U bva kha u vha ṋaledzi u ya kha shengela , mutambi wa kale wa ‘Generations’ u amba nga ha u shengela hawe zwi tshi bva mbiluni.

Mutambi wa kale wa Generations Vho-Thabiso Mokhethi vho bvisela khagala uri vho vha vha tshi khou tambula hani nga u vhea zwiliwa kha tafula yavho nga murahu ha musi vho no bva kha mbekanyamushumo.

Thabiso o ita thoho dza mafhungo nnzhi nga maḓuvha awe, Generations o vha a tshi khou tamba tshipiḓa tsha Samuel.

Nga eneo maḓuvha, Thabiso o vha a tshi wana tshelede nnzhi vhukuma nahone a renga goloi nnzhi dza vhuimo ha nṱha.

O vha a tshi tshila vhutshilo vhu ḓuraho, fhedzi zwithu zwo shanduka,

 O ṱangana na zwinzhi nga murahu ha musi o no ṱutshela mbekanyamushumo.

Kha nyambedzano, Thabiso o ṱalutshedza nḓila ye a lwisana ngayo nga murahu ha u xelelwa nga mushumo wawe.

O amba tshifhinga tshilapfu nga ha u rengisa thundu dzawe dzoṱhe, dzi ngaho goloi, na nga ha u tambula  u wana zwiḽiwa.

O tenda a ri: “Zwo ita uri ndi ḓipfe ndi si tshithu.

“Musi hezwo zwo dzhiiwa, ndo vha ndi sa divhi uri ndi nnyi.

“Ho vha hu na zwifhinga zwe, sa munna a sa shumi, nda vha ndi sa koni na u badela Uber. Tshiṅwe tshifhinga, ndo vha ndi si na zwiḽiwa zwa u ḽa,” o dzumbulula.

“U bva kha vhuimo vhune nda nga kona u ṱhogomela muṱa wanga na u ḓitika nga vhaṅwe nga u ṱavhanya zwo vha zwi philisi i vhavhaho. Ndi a zwi ḓivha uri hezwi ndi ngoho kha vhathu vhanzhi, fhedzi heyi ndi nganea yanga,” o ṱalutshedza nga vhuḓalo nndwa dzawe.

• VHALANI HAFHU:‘Ndo dzhia tsheo ya u litsha’: Mutambi wa kale Abdul Khoza

Source: thesouthafrican.com

Translator: Nthaduleni Rolivhuwa

Muimbi a ḓivheaho  Cassper Nyovest u khou ṱoḓa u ita ḓivhazwakale hafhu nga murahu ha mutevhe wa zwiitea zwa “Fill Up” zwe zwa itea miṅwahani ya zwenezwino.

“Fill Up” ya 2015 yo vha tshipiḓa tsha u thoma tsho bvelelaho, na muṅwali wa nyimbo wapo na mutsila wa u thoma u ita nga u ralo hu si na nyito ya dzitshaka.

Zwino, u ḓisa khonsathi yawe yo khetheaho ya “Fill Up” .

Zwa zwino, vha khou ḓisa khontsathi yavho yo khetheaho ya “Fill Up” ngei Tshitediamu tsha Toyota ngei Bloemfontein, Free State, nga Khubvumedzi ṋaṅwaha.

Khontsathi iyi yo no vha tshiga tsha u bvelela kha nḓowetshumo ya muzika wa Afrika Tshipembe.

Nahone Nyovest o no vha muthu a sa anzeli u wanala musi zwi tshi ḓa kha u sukumedza mikano.

Show yawe ya 2015 kha The Dome yo vha i tshi khou shandula mutambo, zwi tshi khou sumbedza uri mutsila wapo a nga kunga vhathetshelesi vhanzhi a sa ḓitiki nga thikhedzo ya dzitshaka.

Zwino, u khou isa maanḓa ayo Bloemfontein.

VHALANI HAFHU : Mbekanyamushumo ya MacG i tea u khanselwa.

