Mutambi wa matambwa Enhle Mbali Mlotshwa uri o ṱutshela Black Coffee nga murahu ha musi o beba vhana vhavhili nnḓa ha mbingano na vhafumakadzi vhavhili vho fhambanaho.

Mutambi wa TV na mudizaini wa fesheni Vho-Enhle Mbali Mlotshwa vho amba nga ha mbingano yavho na DJ a ḓivheaho kha ḽifhasi ḽoṱhe Black Coffee, ye ya fhela nga ṱhalano.

Vhavhingani avha vho vha na mbingano ya sialala nga 2011, ha tevhela mbingano ya vhatshena nga 2017.

Naho zwo ralo, nga 2019, Enhle o ṅwalisa ṱhalano, a amba uri u sa fulufhedzea ndi zwone zwo itaho uri vha fhandekane.

Mutambi wa Blood Legacy o bvisela khagala uri DJ Black Coffee o vha na vhana vhavhili na vhafumakadzi vhavhili vho fhambanaho nnḓa ha mbingano yavho.

Kha nyambedzano i bvaho mbiluni na Relebogile Mabotja kha 702, Enhle o kovha uri o dzula a tshi fulufhedzea mbinganoni yavho yoṱhe.

“Ndi a ḓihudza nga nḓila ye nda fara ngayo mbingano yanga. A tho ngo vhuya nda fhura, na luthihi,

“ U swika ḓuvha ḽe nda dzhia tsheo ya u ṱuwa ngauri ndo vha ndi sa tsha kona u di vhaisa kha nṋe muṋe.

• Vha ngari wana na kha facebook|facebook.com/profile.php

“ Zwi na zwipiḓa zwinzhi. Fhedzi zwe nda vha ndi sa zwi tende ho vha hu vhana mbinganoni.

“  Musi ho no vha na vhana vhavhili nga vhafumakadzi vhavhili vho fhambanaho, ndo ri, ‘A ni mfuni, nahone ni khou do mbulaya.” Enhle o ralo.

“Ndo xelelwa nga ṱhonifho khulwane kha muthu wanga.Ndo mu hangwela kha pfarelo dze nda si vhuye nda dzi wana.Ndo ḓihangwela.”

O isa phanḓa na u amba uri u wana uri Black Coffee u na vhana nnḓa ha mbingano yavho zwo sia a tshi ḓipfa o ṱungufhala na u sa funiwa.

• VHALANI HAFHU:Vho Sizwe Dhlomo vhari K.O hana mutatisano fhano Mzansi

“Musi a tshi vha na vhana nnḓa ha mbingano, ndo vha ndi tshi zwi ḓivha uri ha nfuni, ndo vha ndi tshi pfa u nga u dzula zwi ḓo vhaisa vhukuma, ndo mbo ḓi tuwa ndi tshi khou humbulela vhananga,” o ralo.

Translated by Nthaduleni Rolivhuwa.

Vho Sizwe Dhlomo vha khoda K.O.

 Muthu wa nyanḓadzamafhungo wa Afrika Tshipembe Sizwe Dhlomo u ri K.O ndi ene mureipi wa khwiṋesa Afrika Tshipembe.

Muhashi wa Kaya FM o dzhia akhaunthu yawe ya X, nga fulufhelo a ri mureipi ha na muṱaṱisano kha mutambo, sa izwi vhaṱaṱisani vhawe vho no fhira.

“K.O hana muṱaṱisano mzansi,” Dhlomo o ṅwala.

Naho ri sa ḓivhi uri ndi mini tsho bveledzaho zwenezwi, tweet ya Sizwe yo kuvhanganya ṱhogomelo nnzhi .

Vhunzhi ha vhashumisi a vho ngo tikedza zwe muhashi a amba, sa izwi vho amba uri vhathu vha ngaho Emtee, Kwesta, Kid X, na vhaṅwe vho tea u vha muṱaṱisani.

• vhangari wana na kha facebook| facebook.com/profile.php

Muṅwe mushumisi o ṅwala uri: “KO? Nah, bro. Ndi wavhuḓi, fhedzi a si wavhuḓi nga u ralo.

 Ndi a zwi ḓivha uri hezwi zwi nga pfala zwi vhutsilu, fhedzi Emtee ndi ene ane nda ḓi-roll nae. Nigga u na vhukoni vhuhulwane.”

