Ri na tshivhalo tsha vhafunani vha bvumo vhane vha vha na dzi podcast na dzi channel dza YouTube.

Mpoomy ledwaba na brenden praise ndi vhone vha khwine kha lifhasi. Platform dzavho dzi amba nga maanḓa nga ha lufuno, muṱa na vhushaka.

Vha Cent Twins na vhone vho dzhena, vha thoma podcast yavho, Married to Twins, ine vha vha khou shumisana na vhanna vhavho.

Innocent Sadiki na Millicent Mashile, vhane vha ḓivhiwa nga vhathu vhanzhi sa Cent Twinz ndi dzi content creators vhane vha ḓivhea vhukuma vho winaho pfufho.

Vha na CettwinzTV, ine ya vha pulatifomo ya inthanethe ine ya sika dzi show, dzi vlog na dzi dokhumenthari.

Vha na vhatevheli vha 445k kha YouTube na vhatevheli vhanzhi kha dziṅwe pulatifomo dza zwileludzi zwa vhudavhidzani .

Vha Cent Twins vho dovha vha wina pfufho nnzhi dzi katelaho pfufho ya Podcast ya khwiṋesa kha pfufho dza ṅwaha muṅwe na muṅwe dza Shining Star Africa,miṅwahani i si gathi yo fhiraho.

Miṅwaha mivhili yo fhiraho, vhavhili avha vho huliswa kha pfufho dza Behind The Scenes.

Vho wina pfufho ya Most Captivating Podcast, nga nyambedzano dzi ṱuṱuwedzaho na dzi re na maanḓa na mavhonele o khetheaho ane a ita uri vhanzhi vha dzule vho ḓifara zwavhuḓi. 

Zwino Innocent na Millicent vho vhuya na iṅqe podcast . Nga hetshi tshifhinga vha do vha vha tshi khou shuma na vhanna vhavho.

U bva kha u shumela zwipikwa zwa vhafunani vhavhuḓi kha zwileludzi zwa vhudavhidzani, muṱa, zwino u ḓo ri isa nga ngomu kha uri ngoho yavho ya vhukuma ndi ifhio.

• VHALANI ZWINWE : MamMkhize u bva mulomo, a vhudza Mpisane uri a yo shuma

“Ola SentFam, 

Ri nga takalela u ni ḓivhadza nga ha ṅwana washu muswa #MarriedToTwins #Podcast zwino i khou sumbeszwa kha YouTube & Puḽatifomo dza Audio,” Millicent o ḓivhadza.

MamMkhize o neta nga u luga: “Ibvani ni shume sa vhanwe vhanna”

Ramabindu wa Afrika Tshipembe ane a dovha a vha mulwela tshitshavha Shauwn “MamMkhize” Mkhize o tshuwa nga murahu ha musi o wana vhurifhi vhu bvaho kha ramafhungo a tshi khou lugisela muvhigo.

Vhurifhi ho amba uri hu na mbilaelo ya u fhura yo ṋekedzwaho nga munna wawe wa kale, Wiseman Sbu Mpisane.

Hezwi zwo itea tshiṱitshini tsha mapholisa tsha Durban North nga fhasi ha CAS 165/10/2026, nga ḽa 15 tshimedzi 2026.

Uya nga ha vhurifhi, mbilaelo i kwama ndaka ine ya khou lweliwa vhukati ha vhenevha vhavhili, ine ya pfi ndi Royal Ranch.

MamMkhize o ri o neta u vhona dzina ḽawe ḽi khou dzheniswa matopeni, nahone a bvisela khagala sia ḽawe.

O amba uri mafhungo aya a si maswa, fhedzi nḓila ye a farwa ngayo yo vha i tshi khou mu vhilaedzisa.

Musi a tshi fhindula, o amba uri ha shumisi nyanḓadzamafhungo u amba luvhi nga ha Mpisane kana u tshinya bvumo ḽawe, nahone ha na ndivho ya u ita nga u ralo nga nḓila ifhio na ifhio.

O dovha a ombedzela uri khanedzano dzi tea u tevhelwa nga nḓila dzo teaho dza mulayo, hu si u ita phosho kha zwileludzi zwa vhudavhidzani. 

• VHALANI ZWINWE : Kaizer Chiefs i fulufhedzisa u vhuya ha Phili

O amba uri mulayo u tea u fhiwa tshikhala tsha u vhea mafhungo khagala, na u tendela vhulamukanyi vhu tshi dzhia vhuimo.

Hezwi, nga zwone zwiṋe, ndi nḓila ya ndeme ya u fhelisa khakhathi hu si na u tshinya dzina.