Vho Cassper Nyovest vho ṱalutshedza uri vho pfa tshililo tsha vhathu vha Free State nahone vha ḓo ita ḓivhazwakale i sa hangwei ngei Tshitediamu tsha Toyota ngei Bloemfontein, Free State, nga Khubvumedzi ṋaṅwaha.

• Source: Sowetan.co.za

• Translator: Nthaduleni Rolivhuwa

Macgyver Mukwevho, ane a divhea nga dzina la MacG, u kha mafhungo hafhu nga murahu ha musi o amba zwithu zwi sa takadzi nga ha Minnie Dlamini kha mbekanyamushumo yawe.

MacG u khou sukumedzela thengiso ya bugu yawe vhukati ha khanedzano.

Macgyver zwazwino u khou ita thoho dza mafhungo kha nyanḓadzamafhungo ya matshilisano nga zwe a amba nga ha Minnie Dlamini kha nyanḓadzamafhungo ya matshilisano.

MacG o amba uri tshiitisi tsha uri Minnie Dlamini a vhonale a sa koni u vhulunga munna tshi nga vha uri thaidzo I kha vhudzimu hawe.

MacG o amba uri hu  na zwine zwa khou khakhea kha Minnie Dlamini; Nahone o vhudza mushumisani nae uri hedzi tshaka dza thaidzo dzi itea kha vhathu vha vhafumakadzi.

MacG o isa phanda na u talutshedza uri zwi anzela u itea kha vhathu vhanzhi vho nakaho.

Nga ṅwambo wa zwine a amba, Macgyver o wana phindulo dzi si dzavhuḓi nga vhashumisi vha nyanḓadzamafhungo ya matshilisano.

Huna vhane vha khou vhidzelela uri mbekanyamushumo ya MacG i fheliswe.

Kha avho vhathu hu na Moja Love TV.

Tshiṱitshi tsho sasaladza Macgyver, tsha ri misogyny muyani a i vhaisi vhathu vhane ya vha livhaho fhedzi, fhedzi i dovha ya isa phanḓa mvelele I si yavhuḓi ine ya nyadza vhafumakadzi.

Vhukati ha zwoṱhe hezwi, MacG o ḓiṋea tshifhinga tsha u rengisa bugu yawe, ine ya vhidzwa: The Rise of MacG.

Bugu iyi yo sikwa u sa pembelela fhedzi nyaluwo khulwane ya podikhasithi na lwendo lwa Macgyver,

Fhedzi yo dovha ya itelwa u ṋea vhahashi vhoṱhe vhane vha khou ṱoḓa u vha vhahashi na vhapodikhasiti ndivho ​​i pfalaho ya nethiweke na muthomi wayo.

• VHALANI HAFHU:Gugu Gumede O Takadzwa Nga Mvelelo Dzawe Dza U Fhungudza Muvhili.

Miṅwedzi i si gathi yo fhiraho, MacG o ḓivhadza uri bugu iyi zwino i a wanala kha maṅwe mavhengele a dzibugu.

Samusi o shumisa tshelede nnzhi kha u gandisa, zwino u khou shumisa yeneyo bugu, a tshi humbela vhavhali uri vha renge dziṅwe kopi.

• Translator: Nthaduleni Rolivhuwa

Gugu U vhukati ha vhaḓivhalea vhe vha ṱanganedza u ita muaro wa u ḓiṱanzwa, nahone o takala nga lwendo lwawe.

Gugu Gumede, ane a ḓivhelwa muvhili wawe wo khwathaho o dzhia tsheo ya u dzhia muvhili wawe nga mbekanyamushumo i shumaho ya u fhungudza muvhili.

U fana na vhafumakadzi vhanzhi, mutambi wa matambwa a re na vhukoni o ṋaṋa u khwaṱha nga murahu ha musi o no litsha u mamisa.

 Gugu o vha a sa takaleli tshiimo tshawe, zwihuluhulu ngauri zwino zwo vha zwi tshi vho vha khombo kha mutakalo.

