Mufunzi Vho-Benjamin Dube vha kha ḓi tou bva u khwaṱhisedza u ṱuwa havho kha spirit of praise.

Hetshi ndi tshigwada tshi ḓivheaho tsha mafhungo madifha tshe a thusa u tshi takusa uri tshi khoḓiwe shangoni ḽoṱhe.

Tshitatamennde tsho ṅwalwaho nga Musumbuluwo wa ḽa 14 Ṱhafamuhwe 2025 tshi vhalea nga u rali, “Nga murahu ha thabelo nnzhi, u elekanya, na nyambedzano na vhakwamei vha ndeme, Mufunzi Benjamin Dube vha tama u ḓivhadza lwa tshiofisi u ṱuwa havho kha Spirit of Praise Collective.”

I isa phanḓa na u amba uri tsheo a yo ngo dzhiiwa nga nḓila i leluwaho, sa izwi Spirit of Praise yo vha tshipiḓa tsha ndeme tsha lwendo lwa vhuḓinḓa lwa Mufunzi Dube lwa miṅwaha minzhi.

 U shumisana havho zwo kwama vhutshilo ha vhathu vhanzhi, zwa takusa vhurabeli na u ita vhungoho ha uri mulaedza wo huwelelwaho u swikelele magogo a vhathu.

Spirit of Praise yo vha dzina ḽa nḓuni nga u tamba ha mufunzi kha nyimbo dzi ngaho Lonile iBandla na Elshadai Medley.

U bva tshe vha thoma nga 2008, tshigwada tsho no vha na maanḓa nga albamu dzavho dzo ḓalaho ṋaledzi na u tamba havho hu re na mafulufulu u mona na shango.

Spirit of Praise yo dovha ya shuma na vhathu vha ngaho mutsila wa Gospel we a wina pfufho Dumi Mokostad.

Nga murahu ha u swikelela vhuhulwane na tshigwada, Dube zwino u khou sedza kha ndima i tevhelaho ya vhuḓinḓa hawe.

 Luṱa ulu luswa lu katela u engedza u swikelela hawe ha muthu nga eṱhe, u eletshedza vhaimbi vha gospel vhane vha khou bvelela.

• Vhalani hafhu:Ntando Duma u livhuwa munna wawe Una Rams

 U ḓo dovha a vha a tshi khou tevhela phurojekethi dzi tshimbilelanaho na zwine a tenda uri ndi ndaela ya Mudzimu.

• Source: youthvillage.co.za

• Translator: Nthaduleni Rolivhuwa

Ntando Duma o dzumbulula maanḓa mahulwane a munna wawe musi a tshi khou mu livhuwa nga nḓila i ḓifhaho.

Ntando Duma u khou penya nga lufuno, nahone u khou ḓivhadza shango.

Mutambi wa matambwa uyu zwenezwino o isa kha Instagram u pembelela munna wawe, Unarine “Una Rams” Rambani, kha poso i bvaho mbiluni ye ya ṋokisa mbilu dza vhafuni kha  inthanethe.

Zwino ndi murado wa kilabu ya “munna wanga uri, munna wanga ari”, Ntando o vha a sa koni u litsha u livhuwa na u khuza munna we a tswa mbilu yawe.

U kovhelana zwinepe zwawe a tshi khou mwemwela o takala, o amba uri tshiṅwe tsha zwithu zwine a zwi funa vhukuma nga ha Una ndi vhukoni hawe ho khetheaho ha u takusa muya wawe.

“Iṅwe ya maanḓa awe mahulwane ndi u nseisa,” o ṅwala, a sia vhafuni vha tshi khou ḓidina nga ṅwambo wa vhushaka havhuḓi ha vhavhingani.

Inthanethe yo mbo ḓi ḓala nga u ṱavhanya nga u khoḓa, vhanzhi vha tshi khoḓa dakalo ḽa Ntando na lufuno lwa vhavhingani.

Na u mwemwela hawe hu penyaho ho vha hu sa kundwi u vhonala, musi vhafuni vha tshi mu ṱamba nga maipfi a vhulenda na u mu fhululedza kha ndima ntswa ya vhutshilo hawe.

