Muimbi wa Gospel Khaya Mthethwa o swika kha vhuimo vhuswa kha mushumo wawe.

Khaya o bvisa luimbo lwawe lwa u thoma  lwa tshivenda, lune lwa pfi Rividza Vhone.

Vhukando uhu vhu mu swaya sa muimbi ane a bvela phanḓa a tshi aluwa, a sa ofhi u dzhena fhethu huswa, fhedzi a tshi dzula o fulufhedzea kha mulaedza wa thendo na lutendo.

Musi hu tshi ḓivhadzwa luimbo, Khaya o sumbedza u takala hawe nga u renda Murena nga luṅwe lwa nyambo dzavhuḓi dza Afrika Tshipembe.

Kha siaṱari ḽawe ḽa zwileludzi zwa vhudavhidzani , o ṱalusa tshenetshi sa tshifhinga tsho khetheaho kha mushumo wawe wa mafhungo madifha.

Nga maipfi awe: “Holu ndi luimbo lwanga lwa u thoma lwa tshivenda, nahone ndo takala vhukuma u renda Murena nga luṅwe luambo lwavhuḓi.”

Kha luimbo kha Khaya a shumisane na Takie Ndou wa The Encounter.

U ṱangana ha maipfi avho zwi ḓisa mupo wa vhurabeli, thabelo na u fulufhedzea.

Tshumisano yavho i sumbedza uri mafhungo madifha a nga ṱanganya vhathu nga nḓila dzo fhambanaho, hu sa londwi luambo lwavho.

Nga nnḓa ha u bvisa luimbo, Khaya o ṱuṱuwedza vhafuni vhawe uri vha dovha vha ṱalela vidio yo fhelelaho kha YouTube vha i kovhele vhaṅwe.

Kha Rhividza Vhone, Khaya Mthethwa ha sokou engedza luimbo luswa kha rekhodo yawe; ri dovha ra pembelela vhunzhi ha nyambo dza Afrika Tshipembe.

• VHALANI ZWINWE : Cardoso o kaidza u engedzedza khakhathi dza Komphela ngei Wiliete

Mushumo uyu u khwaṱhisa muhumbulo wa uri muzika ndi tshiṅwe tsha zwithu zwine zwa ṱanganya vhathu, u fhaṱa fulufhelo, na u takusa thendo nga nḓila i tshilaho na i re na ndivho.