheba, Vho-Sophie Ndaba na Vho-Somizi Mhlongo, vho sedzana na nndwa dzi tshimbilelanaho na muthelo.

Vhaṅwe vho ita na u vha na thundu dzo nambatedzwaho kana dzo dzhiiwaho musi SARS i tshi khou lingedza u wana tshelede ine ya ri i a kolodwa.

Zwa zwino, Thusi ha athu amba nga ha mafhungo aya khagala kha zwilelidzi zwa vhudavhidzani , nahone ha athu bvisa tshitatamennde nga ha khanedzano yo vhigiwaho.

• VHALANI HAFHU : Madzivhandila wa Tshakhuma: Midzi,na Ndeme ya maṅwalwa

Zwi kha ḓi ḓo vhonala uri mafhungo aya a ḓo tshimbila hani na uri mulayotibe wo vhigwaho wa muthelo u ḓo dzudzanywa kana u ḓo hanedzwa nga ho engedzeaho.

Anele Mdoda-Mgudlwa, ane a ḓivhea kha TV na radio Afrika Tshipembe, u khou ḓisa vhataleli tsini na vhutshilo hawe ha lufuno.

Ene na munna wawe, Bonelela ‘Buzza James’ Mgudlwa, vha ḓo vhonala kha series ntswa ya mbingano ya Netflix ine ya pfi *Stars & Vows: Anele & Buzza*.

Netflix yo ḓivhadza uyu mushumo sa tshipiḓa tsha u pembelela miṅwaha ya fumi yo no fhela i tshi khou shuma Afrika Tshipembe.

 Series iyi i ḓo thoma u bvela phanḓa ha 2026 yo fhela. Anele o amba nga dakalo a  ri: “Ri khou ḓa kha Netflix! Zwo thoma musi munna wanga a tshi ḓisa lobola.”

Kha iyi docu-soap, vhataleli vha ḓo tevhela ndila ine vhavhingani avha vha khou tshimbila ngayo—mathada, dakalo na u lindela ḓuvha ḽa “munyanya.”

Netflix i khou i ṱalusa sa documentary wedding special ine ya ḓo sumbedza Anele nnḓa ha mushumo wawe wa u hasha mafhungo.

Mushumo uyu wo itwa nga Nomzamo Mbatha, Teddy Geldart, Vuyo Sowah na Pet Tasara, ngeno u tshi bveledzwa nga Pascual Wakefield.

•  VHALANI HAFHU: Maloti-Drakensberg Park: fhethu ha Vhufa ha ḽifhasi

Mivhigo i sumbedza uri Buzza ndi lawyer na murangaphanḓa wa vhuhosi ha Xhosa, nahone mbingano yavho yo katela mvelele dza Xhosa.

Vho vhingana nga 2025, nahone nga 2026 Anele o kovhela lwendo lwawe lwa u vha *makoti*, News24 i tshi ri o dzhia tshifani tsha Mgudlwa na dzina ḽiswa ḽe a ṋewa nga vha vhuhadzi.

Mukomana a muimbi Babes Wodumo, Nondumiso Simelane, o vula nga ha nndwa dzine a tangana nadzo kha u alusa na u gudisa vhana vhawe vha si na vhokhotsi avho nga tsini.

Nondumiso o bvisela khagala mbilaelo dzawe kha zwileludzi zwa vhudavhidzani.

O dzumbulula uri o sala e eṱhe a tshi hwala muhwalo wa zwa masheleni wa vhana, u katela na mbadelo dza tshikolo, zwiambaro, zwiḽiwa, nyendo dza tshikolo, na zwiṅwe zwithu zwine zwa ṱoḓea.

“Ndi kha ḓi ḓivhudzisa uri ndi mini tshine tsha ita uri vha kundelwe u ṱhogomela vhana vhavho.

Nondumiso o ṅwala a ri: “A hu na na muthihi ane a lingedza u thusa, uri muhwalo wo no lemela vhukuma uri ndi kone u u hwala.”

O dzumbulula uri u hwala tshelede ya pfunzo ya vhana vhawe e eṱhe, a ṱalusa vhokhotsi avho sa vhathu vho faho vha si na mushumo.

“Ndo vha ndi si ndoṱhe musi ndi tshi vha ita, ndi livhuwa Mudzimu,” o ralo.

Nondumiso—ane a vha mulanguli wa Babes Wodumo—o dovha a amba nga ha vhuleme hawe ha zwa dzitshelede, a ri:

“Ndo dzula kha tshidulo tsha vhaholefhali ha zwa dzitshelede; vhuimo hanga ho vhifha u fhira u vha ICU.”

•  VHALANI HAFHU: Cape Floral Kingdom: Lupfumo lwa Mvelo lwa Afrika Tshipembe

O phetha nga u amba uri wonoyu muhwalo wo mu fhelisa maanḓa muhumbulonini, muyani, ṋamani, na kha zwa dzitshelede.

Ntando Rambani, ane a ḓivhea sa mutambi wa filimu nahone zwino e muṅwali, o vula mbilu nga tshenzhelo ya u seiwa nga mulandu wa “freckles” dzawe.

O amba hezwi musi o dzula fhasi na muimbi na mutambi Nandi Madida kha Motherhood Network Book Club, hune vha muṱalutshedza dzi ṱhoho dza bugu yawe ntswa, *From One Mother to Another*.

Kha nyambedzano iyo, Ntando o humbula lufuno lwawe lwa u vha kha TV musi a tshee muṱuku.

O ri o vha a tshi ṱuṱuwedzwa nga Hulisani Ravele ngauri o kona u ḓivhona khae nga mulandu wa “freckles”.

Hone-ha, o dovha a humbula tshifhinga tshi vhaisaho mbilu musi makhulu awe vha tshi muvhudza uri “freckles” dzawe dzo ita uri a vhonale a sa takadzi.

A tshi lila, o amba a ri: “Ee, ndi makhulu anga  vho zwi amba…” Video yeneyo yo phaḓalala kha social media u bva musi episode yo bvisiwa  nga 6 Khubvumedzi 2026.

Ntando o ṱalutshedza uri miṱodzi a si ya mbilu yo sinyuwaho, fhedzi ndi ya vhuṱungu ha u shaya thikhedzo ye a vha a tshi i ṱoḓa nga vhuṱukuni hawe.

Naho zwo ralo, o sumbedza masia mavhuya a heyo tshenzhelo. O ri zwithu zwe a fhira khazwo zwo mu gudisa u ḓivha uri u fanela u vha mme wa mufuda-ḓe kha vhana vhawe.

O amba a ri: “Ndi a takala uri ndo fhira kha hezwi, sisi Nandi; a thi khou u ni zwifhela, ngauri nḓila ine nda vha mme ngayo zwino yo fhambana vhukuma.”

• VHALANI HAFHU: Isitha: The Enemy i khou swika magumoni

Nga maipfi awe, Ntando u bvisela khagala ndeme ya u khwaṱhisa vhana, hu si u vha kwasha. Mulaedza wawe a si wa u pomoka, ndi wa u fhodza na u fhaṱa murafho une wa ḓiṱanganedza nga mivhala yawo yoṱhe.