U fhungudza muvhili ha Zodwa Wabantu zwo kuvhanganya ṱhogomelo kha inthanethe.

Zodwa Wabantu o dovha a di wana e vhukati ha nyambedzano dza nyanḓadzamafhungo ya matshilisano.

Zwodwa o vusa ruvhuruvhu musi ho bvelela tshinepe tsha zwenezwino tshine tsha sumbedza u sekena,

Zwe zwa vusa mbilaelo nnzhi na u humbulela u bva kha vhafuni na vhatevheli.

Tshifanyiso, tsho kovhelwaho nga mushumisi wa X @AmukelaniMoyani, tsho ṱavhanya u phaḓalala musi vhathu vha tshi khou vhudzisa nga ha tshanduko ya u ṱavhanya ya mbonalo ya Zodwa.

Naho vhaṅwe vhashumisi vho sumbedza u vhilaela ha vhukuma nga ha mutakalo wawe, vhaṅwe vho mbo ḓi phetha nga u ṱavhanya, muṅwe a amba uri, “I nga vha i HIV.

Muṅwe muthu o lingedza u ṋea vhupfhiwa hawe, a ṅwala uri, “O vha o rali musi a tshi thoma,”

A tshi sumbedza uri tshanduko i nga kha ḓi sa vha khulwane nga nḓila ine ya vhonala ngayo. Fhedzi vhanzhi vho dzula vha sa tendi.

“U vhonala a tshi khou lwala, hu na zwithu zwi songo lugaho,” ho amba @MaholoTheo.

Musi a tshi engedza nga nḓila i ṱoḓaho u vha ya pfunzo dza vhutshilo kha nyambedzano, muṅwe mushumisi o ri:

 “Irani ndi ni funze, ḽino shango ḽi a mona-mona, zwenezwo zwi amba uri ni ḓo ḓiphina nga vhutshilo nga tshifhinga vhutshilo vhu ḓo ni ḓiphina.

• VHALANI HAFHU:Mufuni u hulisa Big Zulu nga tattoo ya tshifanyiso tshawe

“ Ni ḽa vhutshilo nga tshiṅwe tshifhinga vhutshilo vhu a ni ḽa. Nahone heyi ndi tsumbo yo ḓoweleaho ya zwenezwo.”

Translated by Nthaduleni Rolivhuwa

Big Zulu, dzina ḽawe ḽa vhukuma Siyabonga Nene, o fhindula tshinepe tsha mufuni o ḓikumedzelaho we a ita tattoo ya tshifanyiso tshawe kha mulenzhe wawe.

Holu a si lwa u thoma mutsila a tshi wana u sumbedzwa ha lufuno lwa u khoḓiwa nga vhatikedzi vhawe, vhane vha ḓivhiwa sa Nkabi Nation.

Naho o vha o sala a tshi ṱoḓa u sa amba, Big Zulu o sumbedza u livhuwa hawe lufuno.

O ṅwala a ri: “Yey angaz nokuth ngithin noma ngith Uthando Lunye ❤️👏🏿Nkabi Nation.” (Ṱhalutshedzelo: “EE, a thi ḓivhi na uri ndi ambe mini, lufuno luthihi Nkabi Nation”) 

Poswo iyi yo vusa phindulo dzo fhambanaho kha inthanethe. Musi vhanzhi vho kwamea nga tzhiitea itsho,

 vhanwe vho vha vha tshi khou swaswa uri tattoo a i fani na ya Big Zulu.

Muṅwe mutevheli o ṋea vhupfiwa a ri: “ A si inwi hezwo, bra, zwi vhonala sa muṅwe muthu.”

Muṅwe o ṅwala uri: “Vhomu fhura. Mu waneni nahone ni mu itele tattoo yo teaho @bigzulu_sa.”

• VHALANI HAFHU:Vhutshilo ha dzhele ha Jub Jub vhu vusa phosho kha inthanethe.

Naho zwo ralo, vhaṅwe vhafuni vho vha vha tshi sokou ṱuṱuwedzwa nga lufuno, muṅwe a ri: “Yooh yooh, ndi lufuno lufhio lwolwu.”

Translated by Nthaduleni Rolivhuwa

Muhashi wa TV ane a dovha a vha murepa Jub Jub u khou dovha a ḓivhea kha nyanḓadzamafhungo ya matshilisano,

 Fhedzi nga hetshi tshifhinga, a si nga ṅwambo wa mbekanyamushumo yawe ya Uyajola 9/9.

