Vhataleli vha thelevishini Afrika Tshipembe vha khou lugisela u tutshelwa nga iṅwe ya drama dzo ḓoweleaho, ngauri e.tv yo khwaṱhisedza uri **Isitha: The Enemy** i ḓo swika magumoni nga Lambamai 2027.

Tshiteṅwa tsha u fhedzisela tsho dzudzanywa u bvelela nga 23 Lambamai 2027, nga murahu ha u fhedza miṅwaha miraru yo khwaṱhaho kha tshifhinga tsha prime time.

  U kha ḓi bvela phanḓa nga 20:30 e.tv, zwine zwa amba uri vhataleli vha tshee na tshifhinga tsha u tevhela nyito dzo salaho.

Khamphani yo amba uri nyito iyi ndi tshipiḓa tsha u shandukela kha muelo muswa wa u anetshela mafhungo na u bveledza drama ntswa.

e.tv yo dovha ya ṱalusa **Isitha: The Enemy** sa drama ya “legacy” ye ya sala i yoṱhe kha murafho wa kale wa mapurogiramu ayo.

Helga Palmer, ane a vha Group Head of Content Development & Strategy, o renda ndeme ye dirama ya vha nayo kha lwendo lwa u anetshela mafhungo kha tshititshi itshi na kha thelevishini ya Afrika Tshipembe.

Nga Lambamai 2023, heyi dirama yo thoma u ḓivhadzwa sa muimeli wa **The Black Door**, u tshi sedza kha nndwa dza miṱa, phambano na zwiwo zwi takadzaho.

• VHALANI ZWINWE: Married at First Sight SA na Nḓila Ine ya sumbedza u Funana ha zwino

Zwino, hu tshi tevhela u thoma ha **Season 4** mathomoni a ṅwaha, ho dzhena vhathu vhaswa na phambano ntswa—zwi tshi sumbedza uri hu kha ḓi vha na vhubindudzi naho i tshi khou ya magumoni.

Married at First Sight SA yo thoma u ita nyambedzano khulwane kha inthanethe u bva nga 2024.

Muhumbulo wayo ndi wa uri vhathu vha thome sa munna na mufumakadzi, vha kone u gudana  vho no vhingana.

Fhedzi Season 3 yo thoma nga khakhathi, vhaṱaleli vha tshi sola “experts” — vhane vha katela couples therapists, intimacy coaches — uri a vha khou ita mushumo wavho zwavhuḓi.

Kha season ya u thoma, vhavhingani vhanzhi vho vha vha tshi vhonala vha sa elani, naho hu na vhe vha humbela u dovha vha lingedze.

Mafhedziseloni, mbingano nthihi fhedzi ndi yone yo sala yo ima.

Nga murahu, Khumo na Thabang —  vho fhedza vhe vhoṱhe, vha dovha vha pembelela lobola yavho mathomoni a ino ṅwaha.

Season 2 yone yo dovha ya vha na vhushavhelo na u sa tendelana, naho hu na vhavhingani vhavhili vhe vha vhuyelelana.

Kha reunion, a hu na na muthihi we a sala e kha vhushaka.

Izwi zwo khwaṱhisa mbilaelo dza vhaṱaleli

Season 3 yo dovha ya ḓa na dzikhakhathi: u lwa nga milaedza ya kale, u sa vha hone kha vhushaka, na nyambedzano i kondaho nga zwa vhudzekani.

Musi ri tshi vhambedza na The Ultimatum SA, Love Is Blind, na Love Island, ri vhona mutakalo muthihi: drama nnzhi, fhedzi vhane  vha fhedzisela vhe kha vhushaka a si vhanzhi.

Nga Pew Research (2023), 57% ya Gen Z ya miṅwaha 18–25 yo ri i “vhori vho ḓi khethala uvha single,” vha sa ṱoḓi vhushaka ha casual kana ha tshifhinga tshilapfu, kanzhi nga mbilaelo dza masheleni.

