Vhanzhi vha dzhena kha muṱaṱisano wa Big Brother Mzansi vhe na ndivho ya u ḓi sumbedza, u vula zwikhala na u fhaṱa dzi brende dzavho.

Musi ri tshi sedza vhaṱaṱisani vha kale, zwi sumbedza uri mbekanyamushumo yo vha vulea miṋango mihulwane, nahone zwenezwo zwi a ṱuṱuwedza.

Ofentse Modise, we a vha e tshipiḓa tsha khalanwaha ya vhuṱahe ine ya khou bvela phanḓa, na ene u khou pfa mbuelo dza mbekanyamushumo.

Naho o vha e wa vhuvhili u bva nḓuni, ho ngo tendela zwenezwo zwi tshi mu kula nungo kha u tevhela miloro yawe kha zwa u ḓimvumvusa.

Musi a tshi bvela nnḓa, o amba nga ha u vha na fulufhelo ḽihulwane na vhumatshelo vhu penyaho kha nḓowetshumo.

U itela u swikelela zwenezwo, Ofentse o thoma u ḓivhadza nga kha nyanḓadzamafhungo ya matshilisano, a tshi ḓivhea phanḓa nga nḓila dzoṱhe.

U vha hone hawe kha social media zwi khou aluwa nga nḓila i mangadzaho. Zwa zwino o swika kha vhatevheli vha 10 000 kha TikTok, pulatifomo ye ya thoma dziṋaledzi nnzhi.

Kha Instagram, u na vhatevheli vha ṱoḓaho u vha 8 000, kha Facebook, u na vha 6 500, nahone kha X, u na vha 1 300.

Ofentse o livhuwa vhafuni vhawe, ari u khou ḓalelwa nga lufuno lune vha khou lu wana.

Vho sumbedzisa uri hezwi ndi ṱhuṱhuwedzo ya u shuma nga maanḓa, u aluwa roṱhe na u sedza nṱha fhedzi.

O amba uri thikhedzo ine a i wana kha vhafuni vhawe i ita uri a ḓiimisele u shuma nga maanḓa.

O dovha a sumbedza uri o ḓiimisela u shumisa zwikhala zwine zwa ḓo mu vulea, u guda, u bveledza vhukoni hawe, na u fhaṱa dzina ḽo khwaṱhaho kha nḓowetshumo ya u ḓimvumvusa.

Ofentse o amba uri lwendo lwawe lu kha ḓi vha luṱuku, fhedzi u tenda uri u ḓiimisela na u konḓelela zwi ḓo bveledza.

• VHALANI HAFHU: Tyla u khou bvela phanḓa no ita luswayo lwawe kha ḽifhasi ḽa muzika

Vho amba uri vha do shumisa zwe vha guda hayani sa mutheo wa u fhata vhumatshelo vhu penyaho, na u tevhela miloro yavho vha sa fheli mbilu.

Muimbi wa Afurika Tshipembe u isa phanḓa na u ita ḓivhazwakale kha muzika .

Muimbi na muṅwali wa nyimbo wa Afrika Tshipembe Tyla u khou bvela phanḓa na u ita luswayo lwawe kha ḽifhasi ḽa muzika.

Mudzulapo wa Johannesburg o wina pfufho yawe ya vhuvhili ya Grammy kha pfufho dze dza farwa nga ḽa 1 Luhuhi ngei Los Angeles.

Tyla o wina pfufho ya Muzika wa Nṱhesa wa Afrika nga luimbo lwawe “Push 2 Start.”

 Muimbi o vha a  tshi khou ṱaṱisana na vhaimbi vha ngaho Davido, Burna Boy, Wizkid, vhaimbi vha Nigeria Ayra Star na vhaṅwe vhanzhi.

Musi zwo ṱangana, Tyla o wina pfufho dzi fhiraho 40 kha nḓowetshumo ya muzika kha miṅwaha miraru yo fhiraho.

A si ene fhedzi MuAfrika Tshipembe we a nangiwa kha pfufho, fhedzi ndi ene fhedzi muwini.

• VHALANI HAFHU: Nandi Madida u imelela vhanna vha Vharema vha re fhasi ha mutsiko

Trevor Noah, we a vha e mulanguli wa mushumo, o xelelwa nga the Best Audio Book, Narration, and Storytelling Recording ya Dalai Lama nga ene muṋe.

Nandi Madida  u imelela vhanna vha Vharema vha re fhasi ha mutsiko wa masheleni.