Muimbi wa neo-soul wa Afrika Tshipembe Lira u khou pembelela miṅwaha ya 20 ya albamu yawe ya vhuvhili i re na ṱhuṱhuwedzo, Feel Good, yo bviswaho nga ḽa 6 Lara 2006.

Albamu yo vha mubvumo u ṱalusaho tshifhinga tsha neo-soul ya Afrika Tshipembe nahone ya shandula vhukuma mushumo wawe wa muzika.

Kha post ya Instagram , Lira o humbula nga ha nḓila ye thandela ya vula ngayo miṋango, ya pwasha mikano na u mu tendela u lora zwihulwane.

O i ṱalusa sa album ye ya shandula vhutshilo hawe na u takusa mushumo wawe u ya kha vhuimo vhuswa.

Lira o dovha a livhuwa muṅwe na muṅwe we a shela mulenzhe kha u bvelela hayo, hu tshi katelwa na vhaṅwali ngae Vho Victor Mngomezulu na Vho ​​Tshepo Sekele, mubveledzi Vho Robin Khol, na Sony Africa kha u tenda khavho.

Musi ri tshi sedza murahu nga murahu ha minwaha ya 20, muimbi o pembelela muzika, zwihumbudzo, ngudo na vhathu vhe vha tikedza album.

• VHALANI ZWINWE : Ndavhelelo dza Paseka Mako kha Chiefs mudi i tshiyo tamba na  Siwelele

O livhuwa vhafuni vhawe kha u ṱanganedza Feel Good na u i ita tshipiḓa tsha vhutshilo havho, a tshi ṱalusa lwendo nga u livhuwa zwi tshi bva mbiluni.

 Somizi Mhlongo o wana thendelano ya khasho na khamphani ya khasho ya Afrika Tshipembe (SABC) kha podcast yawe ntswa, Life Lessons With Somizi, ine ya do hashiwa kha S3.

Mathomoni thandela iyi yo vha yo lavhelelwa u thomiwa kha YouTube nga ṅwedzi wa Khubvumedzi 2026 fhedzi u bva tsheetsho yo wana tshikhala tsha u swikelela vhathetshelesi vhanzhi vha thelevishini.

Somizi, ane a vha mutambi wa matambwa a ḓivheaho, muthu wa thelevishini na radio, u ḓo dovha a shuma sa mubveledzi muhulwane wa podcast, a tshi khou lavhelesa u bveledzwa hayo.

Muṱalutshedzi wa zwa vhuḓimvumvusi Phil Mphela o ḓivhadza mveledziso kha X. Podcast i khou lavhelelwa u sedza kha tshenzhemo dza vhutshilo, u elekanya ha muthu nga eṱhe na ngudo dza ndeme.

Uya nga ha mivhigo, mbekanyamushumo iyi yo vhetshelwa u thoma u sumbedzwa nga dzi 2 dza Lara, u bva nga 18:00 u swika nga 19:00.

Thendelano ya SABC i swaya iṅwe nḓila kha mushumo wa Somizi wa u ḓimvumvusa, une wa katela thelevishini, muzika na radio. 

• VHALANI ZWINWE : Tsengo ya mulandu wa bulayo ḽa AKA na Tibz yo fhiriselwa phanḓa

Zwiṅwe zwidodombedzwa nga ha vhaeni, tshivhumbeo tshayo na khonadzeo ya u vha hone ha YouTube zwi kha ḓi lindelwa.

Khothe khulwane ya Durban yo ḓivhadza u fhiriselwa phanḓa ha tsengo ya bulayo ḽa muimbi Kiernan Jarryd Forbes, ane a ḓivhiwa nga ḽa AKA, na khonani yawe Vho-Tebello “Tibz” Motsoane.

Mulandu wo vha wo lindelwa nga mafulufulu nga tshitshavha, fhedzi thetsheleso yo fhiriselwa phanḓa ṅwaha u ḓaho nga Lambamai 2027.

Tsengo yo thoma mathomoni a Fulwi 2026, nahone muvhuso wo ṋetshedza vhuṱanzi vhu bvaho kha ṱhanzi dzi fhiraho 20.

Vhuṱanzi ho no ṋekedzwaho vhu katela zwifanyiso zwa vidio, datha ya u tevhela goloi, vhuṱanzi ha balistiki, na zwidodombedzwa zwa masheleni. 

Vhatshutshisi vho shumisa zwenezwi zwoṱhe u khwaṱhisa mulandu wa uri vhahumbulelwa vho vha vhe na vhushaka na bulayo na zwiṅwe zwiitea zwi tshimbilelanaho naḽo.

