Nga murahu ha u pembelela Spring Day zwo vhangaho khakhathi kha dzidoroboni nnzhi, Sol Phenduka o bvisela khagala mavhonele awe.

Ene, ane a divhea sa muṋe wa radio, o amba uri zwe zwa vha zwi tshi fanela u vha mutambo wa dakalo zwino zwi khou fhela nga tshinyalelo, nyofho na u sa tevhedzwa ha milayo ya nṱha ya vhuthu.

A tshi fhindula zwine Sizwe Dhlomo a zwi amba kha X nga ha vhana vha Johannesburg vhe vha bva nnda ha tshanḓa nga u shela vhahulwane nga madi,

Sol o ri: “Hezwi ndi zwithu zwiswa. Mme anga vho vha vha tshi tshimbila khilomitha dza 5 u bva hune taxi ya vha isa hone musi vha tshi bva mushumoni. Nga miṅwaha ya 18 yoṱhe, a vho ngo vhuya hayani vho nukala nga ḽa 1 Khubvumedzi.”

O dovha a engedza uri zwiito izwi a si zwa mutambo fhedzi, zwi sumbedza vhutshinyi ho engedzeaho.

Maipfi awe o vha o khwaṱha a tshi ri: “Tshitshavha tshashu tshi khou bola nga u ongolowa.” Ngae, zwine zwa khou itea zwino ndi nḓila ntswa ya u sa hulisana na u sa ṱhonifha pfanelo dza vhaṅwe.

Nangoho dakalo ḽi tula u lila. Vhukati ha khakhithi dzedzi ho mbo di bvelela lufu lwa munna wa miṅwaha ya 21, Tshepang Nyathi.

• VHALANI HAFHU : Madzina a Vhavenda a Vhana: zwine dzina ḽa amba

U ya nga mivhigo, o lovha nga murahu ha u shela muthu we a vha a sa tendi u dzhenelela kha mutambo wa madi; hu pfi o mbo di thavhiwa a lovha.

Thembi Nyandeni, ane a divhea sa mutambi wa tshenzhemo khulwane, o no dzhena kha tshigwada tsha ḓirama ya Netflix, *Blood Legacy* Season 2.

Kha season hei, u do tamba MaNdlovu, muthu ane a dzhena kha mafhungo a muṱa wa Ndlovu nga nḓila i re na maanḓa.

Vhuimo uvhu ho  vha hu tshi tambiwa nga Connie Chiume, we a lovha nga ṅwedzi wa Ṱhangule 2024.

Season 2 i bvela phanḓa na tshiṱori tsha muṱa wa Ndlovu musi vha tshi khou lwela u tsireledza Spear Industries.

U dzhena ha MaNdlovu hu ita uri mafhungo a muṱa a pfufhifhale nga maanda, ngauri muṱa u khou sedzana na milingo miswa.

Zwenezwo zwi ita uri nḓila ya tshiṱori i vhe na mutsiko, na zwiphiri zwi tshi thoma u bvela khagala.

Vhatambi vhane vha vhuya kha hei season vha katela Xolile Tshabalala sa Khanyi, Buyile Mdladla sa Mandla, na Mike Ndlangamandla sa Siya.

Hu dovha ha vha na Dineo Rasedile sa Amahle, Anthony Oyesemi sa Akin, Unathi Mkhize sa Njabulo, na Enhle Mbali Mlotshwa sa Gabisile.

Vhane vha dovha hafhu ndi Pallance Dladla, Nandipha Khubone, Wiseman Zitha, Dawn Thandeka King, na Mduduzi Mabaso.

Season 2 i na 20 episodes, nahone i do thoma u sumbedzwa kha Netflix kha mashango oṱhe nga 25 Khubvumedzi 2026.

Tshiṱori tshi thoma ho no fhela miṅwaha mivhili musi Khanyi wanala mulandu nga vhukhakhi kha lufu lwa khotsi awe.

• VHALANI HAFHU : Mirero ya Tshivenda: dzi pfunzo dza Vhutshilo ha Ḓuvha ḽiṅwe na ḽiṅwe

Kha hei season, vhaṱaleli vha do vhona mafhungo a vhutshinyi ha zwa politiki, nndwa dza muṱa, na zwiphiri zwa ngomu ha muṱa wa Ndlovu zwi tshi khou bvela khagala nga nḓila i mangadzaho.

