Vho no vhuya vha ḓivhudzisa uri ndi ngani Paseka i tshi pfa yo khethea vhukuma Afrika Tshipembe?
A si nga ha makumba a tshokoleti fhedzi kana mafhelo a vhege malapfu — ndi vhuṱambo vhune ha ḓala vhutshilo, lufuno, na vhukoni hapo.
U bva kha ḓorobo dza vhupo ha lwanzheni u ya kha ḓorobo dzine dza vha na vhathu vhanzhi, vhuṱambo ha Easter Afrika Tshipembe vhu ṱanganya zwitshavha nga zwiitea zwa mivhalavhala, u ḓiphina ha muṱa, na u elekanya nga ha zwithu zwa muya.
Vhuṱambo ha Paseka Afrika Tshipembe ndi vhufhio?
Vhuṱambo ha Paseka Afrika Tshipembe ndi zwiitea zwi bvelelaho, zwo livhiswaho kha miṱa zwine zwa ṱanganya mvelele dza vhurereli na mishumo ya mvelele yo ḓalaho u ḓiphina.
Humbulani nga ha tshumelo dza kereke dza u bva ha ḓuvha, mimakete ya zwiḽiwa ine ya vha na vhathu vhanzhi, u zwima makumba a paseka, na u tamba zwi tshi khou tshila — zwoṱhe zwi itea nga mafhelo a vhege malapfu a paseka.
Vhuṱambo uhu vhu anzela u thoma nga Ḽavhuṱanu ḽavhuḓi nahone ha swika nga Musumbuluwo .
Vhunzhi ha vhathu vha Afrika Tshipembe vha dovha vha dzhia hetshi tshifhinga u tshimbila, u awela, kana u dzhenelela kha vhuṱambo ha tshitshavha tshapo.
Kha tshipiḓa tshayo tshihulwane, Paseka Afrika Tshipembe ndi tshifhinga tsho dzikaho tsha muya.
Kereke u mona na shango dzi fara tshumelo, mitambo ya lufuno, na zwiitea zwa u swikelela tshitshavha.
Ḽavhuṱanu ḽavhuḓi ḽi ṱaluswa nga u elekanya, ngeno Swondaha ya Paseka i tshi amba nga ha dakalo na mvuwo — tshifhinga tshine miṱa ya ṱangana u itela u pembelela.
Vhalani hafhu:Xolani o vhuyelela kha ‘Sizok’thola’
- Source:perfectdealz.co.za
- Translator: Nthaduleni Rolivhuwa