Nandi Madida, o vusa nndwa khulwane kha inthanethe nga murahu ha u ṱuṱuwedza vhafumakadzi uri vha sumbedze vhuthu na u sa fhela mbilu kha vhanna vha vharema fhano Afrika Tshipembe,

Vho amba uri vhanna vha vharema vho konḓelela miṅwaha ya u tsikeledzwa, mutsiko wa muvhuso na mutsiko wa kondelwa u swikelela u bvelela nga u ṱavhanya.

Nandi o no fhedza miṅwaha ya fumi o malana na mubveledzi wa muzika we a wina pfufho ya Grammy Vho Zakhele Madida, vhane vha ḓivhiwa nga dzina ḽa Vho ​​Zakes Bantwini.

Musi vhe kha podcast ya L-Tido, Nandi o amba nga ha vhutshilo hawe, u bvelela hawe nahone a dovha a bvisela khagala fhungo ḽa uri vhanna vha vharema vha fanela u farwa nga u sa fhela mbilu ngauri vha hwala mihwalo minzhi ya ḓivhazwakale.

Muhumbulo wawe wo ṱanganedzwa nga phindulo dzo fhambaanaho. Vhaṅwe vho amba uri o vha a tshi khou amba e kha vhuimo havhuḓi, samusi o malana na munna o bvelelaho vhukuma nahone khotsi awe vhe dokotela.

Fhedzi vhaṅwe vho tendelana nae, vha ri ha khou dzhiela fhasi vhuṱungu ha vhafumakadzi vha vharema, fhedzi u khou sumbedza vhuleme vhune vhanna vha vharema vha ṱangana naho.

Ul-Tido o shumisa siaṱari ḽawe ḽa X u ḓivhadza Nandi sa mueni kha podcast yawe, zwe zwa bvela phanḓa na u vusa nyambedzano kha tshitshavha tsha Afrika Tshipembe.

Khanedzano iyi yo bvela phanḓa na u kokodza ṱhogomelo, nga maanḓa kha nyanḓadzamafhungo  hune vhathu vha vha vha tshi khou ṋea mihumbulo yo dzikaho nga ha vhushaka vhukati ha vhanna na vhafumakadzi vha vharema.

• VHALANI HAFHU: Winnie Mashaba o newa mpho ya goloi ntswa

Vhaṅwe vha amba uri nyambedzano iyi ndi ya ndeme u itela u fhaṱa u pfesesana, ngeno vhaṅwe vha tshi tenda uri i tea u sedzwa nga mavhonele o ṱanḓavhuwaho u itela uri i sa sinyuse maṅwe maḓipfele a tshitshavha.

Vho-Winnie Mashaba vho sia vhafuni vhavho vha tshi pembela navho  nga murahu ha musi vho kovhelana vidio i bvaho mbiluni musi vho ima tsini na goloi ntswa ya Mercedes-Benz tshena.

Muimbi wa gospel o vhonala o ṱuṱuwedzea kha tshipiḓa tshipfufhi, tshe a tshi posa kha nyanḓadzamafhungo khathihi na ṱhalutshedzo yo ṱanḓavhuwaho i ṱalutshedzaho mafhungo a kwamaho mbilu.

Uya nga ha Vho-Mashaba, zwe vha vha vha tshi tenda uri zwi ḓo vha muṱangano wa ndeme zwo bvelela zwa vha u pembelela  phanḓa ḓuvha ḽavho ḽa mabebo ḽine ḽa khou ḓa ḽa vhu 45.

O dzumbulula uri mulanguli wawe ane a dovha a vha Khaladzi awe , khathihi na mutukana wawe, vho kombetshedza uri a ye muṱanganoni naho o vha a tshi ṱoḓa u awela nga ṅwedzi wa Phando.

Musi a tshi fheleledza o swika, o ṱanganedzwa nga tshimangadzo tshe a vha a songo vhuya a tshi lavhelela.

Muimbi o bvisela khagala uri goloi ya vhuimo ha nṱha yo vha i mpho ya ḓuvha ḽa mabebo i bvaho kha munna wawe, we a vha a tshi mu vhidza nga lufuno sa “Khosi” yawe.

Vho-Mashaba vho kovhelana uri u vha na goloi ya Mercedes-Benz ndi kale zwi muloro wavho, vha tshi tenda uri vho vhuya vha amba uri a vha nga ḓo ṱuwa kha ḽino shango vha songo i reila.

• VHALANI HAFHU: Enhle Mbali o dzumbulula uri ha athu u laṱa fhulufhelo kha lufuno

O livhuha vhukuma munna wawe nga ṅwambo wa vhuḓidini hawe nahone a dovha a livhuha Mudzimu, a sumbedza u livhuha vhukuma tshenetsho tshifhinga tsha ndeme.

