U sola

Mulandu wa u rwa wa Gogo Maweni wo fhiriselwa phanḓa

Vho Gogo Maweni ndi ṅanga i ḓivheaho.

 vho dzhena  Khothe ya Madzhisiṱaraṱa ya Protea nga nḓila i mangadzaho, vho fhelekedzwa nga khamera dzine dza khou dzhia zwithu zwothe.

Mutambi wa kha thelevishini, ane dzina ḽawe ḽa vhukuma ndi Makgotso Mofokeng, u khou sedzana na milandu ya u rwa o ḓi imisela u  vhaisa lushushaho muvhili (GBH) zwo iteaho nga 2019.

Musi a tshi swika khothe na tshigwada tsho fhelelaho tsha khamera u bva kha mbekanyamushumo yawe ya  Thokoza Gogo kha Moja Love,

 Maweni o dovha a tikedzwa nga munna wawe, Sabelo Mgube, khathihi na khonani dza tsini na miraḓo ya muṱa.

Naho mulandu wo vha u muhulwane, u vha hone ha khamera zwo vha zwi mavhonywa

Zwazwino vho bva nga beili ya rannda dza zwigidi zwiṱanu (R5,000).

 Vho-Maweni vho ḓivhonadza phanḓa ha khothe sa zwe vha vha vho dzudzanya zwone.

Vho ḓivhadzwa uri mulandu wavho wo fhiriselwa phanḓa nga ḽa 15 Lambamai ṋaṅwaha.

Musi   khothe yo no fhela, tshiṱori tsho ṱanganaho na u vha hone hawe tsho fhela, zwa zwino.

Nga nnḓa ha mulandu wa u rwa wa 2019, ṅanga I yi i dovha ya vha na muṅwe mulandu u sa athu tandululwaho u bva nga 2017.

 Izwo zwo  khwaṱhisedzwa nga Yunithi ya Ṱhoḓisiso ya Milandu ya cold ya Vunḓu ḽa Gauteng.

Musi nndwa dzawe dza mulayo dzi tshi kha ḓi bvela phanḓa, maṱo oṱhe a kha ḓi vha khae.

Na kha zwine zwa ḓo itea kha mulandu wawe u ne wa kha ḓi bvela phanḓa.

vhalani hafhu:Vha maZulu vha khou toda u ṱolwa hafhu ha Shaka Ilembe

  • Source: fakazanews.com
  • Translator: Nthaduleni Rolivhuwa
Thelevishini

Vha maZulu vha khou toda u ṱolwa hafhu ha Shaka Ilembe

vha nnḓu ya vhuhosi ya maZulu vho humbela u sedzuluswa ha Shaka Ilembe zwine zwa ḓo sumbedzwa kha thelevishini musi zwi sa athu andadzwa.

Hezwi zwo  itiswa ngauri Shaka Ilembe ya u thoma a I ngo vha takadza ngauri yo vha o ḓala vhukhakhi vhunzhi kha ḓivhazwakale ya ma Zulu.

Mukololo Nathi, muambeli wa khosi Misuzulu ngei Zwelithini, vho amba nga ha mbilaelo dza muṱa wa vhuhosi.

“Ro vha ri tshi khou vhilaela vhukuma nga ha Shaka Ilembe ya u thoma ngauri yo vha i kule vhukuma na ngoho ya zwe zwa itea.

“Zwino, ri khou vhilaedziswa nga uri hoyi I ḓo bvela phanḓa na u amba zwithu zwi si ngoho nga ha mvelele yashu,” ho amba  mukololo Nathi.

 “Mashudumavhi, vhahulwane vho vha vho badelwa ngauralo ro vha ri sa tsha kona u humbela. Ro dinalea vhukuma nga zwe ra sumbedzwa zwone.”

Musanda vha khou humbela fhedzi uri Bono ḽa vhuvhili ḽi lingiwe ḽi sa athu thoma u shuma.

“Ri khou ofha uri arali zwa shumiswa hu si na thendelo, vhathu vha ḓo zwi dzhia sa ngoho nga ha ḓivhazwakale ya amaZulu,” ho amba Vho-Zulu.

Muḓivhi wa zwa mvelele Dr Mathole Motshega vho dzhiela fhasi u shumiswa luvhi ha ḓivhazwakale ya Afrika.

Hezwi ndi u nyadza vhathu vha maZulu na dziṅwe tshaka dza Afrika.