Vidio ya zwenezwino yo phaḓalalaho ine ya vha na mufariwa wa kale yo vusa nyambedzano ntswa nga ha tshifhinga tshawe a dzhele,

Hu tshi ambiwa uri Jub Jub o vha a tshi tshila sa muhulwane dzhele.

U ya nga mufariwa wa kale, o vha a tshi ofhiwa vhukuma nahone e na ṱhuṱhuwedzo musi o valelwa dzhele,

Hu pfi o vha a tshi ṱoḓa uri vhafariwa ngae vha mu ṱhonifhe. “O vha a si muṅwe mufariwa fhedzi, o vha a tshi gidima zwithu,” munna o ḓiamba kha vidio.

Nzumbululo yo ṱavhanya ya phadalala kha nyanḓadzamafhungo ya matshilisano, ya ṱuṱuwedza uri a  trenda kha X (ine ya pfhi Twitter) .

Vhaṅwe vhashumisi vho tshuwa, vhaṅwe vha timatima, nahone vha si gathi vho ita na u eletshedza uri muthu wa nyanḓadzamafhungo u fanela u vhuyelela dzhele.

Muṅwe mushumisi o vusa mavharivhari a kale, a ṅwala uri, “Mme a Jub Jub vho vha vhe na vhuaḓa lwe vha fhura Mandela, Bill Clinton  na madzina manzhi mahulwane kale.”

Muṅwe o humbula tshifhinga tshi sa hangwei tsha Uyajola 9/9, a ri:

“Ndi humbula kha tshiṅwe tshipiḓa, o vhudza muṅwe wa vhafhuri vhe vha mu pomoka uri o vha e na vhulenda dzhele,

‘Thetshelesani hafha, muṱhannga wanga, ni songo mmbudza nga ha dzhele. Ndo vha ndi tshi langa tshenetsho tshiimiswa tshoṱhe tsha f***ing!’”

Ho dovha ha vuwa mafhungo nga ha nḓila ine thaidzo dzawe dza mulayo dza vhonala dzi tshi khou fhela ngayo.

• VHALANI HAFHU:Scotts Maphuma o diphina nga holodei ngei Qatar

 “Ndi ngazwo milandu yawe ya zwenezwino i sa yi fhethu — mme awe vha zwi vhulunga nga yeneyo nḓila,”

Translated by Nthaduleni Rolivhuwa

Scotts Maphuma ngei u ḓiphina ngei Doha nga murahu ha ubva kha khakhathi ye avha a nayo na vhatevheli vhawe vha afrika Tshipembe.

Scotts Maphuma u vhonala a tshi khou rembulusa ṱari ḽiswa na u ṱanganedza vhutshilo havhuḓi.

Muimbi wa amapiano, we a vha o sedzana na u sasaladzwa huhulwane Afrika Tshipembe nga u amba uri ha funi u dzhia zwifanyiso na vhafuni vhawe ngauri “ha vha kolodi,”

Zwino u khou ḓiphina nga vhuawelo ha vhuimo ha nṱha ngei Doha, Qatar.

Nga murahu ha u humbela pfarelo kha tshitshavha, zwi vhonala uri vhafuni vhanzhi vho nanga u tendela zwithu zwo fhiraho zwi tshi vha zwo fhiraho.

Maphuma zwenezwino o kovhelana vidio  kha Instagram a tshi khou ḓisumbedza o namela jet ski,

A tshi khou tshina, na u posa zwiga zwa u tamba kha khamera ngeno luimbo lwawe lwa Phumically Interesting lu tshi khou tamba nga murahu.

Post yawe ine ya khou ṱuṱuwedza yo ṋea vhatevheli vhawe FOMO khulwane,

Vhanzhi vha tshi khou mu fhululedza kha comments na u pembelela zwine zwa vhonala zwi tshi khou ṱoḓea vhukuma nga murahu ha miṅwedzi ya dirama kha nyandadzamafhungo .

VHALANI HAFHU:Nomcebo Zikode o kundwa kha mulandu wa Luimbo lwa Jerusalem.

• Source: Fakazanews.com
• Translator: Nthaduleni Rolivhuwa

Nomcebo Zikode O Fhindula Nga murahu Ha U Kundwa Mulandu Wa Khothe wa Jerusalem.

Kale nga 2020, Nomcebo Zikode na Master KG, vho ri ṋea iṅwe ya nyimbo khulwanesa.

Jerusalem a yo ngo tou ḓivhea Afrika Tshipembe fhedzi, fhedzi yo mbo ḓi vha luimbo lwa lushaka u mona na shango.

Luimbo lwa bvumo lwo kwama shango lothe.