Vhafuni, vhaimbi ngae na vhatevheli vho ḓadza tshipiḓa tsha vhupfiwa nga milaedza ya u fhululedza.

Enhle Mbali o amba nga ho livhaho nga ha lufuno, u fhola na khonadzeo ya u maliwa hafhu, miṅwaha nga murahu ha ṱhalano yawe ye ya phaḓaladzwa vhukuma na Black Coffee.

Mutambi wa matambwa na muthu wa TV vho kovhelana mihumbulo yavho nga tshifhinga tsha nyambedzano na Nounouche ye ya thoma u sumbedzwa kha YouTube nga Ḽavhuraru, ḽa 21 Phando 2026.

Vho elekanya nga ha nḓila ye nyaluwo yavho ya vhumba ngayo mavhonele avho nga ha mbingano na vhushaka.

Naho vha tshi kha ḓi vha kha nndwa ya mulayo na munna wavho wa kale, we zwenezwino a ya kha khothe khulwane ya ṱhuṱhuwedzo u itela u itela khaedu khaṱhulo ine ya khou mu laedza uri a badele masheleni a fhiraho R110,000 ṅwedzi muṅwe na muṅwe a u ṱhogomela mufarisi wawe na u ṱhogomela ṅwana, Vho-Enhle vho amba uri a vho ngo vala vothi ḽa mbingano.

Musi a tshi khou amba na Bonnie Meslane, o zwi bvisela khagala uri u tenda uri zwino o ḓilugisela khwine u ḓikumedzela u fhira tshifhingani tsho fhiraho.

“Ndi ḓo dovha nda vhingwa. Ndo ṱalifha, ndo ṱalifha, ndo fhola muyani, nahone ndo fhodza vhunzhi ha vhuṱungu hanga ha nga ngomu,” o ralo.

“Ndi vhona zwi zwa ndeme vhukuma uri musi ni tshi dzhena kha u fhaṱa mbingano, vhanna na vhafumakadzi vha fanela u vha vha tshi khou sumbedza u aluwa.

Ni ṱoḓa zwishumiswa zwa vhudavhidzani, u langa khuḓano na u vhea mikano, na u ḓivha musi tshiṅwe tshithu tshi tshavhuḓi kha inwi na musi tshi si tshavhuḓi kha inwi.”

Enhle o dovha a sumbedza uri lufuno lwo no wana nḓila ya u vhuyelela vhutshiloni hawe, naho o zwi bvisela khagala uri ndima iyi i ḓo dzula i ya tshiphirini.

• VHALANI HAFHU:Sweet Guluva u sumbedza vhukoni hawe vhu mangadzaho

O ṱalutshedza uri u fhodzwa zwo mu funza ndeme ya u tsireledza zwithu zwa ndeme vhukuma.

“Zwithu zwine zwa vha zwa muthu nga eṱhe kha inwi, a ni nga zwi ṋei vhathu. Vhushaka vhune nda vha khaho zwa zwino, a thi nga ni ṋei. A thi ṱoḓi u sumbedza uri ndi kha vhushaka kana uri ndo takala nga u ni sumbedza uri ndi nnyi. Ndi hanga,” 

O engedza nga uri u ita uri vhushaka hawe vhu sa ṱolisiswe nga vhathu ndi tsheo yo ḓiimiselaho yo ḓisendekaho kha u ḓi-alusa.

 Naa hu na zwine a nga si kone u zwi ita! Vhanzhi vho mbo ḓi ḓivha Sweet Guluva sa ṋaledzi ya reality show ye ya wina Big Brother Mzansi Season 5.

Nḓuni o sumbedza sia ḽawe ḽa u ṱaṱisana, a wina vhunzhi ha miṱaṱisano ya Friday Game Nights.

Vhukoni hawe ha u imba, u ita mavhudzi a vhaṅwe vhane a dzula navho nḓuni khathihi na vhukoni hawe ha uvha khiriethivu..

Zwo vha zwo naka hani u vhona Guluva a tshi khou shumisa vhuṅwe ha vhutsila uvhu u itela u ḓitshidza nga murahu ha Big Brother!

O swika a bvisa dzi thandela zawe dza muzika dzo winaho, na u shuma na vhahali vha ngaho  DJ Zinhle kha dzinwe dza dzi track dzawe.

Guluva a re na vhukoni vhunzhi o dovha a ita mushumo wawe wa u thoma sa mutambi wa matambwa, musi a tshi khethiwa kha Black Gold, thelenovela ye ya vha i tshi khou hashiwa kha BET Africa.

