DStv i khou sedzana na u sasaladzwa nga murahu ha musi yo bvisa Podcast and Chill kha ndowetshumo yayo,

Vhafuni vhayo vho dinaleaho vha khou khansela u ḓiṅwalisa havho vha tshi khou sumbedza u sa tendelana.

U dzhia vhukando uhu ho ḓa hu tshi khou fhindulwa u sinyuwa ha tshitshavha nga ha ṱhalutshedzo dzi ṱaṱisanaho dzo ambiwaho nga muhashi wa podcast,

Mac G, nga ha vhumuthu ha nyanḓadzamafhungo Minnie Dlamini.

Vhupfhiwa ha munwe mutevheli ho mbo ḓi phaḓalala nga murahu ha musi o kovhelana vhuṱanzi ha u khansela hawe kha inthanethe,

Vha tshi ri, “Sa chiller, ndi khwaṱhisedza uri ndo bvisa @DStv.”

Tshiṱirathedzhi tsha tshivhindi tsho ita na u kunga ṱhogomelo ya muhashi-muṅwe Sol Phenduka,

We a sokou fhindula a ri, “Damn,” a tshi dzumbulula u mangadzwa hawe nga u ḓidina hune ha khou aluwa.

Mugwalabo wo rangwaho phanḓa nga vhatikedzi wo ṱavhanya wa wana ṱhuṱhuwedzo, musi vhatikedzi vhanzhi, vhane vha ḓivhiwa sa “chillers”

Vha tshi posa zwifanyiso  zwa akhaunthu dzavho dza DStv dzo khanselwaho kha nyanḓadzamafhungo ya matshilisano.

Naho vhaṅwe vhaṱaleli vha songo vhilaedziswa nga u bviswa ha mbekanyamushumo, vhaṅwe vhanzhi vho ombedzela uri vha khwine arali vha si na tshumelo,

• VHALANI HAFHU: Sweet Guluva na All Gold kha u manḓafhadza vhaswa vha Afrika Tshipembe

vha tshi sumbedza u fulufhedzea hu sa dzinginyei kha podcast ine ya khou ṱaṱisana.

Translated by Nthaduleni Rolivhuwa.

 

 

 

Naho vho vha vhe muṅwe wa vhaḓivhalea mufumakadzi wa mabindu, Shauwn ‘MaMkhize’ Mkhize

o ngalangala kha ṱhogomelo vhukati ha maṱungu awe na Tshumelo ya Mbuelo ya Afrika Tshipembe (Sars).

A zwi timatimisi uri vhashumisi vha inthanethe vho vha vha tshi khou lingedza u wanulusa nga ha hune MaMkhize a vha hone.

U khou trenda nga murahu ha musi Sars yo vhea kilabu yawe ya bola ya milenzhe, Royal AM, kha thengiso u itela u vhuisa tshikolodo tsha R40 million.

Miṅwahani ya zwenezwino, MaMkhize o kokodzelwa khothe nga ṅwambo wa mithelo na zwikolodo zwi songo badelwaho.

Fhedzi nwaha wo fhelaho, muthelisi o tevhela muhulwane wa mabindu a dzhena kha

nnḓu yawe khulwane ya Durban nga murahu ha musi o kundelwa u tevhedza ndaela dza khothe.

Muthelisi o dzumbulula uri u ṱhaselwa ho vha hu tshipiḓa tsha

‘vhuḓidini hawe ha u lwa na u shavha muthelo na mishumo ya vhugevhenga ine ya dzhiela fhasi ikonomi ya shango.’

Kha u lwa na u ṱhaselwa, Sars na ene o tevhela kilabu yawe, ye ya vha yo ṅwaliswa zwenezwino uri i rengiswe.

 Uya nga ha mivhigo, vhabindudzi vha fhiraho vhaṱanu vho sumbedza dzangalelo kha kilabu.

Vhaṅwe vhathu vha ḓivheaho vhe vha ṋetshedza bidi dzavho vha katela DJ Black Coffee na Muraḓo wa Phalamennde wa MK Party Vho David Skosana.

MaMkhize ha athu bvela vhathuni lwa tshifhinganyana.

Musi vhanzhi vha tshi khou lingedza u ṱumanya dotho nga ha hune a vha hone,

 Vha u gandisa vho vhona uri MaMkhize o vha a siho kha nyanḓadzamafhungo ya matshilisano lwa tshifhinganyana.

Poswo yawe ya u fhedzisela ya Instagram yo vha nga ḽa 8 Phando 2025.