Muṅwe o amba uri: “holuga. Fhedzi. Caracara ndi wa KidX Don Dada ndi wa OkMalumkoolkat Homeground ndi wa Roiii Kha ndi Bike ndi wa Maglera018 Ngauralo khamusi vhutshilo vhulapfu/U sa shanduka Na Nasty i kha ḓi bvela phanḓa…

 Nga nnḓa ha musi ni tshi khou amba nga ha boxing , zwenezwo ee, a hu na tshino fhenya KO.”

 Muṅwe mushumisi o mbo ḓi ri: “Ndi nnyi munna ane a vha kha Let me cook, bro ndi ene mubiki wa vhukuma kha luimbo lwonolwo….u repa u shumisa dzi-acronym.

• VHALANI HAFHU:Big Zulu o lugela thonamennde ya bola ya milenzhe ya vhaḓivhalea

Hey a thi ḓivhi zwavhuḓi tshiṱori tsha u ṋea vhupfiwa nga ha zwine na zwi tamba kha radio nahone ndi khou humbulela uri zwi nga vha 20% ya zwine zwa vha nnḓa….”

Translated by Nthaduleni Rolivhuwa

Muimbi wa rap we a wina pfufho Big Zulu a nga vha a tshi khou isa thonamennde yawe ya bola ya milenzhe ya vhaḓivhalea ine a i funa vhukuma kha tshiṅwe tsha zwitediamu zwihulwanesa shangoni.

Muimbi wa nyimbo dza Inkabi Nation, ane dzina ḽawe ḽa vhukuma ḽa vha Siyabonga Nene,

 Hu khou pfhala uri  u kha nyambedzano dza u vha ṋemuṱa wa tshiitea tsha Ṱhangule ngei Tshitediamu tsha Moses Mabhida tsha Durban.

Muthu a re tsini na ṋaledzi o dzumbulula uri nyambedzano na fhethu ha tshiitea dzi kha vhuimo ha nṱha,

Zwine zwa sumbedza uri tshiitea tsho ḓoweleaho tshi nga vhona u khwiniswa huhulwane kha vhuhulwane na vhuimo ṅwaha uno.

Musi vha tshi amba na TshisaLIVE, Big Zulu vho khwaṱhisedza uri nyambedzano dzi khou bvela phanḓa, vha ri:

“Ro vha ri tshi khou sedza kha u fara thonamennde ya ṅwaha uno ngei Moses Mabhida, fhedzi nyambedzano a dzi athu fhela.

“Arali ra wana thendelo, zwi ḓo vha zwavhuḓi kha riṋe miraḓo ya vhutsila ha u sika.”

Thonamennde iyi, ine ya ṱanganya madzina mahulwane u bva kha muzika, thelevishini na mitambo, yo no vha tshithu tshihulwane kha khalenda ya u ḓimvumvusa yapo,

I tshi ṱanganya mitambo na maanḓa a ṋaledzi nga tshitaila tsha vhukuma tsha Afrika Tshipembe.

• vha nga ri wana na kha Facebook| facebook.com/profile.php

Nga nnḓa ha pulane dzawe kha ḽeneḽo sia, Big Zulu u dovha a ḓilugisela u thoma bindu ḽa fesheni.

Nga tshifhinga tsha u bvelela ha zwenezwino kha Podcast na Chill na Mac G, mureipi o kovha uri u khou ṱoḓa u vula vhengele nga ṅwedzi wa Tshimedzi.

“Pulane dza u vula nga ṅwedzi wa Tshimedzi dzi hone, sa izwi hu tshi ḓo vha ṅwedzi wa vhufa nahone ndi zwone zwine [nda] takalela,

• VHALANI HAFHU:SABC i onesana na tshitori tsha ‘Muvhango’

“ Fhedzi ndi khou sokou sedza kha u wana fhethu ha khwine ha vhengele ḽanga uri ri kone u thoma bindu,” o vhudza TshisaLIVE.

Translated by Nthaduleni Rolivhuwa

Uncle Waffles na vhatshini vhawe vha sumbedza Mitshino yavho ngei UK.

Uncle Waffles u khou isa phanḓa na u fhufhisa fuḽaga ya Amapiano nṱha kha vhuimo ha ḽifhasi,

Nahone poswo yawe ya zwenezwino i khou wina mbilu u mona na Mzansi.

DJ ane a ḓivhea kha ḽifhasi ḽoṱhe o kovhelana vidio ya u ḓipfa zwavhuḓi ya ene muṋe na vhatshini vhawe vha tshi khou sumbedza u tshina havho kha luimbo lwa Amapiano musi vhe nnḓa ha shango.