Vhutsila hawe ho dovha ha ita uri a kunge mbilu dza dzi brende, dzine zwino dza mu fulufhela kha u ita  content.

Hu kha ḓi vha na zwiṅwe zwinzhi kha Sweet Guluva naho zwo ralo, nahone tshifhinga tshoṱhe u bvukulula mbemba ntswa.

U fana na vhana vhanzhi vha vhatukana, lufuno lwawe lwa u thoma lwo vha lu lwa u tamba bola ya milenzhe.

Mafheloni a vhege ṋaledzi ya reality show, mutambi na muimbi o tamba sa mutambi wa vhukati wa Hip Hop FC.

Thimu iyi yo vhumbwa nga vhaimbi vhukati havho ndi Big Zulu, Cassper Nyovest, Donald na vhanwe vhaimbi vhanzhi.

• VHALANI HAFHU: Vhupfiwa ha Sol Phenduka kha  jackpot yo winiwaho

U bva kha content yawe yo phadalalaho kha social media, zwi tou vha khagala uri Guluva o vha e na mutambo wavhuḓi.

O dovha a ṱalutshedza bola ya milenzhe sa lufuno lwawe lwa u thoma.

Nḓivhadzo ya u wina ha jackpot ya PowerBall yo thubaho rekhodo yo sia maAfrika Tshipembe vha tshi khou ṱavha mukosi.

Fhedzi ndi nḓila ye muhashi Vho Sol Phenduka vha amba ngayo ye ya ita uri nyanḓadzamafhungo ya matshilisano i fhise zwa vhukuma.

Mufari wa lothari Ithuba o khwaṱhisedza uri mufari muthihi wa thikhithi o wina tshelede i mangadzaho ya R178,955,240 kha muṱaṱisano wa PowerBall wo farwaho nga Ḽavhuvhili, ḽa 20 Phando 2026.

Muwini wa mashudu o ṱanganya nomboro 2, 3, 16, 17 na 35, khathihi na nomboro ya PowerBall 5, a wana iṅwe ya dzijackpot khulwanesa kha ḓivhazwakale ya mutambo.

Vhatambi vhavhili vho engedzwaho vhe vha ṱangana nomboro ṱhanu vho ṱuwa na R425,827 muṅwe na muṅwe.

Musi dakalo ḽi tshi khou phaḓalala kha inthanethe, vhashumisi vhanzhi vho mangadzwa nga tshiitea tshine tsha shandula vhutshilo.

Muṅwe mushumisi wa nyanḓadzamafhungo ya matshilisano, @Lush_Beauty1, o kovha tshikirini tsha nḓivhadzo nahone a ṅwala uri: “Edzani u humbula u wina tshelede nnzhi nga u rali 😭,”

Fhedzi-ha, muya wa u pembelela wo mbo ḓi shanduka nga u ṱavhanya nga murahu ha musi Sol Phenduka o no amba vhupfiwa hawe.

• VHALANI HAFHU: Enhle Mbali o khwathisedza mbingano ya sialala kha video ya kale

Musi vha tshi fhindula kha poso nga Ḽavhuṋa, ḽa 22 Phando 2026, muthu wa nyanḓadzamafhungo o vhudzisa mbudziso yo ṱanḓavhuwaho ye ya vusa khanedzano khulwane.

“Kha shango ḽine ḽa vha na tshandanguvhoni ngau rali, vha ḓo ṋea 179 million kha muthu zwawe?” a vhudzisa.

Kha nyambedzano ya kale, Enhle Mbali Mlotshwa o amba nga ha mbingano yawe ya sialala na  DJ Black Coffee…

Video ya nyambedzano ya kale ye khayo Enhle Mbali Mlotshwa a khwathisedza uri o malana na Black Coffee nga murahu ha  lobola na  mbingano ya sialala na yo dovha ya phadalala hafhu.

Khayo, mutambi wa matambwa o dovha a amba uri mufarisi wawe wa DJ nga murahu o vha a tshi ṱoḓa mbingano ya vhatshena nga murahu ha mbingano yavho ya mvelele.

Hezwi zwi khou da nga murahu ha musi Dj we a wina pfufho ya Grammy o amba uri ho ngo vhuya a vha kha mbingano ya sialala na mufumakadzi wawe wa kale.

Zwe vha amba zwo ambiwa nga murahu ha musi Khothe ya Ndayotewa yo dzhia tsheo ya ndeme ye ya ḓivhadza uri thendela ine vha khou takalela uri ndaka yavho i languliwe ngayo yo sainwaho nga murahu ha mbingano i sa shumi.