 O mbo ḓi ita muaro wa vertical sleeve gastrectomy nga Ṱhangule 2024.

Gugu o ita mushumo wonoyo ngauri o vha a tshi ṱoḓa u fhungudza zwiḽiwa zwe a vha a tshi khou zwi ḽa.

 O mbo ḓi fhungudza  30kg nga miṅwedzi mivhili fhedzi nga murahu ha maitele.

Musi vhanwe vha vhafuni vhawe vha tshi funa zwe avha a zwone kale,

Gugu u takala nga tshivhumbeo tsha muvhili wawe wa zwino.

 Zwa zwino o isa kha social media a tshi khou sumbedza muvhili wawe muswa wo nakaho.

 Gugu o vha a tshi khou ḓihudza nga mvelelo, nahone o vha a tshi ḓihudza nga tsheo ye a i dzhia ya u shuma kha muvhili wawe.

O dovha a livhuwa vha Hermes Clinics ubva ngei Turkey, vhe a tshimbila navho lwendo ulu.

• Vhalani hafhu:Thabo Mkhabela u ḓo tamba kha ḽitambywa ḽa Isitha: The Enemy

“Ndo takala vhukuma uri ndo dzhia tsheo ya u sa ḓiṱutshela!

Source: youthvillage.co.za

Translator: Nthaduleni Rolivhuwa

Mutambi wa kale wa matambwa a Muvhango Buhle Samuels u khou vha itela thoho dza mafhungo nga murahu ha musi o vulelwa mavharivhari a vhufhura khae.

Mutambi wa matambwa a re na vhukoni u khou pomokwa vhufhura na u ita zwithu zwa vhufhura malugana na SUV ya Porsche yo ṱambaho.

 Goloi ine ya khou ambiwa nga hayo yo ṅwaliwa kha social media sa tshifhiwa tsha ḓuvha ḽa mabebo tshe a ḓiṋea tshone.

Nga Ḽavhuraru, mutambi wa kale wa Muvhango o ḓivhonadza khothe ya madzhisiṱaraṱa wa Alexandra.

 Khothe yo thetshelesa uri mutambi wa matambwa o ita zwiga zwa vhufhura na u ita maṅwalo a khamphani u itela u wana goloi i ḓuraho.

Mutambi wa matambwa wa Kings of Joburg o posa goloi ine ya khou humbulelwa nga Ṱhangule 2024.

O ṅwala fhasi ha poswo “mpho ya u ṱavhanya ya ḓuvha ḽa mabebo. U bva kha nṋe u ya kha nṋe.”

 vhafuni vho vha vha tshi khou tenda uri ndi u renga ha phuraivethe.

 SUV ya Porsche ya sleek zwa zwino i khou farwa sa vhuṱanzi ngeno ṱhoḓisiso dzi tshi khou bvela phanḓa.

Mafhungo a uri vha muhasho wa mulayo vho i dzhia. Uya nga vha muhasho wa vhutshutshisi wa lushaka (NPA), Vho-Samuels vha do ḓivhonadza khothe nga ḽa 16 Lambamai.

U lwa na mivhigo iyi, Buhle Samuels ubva tsheetsho o kovhelana tshiṱori tshawe. Musi vha tshi amba na siaṱari ḽa zwisolo ḽi ḓivheaho, Maphephandaba, mutambi wa matambwa o amba uri mavharivhari aya ndi mazwifhi.

O dovha a ṱhogomela uri a nga si kone u kovhelana zwidodombedzwa zwo engedzeaho ngauri mafhungo o vha o no vha khothe.

• Vhalani hafhu:‘Roṱhe nga lufuno’: Nga ngomu ha mbingano ya  Anele Mdoda

Samuels o dovha a sevha vhane vha khou phaḓaladza mafhungo nga hae uri vha litshe u ita nga u ralo.

Vho Anele Mdoda na mukololo wavho wa muxhosa, Vho Bonelela Buzza James, vho pembelela vhuthihi havho ha mvelele vhu mangadzaho mafheloni a vhege.