Vhahumbulelwa vha sumbe ndi Lindokuhle Thabani Mkhwanazi, Lindani Zenzele Ndimande, Siyanda Eddie Myeza, Harvey Gwabeni, Siyabonga Gezani na Malusi Dave Ndimande.

Vhenevho vhanna vho sedzana na milandu mihulwane vhukuma: u ita tshikwekwe tsha u vhulaha, milandu mivhili ya u vhulaha, milandu minzhi ya u lingedza u vhulaha, na milandu ya zwigidi na u tswa.

AKA na Motsoane vho thuntshiwa nnḓa ha resturant badani ya Florida ngei Durban nga ḽa 10 Fulwana 2019.

Tshiwo itshi tsho tshuwisa shango lothe na u kunga ṱhogomelo ya mashango a nnḓa, sa izwi vhuvhili havho vho vha vhaḓivhalea kha sekithara dza vhuḓimvumvusi na mabindu.

• VHALANI ZWINWE : Pitso Mosimane u bvisela khagala tsheo ya u sia Mshishi

Mulandu u ḓo vhuyelela khothe nga ḽa 12 Lambamai 2027 nahone u khou lavhelelwa u bvela phanḓa u swika nga ḽa 14 Lambamai 2027.

U swika nga tshenetsho tshifhinga, vhahumbulelwa vhoṱhe vha sumbe vha ḓo dzula vho valelwa.

Mutambi wa matambwa a ḓivheaho wa Afrika Tshipembe Tumisho Masha o ḓiwana e khakhathini khulwane.

Hezwi zwi khou da nga murahu ha musi o pomokwa uri o dzhia tshinepe tsha baḽotho yavho yo swaiwaho nga ngomu ha tshiṱitshi tsha u voutha.

Tshiwo itshi tsho itea nga tshifhinga tsha khetho dza muvhuso wapo, nahone tsho vusa khanedzano khulwane kha zwileludzi zwa vhudavhidzani. 

U ya nga tshitatamennde tshi bvaho kha vha Vhulamukanyi ha Lushaka, Thivhelo ya Vhugevhenga na Tsireledzo (JCPS), Vho-Masha vho shumisa luṱingo lwavho u dzhia tshifanyiso tsha vouthu yo ḓadzwaho.

Izwo zwi khou ṱaluswa sa u pfuka tshiphiri tsha vouthu na u vhulunga tshiphiri tsha vouthu ya muthu nga eṱhe.

Vha JCPS vho dovha vha bvisa tshitatamennde tsha tshiofisi tshine tsha ri: “Mutambi wa matambwa, Tumisho Masha (@TumishoMasha), o pfuka Mulayo wa Khetho wa vhu 73 wa 2019.

Fhungo ilo li do lavheleswa nga vha Gauteng SAPS.

Ri ni humbudza uri zwi dzhiiwa sa mulandu wa vhutshinyi u dzhia zwinepe kana u kovhelana baḽotho yo swaiwaho.”

Nga fhasi ha Mulayo wa Khetho wa 73 wa 1998, vhakhethi a vho ngo tendelwa u dzhia zwifanyiso kana vidio dza mabammbiri avho a u voutha vha tshi bva nga ngomu ha tshiṱitshi tsha u voutha.

Mulayo u shuma nga maanḓa u tsireledza ndeme ya maitele a dimokirasi, nahone muthu ane a pfuka mulayo a nga sengiswa, a lifhiswa, kana a wana rekhodo ya vhutshinyi.

Mapholisa vha Gauteng vha khou pfi vho thoma u shumana na mafhungo aya, zwiko zwa tsireledzo zwiri maitele a milandu ya vhugevhenga o thomiwa.

Izwi zwi khou da nga murahu ha musi Vho-Masha vho rumela mulaedza kha zwileludzi zwa vhudavhidzani vha tshi khou humbela vhadzulapo vha Afrika Tshipembe uri vha shumise vouthu u ḓisa tshanduko kha zwa polotiki.

• VHALANI ZWINWE : Nḓila dzi thusaho u langa na u khwinisa masheleni au

Vha IEC na SAPS vho dovha vha vha vha tshi khou tsivhudza tshitshavha uri dzi mobile phone dzi songo dzheniswa tshiṱitshini tsha u voutha.

Muimbi wa Afrika Tshipembe na mutambi wa matambwa L’Vovo Derrango u khou ṱoḓa u ṋea vhaṱaleli ṱhogomelo ya tsini ya vhutshilo hawe nga mbekanyamushumo ntswa ya thelevishini , Life with L’Vovo.