• VHALANI HAFHU : Sol Phenduka u amba nga khakhathi dza Spring Day

Time Magazine yo dovha ya sumbedza uri Gen Z yo neta nga dating apps nahone yo livhisa mbilu kha u ḓithogomela.

Lungelo Dhladhla, ane a vho dzhena zwavhuḓi kha u langula na u bveledza mitambo ya thelevishini, o dovha a vusa dzina ḽa *Soul City* nga tshivhumbeo tshiswa tshine tsha pfi *Soul City: Lets Rise*.

Mbonalo iyi i vhuisa ndeme ya mutambo we wa vha na mutsindo nga miṅwaha ya vho-1990 nga u gudisa nga HIV, nahone zwino i ḓo thoma u sumbedzwa nga Swondaha nga 8 nga madekwana kha SABC1.

Ushuma uyu u khou itwa nga kha khamphani yawe, *Mindset Concept Production*. Lungelo o ṱalusa uri u takalela vhukuma u nangiwa hafhu kha tshikhala itshi.

A zwi vhea nga maipfi a uri: “U dovha nda rekhoda mutambo uyu nga ndila ya musalauno zwi amba zwinzhi kha nṋe.”

O engedza a tshi livhuwa tshigwada tsha bveledziso tshe tsha ita uri hu bvelele vhatamvj vha 13, hu na Adze Ugah, Phehello Mofokeng, Brent Quin na Kgomotso Matsunyane.

Nga ha thikho ya mafhungo, Lungelo u tenda uri vhathu a vha nga fhedzi u lavhelesa u itela u ḓimvumvusa,fhedzi vha tea u bvisa na nyambedzano dza ndeme.

Ndi ngudo yo dzumbamaho kha ḓirama ine ya amba nga vhutshilo ha vhukuma.

Kha zwiitea, hu bvelela vhafumakadzi vhaṱanu vho livhanaho na dzingudo dzo fhambanaho: Pule Buys (Samke), Lufuno Mdau (Rhulani), Bohlokoa Nkalai (Neo), Asibonge Ntuli (Thando) na Neo Malaka (Siza).

• VHALANI HAFHU : Zwiga zwitanu zwa mutsiko zwine vhanna vha anzela u zwi nyadza

Vhane vha lavhelesa vha ḓo vhona nndwa dza vhutshilo, maanḓa, khethululo na u lwela pfanelo nga maṱo a vhabvumbedzwa avho.

Kha Season 4 ya “Izingane Zes’thembu,” yo thomaho nga Ḽavhunṋa, 21 Ṱhangule 2026, hu bveledzwa mafhungo e vhathu vhanzhi vha vha vho no a lindela.

Amahle “MaBiyela” Biyela o khwaṱhisedza nga u tou vha khagala uri o no beba ṅwana na Mpumelelo Mseleku, nga murahu ha miṅwedzi ya u humbulelwa na u kanakana kha vhathu vha social media.

Nga 2025, Amahle o ya live kha TikTok a tshi lingedza u fhelisa mavharivhari a uri u  muimana, na u swika hune a takusela nṱha tshiambaro u sumbedza thumbu yawe.

Naho zwo ralo, mafhungo a vhuimana ho pfi a sa ngo fhela. Mathomoni a ṅwaha, Mpumelelo o vhonala Addington Hospital maternity ward, zwine zwa dovha zwa engedza u humbulelwa ha uri ono beba. 

Kha diary session yawe, Mpumelelo na ene o khwaṱhisedza uri ṅwana ndi mutukana. Hezwi zwi ita uri a vhe na vhana vhaṋa: vhavhili na Vuyokazi Nciweni, na muthihi na Tirelo Kale, nga nnḓa ha muswa  na Amahle.

Kha episode yeneyo, Tirelo o bvisela khagala u timatima hawe nga ha mbofholowo na vhudzulo ha matshelo arali a tshi dzhia tsheo ya mbingano.

