Arali ni tshi khou fhura muthu waṋu, maḓuvha aṋu a nga vha o vhaliwa.
Thimu ya Uyajola 9/9 yo bva zwiṱaraṱani, i dovha ya bvukulula vhafhuri. Mbekanyamushumo iyi yo no fhedza khalanwaha dza 11, khalanwaha ya vhu 12 i khou thoma u bvelela hu si kale.
Kha mbekanyamushumo, mufarisi o dinaleaho na thimu ya Uyajola 9/9 vha todulusa a ne a sa khou fhulufhedzea. Kha zwiimo zwinzhi nga u rali, mufhuri u farwa a na muthu ane a sa khou fhulufhedzea nae.
Vha nga waniwa vha tshi khou ḽa dzirestuarente, vha tshi khou ḓiphina mahalwani, vha tshi khou tshimbila dzi mall, kana vha nduni.
Nga murahu ha minwaha vhavhali vho ita khuwelelo ya uri mbekanyamushumo i khanselwe.
Vhanzhi vho vha vha tshi khou ṱaṱa uri zwi khou ya u fhandekanya miṱa, na u tshinyadza matshilo. Naho zwo ralo Uyajola 9/9 i kona u vhuya, yo khwaṱha.
Jub Jub, ndi hafhu, munna ane a khou langa vhili ḽa Uyajola 9/9. Murepa na muhashi wa TV wa tshifhinga tshilapfu o vha e na mbekanyamushumo lwa tshifhinga tshilapfu,
Vhafuni vhawe vha a mu funa nga maanḓa. O ḓisa miswaswo, u ḓimvumvusa na ḓirama dzoṱhe dzine dza ṱoḓea kha mbekanyamushumo yo raloho.
Khalanwaha ya 12 i do thoma u bva nga dzi 02 dza Lara 2025. U bva kha trailar, muthu anga zwi vhona uri i khou ya u takadzesa.
“Vhafhuri, GIDIMANI! 💔 Khosi ya khakhathi yo vhuya — #uyajola99 i vhuya nga ḽa 2 Lara! 📺💣 Zwikirini zwi ḓo fhisa, zwiphiri zwi ḓo bvela khagala, Zwiṱaraṱa a zwi nga ḓo tsireledzea.
- VHALANI HAFHU: Nota Baloyi o pomoka Sol Phenduka uri o mufhura
Arali ni tshi khou dzumba tshiṅwe tshithu… thomani u rabela. 😈🔥,” Moja Love teas TV.
Source: http://youthvillage.co.za