Sydney Seethal, ane a divhea sa murathu wa muwini wa Grammy Tyla, o amba nga tshenzhemo i ofhisaho ye a i wana musi a kha ḓi vha muswa Afrika Tshipembe.

Nga livestream ya zwenezwino , o amba na vhatevheli vhawe nga mafhungo aya, a tshi sumbedza uri tshiwo itsho tshi kha ḓi mu kwama na ṋamusi.

Sydney o humbula musi a tshi khou tshimbila u bva vhengeleni la tsini, munna a lingedza u mu dzhiela founu.

O ri munna o lwa nae nga nungo nahone a mu posa fhasi ndilani.

Nga tshifhinga itsho o vha o fara six-pack ya Coke, nahone o dovha a vhona goloi yo ima tsini, zwine zwa mu ita uri a tende uri vhugevhenga uvho vhu nga vha ho  tou  dzudzanywa.

Naho o vha o tshuwa, Sydney ho ngo litsha founu. O lwa  naho o vha e na miṅwaha ya 18 fhedzi, ngeno muthu we a mu shushedza a tshi humbulelwa u vha na miṅwaha i ṱoḓaho u swika 24 kana 25.

Musi a tshi lavhelesa murahu, o amba a ri, “Ndo ofha nga maanḓa,” nahone a ḓivhudzisa arali u lwa nae zwo vha zwi zwavhuḓi, ngauri zwo vha zwi nga fhela nga nḓila mmbi arali o vha e na tshigidi.

Mafhungo a ya o bvelela musi Sydney a tshi khou vhambedza vhutshilo hawe vhukati ha South Africa na United States.

O ṱalutshedza uri zwiwo zwo nga hezwi zwo ita uri a dzhiele nṱha mbonalo ya tsireledzo ine a i pfa musi a tshi dzula US.

• VHALANI HAFHU:Jo-Anne Reyneke o vhuya kha Generations :The Legacy sa Refilwe 

Izwi zwo bveledza nyambedzano khulwane nga mulandu wa vhutshinyi na nḓila ine vhathu vha fhambana ngayo musi vha tshi dzula mashangoni a sa fani.

Jo-Anne Reyneke u khou vhuyelela kha Generations : The Legacy, a tshi khou vhuyelela kha mushumo wa Refilwe.

Refilwe ndi ṅwana wa musidzana wa Walter Nkaba wa vhufhura na u vha na vhushaka na zwa polotiki.

Ene na khotsi awe vha na vhushaka ho serekanaho, ho vhumbiwaho nga nḓowelo ya Nkaba ya u shumisa ṅwananyana wawe nga nḓila i sa humbeli pfarelo u itela u isa phanḓa adzhenda yawe.

Fhedzi Refilwe o ṱalifha, a tshi ḓihudza, a si na tshilidzi na u ṱoḓa u vha na vhuimo, o aluwa o tingeledzwa nga vhanna vha re na maanḓa nahone o vhofholowa tshoṱhe o fara zwawe shangoni ḽavho.

Sa vhunga o no tshenzhela vhushaka he a vha a tshi vhudzisa uri naa vhanna vha na dzangalelo khae sa muthu kana nga ṅwambo wa tshelede yawe na dzina ḽa muṱa wawe fhedzi, Refilwe o ḓiimisela u ḓiitela nḓila yawe 

Vhuya Na Pulane

Refilwe u ḓifara zwavhuḓi nga u lingana u tshimbila vhukati ha mashango o fhambanaho, u bva kha vho rapolotiki vho ṱumanaho u ya kha zwitshavha zwo ṱahelaho na kha vha zama-zama.

O ṱalifha nahone a tshi amba zwavhuḓi, u pfela vhuṱungu ha vhukuma vhathu vho ḓoweleaho na zwitshavha zwine vha bva khazwo.

• VHALANI HAFHU : U ḓi mvumvusa nga zwithu zwo fhambanaho nga Budzhethe Ṱhukhu

Refilwe o vhetshelwa u vhuisa maanḓa awe. Vhaṱaleli vha nga lavhelela vhuthihi vhu songo lavhelelwaho, u ṱangana hu mangadzaho , vhushaka ho serekanaho na zwithu zwinzhi zwine zwa vha na tshiṱuhu.

Mutshini wa bvumo wa Afrika Tshipembe Limpopo Boy o bvela khagala nga ha vidio ye ya phaḓalala kha zwileludzi zwa vhudavhidzani zwenezwino.