“Tshiitisi tshanga tsha u vhinga ndi u vusuludza muṱa wanga. Tsha vhuvhili, ndi kale ndi na Tirelo, nahone a thi ṱoḓi a tshi humbula uri ndi khou mu mala nga ṅwambo wa uri ri na Singabakho [ṅwana wavho].

“Ndi khwine u ima na maipfi anga na u sumbedza uri ndi a mu funa zwa vhukuma,” Mpumelelo o ṱalutshedza. 

Tirelo o dzula a tshi vhudzisa nga ha tsireledzo, fhethu hune vha ḓo dzula hone, na nḓila ine a ḓo vha ṱhogomela ngayo.

• VHALANI HAFHU : Penny Ntuli u amba nga ha u tambudzwa ha vhashumi kha Jozi FM

Vhaṱaleli vha nga tevhela drama iyi nga 20:00 nga Ḽavhuraru na Ḽavhunṋa kha Mzansi Magic. 

Mutambi a divheaho sa Winnie Ntshaba, ane dzina ḽawe ḽa vhukuma ḽa vha Bawinile Ntshaba, u khou humela kha Generations: The Legacy.

U khou humela kha tshiimo tsha Khethiwe Buthelezi.

U lavhelelwa u thoma u vhonala ṅwedzi u ḓaho kha ḽitambywa ḽa Thelevishini ḽine ḽa  tamba nga  8:30 madekwana  kha SABC1.

Muvhigo u ri hu khou lindelwa ndivhadzo ya semmuso ya vhatambi vhaswa nga vhege i tevhelaho, nahone Winnie u hone kha wonoyo mutevhe.

Hu dovha ha bviswa uri o no thoma kale mushumo wa u rekhoda, nahone o no fhedza zwipiḓa zwinzhi.

Nga thungo ya semmuso, Eugene Cele, ane a amba o imela mutambo, ho ngo khwaṱhisedza kana u landula mafhungo.

O ri: “Ndi khou humbela uri ri lindele tshifhinga nyana u swika hu tshi vha na nḓivhadzo i bvaho kha SABC na khamphani ya u bveledza nga ha tshanduko dzine dza ḓo vha hone kha mbekanyamushumo.

Nḓila iyi ya u vhuya i dovha ya humbudza zwe zwa itea nga 2014, musi Winnie a tshi vha wa u thoma kha vhatambi vha 16 vhe vha bviswa kha Generations ya kale.

Murahu dirama yo dovha ya vhuya sa Generations: The Legacy, fhedzi ya thoma nga vhatambi vhaswa vhanzhi.

U dovha ha vhatambi vhahulwane sa Connie Ferguson, Rapulana Seiphemo na Vusi Kunene ho vha mulingo wa u vusuludza ndeme yayo.

• VHALANI HAFHU : Mahlangu u toda u vha na nyambedzano yo dzikaho na Mbuthuma

Zwino u shanduka ha tshifhinga u bva nga 8:00 u ya 8:30 hu sumbedza uri hu kha ḓi itwa maano a u vusuludza vhavhoni.

Mutambi wa matambwa we a wina pfufho Dawn Thandeka King o vhuya nga nḓila i mangadzaho kha Isitha: The Enemy, a tshi dovha a wana mushumo wawe sa Nomcebo.

U vhuya hawe zwi tevhela u khanselwa ha Black Gold nahone zwa mu vhona a tshi vhuyelela murahu kha mubvumbedzwa ane a vha vhukati ha tshiphiri tshine tsha khou bvelela tsho ṱanganaho na lufu lwa Mbuso.

Nga maḓipfele a tshi khou gidima nṱha na mafhungo-ngoho o dzumbamaho a tshi khou tshuwisa u bvelela,

Series i dzhenisa vhaṱaleli nga ngomu-ngomu shangoni ḽo tsitsikanaho ḽa mazwifhi, u ḓivhona mulandu na vhufhura ho vhalelwaho.