Vhalani hafhu:Vhaṱhannga vhararu vha limpopo vha ita thoho dza mafhungo

• Source: fakazanews.com

• Translator: Nthaduleni Rolivhuwa

Vhaṱhannga vhararu vha bvaho Limpopo vha khou sumbedza  uri u ḓiimisela na u divhudza zwi nga  tshimbidza dzithavha, kana kha nyimele yavho, u tshova basigira  u fhira khiḽomitha dza 1 700.

Ḓorobo ya Kapa. Gauta Mahlakoane, Karabo Mokoo, na Maxwell Ndou, vhane vha vhidzwa ‘Vhareili vha baisigira vha Gauta vha BMX,’ vho fara mbilu dza MaAfrika Tshipembe.

Vho dzhia lwendo lwa u tshimbila nga baisigira lu songo ḓoweleyaho ubva Burgersfort uya Cape Town.

Ndivho yavho ndi ifhio? U ṱuṱuwedza vhaswa, u ṱuṱuwedza vhutshilo ha mutakalo, na u ṋetshedza nḓila yavhuḓi ya u lwa na khaedu dza matshilisano dzi ngaho u shumisa zwidzidzivhadzi.

Vhuraru havho vho bva nga dzi 2 dza ṅwedzi wa Ṱhafamuhwe 2025 vha si na tshithu nga nnḓa ha baisigira dza mutheo na miloro mihulu.

Vha na ndivho ya u sumbedza vhaswa uri hu na nḓila ya khwine u fhira zwidzidzivhadzi na halwa.

“Ri ṱoḓa u ṱuṱuwedza vhaṅwe uri vha dzule vha tshi fhisea na u iledza vhuvemu,” ho amba Maxwell Ndou musi a tshi khou vhudziswa.

Lwendo lwavho lwo vha lu sa leluwi, kanzhi zwo vha zwi tshi ṱoḓa uri vha eḓele zwiṱitshini zwa mapholisa kana fhethu hune ha vhewa peṱirolo u itela u tsireledzea.

Naho zwo ralo, u konḓelela havho zwo ita uri u lwendo lwavho lu vhe tshithu tshine tsha ḓivhea vhukuma kha nyanḓadzamafhungo ya matshilisano.

Zwino musi vha tsini na u swika kha tshipiḓa tsha u fhedzisela tsha lwendo lwavho,

 Vhareili vha baisigira vho wana ṱhuṱhuwedzo khulwane u bva kha Tshikwama tsha Morning Angels Fund tsha Jacaranda FM.

Mbekanyamushumo yo ṋetshedza R20,000 u itela u badela vhudzulo havho ha maḓuvha a si gathi a u fhedzisela a lwendo lwavho.

Vhareili vha baisigira vho ḓiimisela u bvela phanḓa na u ita mvelelo nga nnḓa ha u namela uhu.

• Vhalani hafhu:Thuli P u khou vhuya kha ‘Generations: The Legacy’

Sa zwe Maxwell a amba, “Hezwi ndi mathomo fhedzi. Ri ṱoḓa u imela Afrika Tshipembe ḽiṅwe ḓuvha sa vhareili vha baisigira vha phurofeshinala.”

Khothe yo ṋea NPA maanḓa a u rengisa tshiendedzi tsha vhuimo ha nṱha tsha Shepherd Bushiri tsha R50 miḽioni

Muporofita Vho-Shepherd Bushiri vho fhelisa u fhumula havho nga murahu ha nḓivhadzo ya Muhasho wa Vhutshutshisi ha Lushaka wa Afrika Tshipembe (NPA) ya u rengisa bufho ḽavho ḽa phuraivethe ḽa R50 miḽioni.

Kha tshitatamennde tsho ṱanḓavhuwaho tsha tshitshavha, muporofita o sumbedza u sa tenda na u nyadziwa nga tsheo ya NPA,

 A tshi vhudzisa ṱhalutshedzo ya u rengisa zwiendedzi zwawe nga okusheni ngeno, u ya nga ene, mafhungo o no tandululwa.

“Mulandu wo bviswa kha mutevhe wa khothe,” Vho-Bushiri vho ombedzela, vha engedza nga uri khothe dza Malawi dzo wana uri milandu ye vha vha vha tshi khou pomokwa yone a i na vhuṱanzi.

Bushiri o ṱalutshedza uri ḓirama ya mulayo mathomoni yo thoma nga vhukando ha vhubindudzi ha forex he ha ḓivhadzwa miraḓo ya kereke yawe.