Muthannga uyu ane dzina lawe la vhukuma ndi Robert Matome Thoka, o nea sia lawe la mafhungo musi a tshi khou ita nyambedzano kha Podcast na Chill na MacG.

O lingedza u ṱalutshedza sia ḽawe nga murahu ha vhege nnzhi dza u humbulela.

Zwe zwa bvelela kha nyambedzano ndi zwauri Limpopo Boy uri o rekhoda video a tshi khou di tsireledza.

U amba uri o sedzana na mavharivhari mavhili a u reipa nahone a fhedza o badela tshelede nnzhi u itela u shavha u hweswa mulandu wa vhutshinyi.

Nahone nga ṅwambo wa zwenezwo, zwino u khou ṱoḓa vhuṱanzi ha uri zwezwa itea musi e na mufumakadzi ndi zwa u tendelana.

“Tshiitisi tsha uri ndi rekhode vidio ya zwa vhudzekani na Matshidiso Matilda ndi uri ndi vhe na vhuṱanzi ha thendelo arali ha nga vha na mavharivhari a u reipa,” o ralo.

Tshigwada tshawe tsha vhalanguli tsho no vhuya tsha sasaladza nga maanḓa u bviswa ha vidio iyi, vha tshi ri zwi re ngomu zwo “tswiwa hu si na thendelo”.

Ro dovha ra humbela tshitshavha uri tshi sa i kovhele, na u sa shela mulenzhe kha u phaḓaladzwa hayo.

Vhalanguli vho dovha vha amba uri vha khou shumisana na vhaḓivhi vha zwa tsireledzo ya inthanethe na vhaḓivhi vha mulayo u itela u vhona uri vidio iyi yo phadalala hani.

• VHALANI HAFHU: Mbingano tharu dzi re mulayoni Afrika Tshipembe

Vho dovha vha amba uri vha khou shumisana na dzi social media uri i bviswe.

Muhashi a ḓivheaho, Zanele Potelwa, o vhuya lwa tshiofisi sa muhashi wa Tropika Island of Treasure khalanwaha ya vhu 12.

U vhuya hawe hu khou ḓa nga murahu ha musi o wana tsedzuluso dzavhuḓi kha khalanwaha yo fhiraho, musi a tshi dovha a nangiwa kha SAFTA kha khethekanyo ya Muhashi wa TV wa Nṱhesa.

Vhafuni vha mbekanyamushumo vha do mu vhona a tshi dovha a disa maanda, vhududo na u diimisela zwe zwa ita uri a funwe nga maanda.

Kha ino khalanwaha yo filimiwa  Réunion island, fhethu hu mangadzaho Lwanzheni lwa India.

Mbekanyamushumo i ḓo vha na khaedu dzi konḓaho, zwimangadzo zwi songo lavhelelwaho, na u ṱoḓa tressure zwine zwa ḓo vhea vhaṱaṱisani fhasi ha mutsiko muhulwane.

Hu ḓo vha na khaedu dza muvhili dzine dza ṱoḓa maanḓa na u konḓelela, na khaedu dza muhumbulo dzine dza ṱoḓa tshiṱirathedzhi, u shumisana na u ḓiimisela.

Sveti Kovatcheva,  vho amba nga ha mbekanyamushumo.

O ombedzela uri mbekanyamushumo yo vha i tshi dzulela u amba nga ha “u ḓidzima, u ṱumana na u sika zwifhinga zwi sa hangwei,” na uri Season 12 i isa muya wonoyo kha “vhuimo vhuswa hoṱhe.”

Vho dovha vha ṱalutshedza uri naho Tshiṱangadzime tsha Réunion tshi fhethu hune ha mangadza, ndi vhathu, vhushaka na khaedu dzine dza ḓo ḓisa vhungome ha vhukuma.

Vhaḓivhalea vhane vha khou ṱanganela kha mbambe iyi vha katela Nadia Nakai, Caster Semenya, Francois Hougaard, Leandie du Randt, Sandile Mahlangu, Amanda du-Pont, Lalela Mswane na Wiseman Mncube.

Avha vha ḓo ṱanganedzwa nga vhaṱaṱisani vha fumi-malo vha bvaho kha tshitshavha, vhane madzina avho a ḓo ḓivhadzwa hu si kale.