Hu ṱoḓaho u vha shangoni ḽiṅwe na ḽiṅwe, vhathu vho vha vha tshi dzhia na u posa vidio dzavho vha tshi khou ita Jerusalema Dance Challenge.

Na vhatambi vha dzitshaka vha ngaho mutambi wa bola ya milenzhe wa Portugal Cristiano Ronaldo na muimbi wa Amerika Janet Jackson vho kovhelana vidio dza mabuthano he Mutshino wa Jerusalema wa vha u tshi khou ḓivhea vhukuma.

Naho luimbo lwo vha lwo bvelela vhukuma, vhushaka ha Nomcebo na Master KG ho mbo ḓi tshinyala.

Ho vha na mivhigo ya uri khamphani ya u rekhoda ya Master KG, Open Mic Production, a yo ngo badela Nomcebo royalties dza u shela mulenzhe kha luimbo ulwu.

Master KG vho hanedza zwe vha amba, vhari Nomcebo vha khou toda zwinzhi u fhira zwe vha tendelana khazwo.

Nndwa yavho i khou bvela phanda na zwiitea zwa zwenezwino zwine zwa vhona Nomcebo a tshi kundwa kha mulandu wawe na Open Mic Productions.

Nomcebo o dovha a laedzwa nga khothe uri a ise khamphani ya u bveledza album mbili a sa athu bviswa kha thendelano yawe.

Muimbi we a wina Grammy o vha e kha mafhungo u bva tshe khaṱhulo ya ṋewa.

U kha ḓi kombetshedza uri ho ngo badelwa na senthe nthihi ya muṋeelo wawe wa Jerusalema .

Musi a tshi khou isa phanḓa  Nomcebo, o ana uri u ḓo isa phanḓa na u lwela pfanelo dzawe.

• VHALANI HAFHU:Upembela minwaha ya Fumi ya vhuswina ha kamo na mapitsi.

“Luimbo lwe lwa vhuya lwa ṋea shango fulufhelo na lwone lwo nnyadzisa.Ndi kha ḓi vha ndi sa athu vhona na cent, nahone ndi kha ḓi lwela pfanelo dzanga, Fhedzi ndi ḓo bvela phanḓa na u lwa na vhuṱungu uhu na u neta uhu ngauri ri nga si kone u bvela phanḓa na u ṱanganedza u shumiswa ha vhaimbi kha shango iḽi ḽo nakaho,” hu ṱalutshedza Nomcebo

Muimbi wa Limpopo ane a vha  Shebeshxt o vhonala kha video a tshi khou lwa na munna a sa divhei.

Shebeshxt u khou isa phanḓa na u sumbedza vhuḓifari vhu thithisaho ha khakhathi khagala.

 Nga hetshi tshifhinga, muimbi wa Twerka o dovha a ṱangana na munna, nahone a bvisa banga ḽihulwane.

Kha vidio, yo rumelwaho nga @MDNnewss, Shebeshxt o ṱhasela munna; fhedzi a zwi nga khwaṱhisedziwi arali o dzhenisa tshihali.

 video iyi yo ita uri hu vhe na nyambedzano nnzhi na vhathu vha tshi khou humbela uri a farwe.

vhaṅwe vha ri u khansela Shebeshxt a zwi nga ḓo eḓana; nṱhani hazwo, u fanela u farwa .

Shebeshxt u divhea nga u vha na vhuhali vhuhulwane kha vhafuni vhawe.

Arali a sa khou vha rwa kha dzi gig kana u vha thuntsha musi a tshi lingedza u bva fhethu hune ha vha na vhuṱambo, u ḓo rumela tshutshedzo nga vidio.

Vha SA netizens vho dzulela u mu vhidzelela uri a ḓe o luga na u zwi ṱhogomela uri vhafuni vhawe vha tikedza muzika wawe.

Vhathu vha livid kha Shebeshxt, vha engedza nga uri vhafuni vhawe a vho ngo tea u farwa ngae khavho.

Vhashumisi vha inthanethe vho sinyuwa vhukuma, vhathu vhanzhi vha khou vhidzelela uri Shebeshxt a khanselwe.

• VHALANI HAFHU:Lesego marakalla u khou vhuyelela kha skeem saam

Vhaṅwe vhathu vho amba uri u khanselwa hawe a zwi nga ḓo thivhela nḓila dzawe dza vhuvemu, nahone vha khou amba uri u tea u farwa nṱhani hazwo.

Minnie Dlamini ha khou humela murahu — o hana nga ho khwaṱhaho u humbela pfarelo ha MacG nahone a vhea rekhodo yo lugaho nga nḓila i sa timatimisi.