Musi vhathu vha re murahu ha pulatifomo vha tshi ngalangala, vhabindudzi vhanzhi vho sala vha si na tshikwama.

Kha zwe vha zwi ṱalusa sa nyito ya vhuḓifari havhuḓi, Vho-Bushiri vha amba uri vhone vhaṋe vho lifha vhapondwa nga tshelede i fhiraho R70 miḽioni,

Zwine vha amba uri zwo dzhielwa fhasi nga vhavhusi na vho ramafhungo.

U dzhia maimo o khwaṱhaho, Vho Bushiri vho pomoka vhalanguli vha mulayo vha Afrika Tshipembe uri vha na luvhengelambiluni na tshanḓa nguvhoni.

Vho sumbedzisa uri mapholisa eneo e a vha fara kha milandu ya u homboka masheleni yo fhiraho , ye na yone ya fheliswa ngei Malawi,

 vho dovha vha dzhenelela, naho vho vha vhiga kha  u ṱoḓa tshelede nga nḓila i si yavhuḓi.

Uya nga ha Vho-Bushiri, vhaofisiri avha vho vha vha tshi khou ṱoḓa R12 million khavho, nahone vho ṋetshedza mbilaelo kha zwiimiswa zwo vhalaho,

Hu tshi katelwa na Khomishini ya Pfanelo dza Afrika Tshipembe na Muphuresidennde wa Hawks.

O amba uri: “A hu athu vhuya ha dzhiiwa vhukando.”

• Vhalani hafhu:“ Awkward Dates” i khou ya u tamba kha Thelevishini.

O vhudzisa uri ndi ngani NPA i tshi vhonala i na dzangalelo ḽa u dzhia thundu yawe u fhira u tevhela vhe vha dzudzanya vhukuma vhufhura ha vhubindudzi.

Tshifhaṱuwo tsha Khanyi Mbau tsho ita thoho dza mafhungo nga murahu ha musi o bvela vhathuni  mafheloni a vhege.

Muḓivhalea wa matshilisano – ane a dzula Dubai – o ya kha mbekanyamushumo ya u thoma ya Netflix ya Meet The Khumalos Afrika Tshipembe.

Kha  X, tshifhaṱuwo tshiswa tsha Khanyi Mbau tsho ṱavhanya u phaḓalala nga zwiitisi zwoṱhe zwo khakheaho.

Mufumakadzi wa minwaha ya 39 o vha o ambara rokho ya suthu yo khavhiswaho ya tshitaila ine ya vha na zwishumiswa zwi tshimbilelanaho nayo.

Fhedzi-ha, ho vha hu tshifhaṱuwo tshawe tshi sa ḓivhei tshe tsha vha tshi tshi ita uri vhashumisi vha inthanethe vha ambe.

Muṅwe mushumisi wa X o ṅwala uri: “U vhonala a tshi ofhisa,” ngeno muṅwe o engedza nga uri: “muthu wa u thoma wa murema we a vhonala e Mutshaina.

Wa vhuraru ho ngo ḓifara. “O vha e na mbonalo ya u  mangala ya tshoṱhe yo ṱanganaho na ya u ḽa tshikavhavhe.”

Ṅwaha wo fhiraho, Vho-Khanyi Mbau vho ita muaro muhulwane wa pulasitiki ya tshifhaṱuwo, we wa katela iṱo ḽa funguvhu , u takusa milomo na u ita blepharoplasty ya nṱha.

Khanyi o dovha a ita na dzinwe tshanduko kha muvhili wawe, ine ya katela:

U engedza maḓamu

Mushumo wa ningo

U bvisa mapfura na u vhumba muvhili .

Zwi ḓadzaho na botox .

U ṱsukisa  lukanda

Veneers na u ita muaro wa u “sukumedza murahu” marinini awe.

U pangela mavhudzi

Naho o pfa vhutungu lwa tshifhinga tshilapfu, zwe zwa vha zwi tshi katela u zwimba na u ṱhavhiwa zwi vhavhaho, Khanyi Mbau o vha o takala nga mvelelo.

“Zwi kha ḓi ḓo vha khwine musi lukanda lu tshi khou khwaṱha na tshifhaṱuwo tshi tshi dzhia tshivhumbeo tsho fhelelaho. Ndo xelelwa nga miṅwaha i si gathi kha tshifhaṱuwo tshanga.”

Vhalani hafhu:Cassper na Pulane vha pembelela anivesari ya mbingano.