Kha Vidio, ṋaledzi na tshigwada tshayo vha nga vhonala vhe na fulufhelo ḽa u vha na fhethu ha u tshina,

 Vha tshi khou ṱanganya zwithu zwavho hu na vhuḓidini na u bvisa dakalo ḽo kunaho.

Vidio a i sumbedzi fhedzi vhkoni  havho fhedzi, fhedzi i dovha ya sumbedza lufuno lwavho lwo ṱanganelanaho lwa u tshina.

Musi vha tshi ṅwala ṱhoho ya vidio, Uncle Waffles vho ṅwala uri: “U isa vhatshini vhaṋu u mona na shango, vha tendeleni vha tshi kovhelana vhukoni havho!Kiḽasi yo nakaho yo rangwaho phanḓa nga tshigwada.”

• VHALANI HAFHU:Masinda mbilu: Presley Oageng Chweneyagae o risia

Poswo iyi yo ṱavhanya ya khoḓiwa nga vhafuni vhe vha mu khoḓa nga u ṋea vhatshini vhawe tshikhala tsha u penya nga nnḓa ha mikano.

Afrika Tshipembe ḽi khou lila u xelelwa nga muṅwe wa vhatambi vhaḽo vhane vha vha funa vhukuma,

Vho-,Presley Oageng Chweneyagae vhe vha lovha nga nḓila i vhavhaho nga matsheloni a Ḽavhuvhili vhe na miṅwaha ya 40.

Mafhungo aya o khwaṱhisedzwa nga khonani dza tsini dza mutambi uyu, zwa sia vhafuni, vhashumisani nae, na vhane vha khou dzhena kha nḓowetshumo.

Chweneyagae o mbo ḓi ḓivhea nga u tamba hawe nga maanḓa kha filimu ya Afrika Tshipembe ye ya wina Oscar nga 2005 Tsotsi,

 Yo bveledzwaho nga Gavin Hood. Fiḽimu iyi, ye ya wina Pfufho ya Akhademi ya Filimu ya Nṱhesa ya Luambo lwa Nnḓa,

Yo ṱuṱuwedza Chweneyagae uri a vhe ṋaledzi ya dzitshaka. Kha Tsotsi, o sumbedza muswa wa tshigevhenga a re na thaidzo ane vhutshilo hawe ha shanduka nga nḓila i mangadzaho,

Mushumo we wa pfala vhukuma kha vhathetshelesi na vhasasaladzi nga u fana.

 U tamba hawe kha filimu ho khoḓiwa sa hu re havhuḓi, hu kwamaho maḓipfele, na u kombetshedza, zwa mu vhea sa muṅwe wa vhatambi vha re na vhukoni na u fulufhedzisa shangoni.

Nga murahu ha u bvelela ha Tsotsi, mushumo wa Chweneyagae wo bvela phanḓa u tshi bvelela.

 Vho wina Pfufho yavho ya u thoma ya Golden Horn kha Pfufho dza u thoma dza Fiḽimu na Thelevishini dza Afrika Tshipembe (SAFTAs) nga 2006,

vhuṱanzi ha vhukoni havho na mvelelo dza mushumo wavho wa u bvelela.

Miṅwahani yo fhiraho, vho bvela phanḓa vha tshi dzhielwa nṱha nga ṅwambo wa u tamba havho ho fhambanaho kha dzifilimu na thelevishini.

Muṅwe wa mishumo yawe ine ya ḓivhea vhukuma miṅwahani ya zwenezwino ndi wa Cobra kha mutevhe wa thelevishini wo ḓoweleaho wa Afrika Tshipembe une wa pfi The River.

 U sumbedza hawe mubvumbedzwa a re na vhuḓipfi fhedzi a re na vhukhakhi zwo ita uri a vhe na murafho muswa wa vhafuni nahone zwa bvela phanḓa na u khwaṱhisa vhuimo hawe sa dzina ḽa nḓuni kha zwa u ḓimvumvusa zwapo.

• VHALANI HAFHU: Dzi Chillers dzi khou khantsela akhaunthu ya DStv-vho dinalea

 U ḓivhea ha mubvumbedzwa wawe zwo ita uri hu vhe na u bveledzwa ha mutevhe wa dzi spin-off dzo thewaho kha Cobra, dzi sumbedzaho vhudzivha na u kunga ha u tamba hawe.