Nomcebo ha tambisi tshifhinga na  u doba he a litsha hone; o ḓiimisela u bvukulula mafhungo-ngoho,

O thoma u vhudzisa miraḓo ya vhashumi, a ṱolisisa nga vhuronwane mafhungo avho na u ṱhogomela u hanedzana hu sa takadzi.

U ṱoḓisisa hawe zwi ṱavhanya u ṱungufhadza vhane vha vha na zwinzhi zwine vha fanela u zwi dzumba, zwihuluhulu Zandile, ane a iledza mbudziso nga vhutsila ngeno a tshi khou tsireledza zwiphiri zwine zwa nga fhelisa zwithu zwoṱhe.

U hana u tshuwiswa, Nomcebo o vhuya o ḓiimisela vhukuma, a tshi ṱoḓa u fulufhedzea kha u ṱangana hune ha sukumedzela Chuma kha vhuimo ha nṱha.

Nga ṅwambo wa u ḓivhona mulandu, tshifhaṱuwo tshawe tsho langwaho nga vhuronwane tshi thoma u pwashea musi vhuleme ha zwiito zwawe vhu tshi khou konḓa u konḓelela.

• VHALANI HAFHU: Young Stunna o ṋea mme awe mpho ya goloi ntswa

Musi hu tshi bvelela nyambedzano nga ha u ita mikhuvha ya u hulisa muvhili wa Mbuso, Zandile o mbo ḓi i vala nga u ṱavhanya, zwa ita uri hu vhe na u timatima ho engedzeaho.

Scandal! tsho katela  vhatambi vhahulwane vha  Ḓivheaho

Kanzhi, musi tshitori  tsini na u fhela, mafhungo a fhungudzea nyana, fhedzi a zwo ngo ralo  kha Scandal!.

Nga murahu ha nḓivhadzo ya uri mbekanyamushumo iyi ya thelevishini ya e.tv i tsini na u fhela, zwino i khou ḓa na mafhungo a kungaho vhukuma.

Maḓuvha a si gathi o fhiraho, Scandal! yo sumbedza mutambi wa matambwa a ḓivheaho vhukuma, Camilla Waldman.

O tamba sa Nina Bishop, ramilayo a ḓivheaho ane a vha na mulalo fhedzi a re na vhumuthu ho khwaṱhaho ha u kunda khothe.

A tshi ḓivhelwa maitele o khwaṱhaho na tshivhindi, Nina u shumisa mulayo sa thanda yawe, a tshi ofha uri a hu na muthu kha nndwa yawe ya u kunda, hu sa londwi uri zwi ḓo ḓura lungafhani.

Hu dovha hafhu ha vha na Sonia Mbele, we a ḓivhadza vhege dzo fhiraho uri u khou vhuyelela kha zwa u tamba dzifilimu.

Mutambi wa matambwa a re na vhukoni na ramabindu u tamba sa Mamsie, mufumakadzi ane musi a tshi amba hu dzula hu na vhutsila vhuhulwane, fhedzi nga fhasi ha zwenezwo hu na muthu o ṱalifhaho vhukuma.

U ambara nga tshitaila tsha tshifhinga tsha vho 1990, a tshi khou sumbedza vhuḓifari ha kale, Mamsie o kona u ṱuṱuwedza nga dzi maambele, vhufhura, na nḓila yawe ya u ita zwithu.

Nga fhasi ha lunako lwawe lwa kale, hu na mufumakadzi ane a nga si vhuye a ṱuwa a si na tshithu – thaidzo yo fukedzwaho tshiphirini.

Sa Scandal! tshi khou sendela tsini na u fhela, zwi vhonala vhaṅwali vhayo vha tshi ṱoḓa u i sia sa tshihumbudzo tshihulwane. 

• Vhalani hafhu : Somizi o hanedza uri u khou shavha mafhungo awe na Sheriff

Hune vhukoni ha u tamba na tshiṱori tsho khwaṱhaho zwa ṱangana u itela uri ḽitambya ḽi penye u fhira naho hu lini.