O engedza nga uri o vha o takala nga zwivhumbeo zwawe zwa “vhuswa.”

Cassper Nyovest – dzina ḽa vhukuma ndi Refiloe Phoolo, na mufumakadzi wawe Pulane Phoolo vha khou pembelela ṅwaha wavho wa u thoma wa mbingano.

Muimbi wa rap o vhofha lufuno na mufunwa wawe ane a khou humbulelwa u vha mufunwa wawe wa vhuṱukuni kha vhuṱambo vhuṱuku ha sialala ṅwaha wo fhiraho.

Nga murahu ha minwedzi i si gathi, mme a ṅwana wa Cassper  Thobeka Majozi vho dzumbulula uri a vho ngo mu fhura fhedzi fhedzi vho “nyadza” mutukana wavho Khotso vhukati ha nndwa yawe ya cancer .

Kha poso ya Instagram, Cassper Nyovest o kovha uri u khou pembelela anivesari yawe ya u thoma sa munna o malaho kha “muthu” wawe.

Mutambi wa matambwa o tenda uri vhushaka ho vha ho ḓala “mukovhe  wo teaho” wa vhuṱungu na u ṱungufhala; ho vha ho dovha ha ḓala dakalo na dakalo.

Musi a tshi amba na mufumakadzi wawe Pulane, o kovha:

 “Ṋamusi ndi ngoho ya uri no nṋea tshikhala tsha u vha na mufumakadzi we nda vha ndi tshi mu funa vhukuma. Ndo vha ndi munna o takalaho vhukuma a tshilaho ḓuvha ḽe na mmbudza na u tenda u vha mufumakadzi wanga. A thi nga vhuyi nda hangwa uri ndi ndugelo khulwane lungafhani ye na nṋea yone.

“No vha ni na khetho, nahone no nanga u nṋea tshikhala. Ndi fulufhela uri a ni nga ḓo vhuya na ḓitsola. Ndi fulufhedza u ni seisa na u mwemwela ḓuvha na ḓuvha u swika Murena vha tshi ndzhia”.

Cassper o isa phanḓa a ri: “A thi ḓivhi uri lufuno lwa vhukuma ndi mini na uri lu fanela u vha hani.

“Fhedzi tshithu tshithihi tshine nda vha na vhutanzi vhuhulwane ndi tsha uri ndo ḓiimisela u sa vhuya nda ḓi ṋea tshifhinga, u bva kha riṋe, kana u vhuya nda vhidza muṅwe mufumakadzi mufumakadzi wanga.

• Vhalani hafhu:Gogo Skhotheni o divhadza u di rula mushumo wa u vha ṅanga

“Ndi kho ita hezwi zwithu zwa mbingano luthihi na luthihi fhedzi!

Vho Gogo Skhotheni vho di rula mushumo wa u vha ṅanga

Gogo Skhotheni o laṱa mbidzo ya u vha ṅanga.

Nga murahu ha minwaha ya u thusa vhathu, DJ wa Afrika Tshipembe o divhadza kha video uri o fhedza lwa tshiofisi nga u vha ṅanga.

Gogo Skhotheni, we a xelelwa nga mutukana wawe nga 2024, o dzumbulula uri zwino ndi ṅwana wa Mudzimu.

“”Ndi kho ita video iyi lwa tshiofisi u divhadza uri a thi tsha vha dokotela wa sialala. A thi tsha vha ṅanga. A thi tsha thusa vhathu lwa tshirema. A thi tsha ita zwo vhonana na vhathu nahone a thi tsha ṋea isidliso na imbiza.” O ralo.

DJ na mufumakadzi wa mabindu vhari vha do thonifha khaladzi dzavho vhane vha vha vhaḓivhi vha zwa sialala, fhedzi ene ha tsha toḓa u ḓi dzhenisa khazwo.

Video iyi yo kunga vhupfiwa vhunzhi kha vhashumisi vha inthanethe.

“Ndi lungana a tshi do amba uri ndi nwana wa Mudzimu? U tou bvisela khagala, u vha nwana wa Mudzimu zwi amba uri u fanela u zwi litsha nga u fhisa zwenezwo zwithu zwe a vha a tshi khou zwi shumisa. Zwi nga vha zwavhudi arali a nga zwi ita tshitshavhani na mufunzi a tshi khou mu rabelela, saizwi o zwi kovhela khagala kha camera.” Hu amba mushumisi wa inthanethe.