Dziṅwe mvelele dzi a ṱhonifhiwa, fhedzi ḓivhazwakale ya Afriki i khou dodzwa matope nga ṅwambo wa tshelede fhedzi.

Mhlathuze Mhlongo u bva kha muta wa ha Mhlongo o sumbedza vhunwe vhukhakhi kha bugu ya Shaka

“Vho khakha nga u amba uri vhabebi vha shaka vho malana, nahone vhathu vha Mhlongo vho vha vhe na vhushaka ho khwaṱhaho na vha Ndwandwes. Hezwi zwi tea u tandululwa,” hu amba Mhlongo.

vhalani hafhu:Amanda Black – “Sjava ha ngo tambudza lwa vhudzekani”

  • Source: entertainmentsa.co.za
  • Translator: Nthaduleni Rolivhuwa
Hhadivhalea

Amanda Black – “Sjava ha ngo tambudza lwa vhudzekani”

Muimbi wa Afrika Tshipembe Amanda Black o dzudzanya mafhungo nga murahu ha musi o ṱumanywa na mavharivhari a uri Sjava tambudza  lwa vhudzekani.

Muimbi we a wina pfufho o ḓo ita thoho dza mafhungo nga murahu ha zwe zwa anḓadzwa kha twitter,

 Zwo anḓadzwa nga akhaunthu yo nwala dzina ḽawe hu tshi khou sumbedziswa uri  Sjava o mu reipa.

Mafhungo eneo o mbo ḓi phaḓalala nga u ṱavhanya, zwa ṱuṱuwedza nyambedzano kha nyanḓadzamafhungo ya matshilisano.

Fhedzi-ha, Vho-Amanda vho bvela phanḓa vha tshi hanedza uri vho dzhenelela kha mavharivhari aya.

Musi vha tshi dzhena kha nyanḓadzamafhungo ya matshilisano, vho hanedza nga ho khwaṱhaho mafhungo eneo, vha ri:

“Hurini vhathu vhothe, Sjava ho ngo ntambudza lwa vhudzekani. A thi na nḓivho ya uri mafhungo aya o bva ngafhi, fhedzi a si ngoho nahone ha ngo bva kha nṋe,”

Phindulo yawe yo ṱanganedzwa nga u livhuhiwa nga vhafuni, sa izwi vhanzhi vho vha vho no thoma u tenda zwine zwa khou ambiwa,

nga maanḓa ri tshi sedza nndwa ya mulayo ya kale ya Sjava na muimbi Lady Zamar, we a vha o mu pomoka uri o mu reipa.

Naho mulandu wo bviswa nga murahu, wo vha na masiandoitwa a tshoṱhe kha mishumo yavho vhuvhili havho.

U swika zwino, Sjava, ane dzina ḽawe ḽa vhukuma ndi Jabulani Hadebe ha athu amba nga ha khanedzano  iyo.

vhalani hafhu: Bahumi Mhlongo u bva mulomo nga ha vhulwadze hawe

  • Source: fakaza.com
  • Translator: Nthaduleni Rolivhuwa
Hhadivhalea

Bahumi Mhlongo u bva mulomo nga ha vhulwadze hawe

Bahumi Mhlongo zwenezwino o amba na vhatevheli vhawe, a tshi khou vha vhudza nga lwendo lwa vhulwadze hawe hune ndi kale a khou lwa hano.

 Muambi wa ṱhuṱhuwedzo o dzumbulula uri u na vhulwadze ha Lymphoedema .

Lymphoedema, kanzhi i vhangwa nga u tshinyadziwa ha lymph node kana u bviswa nga mulandu wa dzilafho la cancer,

 zwi ya ita uri hu vhe na u zwimba kha zwanḓa kana milenzhe,

 tshinwe tshifhinga zwi tshi khou tshimbila na vhuṱungu na u sa ḓipfa zwavhuḓi.

Kha zwe a anḓadza zwone , Bahumi o elekanya nga ha tshenzhemo yawe:

1. U bva mulomo kha vhuṱungu

“Ndo wanala ndi na vhulwadze ha Lymphoedema miṅwahani i fhiraho fumi yo fhiraho, fhedzi lwa tshifhinga tshilapfu, ndo vha ndo fhumula nga hazwo.