Muthu wa nyanḓadzamafhungo wa Afrika Tshipembe Vho-Minnie Dlamini vho bvisa tshitatamennde tsha tshiofisi vha tshi hanedza pfarelo ya Vho-MacG.

MacG o vha a tshi khou amba zwivhi malugana na Minnie lwa tshifhinganyana zwino.

Kha khanedzano ya u fhedzisela, o eletshedza uri zwipiḓa zwa Minnie zwa tshiphirini zwi fanela u vha zwi tshi khou nukha nga murahu ha musi o fhandekana na Monaisa.

Kha podcast yawe ya zwenezwino,o humbela Minnie pfarelo nahone a mu ramba kha podcast.

Naho zwo ralo, Minnie o hana u ṱanganedza pfarelo, a amba nga ha zwiitisi zwo vhalaho.

MINNIE DLAMINI O HANA U HUMBELA PFARELO HA MACG

Musi vha tshi amba kha tshitatamennde tshavho, Minnie o sumbedza u dinalea hawe nga vhathu vha ngaho MacG.

“Ndi ḓo bvela phanḓa ndi tshi ṱoḓa nḓila dza mulayo. Ngauri sa muthu wa tshitshavha na mme, a thi faneli u ita zwithu kha nṋe muṋe fhedzi fhedzi kha mufumakadzi muṅwe na muṅwe ane tshirunzi tshawe tsha kandekanywa dzinani ḽa zwi re ngomu na u ḓimvumvusa,” vho ralo .

• VHALANI HAFHU:Minnie Dlamini u pembelela duvha la vho mme nga post i bvaho mbiluni

Fhedzi kha tshitatamennde tshi re kha instergram yawe, o ṱalutshedza nga vhuḓalo zwiitisi zwawe zwa u hana pfarelo ya MacG.

Muthu wa nyanḓadzamafhungo wa Afrika Tshipembe Vho Minnie Dlamini vho kwama mbilu nga mulaedza u re na maanḓa na u kwamaho vhuḓipfhi nga Ḓuvha ḽa Vhomme.

Kha Instagram post ine ya vha na tshinepe tsha mutukana wawe, Minnie o amba nga ha lunako na khaedu dza vhumme,

 A sumbedza u ḓikukumusa ho dzikaho nga mushumo wawe sa mme na u humbula khaladzi awe o lovhaho, ane a ri a ḓo vha a tshi khou mu ṱuṱuwedza.

“Dzina ḽine nda ḽi funesa ndi Mama kaNetha ,” o ṅwala nga u ralo.

“Ndi na ṅwana o nakaho nga u rali nga ngomu na nnḓa  kha duvha lo nonga sa namusi, ndi nga si kone u ḓifara ndi tshi humbula khaladzi anga ane a nga ḓihudza nga nṋe nga maanḓa nahone a sa vhuye a ntendela u hangwa uri ndi khou ita zwi mangadzaho!”

Mulaedza wa Minnie wo vha u tshi fhira u elekanya nga ha muthu nga eṱhe;

 ho vha hu u hulisa vho mme vhothe vhane vha khou ita zwothe zwine vha nga kona hu si na u khwathisedzwa kana thikhedzo ya nnda.

“Kha vho mme vhothe vhane vha vha na thikhedzo, vhane vha sa vhuye vha vhudzwa uri ni khou ita mushumo wavhudi, NDI A VHONA!!! Nahone ni khou ita ZWIMANGADZAHO MAMA ,”

 vho engedza nga u ralo, vha tshi ṱhogomela mushumo wa vhuḓipfhi une kanzhi wa sa vhonale une vhafumakadzi vhanzhi vha u hwala vho fhumula.

O dovha a humbela vhaṅwe uri vha mu ṱuṱuwedze:

 “Kha muṅwe na muṅwe ane a vha mme nahone ni tshi mu ḓivha, mu ḓivhadzeni uri u khou ita zwavhuḓi, ngauri nga zwiṅwe zwifhinga ndi zwenezwo fhedzi zwine a fanela u zwi pfa.”

• VHALANI HAFHU:‘Yo bveledzwa nga AI’: pfarelo ya Scotts Maphuma i khou solisea

Translated by Nthaduleni Rolivhuwa

Ndi zwa vhukuma kana ndi robotho? U humbela pfarelo ha Scotts Maphuma zwi vusa khanedzano musi vhafuni vha tshi khou ṱolisisa khonadzeo ya u dzhenelela ha AI.