Sweet Guluva o vha a tshi khou namela zwitepisi zwa ṱhuṱhuwedzo na u khoḓiwa ubva tshe a wina season 5 ya Big Brother,

 Nga u ṱavhanya a vha mufunwa vhukati ha dzi brand na vhathu vha tshitshavha.

U shumisana hawe ha zwenezwino na mvelele ya All Gold zwi swaya zwi fhiraho u sokou vha vhufarisani

Ndi mushumo u bvaho mbiluni wa u takusa na u ṱuṱuwedza vhaswa u mona na Afrika Tshipembe.

U ḓivhelwa vhumuthu hawe ho khwaṱhaho na u sa dzinginyea, Guluva u amba uri u bvelela hawe ho vhangwa nga u dzula o fulufhedzea kha midzi yawe.

“Ndo dzula ndi wa vhukuma kha lwendo lwanga lwoṱhe. Ndo vha ndi tshi fulufhedzea kha nṋe muṋe.

“Ndi munna wa mvelele nahone ndi a zwi ḓivha uri mvelele ya All Gold ndi nga ha vhufa, vhuimo, na vhungoho, zwithu zwine nda tshila ngazwo,” o ralo.

Sa tshipiḓa tsha fulo, zwenezwino Vho Sweet Guluva vho ṱanganela na vhaambasada ngavho vha ngaho Vho Somizi Mhlongo kha lwendo lwa tshikolo,

Vha thoma ngei Thembisa vha bvela phanḓa vha tshi ya Tshikoloni tsha Sekondari tsha Mgazi ngei KwaZulu-Natal.

Tshipikwa tshavho ndi u disa lutendo kha vhagudi vhaṱuku, u vha ṱuṱuwedza uri vha vhe na miloro mihulwane na uri vha songo vhuya vha tutshela tshikolo.

“Ndi ṱoḓa vha tshi zwi ḓivha uri zwi a konadzea. Zwoṱhe zwine na zwi tama kana zwine na zwi lora, Mudzimu u ḓo zwi ṋea. Bvelani phanḓa na u tevhela miloro yaṋu,” o ralo.

U tenda uri fulo ḽa All Gold  ḽi ṋea vhaswa muhumbulo muswa wa ndivho.

“Nga u tshimbila kha zwikolo ri khou sumbedza vhagudi uri miloro yavho i a pfala nahone i a swikelelea.

• VHALANI HAFHU:DStv yo laṱa Mac G nga murahu ha u sasaladza Minnie

“Ndi nga ha u tutuwedza lutendo lwa uri vha na maanḓa a u vhumba vhumatshelo havho, na u litsha a zwo ngo fanela u vha khetho.”

Source: fakazanews.com

Translated by Nthaduleni Rolivhuwa

U aluwa ha YouTuber a ḓivheaho Mac G kha thelevishini ho ima fhethu hu songo lavhelelwaho nga murahu ha musi hu tshi vhigwa uri DStv yo fhelisa vhushaka hayo na mbekanyamushumo yawe. Podcast and Chill.

Tsheo iyi i khou ḓa nga murahu ha ṅwedzi muthihi fhedzi musi podcast yo no thoma u bviswa kha Mzansi Magic na Mzansi Wethu,

Zwi tshi swaya zwe vhanzhi vha humbula uri zwi ḓo vha ndima ntswa i fulufhedzisaho kha mushumo wa Mac G.

U wa uhu hu tevhela u sinyuwa ha tshitshavha nga murahu ha musi o amba zwithu zwi nyadzisaho nga ha mutambi wa matambwa na muthu wa TV Minnie Dlamini kha  YouTub yawe.

Naho nga murahu o humbela pfarelo nga ṅwambo wa zwe a zwi amba, vhathu vho vha vha tshi ṱavhanya u fhindula nahone vha sa hangweli.

U ya nga TimesLIVE, vhufarisani na MultiChoice ho fhela lwa tshiofisi nga Swondaha, ḽa 25 Lambamai, zwi tshi kokodza pulaga kha u vha hone ha Mac G kha thelevishini.

Sowetan yo no vhuya ya vhiga uri tshipida tshine tsha vha na mafhungo nga ha Dlamini tsho thivhelwa u bviswa kha dzi ndowetshumo dza DStv,

 Zwine zwa sumbedza u sa ḓifara zwavhuḓi hune ha khou aluwa murahu ha zwiṱori.

• VHALANI HAFHU:Shamiso o dzhena kha kilabu ya BBL: ‘A si mi swaswo!’