 Ndo vha na nḓowelo ya u ḓiita u nga ndi khwine naho  ndi si khwine u itela u iledza u hwesa vhaṅwe muhwalo.

 u sa dzhiela nṱha vhuṱungu, hu nga vha ha ṋama kana ha maḓipfele, a si u thanya.

Arali Mudzimu a  vhidza ṱhogomelo khmutakalo waṋu, ni songo zwi nyadza. Ṱoḓani thuso.”

2. U ḓitika nga Tshilidzi tsha Mudzimu

“Ndo lwisana na vhuṱungu, u dinalea, na mutsiko wa u dzula ndo ḓi kwathisa.’

Ndo vhudzisa Mudzimu uri, ‘Ndi ngani nṋe?’ Fhedzi kha zwoṱhe, ndo guda uri vhuthu Hawe ho eḓana.

Ndi mufhodzi wanga, nahone lutendo lwanga lu khae tshifhinga tshothe misi yothe.”

3. U Khetha U Livhuha .

“Hu sa londwi nndwa, ndi khetha u livhuwa mvula, vhudzulo, milenzhe yanga, u vhona hanga, vhutshilo hanga.

 Roṱhe ri sedzana na nndwa, fhedzi dzi fanela u ri isa fhethu hune ra ḓiṱukufhadza hone.

 Livhuwani zwine na vha nazwo, ni fulufhele tshilidzi tsha Mudzimu kha zwine na si vhe nazwo .”

vhalani hafhu: Pabi Cooper u pembelela  u fara minwaha ya 24 nga ndila ya vhugwena

  • Source: fakaza.com
  • Translator: Nthaduleni Rolivhuwa
Thelevishini

Vhavhili vho huvhala nga murahu ha musi Skeem Saam yo ṋenga mulilo.

Vhatambi na tshigwada tsha soapie yo ḓivheaho, Skeem Saam, vho ṱungufhala nga murahu ha musi ho vha na

mulilo kha sethe ya mbekanyamushumo we wa sia muraḓo muthihi wa vhashumi o huvhala na u valelwa vhuongeloni.

Kha soapie hu na vhatambi vha ngaho Hungani Ndlovu, Clement Maosa, Mogau Motlhatswi na Eric Macheru.

A zwi athu vha khagala uri ndi mini tsho vhangaho mulilo naho zwo ralo,

nga murahu ha musi yo dala Sasani Studios ngei Johannesburg nga Musumbuluwo nga masiari, miraḓo mivhili ya vhatambi vho huvhala ngeno vhaṅwe vho shavha.

SABC yo khwathisedza kha ZiMoaj uri mirado mivhili ya vhatambi vho huvhala nahone vha khou wana thuso ya mishonga.

Muhulwane wa vhudavhidzani kha SABC, Vho-Mmoni Ngubane vhari tshikalo tshe mulilo wa tshinyadza zwishumiswa ngatsho tshi kha di tea u senguluswa.

 “SABC I khwaṱhisedza uri ho vha na mulilo ngei Sasani Studios kha sethe ya ḓirama ya SABC 1, Skeem Saam, zwe zwa ita uri miraḓo mivhili ya tshigwada I huvhale nahone I vhe vhuongeloni,’ vho ralo.

 Hu kho pfhala uri mulilo wo vhanga tshinyalelo ya zwigidi zwa dzirannda kha zwishumiswa.

Naho zwo ralo, ri kha ḓi ṱoḓa sedza vhuleme ha tshinyalelo.

Vha SABC vho tamela mashudu vhashumi vho huvhalaho uri vha ṱavhanye vha fhole

vhalani hafhu: Minnie Dlamini o wina pfhufho yawe ya u thoma ya Forbes

  • Source: zimoja.co.za
  • Translator: Nthaduleni Rolivhuwa

Hhadivhalea

Minnie Dlamini o wina pfhufho yawe ya u thoma ya Forbes

Edzani u humbula hezwi: ni tshini na ubva kha samite ya Forbes ya vhafumakadzi vhane vha khou ranga phanda.

Napfha hu khou vhidzeleliwa dzina ḽanu.

No wina pfhufho ya vhuḓimvumvusi na nḓila ye na ḓi fara ngayo nga murahu ha upfa izwo ndi ya nṱhesa nga  maanḓa.

Humbulani Beyonce kha dzi Grammy musi a tshi wanulusa uri o wina pfhufho ya alibamu ya ṅwaha.