ENHLE URI BLACK  COFFEE O TODA MINGANO YA VHATSHENA
Musi vha tshi khou amba kha mbekanyamushumo ya SABC ya Real Talk, Vho-Enhle Mbali Mlotshwa vho amba nga ha minyanya yavho na Vho-Anele Mdoda.

Mme wa vhana vhavhili o khwaṱhisedza uri o mala Black Coffee kha vhuṱambo ha mbingano ya sialala nga 2011. Naho zwo ralo, o amba uri o vhea phanḓa u vha na haya ha muṱa u fhira u pembelela mbingano ya vhatshena.

Nga murahu ha u fhaṱa mudi wavho wa muloro na u vha kha mbingano ya mvelele, Enhle o amba uri vhavhingani vho mbo ḓi dzudzanya mbingano yavho ya vhatshena.

Musi Anele a tshi vhudzisa arali Black Coffee ndi ene we a vha e murahu ha mbingano ya vhatshena, o fhindula a ri, “Ee.”

Mbingano dza Black Coffee na Enhle Mbali dzo vha nga 2011 na 2017. Ṱhalano ya vhavhingani avha yo fhela ṅwaha wo fhiraho. DJ u khou ita khumbelo ya  khaṱhulo ya ṱhalano.

Afrika Tshipembe ḽi  dzhiela nṱha mbingano dza mvelele dzine dza vha dzi khou amba tshanga ndi tshanu, tshanu ndi tshanga.

• VHALANI HAFHU: Luimbo lwa Rea Gopane lwa AI Suka lo vusa bonyongo

Nga fhasi ha mulayo, u bviswa mamalo vhukati ha miṱa ya muselwa na mukwasha zwi vhumba mathomo a mbingano ya sialala.

Luimbo lwa Rea Gopane lwo bveledzwaho nga AI Suka lwo no vha luṅwe lwa nyimbo dzine dza ambiwa nga hadzo kha tshikhala tsha muzika wa Afrika Tshipembe ṋaṅwaha.

Lwo bviswa nwedzi wo fhiraho, nyimbo iyi yo ṱanganedzwa nga vhafuni vhayo, vhunzhi havho vho i vhidza uri ndi hit.

Fhedziha, u bvelela hayo zwo dovha zwa vusa khanedzano malugana na vhuṱali ha vhubveledzi kha muzika, zwihuluhulu vhukati ha vhaimbi ngae na vhabveledzi.

Nyambedzano yo mbo ḓi ṋaṋa nga Ḽavhuṋa nga murahu ha musi muthu wa nyanḓadzamafhungo Sol Phenduka o amba nga luimbo kha X, a ṅwala uri,

“Luimbo ulwu ndi luhulwane, vhathu vha a lu funa. Mara fhedzi 3 minutes aowa Rea!!!” Zwe a amba zwo ṱavhanya u kunga phindulo dzi bvaho kha maṅwe a madzina mahulwane a nḓowetshumo.

DJ Maphorisa o fhindula nga phindulo pfufhi fhedzi yo livhaho, a ri, “Ndi AI.”

Naho phindulo yo vha i pfufhi, yo vusa u fhindula hu si havhuḓi kha vhashumisi vha inthanethe, vhanzhi vha tshi pomoka mubveledzi uri u a nyadza kana u vha na vivho kha u bvelela ha Rea.

Muimbi Zee Nxumalo na ene o ṱanganela kha nyambedzano, a vusa mbudziso ye ya pfala kha vhashumisi vhanzhi: “Zwino muzika wa AI u a bveledza tshelede na wone?”

Vhunzhi ha phindulo dzo khwaṱhisedza uri zwi a itea, na muṅwe mushumisi o ṱalutshedza uri, “Ee, nahone zwi ḓo bvela phanḓa arali fhedzi vhathu vha tshi khou ṱanganya nyimbo dzo bveledzwaho nga AI kha dzipulatifomo dzi ngaho Spotify.”

DJ wa kale Euphonik o isa phanḓa na u engedza mulilo kha khanedzano nga u fhindula kha poswo ya  Sol Phenduka nga, “Shumisani AI u itela u lu engedza,”

• VHALANI HAFHU: Dawn Thandeka King o vhuyelela kha ‘Isitha: The Enemy’

Phindulo iyo  yo fhandekanya mihumbulo na u dzikusa nyambedzano dzo ṱanganaho na vhusiki, vhuṋe, na vhumatshelo ha u bveledza muzika.