Tshego u tenda uri o vha e muthu o teaho kha u tamba sa Tshepi Kha Scandal!

Zwi tou vha khagala uri hu na vhukoni vhunzhi kha shango.

Muthu u fanela u ḓidzhia o shudufhadzwa vhukuma arali a wana mushumo kha mbekanyamushumo khulwane.

Naho zwo ralo, nga ṅwambo wa u zwi ṱhogomela, arali na ḓipfa ni na vhukoni, fhedzi na dzulela u xelelwa nga zwibuli, zwenezwo zwi nga ni ṱungufhadza.

Tshegofatso Kgwadi ndi mutambi muswa ane a khou bvelela.

O sala o dinalea nga murahu ha musi gig khulwane ya u tamba yo mu fhira.

Tshego o vha o lavhelela u khethiwa sa Tshepi, musidzana o vhifhaho muvhilini kha Scandal!

• vhari wana kha facebook| .facebook.com/profile.php

Mashudu mavhi khae, ha ngo wana mushumo sa izwi wo ya khamuṅwe mutambi wa matambwa.

Tshego u pfa uri o vha a tshi nga ḓisa zwiṅwe zwithu kha mushumo, u itela uri u ṱanganedzee kha vhaṱaleli vha hayani.

O dovha a sumbedza vidio yawe a tshi khou tamba,u sumbedza uri u na vhukoni vhungafhani.

“Ndi khou pfa ndo dinalea vhukuma na u ṱungufhala uri a tho ngo wana mushumo wa Tshepi kha etvScandal e.tv.

“Ndo vha ndo fulufhela vhukuma tshikhala, nahone ndo vha ndi tshi tenda uri ndo vha ndi tshi nga ḓisa vhudzivha na vhungoho kha mubvumbedzwa. ndo ḓiimisela u bvela phanḓa,” o ralo.

Musi vhupfiwa vhu tshi khou dzhena, Tshego o bvisela khagala uri ha na mafhungo na mutambi muswa we a tamba sa Tshepi.

Ahuna zwine a vha nazwo nga nnḓa ha u mu tamela mashudu, kha vhushaka ha vhatambi.

“Ndi khou tou ṱoḓa u zwi bvisela khagala uri ndi khou takalela vhukuma muthu we a wana mushumo wa u tamba Tshepi.

” O fanelwa ngazwo zwa vhukuma, nahone ndi mu tamela mashudu na mushumo wo bvelelaho phanḓa.

• Vhalani hafhu : Bepha ḽa Back to the City na u bvelela ha SA Hip-Hop 

A thi na vivho khae nga nḓila naho i ifhio vhathu vha songo fanela u zwi ṱanganyisa.

Back to the City 2025 yo ṱanganya mirafho, ya pembelela mvelele ya hip-hop ya Afrika Tshipembe na ifa ḽayo ḽine ḽa khou bvelela.

Lwa miṅwaha ya 19, Back to the City yo vha i tshi fhira u sokou vha vhuṱambo, ndi maitele, tshikhala tshine mvelele ya hip-hop ya Afrika Tshipembe ya pembelelwa, ya vhulungwa, na u tendelwa u aluwa.

Vhafuni vha miṅwaha yoṱhe vho kuvhangana Mary Fitzgerald Square, vha tshi khou ṱangana, vha tshi tendela muzika u tshi vha livhisa kha mvula ya tshifhango. Hip-hop hafha a si ya nga ha mutsho, ndi ya mbilu, vhufa, na tshitshavha.

Mulanguli wa vhuṱambo Rashid Kay o dzulela u ombedzela u ṱhonifha midzi ya hip-hop ngeno a tshi ṱanganedza mvelele.

“Ri dzulela u ṱanganedzwa kha tshifhinga tshiṅwe na tshiṅwe na wave ya SA Hip Hop, ngauralo ri linganisa hype na vhungoho.