Hezwo zwo vha zwi ngoho kha Minnie Dlamini madekwana a Mulovha.

Hu tshi sedzwa kha lwendo lwawe lwa vhurangaphanḓa, Minnie o amba u ri

“ Uvha murangaphanḓa zwi amba u pfesesa uri vhurangaphanḓa a si u ḓisa zwithu zwavhuḓi kha lushaka fhedzi zwi katela na u bvisa vhuhulu vhune ndi kale vhuhone ngangomu ha vhahu.”

O bvela phanḓa a ri “ Ndi ngazwo ndi tshi bveledza na u ita zwine nda ita ngauri ndi ṱoḓa u ṱandavhudza, na u ṱuṱuwedza murafho u tevhelaho wav ha tambi makone.”

A tshi tanganedza pfhufho yawe o humbula nga ha mathomele awe :

Zwo thoma musi ndi tshe univesithi ndi tshi tovha na muloro fhedzi,

Ndo ima kha muduba hu na vhathu vha zwigidi vha re na fhulufhelo ḽa uvha muhashu wa thelevishini.

Afrika Tshipembe ḽo shandukisa vhutshilo hanga musi ndi tshi wina houla mutatisano.

Zwe nda si zwi ḓivhe ndi zwauri shango, na ndowetshumo ya u mvumvusa zwi ḓo shandukis hani vhutshilo hanga.

Musi a tshitanganedza pfhufho o shumbedza u livhuwa zwihulwane.

O amba u ri “ ndi livhuwa vhukuma mushumo we ndavha nawo fhedzi u fhira zwothe ndi livhuwa u ṋewa tshikhala tsha u amba tshitori tshanga sa muveledzi.”

O isa phanḓa nga u ri “ u kona u wana na u alusa murafho u tevhelaho wa vhukonani ndi zwihulwanesa.”

vhalani hafhu: Cassper Nyovest u fhindula kha u sasaladza ha MACG: “vha tea u amba nga ha ini”

  • Source: entertainment.co.za
  • Translator: Nthaduleni rolivhuwa

Uncategorised

Pabi Cooper u pembelela  u fara minwaha ya 24 nga ndila ya vhugwena

Muimbi wa Amapiano Pabi Cooper u kha ḽimuya ḽa u pembela sa izwi  a tshi khou fara minwaha ya 24 namusi.

O kovha zwinepe zwi mangadzaho zwawe  o fara maluvha matswuku, a  tshi khou ṱakalela ḓuvha lo  khetheaho.

Pabi o ḓi kanda  nga khekhe ya ḓuvha ḽa mabebo, sa zwine zwa khou vhonala  kha zwinepe zwo poselwaho kha Instagram.

 “Muṅwe ṅwaha u mona na ḓuvha. Izwi ndi fumbiliiṋa( 24) ”

o ṅwala nga fhasi ha positi, ye nga u ṱavhanya ya ḓala nga u tamela mashudu ubva kha  vhafuni na khonani dza nḓowetshumo.

U engedza kha dakalo, Pabi o kovhelana mulaedza wa ḓuvha ḽa mabebo u bvaho mbiluni u bva kha mufuṅwa wawe Focalistic, kha zwiṱori zwawe zwa Instagram.

“Ḓuvha ḽavhuḓi ḽa mabebo @cooperpabi. Ndi livhuwa uri no vha tshedza tshi penyaho vhukuma. Ni songo vhuya na litsha u mwemwela,” o ṅwala nga u ralo.

Vhalani hafhu: Shimza u pembelela Julius Malema kha u fara minwaha ya fuiṋaiṋa (44)

  • Source: fakaza.com
  • Translator: Nthaduleni Rolivhuwa

Uncategorised

Minnie Dlamini na Dokotela Brian Monaisa vha khou ḓiphina  nga lufuno ngei Lagos, Nigeria

Minnie Dlamini na mufunwa wawe Brian vha khou ḓiphina nga holodei ngei Lagos

Vho Minnie Dlamini na mufarisi wavho, Vho Dokotela Brian Monaisa, vha khou ḓiphina nga maanḓa a vhutshilo a Lagos, Nigeria, musi vha tshi khou ḓiphina nga holodei yo vha fanelaho vhoṱhe.