Vhalani hafhu:Mutambi wa matambwa Nandi Nyembe u  toda mushumo.

Source: fakazanews.com

Translator: Nthaduleni rolivhuwa

 

Zodwa Wabantu, ane a ḓivhelwa u vha na  tshivhindi na u sa humbela pfarelo kha nḓowetshumo ya u ḓimvumvusa.

 O vha a tshi vhonala a siho kha nyanḓadzamafhungo ya matshilisano na zwiitea zwa tshitshavha u bva mathomoni a ṅwaha.

Poswo yawe ya u fhedzisela ya Instagram yo vha nga Nyendavhusiku 2024,

 zwa sia vhafuni vha tshi khou ḓivhudzisa uri u ngafhi na uri o vha a tshi khou ita mini.

Muḓivhalea na mutambi u anzela u shuma kha inthanethe, a tshi kovhelana zwiṱukuṱuku zwa vhutshilo hawe ha muthu nga eṱhe, mabindu awe, na lwendo lwawe lwa muya.

Fhedzi u fhumula hawe zwo ita uri hu vhe na u humbulelwa, vhaṅwe vhatevheli vho sumbedza u vhilaela,

 Nahone vhaṅwe vha tshi fulufhela uri u khou sokou ḓiṋea tshifhinga tsha u awela.

Miṅwahani ya zwenezwino, Zodwa o vha a tshi amba nga ha matshilo awe ane a khou shanduka,

 hu tshi katelwa na lwendo lwawe lwa u ya kha u fhodza ha sialala.

O dovha a vha a tshi khou ranga mabindu manzhi, ubva kha bindu ḽawe ḽa u rengisa makumba,

U ya kha thendelano dzo fhambanaho dza u tikedza.

Naa a nga vha o livhisa ṱhogomelo kha u aluwa hawe, a tshi khou ṱuwa kha vhathu lwa tshifhinganyana,

 Kana naa hu na zwiṅwe zwithu zwo engedzeaho kha u sa vha hone hawe?

• vhalani hafhu: MaMkhize u bva mulomo: ‘Sia ḽanga ḽa mafhungo’

Naho hu sa athu khwathisedzwa tshithu, vhafuni vha khou isa phanda na u fulufhela uri u khou tshila zwavhudi.

 U swika a tshi vuwa, mbudziso i kha ḓi vha hone—Zodwa Wabantu u ngafhi?

Vho-Shaun Mkhize, vhane vha dovha vha divhiwa sa MaMkhize, vho fhelisa u fhumula havho kha nyanḓadzamafhungo ya matshilisano.

Vhukati ha thaidzo dzavho dza muthelo, dze dza vha ḽela vhunzhi ha thundu dzavho, hu tshi katelwa na kilabu ya PSL ya Royal AM.

 Mufumakadzi wa mabindu vha khou pomokwa uri vho shavha mithelo ya SARS i fhiraho R40 miḽioni.

O no vhuya a hweswa mulandu wa vhutshinyi vhune ha khou humbulelwa, vhu katelaho vhufhura, vhufhura, u ṋea vhathu tshelede, na u shavha muthelo.

Kha Instagram nga Musumbuluwo, ḽa 31 Ṱhafamuhwe, Vho-MaMkhize vho fhelisa u fhumula havho kha mafhungo  avho a zwa masheleni.

U posa tshifanyiso tshawe hayani hawe ha vhuimo ha nṱha, o posa: “Sia ḽanga ḽa mafhungo a ḽi tsha vha na mushumo. Vhutshilo ho itea. Zwo vhavha; ndo fhola.

Musi a tshi sumbedza uri khonani dzawe dza tshigwada dzi vhonala dzo mu ṱutshela,

o engedza nga uri: “Fhedzi zwa ndeme vhukuma, ndo guda uri ndi nnyi o fanelwaho nga u dzula ṱafulani ḽanga na uri ndi nnyi ane a sa ḓo dovha a dzula.”

Poswo iyi ndi ya u thoma u bva nga ṅwedzi wa Phando MaMkhize a tshi amba khagala nga ha ḓirama yawe ya muthelo.

NDI NNYINI O RENGAHO ROYAL AM?

Ṅwedzi uno, MaMkhize’s Royal AM – yo vha i tshi vhidzwa Bloemfontein Celtics – yo vhewa lwa tshiofisi kha makete.