• VHALANI HAFHU: DJ Tira u pembelela miṅwaha ya 50 a tshi isa dzi ndivhuwo kha lushaka

Tropika Island of Treasure Season 12 i do thoma u sumbedzwa nga Lavhuraru ubva nga dzi 23 khubvumedzi nga awara ya vhusumbe nga madekwana kha SABC 1.

DJ Tira, munna wa muzika wa Afrika Tshipembe, o swika kha tshiga tshihulwane tsha miṅwaha ya 50 nahone a humbula nga mbilu yo takalaho lufuno lwe a lu wana.

Uyu mubiki wa muzika, ane dzina ḽawe ḽa vhukuma ḽi Mthokozisi Khathi, o ṱanganedza milaedza minzhi ya u mu takalela u bva kha vhafuni, khonani, muṱa na vhaṅwe vhaimbi.

Nga murahu ha mulaedza yo dzhenelelaho kha social media, DJ Tira o bvela phanḓa a tshi sumbedza ndivhuwo yawe.

Mulaedza wawe wo a amba uri: “Ndo livhuwa vhukuma kha milaedza aṋu ya duvha la mabebo,” nahone a engedza nga u ri, “Lufuno lwe nda lu wana lwo nkhwaṱhisa nga maanḓa.”

Zwenezwi zwo sumbedza vhushaka hawe ho tiwaho na vhathu vhane vha mu tikedza.

Sa muṋe wa Afrotainment, DJ Tira o ita zwinzhi u fhira u vha DJ fhedzi.

O fhaṱa mushumo u re na mutheo u tiwaho sa muimbi, producer, mubindudzi na muhulwane wa label. U bva tshe a dzhena kha muzika, o thusa u vula minango kha vhaimbi vhanzhi.

U dovha hafhu a dzhiiwa sa muthu wa ndeme kha u alusa gqom na u khwaṱhisa dance music ya Afrika Tshipembe. 

• VHALANI HAFHU: Chery Q Elite i ḓo shandula makete wa EV dzi sa ḓuriho kha ḽino shango

Dzi ndivhuwo dza DJ Tira dzi khwaṱhisedza uri lufuno lwa vhatevheli lu kha ḓi vha maanḓa a nṱha kha lwendo lwawe.

Salif Keita, muimbi muhulwane wa Mali ane a ḓivhiwa sa “Golden Voice of Africa,” o ḓivhadza uri u khou fhelisa maitele awe oṱhe a u imba Afurika Tshipembe.

O ri mbilu yawe yo lemala nga maṅwalo ane a sumbedza u tambudzwa ha vhafalali vha Afurika.

U ya nga ene, musi a tshi vhona vhathu vha tshi pandelwa, ha vhoni zwa politiki, fhedzi ndi vhathu vha no ṱoḓa mushumo, tsireledzo na ndeme.

Keita o dovha a amba uri Afrika Tshipembe yo no mu ṱanganedza miṅwaha minzhi sa “murathu, hu si sa muimbi fhedzi.” Nga zwenezwo, theo iyi yo vha i tshi vhavha.

O humbula na uri ngei nga 1988 o imba Wembley nga nṱhani ha Nelson Mandela, ngauri nndwa ya apartheid yo vha i ya Afurika yoṱhe. Zwino, “nḓila yeneyo ya tshituhu” yo mu ita uri a imise vhutambo hawe henefho.

O vha o lavhelelwa u bvela phanḓa na tshitenwa tsha Manguang African Cultural Festival, tshi ḓo bvelela u bva nga 3 u swika 13 Khubvumedzi 2026.

Mathomoni a ṅwaha, o dovha a kundelwa u dzhenelela Montreux Jazz Festival Franschhoek nga mulandu wa u lwala.

Zwenezwo zwi khou bvelela nga tshifhinga tshine zwigwada zwi ngaho Operation Dudula na March and March zwa khou tshimbidza mikano i lwisanaho na vhafalali.

• VHALANI HAFHU: Bulayo ḽa Zolani Tete ḽo tou dzudzanywa nga vhuronwane

Fulo la u hana vhafalali lo kwama Johannesburg, Pretoria na Durban, ha vhulaiwa vhaṅwe nahone ha tuwisiwa vhathu vhanzhi.

Mashango a ngaho Ghana, Nigeria, Malawi na Mozambique o dovha a fara mushumo wa u humisela vhadzulapo vhawo hayani.