Vho Anele Mdoda na Vho ​​Bonelela Buzza James – vhane vha ḓivhiwa lwa tshiofisi sa Mukololo Vho Bonelela Ngubengcuka ka Mgudlwa – vho no vha vhathihi lwa tshiofisi nga murahu ha u ṱangana hu mangadzaho mafheloni a vhege.

Vhuṱambo ha ma Xhosa vhune ha ḓivhiwa sa Ukwamkelwa kwabakwenyana – ndi vhuṱambo ha miṱa mivhili i tshi khou fhedzisa nyambedzano dza lobola.

 I ranga phanḓa vhuṱambo ha sialala na ha tshitshavha.

Kha tshitatamennde tsha nyanḓadzamafhungo, Vho-Anele Mdoda vho khwaṱhisedza u ṱangana havho na Vho-Bonelela Buzza James, Mukololo wa VhaXhosa vha bvaho kha lushaka lwa AmaThemba.

Vhavhingani vho pembelela nyambedzano dzavho dza labola dzo bvelelaho vho tingeledzwa nga khonani na muṱa fhethu ho nakaho.

muambeli wa muṱa Sizwe Dhlomo o ri: ‘Ri tamela mashudu avha vhathu vhavhili vha sa tendisei vhuthihi vhu sa fheli, ho ḓalaho lufuno na u ḓadzea. Ri lavhelela luṱa lu tevhelaho lwa vhuṱambo havho, sa izwi ho vha hu vhukando ha u thoma fhedzi.

“Kha mvelele ya Afrika, ri a zwi ḓivha uri mukwasha ha vhuyi a fhedza u bvisa ya mamalo, fhedzi ri a takala uri Mgudlwa Royal House ya Muvhuso wa Abathembu yo hulisa ooHlathi kha u ṱanganya avha vhavhili, kha maitele aya a mvelele a ṱhonifheaho”.

• Vhalani hafhu: Dineo Ranaka O Thoma Mbekanyamushumo Ya Nyambedzano.

U ya nga Vho-Anele Mdoda, zwo vha zwi zwa ndeme uri vhuṱambo vhu sumbedze “mikhwa yavho i fanaho, yo ḓalaho mvelele”.

Kha shango line dzi podcast dza khou ḓivhea vhukuma, Dineo Ranaka u khou dzhia nḓila yo fhambanaho.

O ri vhuisa murahu kha maḓuvha a kale, nga mbekanyamushumo yawe ya nyambedzano.

Muhashi wa mafhungo wa kale, ṋaledzi ya reality TV, DJ na ramabindu u tsini na u thoma mbekanyamushumo yo lavhelelwaho vhukuma ine ya vhidzwa  Dineo Ranaka Show.

Sa zwe thoho yayo ya sumbedza zwone, DRS i amba nga ha vhungoho, u sa ṱhogomela, na ndeme.

Mbekanyamushumo iyi i ḓo haseledza nga ha mafhungo a vhukuma na mafhungo ane a kwama vhunzhi ha vhathu.

Vhaṱaleli vha nga lavhelela vhaeni vho fhambanaho, vhane vha penya sa vhahali vha sa ḓivhei.

Hu ḓo dovha ha vha na vhaḓivhi vha bvaho kha masia o fhambanaho, khathihi na vhaḓivhalea vha ḓivheaho.

Nga heyi platform, Dineo u khou toda u dzinginyisa tshiimo tsha YouTube na u diitela dzina sa muhashi wa mbekanyamushumo ya nyambedzano.

Zwazwino, u khou ṱoḓa vhaḓivhadzi na dzi brand dzine a nga shumisana nadzo.

• Vhalani hafhu:Boity u humbula makhulu wawe vho lovhaho.

Dineo Ranaka u do thoma u sumbedza mbekanyamushumo iyi nga Musumbuluwo wa dzi 28 dza Lambamai 2025 kha YouTube nga 4:00 PM.