U rengiswa ha kilabu zwo kunga vharengisi vhanzhi vha re na bvumo,

hu tshi katelwa na ramabindu wa Durban Roy Moodley na mutukana wawe Mageshpren Moodley.

Thendelano yo dzhena kha tshiimo musi muṱhogomeli wa Royal AM Vho Jaco Venter vha tshi amba uri khamphani ya khotsi na murwa,

 Global Investments, yo kundelwa u dzhenisa tshelede ye ya tendelwa kha akhaunthu nga ḓuvha ḽa u fhedzisela ḽa vhege yo fhiraho.

Roy hu pfi o hanedza mavharivhari aya, a tshi amba uri vharengisi vho vha vha sa “khou ḓa” nga ha kilabu ya PSL.

Uya nga ha eNCA, hu khou pfala uri Royal AM yo vhuyelela kha makete .

Vhalani hafhu: vhulamukayi kha CweCwe: somizi o ḓiimisela u thusa

• Source: thesouthafrican.com

• Translator: Nthaduleni Rolivhuwa

U fana na vhadzulapo vhanzhi vha Afrika Tshipembe, Somizi Mhlongo u khou tikedza “Vhulamukanyi ha Cwecwe,”

 mugudiswa wa tshikolo tsha fhasi we ha pfi o reipiwa tshikoloni tshawe ngei Matatiele ngei Eastern Cape.

Naho zwo itea nga Fulwi 2024, mulandu wa musidzana muṱuku wo bviselwa khagala zwenezwino.

Ino vhege, mme a Cwecwe – vhane dzina ḽavho ḽa khou dzumbiwa u itela u tsireledza vhuṋe ha ṅwana wavho,

 vho ṱalutshedza nga vhuḓalo mafhungo a shushaho a u tambudzwa ha ṅwananyana wavho  lwa vhudzekani tshikoloni tsha Eastern Cape.

Nga murahu ha u isa ṅwana u ya u ṱoḓa ngalafho, madokotela vho khwaṱhisedza uri ṅwana wa miṅwaha ya sumbe nga tshenetsho tshifhinga o reipiwa.

Nga murahu Cwecwe o mbo ḓi vhudza vhabebi vhawe uri tshiwo tshine tsha khou humbulelwa tsho itea tshikoloni musi o lindela zwiendedzi zwa tshikolo.

U bva tsheetsho tshikolo tsho bviswa kha bugu nga murahu ha musi thoho ya tshikolo yo hana u tevhedza ṱhoḓisiso, hu vhiga SABC.

Kha siaṱari ḽawe ḽa nyanḓadzamafhungo ya matshilisano, Somizi o kovhelana vhuṱungu hawe kha fulo ḽa “Justice for Cwecwe” ḽine ḽa khou ṱoḓa uri hu dzhielwe vhukando tshikolo.

“Vhulamukanyi vhu tea u shumiwa. Arali zwi tshi amba uri ndi munwe wa vhathu vha re nnḓa ha khothe. ndi tshi khou ita uri mutshinyi a sedzane na mulayo, kha zwi vhe nga u ralo. Ndi ḓo khansela gig iṅwe na iṅwe ine nda vha nayo arali zwi tshi amba uri nṋe u vha hone zwi ḓo thusa na u ita uri vhulamukanyi vhu shume”.

Mutambi wa matambwa o dovha a ḓiṋekedza u badela mbadelo dza mulayo dza muṱa wa Cwecwe.

“Ndo ḓiimisela u badela tshiṅwe na tshiṅwe na zwoṱhe zwine nda vha nazwo.

Kha Change.org, phethishini ine ya khou humbela uri tshikolo tshi vhe khagala nga ha zwe zwa itea kha Cwecwe i khou ṱavhanya u ṋaṋa.

Tshipiḓa tshayo tsho vha tshi tshi ri: “Ri ṱoḓa phindulo dzo vuleaho, dzi fulufhedzeaho dza dzenedzi mbudziso dzi ṱoḓeaho na ṱhoḓisiso yo fhelelaho u itela u vhona uri vhane vha vha na vhuḓifhinduleli vha na vhuḓifhinduleli.

Vhalani hafhu:vhafuni vha takalela mutshino wa mbingano ya zozi

• Source: thesouthafrican.com

• Translator: Nthaduleni Rolivhuwa