Murungi makone wa mufumakadzi mutuku ane a khou bvelela,  Nombulelo Ngqoshela Mkhize mune wa Mangqosh o ḓiitela dzina nahone u vhonala o ḓiimisela u ya kule kha heḽi sia.

Musi vha tshi amba na vha Uthogomisa, mufumakadzi ane a vhidzwa Mangqosh ḽine ḽa vha dzina ḽa brand yawe uri u bva Empangeni, Mushumo wawe a u sokou vha wa fesheni fhedzi. Ndi nga ha ndeme, Ndi nga ha u anetshela zwiṱori.

“Ndi tama zwiambaro zwanga zwoṱhe zwi tshi anetshela ngaha mufumakadzi wa Afrika ane tshitaila tshawe tsho ḓisendeka kha midzi ya Afrika zwine zwa vha na ṱhuṱhuwedzo ya ḽifhasi ḽoṱhe.” O ralo.

O sumbedzisa uri lufuno lwawe lwa fesheni lwo thoma a kha divha kha murole wa vhuna . O vha a tshi dzulela u vhona The Bold And The Beautiful  a edza u humbula hu ene ane a khou runga zwiambaro zwothe hezwo.

Nombulelo o ri” Ndi khou aluwa Mmane wanga vho vha vha na mutshini wa u runga, ndo vha ndi na dzangalelo nawo nga maanḓa.

O dovha hafhu a sumbedzisa uri khaedu u ya tangana nadzo fhedzi ha tendi dzi tshi mu dzudza fhasi.

“Lwendo lwanga a lu ngovha lwo leluwaho fhedzi u ḓiimisela hanga ho nnyita uri ndi kone u fhira kha zwinzhi.

“Ndi humbula uri u lugisa brand yanga zwavhuḓi na u ita uri ndi dzule ndi tshi kona u swikelela ṱhoḓea ndi zwa ndeme vhukuma.

“Tshiṅwe tshifhinga u aluwa nga u ṱavhanya ndi zwone zwine zwa ita uri mabindu a fe.

“Nga minwaha miṱanu ndi vhona Mangqosh sa brand ine ya divhea vhukuma.Ndi vhona Mangqosh i tshi khou thola vhathu vhane vha bva kha 50 uya kha 100, ndi vhona ri tshi khou rumela zwiambaro shango lothe.

“Ndi vhona vhaḓivhalea vha ngaho vho Bonang Matheba , Ayanda Thabethe u swika kha vho Nomzamo Mbatha vha tshi khou ambara Mangqosh.

“Ndi vhona ri tshi khou ṱuṱuwedza vhafumakadzi vhatuku vhane vha bva kha vhupo hu shayaho uri zwothe zwi a konadzea.Ndi vhona mathomo a ifa line ḽa ḓo tshila tshifhinga tshilapfu nga murahu ha musi ndo no ṱuwa. 

U wina pfufho ya NikNaks zwi do shandula zwothe kha Mangqosho . A zwi nga ḓo vha zwa u ita tshelede fhedzi, fhedzi na zwa u ita mvelelo khulwane.

Nombulelo u khou toda u sika mishumo,u sika ifa na u vhea  kha mapa.

“Ndi ṱoḓa shango ḽi tshi ḓivha Mangqosho na zwitori zwine ya anetshela,” U ralo nga vhuḓifhulufheli kha ipfi ḽawe.

• Vha nga mu wana hani? 

Online store: mangqosh.com
Facebook: mangqosh
Tiktok: Mangqosh Makes Clothes
Instagram:Mangqoshstore
 Whatsapp: 0738905333-