U dovha a vha kha u ṱoḓa vhufarisani u itela uri mbekanyamushumo i dzule yo khwaṱha:

“Tshenzhemo yanga ya khasho ya radio i ḓo nnyita uri ndi vhe vhuimoni havhuḓi hune ha vha na mbuelo,” o ralo.

“Ndi tama u fhaṱa bvumo sa muṅwe wa vhahashi vha mbekanyamushumo dza nyambedzano dza khwine. Nṱha hengei na vho Felicias, Noleens, Ellens, na Oprahs vha ḽifhasi.

Boity Thulo u humbula makhulu wawe vha funwaho, a tshi swaya ṅwaha muthihi u bva tshe vha lovha.

Boity, we a vha a tshi ḓivhea nga u vha na vhushaka ho khetheaho vhukuma na makhulu wawe, o isa kha nyanḓadzamafhungo ya matshilisano u hulisa muhumbulo wawe. Ndi do dzulela u vha elelwa.

Lufuno na vhushaka ha tsini he vha vha vhe naho zwo vha zwi tshi vhonala tshifhinga tshoṱhe, kanzhi zwo vha zwi tshi ṋokisa mbilu dza vhafuni.

O posa mutevhe wa zwinepe zwavhuḓi zwavho vhe vhoṱhe, zwi tshi khou tshimbila na ṱhalutshedzo i kwamaho mbilu:

“Ṅwaha woṱhe ndi si na inwi.  Ndi a fulufhela uri no takala u fhira vhoṱhe vhe na vhuya na vha navho ngei Ṱaḓulu, Lelo. No vha ni muruṅwa tshifhinga tshoṱhe kha ḽifhasi, zwino no kona u fhufha nṱha na lushaka lwaṋu nṱha hune na wela hone. U swikela ri tshi dovha ra tangana hafhu, makhulu wanga.

U hulisa hawe ho ṱavhanya u wana milaedza i takadzaho ya thikhedzo na u pfela vhuṱungu u bva kha vhatevheli vhe vha vha vha tshi takalela vhushaka ho khwaṱhaho he a vha e naho na makhulu wawe.

Vhalani hafhu:Tshiitisi tshau fhambana ha Dr Brian na Minnie.

• Source: fakazanews.com

• Translator: Nthaduleni Rolivhuwa

Dokotela wa plastic surgeon wa Afrika Tshipembe Dr. Brian Monaisa vho bvisa tshitatamennde vha tshi khou fhindula mavharivhari ane a khou phaḓalala nga murahu ha musi vho fhambana na Minnie Dlamini.

Vhavhili avha vho vha vha tshi kha ḓi tou bva u bvela khagala nga ha vhushaka havho ha lufuno, zwe zwa vusa nyambedzano khulwane kha inthanethe.

Fhedzi hu sa athu fhela tshifhinga tshilapfu, ho mbo ḓi bvelela mivhigo ine ya ri vhenevha vhavhili vho fhandekana.

Naho tshiitisi tsha vhukuma tsha u fhandekana havho tshi songo bviselwa khagala, mafhungo o mbo ḓi phaḓalala nga u ṱavhanya kha,

 vhaṅwe vhashumisi vha tshi khou pomoka u sa fulufhedzea sa tshiitisi.

Musi vha tshi khou amba nga ha mavharivhari aya kha poso ya nyanḓadzamafhungo ya matshilisano, Dokotela Brian o hanedza nga ho khwaṱhaho zwe zwa ambiwa nahone a sumbedza mbilaelo nga ha khonadzeo ya u tshinyadza tshirunzi tsha Minnie kha tshitshavha.

“Ndi ṱhogomela nga u ṱungufhala huhulwane uri gurannḓa ya tabloid yo gandisa athikili i si yavhuḓi malugana na zwiitisi zwa uri vhushaka hanga na Vho-Minenhle Dlamini vhu fhele. Athikili, sa zwine ya zwi tenda, yo thewa kha mavharivhari nahone i kule na mafhungo-ngoho. Tshirunzi tsha Dlamini kha nyimele dzine mavharivhari a vha a si na ngoho,” vho ṅwala.