Scotts o vha o no vha thoho dza mafhungo miṅwedzini i si gathi yo fhiraho, a tshi bvisa hit nga murahu ha hit.

Luimbo lwawe lwa  Uyaphapha Marn lu kha di vha luṅwe lwa luimbo lwo ḓivheaho vhukuma lwe a lu bvisa zwenezwino.

Nga u ḓivhea nga maanḓa, Scotts o wana dzina ḽawe vhukati ha vhaimbi vha khwiṋe kha shango, fhedzi a kundelwa u konḓelela mutsiko.

U kovhelana kha Instagram, Scotts o shulula mbilu yawe a tshi khou humbela pfarelo kha vhafuni vhawe nga maipfi awe.

“Kha vhafuni vhanga na vhatikedzi vhanga,” o thoma nga u ralo, “Ndi tama u humbela pfarelo zwi tshi bva mbiluni kha zwiito zwanga na maipfi anga a zwenezwino, zwe zwa sa ṱhonifhe na u nyadzisa vhunzhi haṋu. Ndo xelelwa nga mavhonele nahone nda dzhia vhuḓifhinduleli hoṱhe,” o bvela phanḓa.

“Hezwi zwo to vusa. Zwino ndi a pfesesa ndeme ya u dzula ndo khwaṱha na u ṱumana na vhane vha ita uri lwendo lu konadzee.” o isa phanḓa.

O isa phanḓa na tshitatamennde tshawe tsha u humbela pfarelo, fhedzi vhatikedzi a vho ngo zwi ṱanganedza nga hu leluwaho.

Vhaṅwe vho ita na u amba uri o nwala pfarelo i bvaho kha AI nahone a songo ṅwala zwi tshi bva mbiluni yawe.

VHATIKELI VHO AMA HEZWI

97.9% yo bveledzwa nga AI 😂”

@iLoveSoweto_wazmo “Ri khou toda video ya u humbela pfarelo, zwi vhonala unga vhalanguli vha khou mu kombetshedza uri a humbele pfarelo, kha bvele khagala sa munna a ambe na ene mune,”

@Bonolo Mafane “Vhanna, mufareleni, hetshi ndi tshikhala tsha u fhedzisela😭😭😭”

@Ntombikayise Sandy “Ri khou toda u pfa ni tshi zwi amba naho zwo ralo, ni sedze matoni Chico, ngauri a vha vhuyi vha zwifha”

• VHALANI HAFHU:“Ndi fan yawe, fhedzi ndo vha ndo dinalea”- Makhadzi

NI VHONA URI KHUMBELO YA SCOTTS MAPHUMA I BVA MBILUNI?

Translated by Nthaduleni Rolivhuwa

Mutambi wa matambwa Lwazilubanzi Mthembu o malwa lwa tshiofisi.

Ngoho  tshifhinga tsha mbingano dza vhathu vha ḓivheaho tshi kha ḓi vha kule na u fhela.

U swika zwino, vhathu vha ngaho Anele Mdoda, Zozibini Tunzi, Natasha Joubert, Candice Modiselle na The Funny Chef vho isa vhushaka havho kha vhuimo vhu tevhelaho, nga mbingano dzi mangadzaho.

Muthu wa bvumo o no dzhena kha nyambedzano.

Lwazilubanzi Mthembu zwenezwino o dzhena kha inthanethe a ḓivhadza uri o malwa.

Mutambi wa matambwa a re na vhukoni o vha a tshi vhonala a tshi mangadza kha mbingano yawe ya sialala.

Vhaṅwe vhaḓivhalea vha katelaho Nelisiwe Faith Sibiya, Winnie Ntshaba, Lesego Khoza na Shalate Sekhabi vhoṱhe vho tamela mashudu Lazwi kha lwendo lwawe luswa.

Mutambi wa matambwa a re na vhukoni u ḓivhelwa mushumo wawe sa Nomsa kha tshitori tsha e.tv House Of Zwide.

Naho zwo ralo, Lwazi o thoma u tamba matambywa musi e yunivesithi.

O tamba kha matambywa manzhi a theatre sa; Aqua Mine yo bveledzwaho  nga Gys de Villiers, Once Upon a Life Wits Theatre and nga the Apricot Trees..

• VHALANI HAFHU:Ndo vha ndi si na zwiḽiwa’: Mutambi wa kale wa ‘Generations’ o amba

Nga nnḓa ha u tamba dzifilimu, Lwazi ndi muimbi nahone ndi ene muimbi muhulwane wa tshigwada tsha “About That Life”.

Translated by Nthaduleni Rolivhuwa