“Ri ṱanganedza tshipiḓa tshiṅwe na tshiṅwe tsha Hip Hop ri sa xedzi vhungoho na zwine mvelele ya vha zwone.”

Vhuṱambo vhu katela mirafho: “Muṅwe muthu we a vha hone Back to the City a na miṅwahani ya 19, 20, zwino u na miṅwaha ya 39.

“Muṅwe muthu o bebwaho nga tshifhinga tsha vhuṱambo ha u thoma zwino u na miṅwaha ya 19. Vhoṱhe ndi vhathetshelesi vhashu, nahone ro guda nḓila ya u vha ṱhogomela vhoṱhe.”

U lingana uhu vhukati ha vhufa na maanḓa maswa zwi ita uri Back to the City i vhe bugu i tshilaho ya mvelele ya hip-hop ya Afrika Tshipembe.

• vhari wana kha facebook| .facebook.com/profile.php

MINWAHA YA 20 YA HIP-HOP YA PRETORIA
Back to the City yo dovha ya hulisa miṅwaha ya 20 ya hip-hop ya Pretoria, ine ya vha na N’Veigh, Blaklez, Boy Wonder, 25K, Loatinover Pounds, na vhaṅwe.

Sethe dzavho dzo khwaṱhisedza uri u anetshela zwiṱori zwa Cap City, u tamba nga maipfi, na vhurendi ha tshiṱaraṱani zwi khou bvela phanḓa na u vhumba hip-hop ya Afrika Tshipembe.

Back to the City  a si tshiitea tsha ṅwaha muṅwe na muṅwe. Ndi tshiimiswa tsha mvelele tshine tsha aluwa na muzika na u bvelela khathihi na tshitshavha.

Na nga murahu ha maḓuvha, zwilidzo zwi nga fhela, fhedzi mafhungo, zwihumbudzo, na tshenzhelo dzo ṱanganelanaho zwi a dzula zwi hone.

• VHALANI HAFHU: Bassie o bvisa luimbo lwawe luswa “Ubuya nini”

Mvula kana tshedza, dzibara kana dzi beat, Back to the City i kha ḓi vha lwendo lwa mvelele, tshikhala tshine hip-hop ya Afrika Tshipembe ya bvela phanḓa na u tshila, u aluwa, na u bvelela.

SAMA31 yo divhadza vhakhethiwa vha ntha.

Vha pfufho dza muzika wa Afrika Tshipembe vho divhadza vhakhethiwa vhavho vhatanu vha ntha.

Pfufho idzi dzine dza khou pembelela nwaha wadzo wa vhu 31 dzi hone, dzo bvisela khagala madzina a vhaimbi vhe vha bvelela vhukuma kha pfufho dzavho.

Muraḓo wa Bongo Muffin Thandiswa Mazwai, Black Motion, Sjava, Kelvin Momo na mutsila wa Gqom DJ Goldmax ndi madzina mahulwane kha pfufho dza ṅwaha uno.

• vhari wana kha facebook| .facebook.com/profile.php

Kelvin Momo na Sjava ndi vhanwe vha vhane vha khou nangiwa vhe vha vha na nwaha wavhudi nga murahu ha musi vho bvisa dzi album dzavho dze dza tanganedziwa zwavhudi na u funiwa.

Black Motion, na vhone, vho vha na ṅwaha wavhuḓi nga murahu ha musi muraḓo Murda Bongz o ṱutshela tshigwada nahone Problem Child a ṱanganela u isa phanḓa na mushumo wa Black Motion.

Muambi wa pfufho idzi, Vho-Unati Gwija, vho ṱalutshedza nḓila ine mbekanyamushumo iyi ya sumbedza ngayo vhukoni na vhukoni kha tshaka dzo fhambanaho dza muzika.

• VHALANI HAFHU: VW Polo ya Dj Stu yo tswiwaho yo wanala

Hedzi pfufho dzi do farwa nga duvha line la do divhadzwa kha nwedzi u daho wa Lara na fhethu hune dza do farelwa hone.