Minnie Dlamini o anḓadza zwifhinga zwi mangadzaho zwa lwendo lwavho, a tshi dzhia zwifanyiso zwa zwiiteaho—u bva kha u awela tsini na lwanzhe na zwifhinga zwa u ṱangana nga ḓuvha u ya kha maḓikiṱa a takadzaho na khonani na u ṱola zwiṱaraṱa zwi re na vhathu vhanzhi zwa Lagos.

Musi a tshi sumbedza lufuno lwawe na u livhuwa, Minnie o ṅwala kha iṅwe ya poso dzawe a ri “ uwana lufuno kha dzhango ḽa Afrika ndi vhungome ho kunaho fhedzi . Ndi fulufhela uri no vha na ṅwedzi wa mabebo u mangadzaho, mufuṅwa wanga.”

Vhafunani avha vhane vho no bvela khagala nga ha vhushaka havho, vho vha vha tshi khou kovhelana zwifanyiso zwi takadzaho vhege dzo fhiraho, zwine zwa takadza vhukuma vhatevheli vhavho.

Vhalani hafhu:

Cassper Nyovest o fhedza tshelede yak ha akhanthu yawe kha vidio ya muzika wa ‘Kusho Bani’

  • Source: fakaza.com
  • Translator: Nthaduleni Rolivhuwa
Uncategorised

Makhadzi o wina ‘Mutshini wa Nṱhesa’ kha Pfufho dza Trace dza 2025

Muimbi wa Afrika Tshipembe Makhadzi o wana gundo kha pfufho dza Trace 2025.

Muimbi  wa nyimbo dza Ma Gear o nangiwa kha zwigwada zwivhili – Muimbi  wa Mufumakadzi wa Nṱhesa na Mutshini wa Nṱhesa wa Ṅwaha.

Makhadzi o vha a kha bambe na Dancegod Lloyd, Kamo Mphela, Telminho, Ordinateur, Ikorodu Boys, na vhanwe vha si gathi fhedzi ha wina ene.

U dzhia kha nyanḓadzamafhungo ya matshilisano, o kovhelana zwinepe zwa mbonalo yawe kha mushumo wa pfufho na u sumbedza u livhuwa u kunda.

O ṅwala u ri “Ri a fhululedza khadzinators  , MUDZIMU O ITA ! , WO ZWI ITELA NNE. Phaṱhutshedzo NṰHA HA Phaṱhutshedzo, ro thoma ṅwaha washu wavhuḓi nga mvelaphanḓa KHULU. Ndi khou livhuwa lufuno na thikhedzo . @traceawards ri livhuwa u ita uri ri penye sa ḓuvha  tshifhinga tshoṱhe. Ndo tshimbila awara dza 9 ndi tshi khou ya u  i dzhia nda wana yo kuna nahone yo naka,”

Vhalani hafhu:

Rachel u pembelela ḓuvha la mabebo ḽa murathu wa Siya Kolisi ane a vha Liyema musi a khou fara minwaha ya fumbiliraru(23)

  • Source: fakaza.com
  • Translator: Nthaduleni Rolivhuwa

Uncategorised

Master KG vha vala mavharivhari a u funana na Faith Nketsi

Master KG uri ha khou funana na Faith Nketsi.

Master KG u fhelisa tshililo tshawe malugana na mavharivhari a uri vha khou funana na Faith Nketsi.

Mafhungo aya o vusa nyanḓadzamafhungo kha nyanḓadzamafhungo ya matshilisano sa izwi vhanzhi vho tenda mafhungo aya u bva tshee vhathu avha vha shera zwinepe vha fhethu hu no fana.

Vhashumisi vha inthanethe vho ṱavhanya u phetha nga ḽa uri muṱuṱuwedzi na mubveledzi wa muzika vha kha holodei roṱhe ngei Switzerland.

 Musi Faith Nketsi a tshi khou hanedza mafhungo aya a tshi shumisa vidio ya Keke Palmer, Master KG o ṅwala kha Twitter uri .

Murero wo ḓoweleaho wa u bvisa mbilaelo.

“Ni songo tenda tshithu na tshithihi tshine na tshi vhala. Zwiṅwe zwithu zwine na nga zwi amba uri ndi zwithu zwi si na mushumo nahone zwi sa  pfhali,” o ṅwala nga u ralo.

Vhalani hafhu: Nota u bva mulomo musi mulandu wa u reipa wo phumuliwa

Faith Nketsi o fhindula mafhungo a u funana na Master KG – “A thi divhi uri hoyu munna ndi nnyi”

Exit mobile version