Vhukonani kha vhathu, vhu anzela u vha na khaedu. Zwi tou vha zwivhi musi vhathu vhanzhi vhe tshipiḓa tsha tshigwada tsha vhukonani.
Hezwi ndi zwine zwa khou itea zwino kha influencer Smokey Mirror, Mologadi na Paballo.
Vhenevha vhararu vhane vha vha tsini vhukuma, zwino vha wana vhukonani havho vhu tshi khou senguluswa nga vhatevheli nga murahu ha zwithu zwo iteaho zwenezwino.
Smokey na Mologadi – Ndi kale vha vhangana vha fhedza tshifhinga vhe vhothe, vha ita zwithu zwinzhi vhe vhothe.
Paballo o mbo ḓi dzhena kha tshifanyiso na vhanwe vha vhona uri o sendelesa tsini na Mologadi .
Vhuvhili havho vho vha vha tshi khou vibe vhothe , vha tshi ya kha zwiitea zwo fhambanaho sa dzi besties, vha tshi ya kha dzi vacation, vha tshi khou pembelelana.
Nga zwenezwo, vhatevheli vhanzhi vho pfa uri Smokey o valeliwa nga nnḓa. Vho mu pfela vhuṱungu musi a tshi thoma holodei ya ḓuvha ḽa mabebo e eṱhe ngei Cape Town.
Zwithu zwo vhifha maḓuvhani a si gathi o fhiraho nga murahu ha u pembelela ḓuvha ḽa mabebo ḽa Mologadi’s Met Gala.
Vlog yawe yo vhanga dirama sa izwi Smokey Mirror a songo dzhena kha vlog, naho o vha e hone phathini.
Vhatevheli vha mbo ḓi ḓela Mologadi kha tshipiḓa tshawe tsha u ṋea vhupfiwa, vha ri o katela Paballo fhedzi hu si Smokey.
Vho dovha vha kovhelana zwiitea zwo fhiraho, hune zwa vhonala unga Smokey o ṱungufhadzwa.
Smokey o mbo di imelela khonani yawe, a ri Mologadi a si ene we a edit vlog ene mune, o thola muthu ane a dzhia video.
O amba uri u a zwidivha uri Titus o vha a sa do posa video yeneyo arali o vha o zwi vhona uri Smokey ha ngo katelwa.
Hezwi a zwo ngo thusa kha nyimele, sa vhunga u semiwa ha Mologadi na Paballo zwo ṋaṋa.
Zwino khonani tharu dzo bvisa vidio yo ṱanganelaho, dzi tshi khou amba nga ha eneo mafhungo.
Vhothe vha a tendelana uri zwithu a zwi nga nḓila ine zwa vhonala zwone kha tshitshavha. Mologadi o dovha a humbela pfarelo nga ha nḓila ye vidio ya editwa ngayo.