Nḓivhadzo iyi i ṋea vhatevheli tshikhala tsha u vhona ḽiṅwe sia ḽa mutambi wa matambwa o bebwaho KwaZulu-Natal, ane mushumo wawe kha nḓowetshumo ya muzika wa ita uri a vhe dzina ḽo ḓoweleaho kha zwa matambwa a Afrika Tshipembe.

‘Life with L’Vovo’ i dzhia tshifhinga tsha 8pm

Mbekanyamushumo ntswa yo vhetshelwa u thoma u sumbedzwa nga dzi 26 dza Lara, i tshi dzhia tshifhinga tsha 20:00 nga murahu ha musi ho fhela season ya vhuṋa ya Izingane Zesthembu.

Tshanduko ya mbekanyamushumo i ḓivhadza tshifhiwa tshiswa tsha vhukuma kha vhaṱaleli, na L’Vovo Derrango a tshi dzhia vhuimo ha vhukati.

Naho zwidodombedzwa zwo engedzeaho nga ha tshivhumbeo tsha mbekanyamushumo na vhathu vhane vha ḓo vha hone khathihi na muimbi zwi songo ṋetshedzwa, dzina ḽi sumbedza uri vhaṱaleli vha nga lavhelela u wana nḓivho ya vhutshilo hawe ha muthu nga eṱhe na ha phurofeshinaḽa.

Lwendo lwa L’Vovo Derrango kha zwa u ḓimvumvusa

L’Vovo Derrango, ane dzina ḽawe ḽa vhukuma ndi Thokozani Ndlovu, ndi muṅwe wa vhathu vha muzika vha ḓivheaho vha KwaZulu-Natal.

Vho ṱuwa vha vha na bvumo nga u shela mulenzhe havho kha muzika wa Afrika Tshipembe, nga maanḓa kha tshikhala tsha muzika wa Durban kwaito na house.

Kha minwaha yo fhiraho, o fhata vhatevheli nga muzika wawe, u tamba na vhumuthu hawe vhuhulwane u fhira vhutshilo.

• VHALANI ZWINWE : Botswana ḽo ṱoḓa uri dzhiela mufunwa washu sa ma Africa Tshipembe 

Mbekanyamushumo yawe ntswa  i swaya tshiṅwe tshikhala tsha thelevishini kha mutambi wa matambwa, zwine zwa tendela vhaṱaleli uri vha tevhele lwendo lwawe u fhira kha vhuimo ha muzika.

Shudufhadzo ‘Shudu’ Musiḓa muwini wa Miss SA 2020 u kho dovha a hone kha deal or No deal ya mugivhela uno. 

Tshipiḓa tshi bvaho tsho sumbedza shudu o rwela nga phephuḽu, khathihi na muhashi wa mbekanyamushumo, Katlego Maboe.

Sa mueni kha mbekanyamushumo, Shudu o tangana na khaedu ya u tea u nanga linwe bogisi kha mabogisi a 20 ane avha na tshelede ine ya bva kha R1 u swika kha R250,000.

U tamba u itela u thusa vhashai, muṅwali wa bugu ya vhana u lavhelelwa u isa hayani pfufho khulwane ya Project Flamingo, dzangano ḽi sa shumeli mbuelo ḽine ḽa ṋetshedza muaro wa khentsa ya maḓamu nga u ṱavhanya wo ḓisendekaho kha tshirunzi tsha mulwadze.

Dzangano iḽi ḽi dovha ḽa ṋetshedza thikhedzo yo fhelelaho kha vhalwadze kha sisiṱeme ya mutakalo wa tshitshavha.

“Naa maanḓa awe a fhiriselaho, a takadzaho a ḓo wana mushumo muhulwane kha @projectflamingo_sa?” vhatambi vha show vha vhudzisa.

U bva kha tshipiḓa fhedzi, zwi vhonala zwo ralo. U imba zwine zwa pfala zwi tshi nga ndi nyimbo ya vhana vha vhaivenḓa, Miss South Africa u vhonala a tshi ḓisa tshedza na u ṋetshedza muya wa mafulufulu kha tshiṱeidzhi tsha Deal Or No Deal South Africa.

I vhonala i tshipiḓa tshine tsha fanela u ṱalelwa tshi re na zwifhinga zwi ṱuṱuwedzaho khathihi na zwi takadzaho.

Maboe o engedza mavhonele awe a vhutshilo kha mbekanyamushumo, a tshi sika maanḓa ane a elela nga mvelo.