Muṅwali wa dzi-blog Musa Khawula na ene o khwaṱhisedza mvelaphanḓa iyi kha akhaunthu yawe ya X, a tshi amba nga Mugivhela, ḽa 24 Lambamai, uri mupodikhasiṱari o bviswa

Translated by Nthaduleni Rolivhuwa

Mutambi wa  TV Shamiso Mosaka ndi  mufumakadzi wa Afrika Tshipembe we a vha fhasi ha dziphanga u itela u wana BBL…

Shamiso Mosaka ndi ene muḓivhalea wa Afrika Tshipembe wa zwenezwino we a vha fhasi ha dziphanga  u itela u wana Butt Lift ya Brazil (BBL)

Mutambi wa reality TV – ṅwananyana wa muhashi wa TV na radio Azania Mosaka – o ya Turkey u itela u wana cosmetic procedure.

SHAMISO O WANA BBL!

Kha poso ya Instagram nga vhaḓivhi vha zwa pulasitiki vha Turkey vhane vha pfi Mono Cosmetic Surgery,

Shamiso o dzumbulula uri o tshimbila vhukati ha ḽifhasi u itela u wana BBL.

Vho-dokotela  vho dovha vha posa zwifanyiso zwa phanḓa na nga murahu ha mvelelo.

Shamiso o kovha kha akhaunthu yawe ya IG: “Ndo ḓa shangoni ḽiṅwe ndi ndoṱhe u itela u ita muaro une wa sa vhe wa vhana. BBL a si miswaswo!”

Ṋaledzi yo ṅwalwaho tattoo nnzhi o no sumbedza kale tshivhumbeo tshawe tshiswa tsha “hourglass”, naho a tshe o zwimba zwiṱuku.

Shamiso a si wa u thoma, nahone vhukuma a nga si vhe wa u fhedzisela u wana BBL.

Vhaṅwe vha katela vhaḓivhalea vha ngaho Mihlali Ndamase, Thuli Phongolo, Sithelo Shozi, Cyan Boujee, Tessa Twala, na vhaṅwe vhanzhi.

Kha vhaṅwe, u fana na Sithelo, maitele o vha a tshi katela u pangela mapfura.

Mme wa vhana vhararu – vhe na vhone vha vha na “360 liposuction” – vho amba kha nyambedzano nga 2022:

 “Vhathu vhanzhi vha humbula uri ndi transplants [kha maraho anga] – a thi na.

“Zwavhuḓi vhuḓi, vha tou dzhia mapfura kha tshiṅwe tshipiḓa tsha muvhili waṋu vha a fhirisela hune na ṱoḓa hone.

 “Ndo dzhia mapfura o khwaṱhaho u mona na thumbu, nahone ndo vha ndi tshi a ṱoḓa kha maraho anga,

• VHALANI HAFHU:Shebeshxt o fhindula kha mavharivhari a lufara thonga lwawe.

“fhedzi u itela u vha na tshivhumbeo tshiṱuku, nahone nda ḓadza khundu dzanga”.

Mutsila wa Limpopo Shebeshxt o amba lwa u thoma ubva tshe a pomokwa u sa fulufhedzea,

Na nwana nga nnda ha vhushaka hawe ha tshifhinga tshilapfu na mme a nwana wawe, Kholofelo.

Muimbi ane a vha na khanedzano, ane kanzhi a ḓiwana a tshi khou ḓivhea nga zwiitisi zwoṱhe zwo khakheaho,

Zwino o ṋekedza sia ḽawe ḽa tshiitea, nahone zwi khou vusa mbudziso nnzhi u fhira phindulo.

Kha vidio yo kovhelwaho kha inthanethe na u kovhelwa hafhu nga X blog @MDNnewss,

Shebeshxt o amba thwii na musidzana we a vha e vhukati ha tshiwo, we a ṱalutshedzwa sa Madesh.

O pomoka uri mubvumbedzwa wa Twerka ndi khotsi a ṅwana wawe a sa athu bebwaho, u pomokwa zwe wa phaḓalala maḓuvhani a zwenezwino.

Naho zwo ralo, Shebeshxt o hanedza zwenezwo nga ho khwaṱhaho, a ri, “O lingedza u nthengisela, nahone nda hana tshumelo dzawe.”

Uya nga ha ene, milandu yo bvelela fhedzi nga murahu ha musi o mu hana, zwine zwa sumbedza uri mbilaelo ya u vhifha muvhilini yo vha yo itwa nga u ḓilifhedzela kana u ṱoḓa ṱhogomelo.

