DJ Zinhle o amba nga murahu ha musi Seemah, muhashi wa podcast ya Spreading Humours, o sema munna wawe, Bongani “Mörda” Mohosana khagala, a tshi mu vhidza “mmbwa” ngeno a tshi khou fhindula kha mavharivhari a vhufhura ane a khou bvela phanḓa.
Vhupfiwa uhu ho ḓa nga murahu ha musi muṅwali wa dzi-blog Musa Khawula o amba uri Mörda o vha a tshi khou funana na mufumakadzi wa miṅwaha ya 22 ane a pfi Kimberly, ane hu pfi u shuma kha kilabu ya Johannesburg.
Mafhungo aya o no fhedza maḓuvha a tshi khou ḓivhea, a tshi khou bveledza khanedzano dzi fhisaho kha nyanḓadzamafhungo ya matshilisano nga ha vhushaka ha vhavhingani.
Nga tshifhinga tsha podcast, Seemah o amba nga ha mavharivhari, a amba uri o vhuya a humbula uri Mörda ndi munna a ṱhonifheaho.
- vhari wana kha facebook| .Uthogomisa
O engedza nga uri, “O mu sedza u humbula uri Zinhle o fa ngo wana, kanti yinja (ndi mmbwa).”
Zinhle, we mathomoni a vha o iledza u amba nga ha ḓirama, o fhedza o kovhelana vhuḓipfi hawe kha TikTok, a dzumbulula nḓila ye a vhaisala ngayo nga zwe Seemah a amba.
“Ngoho ndo vha ndi tshi khou lingedza u sa dzhiela nṱha zwithu zwoṱhe zwine zwa khou itea kha social media, u sa ṱhonifha hune ha ḓa nazwo,” o ralo.
“Fhedzi kha ndi ni vhudze, ahuna tsho mbaisaho nga maanda u fana na muthu a tshi vhidza munna wanga inja.”
Muimbi wa nyimbo dza Indlovu o talutshedza uri tsho muvhaisaho vhukuma ndi uri zwo ambiwa nga muthu ane a mudivhesa.
“Ndi humbula uri tshithu tshe tsha nṱarafa vhukuma nga ha tshenetsho tshitatamennde ndi ngauri ndi a ḓivha mufumakadzi.
Ndi amba nae lunzhi kha DM tshiṅwe tshifhinga. Ndo renga kha bindu ḽawe, ngauralo o vha a tshi nga swikelela kha nṋe arali o vha a tshi vhilaela, fhedzi o ya thwii kha TikTok u vhidza munna wanga mmbwa,” Zinhle o ralo.