O phetha nga u bvisela khagala lushaka lwa u fhandekana havho:

“Ndi nga ṅwambo wa zwenezwi zwine nda vhona zwo tea u dzudzanya rekhodo. Nṋe na Vho-Dlamini ro vha ri na vhushaka havhuḓi he ha fhela nga ṅwambo wa zwiitisi zwa muthu nga eṱhe, zwine zwa vha zwi si na vhushaka na u sa fulufhedzea ha muthu nga eṱhe. Naho vhushaka hashu ha lufuno ho no fhela, hu kha ḓi vha na ṱhonifho vhukati hanga na Vho-Dlamini.”

• Vhalani hafhu:Vho Shephard Bushiri o khoḓa vho Floyd Shivambu.

Source:fakazanews.com

Translator: Nthaduleni Rolivhuwa

Kha sevisi ya Paseka, muporofita ane a ḓivhidza Shepherd Bushiri o khoḓa muṅwaleli muhulwane wa UMkhondo weSizwe Vho Floyd Shivambu.

Miṅwahani ya zwenezwino, sevisi dza Paseka dza Bushiri dzo ṱavhanya u vha tshiṅwe tsha zwiitea zwihulwanesa zwa kereke Enlightened Christian Gathering(ECG).

Vhunzhi ha vhathu vha ḓivheaho na vhorapolotiki u mona na ḽifhasi vho dzhenela Tshumelo dza Paseka dza ṅwaha muṅwe na muṅwe,

Hune Shivambu a vha muṅwe wa vhahulwane vhe vha dzhenela tshumelo ya zwenezwino ngei Malawi.

Mafhungo a madalo awe a zwi timatimisi uri o fhandekanya maAfrika Tshipembe hayani,

Na madzangano a polotiki o vhalaho na vhaofisiri vha muvhuso vha tshi khou kovhelana mihumbulo yavho.

Vhaṅwe vho ṱanganedza Shivambu nge a dalela kereke ya Bushiri vhukati ha thaidzo dzawe dza mulayo hayani.

Vho-Bushiri vho ana uri a vha nga vhuyi Afrika Tshipembe naho vho ṋewa ndaela ya u humiselwa shango ḽavho.

Vhanzhi vha fulufhela uri khaṱulokwayo i ḓo shumiswa, nahone madalo a Shivambu a ṋea tshiṅwe tshifanyiso tsha milayo yawe ya zwa polotiki murahu hayani.

O mu ṱanganedza nga vhulenda sa “Muṅwe wa vhanna vhahulwane na vha mangadzaho vhane nda vha ḓivha vhane vha funa Afurika na u tikedza mafhungo a Afurika.”

Vho-Bushiri vho engedza nga uri: “Vhanna vha ngaho Vho-Floyd vha tenda kha u tikedza vhathu ngavho vha Afrika na u ṱuṱuwedza vhane vha khou ita zwavhuḓi. Ndi a takala vhukuma u vha na muthu a ngaho ene Afrika Tshipembe na kha dzhango.”

Fhedzi kha Facebook, Vho-Bushisri vho ṅwala uri, “Ndo takalela u ṱangana na Vho-Floyd Shivambu!Fiḽosofi yavho ya uri vhathu vhatsu vha tikedzane yo pfala vhukuma.

• Vhalani hafhu :U pembelela Paseka u mona na Afrika Tshipembe.

”Zwi ṱungufhadzaho ndi uri vhaṅwe vha kha ḓi rengisa vivho na zwithu zwi si zwavhuḓi, vha tshi vhidza vhathu vhatsu vho bvelelaho sa ‘vha re na vhuaḓa’ nahone vhane vha ṱoḓa ṱhoḓisiso, ngeno vha tshi khoḓa vhathu vhatshena sa ‘vhabindudzi.’ A si Pan-Africanism; ndi vivho.”