Naho o hanedza, tshinepe tshine tsha khou phaḓalala kha nyanḓadzamafhungo ya matshilisano tsho engedza mafhungo.

Kha tshifanyiso, Shebeshxt u vhonala a si na hemmbe nahone o eḓela mmbeteni tsini na musidzana ane a khou ambiwa nga hae.

Naho zwo ralo, muimbi o kombetshedza uri tshifanyiso a tshi sumbedzi tshithu, a engedza nga uri,

 “Vhathu vhoṱhe vha a zwi ḓivha uri a thi ambari hemmbe, hezwo a zwi ambi uri ro vha ri kha vhushaka.”

• VHALANI HAFHU:Trump vho vhudza Vho-Ramaphosa uri vha fare Julius Malema 

O isa phanḓa na u itela khaedu mufumakadzi uri a ambe ngoho nga ha uri khotsi a ṅwana wawe a sa athu bebwaho ndi nnyi, a tshi khwaṱhisedza kavhili zwe a amba uri ha dzheneli.

Translated by Nthaduleni Rolivhuwa

Vhuleme ho vha vhuhulwane White House musi Muphuresidennde wa kale wa U.S. Vho Donald Trump vha tshi pofula Muphuresidennde wa Afrika Tshipembe Vho Cyril Ramaphosa

 Nga tshifhinga tsha muṱangano wavho wa Ofisi ya Oval nga u tamba mutevhe wa zwipiḓa zwa vidio zwine zwa vha na murangaphanḓa wa EFF Vho Julius Malema.

Zwifanyiso izwi, zwe Vho-Trump vha zwi shumisa u khwaṱhisa mafhungo avho a ṱaṱisanaho a zwine zwa vhidzwa “u vhulahwa ha vhathu vhatshena” Afrika Tshipembe,

Zwo  tou bviswa vho-Ramaphosa na vhurumelwa havho vha songo zwi lavhelela.

Musi Vho-Ramaphosa vha tshi khou lingedza u bvisa muhumbulo wa u ṱhaselwa ho livhiswaho kha vhalimi vha vhatshena,

Vha tshi ṱalutshedza uri vhutshinyi vhu kwama vhadzulapo vhoṱhe hu sa londwi murafho, Vho-Trump vho mbo ḓi thithisa nyambedzano.

“Fhedzi Vho Muphuresidennde, ri na tshivhalo tshinzhi tsha zwitori hu khou ambiwa nga hazwo, nahone ri na dzidokhumenthari, ri na mafhungo.

“Ndi nga ni sumbedza zwithu zwivhili, zwi tea u fhindulwa,” Vho Trump vho kombetshedza, phanḓa ha musi vha tshi laedza vhathusi uri vha dzime mavhone na tamba  vidio.

Zwe zwa tevhela ho vha hu kilipi nnzhi dzine dza vha na Malema zwine zwa ṱuṱuwedza vhukuma dzinndwa.

 Inwe ya mu sumbedza phalamenndeni a tshi khou divhadza uri vharema vha Afrika Tshipembe vha do dzhia mavu vha songo toda thendelo kha muvhuso kana kha munwe muthu .

“Arina ndavha , ni nga ita zwine na funa. Inwi ni nnyi ane a nga ri vhudza uri ri nga dzhia mavu kana hai? Vhathu vha Afrika Tshipembe dzhiani mavu, hezwo ndi zwine ravha zwone.”

Iṅwe ndimana yo vha i na Malema a tshi ri: “A no ngo fanela u vhuya na ofha u vhulaha. Mvutshelo i ṱoḓa uri nga tshiṅwe tshifhinga hu fanela u vha na u vhulaha.”

O dovha a imba luimbo lune lwa vha na khanedzano lwa Kill the Boer.

O ita tshiṱirathedzhi tshine tsha fanyisa khaṱulokwayo ya mbeu na u livhisa ṱhogomelo kha mutshena u itela u ḓisa vhuṱungu, a tshi amba nga ha “u ṱhavha ṱhoho ya vhatshena.”

Vidio iyi yo sumbedzwa zwifhinga zwiṱuku nga murahu ha musi ramafhungo wa Afrika Tshipembe o vhudzisa Vho-Trump uri,

• VHALANI HAFHU:“U nga u khou lwala” u onda ha zodwa zwo vusa phosho kha inthanethe.

 Ndi vhuṱanzi vhufhio vhune ha ḓo vha khwaṱhisedza uri a hu na khakhathi dza sisiṱeme kha vhatshena vha Afrika Tshipembe.