• VHALANI ZWINWE : Buhlebendalo na Botshelo vha pembelela ṅwedzi Kha Mbingano

Kha vha talele shudufhadzo Musiḓa kha Deal or No Deal kha SABC2 nga 18:00 nga Mugivhela. 

Buhlebendalo na Botshelo vha pembelela ṅwedzi Kha Mbingano. 

Nga ḽeḽi ḓuvha ṅwedzi wo fhiraho Vho Buhlebendalo Mda-Mondi na mufarisi wavho vho Botshelo Mondi-Mda vho malana.

Vhavhingani vho vhofha lufuno lwa tshiofisi nga vhuṱambo ha u saina nga dzi 18 khubvumedzi, ha tevhela vhuṱambo ha mbingano ya sialala nga dzi 26 khubvumedzi 2026, ngei Protea Glen, Soweto, na nga dzi 3 Tshimedzi 2026, ngei Tlhabane, Rustenburg.

Buhle na Botshelo vho tangana nga 2009 ngei Vaal University of Technology .

Vhuvhili havho vha vha dzi khonani vha thoma u funana nga 2019. Nga murahu ha ṅwaha, Botshelo o mboḓi ” proposer” nga tshifhinga tsha u dzhia  vidio ya muzika.

Nga murahu ha nwaha na Buhlebendalo o ita nga u ralo nga ḓuvha ḽa u pembelela mabebo a Botshelo.

Kha vhushaka havho hoṱhe, vho vha vha tshi shumela zwipikwa. Tshinwe tsha zwifhinga zwavho zwa u ḓihudza ndi u wina vhavhingani vha Cutest kha pfufho dza 2023 dza Feather. Zwino vha fhano vha tshi khou pembela u fara nwedzi vha kha mbingano.

• VHALANI ZWINWE : Botswana ḽo ṱoḓa uri dzhiela mufunwa washu sa ma Africa Tshipembe 

“Ṅwedzi wo fhiraho ṋamusi, Tlhabane yo vha i tshi khou lila, ro i vala. Nganea yashu ya lufuno yo pfala kule na tsini nga phalaphala. Miṱa yashu na khonani dzashu dzi tshi pembela na rine.” 

Muimbi wa nṱha wa Afrika Tshipembe na tshigwada tshawe vho tsireledzea nahone vho vhuya hodelani yavho nga murahu ha tshiwo ngei Botswana tshe tsha kombetshedza Khomishini Khulwane ya Afrika Tshipembe ngei Gaborone u dzhenelela.

Muhasho wa Vhushaka ha Dzitshaka na Tshumisano (DIRCO) wo khwaṱhisedza uri nyimele i fhasi ha ndaulo, fhedzi khanedzano ya thendelano ine ya vha murahu hayo i kha ḓi shumiwa.

Muimbi o winaho pfufho ndi Makhadzi. Muthusa Mulanguli Muhulwane wa DIRCO wa Vhudipuḽomati ha Tshitshavha Vho ​​Clayton Monyela vho khwaṱhisedza zwidodombedzwa kha MDN News, vha ri o no dalela Khomishini Khulwane mathomoni, he mafhungo aya a sedzwa hone.

“Mafhungo aya a khou sedzuluswa . O vha e South African High Commission ngei Gaborone matsheloni a ṋamusi.

Ene na tshigwada tshawe vho tsireledzea nahone vho vhuya hodelani yavho. Dzikhakhathi dzi khou sedzwuluswa,” Vho-Monyela vho ralo.

Vhudzheneleli uhu vhu tevhela mivhigo ya zwithu zwisongo tshimbilaho zwavhuḓi ine ya katela muimbi na vhahulwane ngei Botswana.

Naho zwo tavhanya u  langiwa, mafhungo aya  kha ḓi tandululwa.

Makhadzi ane dzina lawe la vhukuma ndi Ndivhudzannyi Ralivhona ndi munwe wa vhaimbi vhane vha funeswa vhukuma fhano Afrika Tshipembe.

Vhatikedzi vhawe vho sala vho vhilaedziswa nga mivhigo, nahone u ḓivhadzwa hu ḓo ḓa sa u vhofholowa.

• VHALANI ZWINWE: Alphi Mkhwanazi O Thoma Podcast yavhuḓi ine ya ṱalusa ndugiselelo dza Mutshato

Zwiṅwe zwidodombedzwa nga ha lushaka lwa khanedzano na vhane vha khou shela mulenzhe zwi kha ḓi ḓo ḓivhadzwa.