Poswo yawe ya u fhedzisela yo amba nga ha u kundelwa u badela miholo ya kilabu na vhuṱhogwa ha Sars.

Nḓivhadzo ya nyanḓadzamafhungo yo dovha ya ḓivhadza vhatikedzi nga ha thaidzo dza kilabu.

vhalani hafhu: Lufuno lwa vhukuma lwa tshoṱhe’: ndi nnyi Munna wa Natasha Joubert?

• Source: thesouthafrican.com

• Translator: Nthaduleni Rolivhuwa

Gogo Maweni o fhelisa vhushaka ha munna wawe Sabelo Magube na musidzana wawe wa nga thungo o vhifhaho muvhilini.

Rekhodo yo bvaho ya nyambedzano yavho yo no phaḓalala kha nyanḓadzamafhungo.

Kha odio, Gogo Maweni u pfala a tshi khou vhudza munna wawe uri a fhelise vhushaka, a tshi dzumbulula uri u a ḓivha na ḓiresi ya mufumakadzi.

“Mu vhudzeni uri a ni kho toda u vha nae, a ni kho toda u mu vhona, na nne ndi na aḓiresi yawe,… na zwothe zwe na vha ni tshi khou ita nothe zwo fhela,” Maweni o ralo.

odio yo vusa bonyongo kha nyandadzamafhungo vhunga munwe na munwe a kho amba zwone fhedzi.

Muṅwe mushumisi wa X o ṋea vhupfiwa a ri, “ lufarathonga lwawe lwo  vhifha muvhilini. Yoh, ni na tshivhindi. Vheiwe noṱhe  a ni ofhi ndadzi, u tou dzhia munna wa Gogo Maweni?”

Muṅwe o ṅwala uri, “Iyoooooo… Vhafumakadzi vha na tshivhindi vhukuma. Kha vha dzule kule na munna wa hoyu mufumakadzi arali vha tshi ṱoḓa u tshila tshifhinga tshilapfu. Heeee… Vhafumakadzi maar… Ndi vhadzia-khakhathi vha mvelo.”

vhalani hafhu: Mulandu wa u rwa wa Gogo Maweni wo fhiriselwa phanḓa

• Source: faazanews.com

• Translator: Nthaduleni Rolivhuwa

Vho Gogo Maweni ndi ṅanga i ḓivheaho.

 vho dzhena  Khothe ya Madzhisiṱaraṱa ya Protea nga nḓila i mangadzaho, vho fhelekedzwa nga khamera dzine dza khou dzhia zwithu zwothe.

Mutambi wa kha thelevishini, ane dzina ḽawe ḽa vhukuma ndi Makgotso Mofokeng, u khou sedzana na milandu ya u rwa o ḓi imisela u  vhaisa lushushaho muvhili (GBH) zwo iteaho nga 2019.

Musi a tshi swika khothe na tshigwada tsho fhelelaho tsha khamera u bva kha mbekanyamushumo yawe ya  Thokoza Gogo kha Moja Love,

 Maweni o dovha a tikedzwa nga munna wawe, Sabelo Mgube, khathihi na khonani dza tsini na miraḓo ya muṱa.

Naho mulandu wo vha u muhulwane, u vha hone ha khamera zwo vha zwi mavhonywa

Zwazwino vho bva nga beili ya rannda dza zwigidi zwiṱanu (R5,000).

 Vho-Maweni vho ḓivhonadza phanḓa ha khothe sa zwe vha vha vho dzudzanya zwone.

Vho ḓivhadzwa uri mulandu wavho wo fhiriselwa phanḓa nga ḽa 15 Lambamai ṋaṅwaha.

Musi   khothe yo no fhela, tshiṱori tsho ṱanganaho na u vha hone hawe tsho fhela, zwa zwino.

Nga nnḓa ha mulandu wa u rwa wa 2019, ṅanga I yi i dovha ya vha na muṅwe mulandu u sa athu tandululwaho u bva nga 2017.

 Izwo zwo  khwaṱhisedzwa nga Yunithi ya Ṱhoḓisiso ya Milandu ya cold ya Vunḓu ḽa Gauteng.

Musi nndwa dzawe dza mulayo dzi tshi kha ḓi bvela phanḓa, maṱo oṱhe a kha ḓi vha khae.

Na kha zwine zwa ḓo itea kha mulandu wawe u ne wa kha ḓi bvela phanḓa.

vhalani hafhu:Vha maZulu vha khou toda u ṱolwa hafhu ha Shaka Ilembe

• Source: fakazanews.com

• Translator: Nthaduleni Rolivhuwa