Hhadivhalea

Sweet Guluva u livhuwa vhatikedzi vhawe.

Sweet Guluva o tsivhudza vhathu vhane vha khou bvisa masheleni kha vhafhuri

Muwini muswa wa Big Brother Mzansi S5, Sweet Guluva o livhuwa vhatikedzi  zwi tshi tevhela gundo lavho nga Swondaha.

Mutambi wa big brother we a ṱuwa na pfufho khulwane ya R2 miḽioni, o dzhena kha nyanḓadzamafhungo ya matshilisano u livhuwa vhe vha shela mulenzhe kha u bvelela hawe.

“Ndi khou tou ṱoḓa u dzhia tshifhinganyana u livhuwa muṅwe na muṅwe  kha lufuno lwaṋu, thikhedzo, na vouthu dzaṋu. Lwendo ulwu lwo vha lu sa ḓo konadzea arali no vha ni siho! Ndi a ni livhuwa vhukuma noṱhe.” o ṅwala kha Twitter.

Kha mulaedza wawe, Sweet Guluva o dovha a amba nga ha fhungo la miṋeelo,

a humbela vhafuni vhawe uri vha ṱhogomele vhafhuri vhane vha lingedza u shumisa dzina ḽawe.

o khwaṱhisedza vhatikedzi uri zwidodombedzwa zwa muṋeelo wa tshiofisi zwi ḓo kovhelwa nga matsheloni a tevhelaho

nahone o ombedzela uri mafhungo maṅwe na maṅwe a songo ṅwalwaho kha masiaṱari awe o khwaṱhisedzwaho ha faneli u fulufhedzea.

Gundo ḽawe ḽi khou ḓa nga murahu ha muṱaṱisano wo khwaṱhaho, hune Uyanda a bvelela sa wa vhuvhili .

vhalani hafhu: vhafunzi vho Mboro vha ri u farwa zwo vha durela R60 million

  • Source: fakaza.com
  • Translator: Nthaduleni Rolivhuwa
Hhadivhalea

vhafunzi vho Mboro vha ri u farwa zwo vha durela R60 million

Vhafunzi Mboro vho tshaya nga ṅwambo wa mulandu wa khothe

Vho-Paseka “Mboro” Motsoeneng vha khou pfa vhuleme ha zwa masheleni nga murahu ha musi vho farwa nga ṅwedzi wa Ṱhangule ṅwaha wo fhiraho.

Murangaphanda wa kereke ya Incredible Happenings vho ḓivhonadza khothe lwa tshifhinganyana khothe ya madzhisiṱaraṱa ya Palm Ridge ṋamusi,

 he vha amba nga ha masiandoitwa a mulandu uyu kha vhutshilo havho.

Musi vha tshi khou amba na vhoramafhungo nnḓa ha khothe, Vho-Mboro vho amba uri u farwa havho zwo tshinya bvumo ḽavho,

 zwa ita uri vhathu vha si tsha dzhena kereke nahone zwa vha sia vho xelelwa nga masheleni manzhi.

“Mbuelo yanga, u tshinyadzwa ha vhumuthu hanga, na vhathu vha fulufhedzeaho vho xelelwa nga haya havho ha muya. Ngauralo tshinyalelo i hone.  Ni tshi vhalela muholo we nda vha ndi tshi khou ya u u ita. u tshinyadzwa ha ndaka yanga na lupfumo lwanga zwi fhira R60 miḽioni,” vho ralo.

Mboro o farwa nwaha wo fhelaho nga murahu ha musi vidio yawe tshikoloni tsha fhasi ngei Katlehong yo no phaḓalala.

Zwifanyiso zwo sumbedza a tshi khou fara dzi panga, tsini na muthu o faraho tshigidi, ngeno vhana vha tshi khou vhidzelela nga u tsikeledzea.

Hu pfi tshiwo itshi tsho vha tshi tshi tshimbilelana na khanedzano ya u vhulunga ṅwana,

 fhedzi murangaphanḓa wa kereke ane a khou ṱaṱisana  uri ha na mulandu.

Vhone na muhwelelwa ngavho, hu tshi katelwa na mutukana wavho Revival Motsoeneng,

vha khou sedzana na milandu ya u tswa, u vha na zwihali zwi re na khombo, na u rwa.

Nga murahu ha u farwa hawe, Mboro o ṋewa beili ya R3,000, ngeno muhumbulelwa ngae o fhedza maḓuvha a fuina e dzhele a kona u bviswa nga u to kaidziwa nga khothe.

Mulandu u kha ḓi bvela phanḓa.

vhaani hafhu: Vhatikedzi vha Uyanda vho kuvhanganya masheleni a fhiraho R160k

  • Source: fakaza.com
  • Translator: Nthaduleni Rolivhuwa
Hhadivhalea

Vhatikedzi vha Uyanda vho kuvhanganya masheleni a fhiraho R160k

Mutambi wa vhuvhili wa Big Brother Mzansi season 5, Uyanda, u khou pfa lufuno lu bvaho kha vhafuni nga murahu ha u fhedzisela ha mbekanyamushumo nga Swondaha.

Musi muḓivhalea wa miṅwaha ya 23 wa Cape Town Sweet Guluva a tshi ṱuwa na pfufho khulwane ya R2 miḽioni,

vhatikedzi vha Uyanda vho ṱangana murahu hawe, vha thoma tshikwama tsha u netshedza tsheledze.

Tshikwama itsho tsho novha na masheleni a fhiraho R160,000.

Vho ḓiimisela u sumbedza u livhuwa havho, vhatikedzi vha khou ṱoḓa u kuvhanganya masheleni a fhiraho R1 million a Uyanda.

Thikhedzo khulwane yo vusa nyambedzano khulwane kha nyanḓadzamafhungo ya matshilisano, na uyanda a tshi khou ḓivhea kha dzipulatifomo dzoṱhe.

Mushumisi wa X Danilo o kovhelana mvelaphanḓa nga ha miṋeelo, a ṅwala a ri:

“Zwino ro no ṋetshedza zwi fhiraho zwigidi zwa 160 zwa Uyanda hu sa athu fhela awara dza 24. Nga ḓuvha ḽa muholo matshelo na maṅwe mafhelo a ṅwedzi … Ri kha ḓi ya. Badger, u a funwa.”

vhalani hafhu: Sweet Guluva o wina ‘Big Brother Mzansi’ S5.

  • Source: fakazanews.com
  • Translator: Nthaduleni Rolivhuwa
Thelevishini

Sweet Guluva o wina ‘Big Brother Mzansi’ S5.

U lindela ho fheleledza ho fhela! Nga murahu ha khalanwaha yo khwaṱhaho ya u shanduka na zwimangadzo zwi mangadzaho, ho ḓivhadzwa muwini wa “Big Brother Mzansi” khalanwaha ya vhuṱanu.

Sweet Guluva, ane dzina ḽawe ḽa vhukuma ndi Akhonamathemba Mbele, o ṱuwa na tshiphuga khathihi na pfufho khulwane ya R2 miḽioni.

Mutambi wa minwaha ya 23 o vha e na vhukoni, a tshi tshama na u konḓelela u bva tshe a dzhena nḓuni, zwa ita uri a vhe na vhafuni vhanzhi.

Nga u ṱangana ha vhukoni hawe , u tshama na u ḓiimisela, Guluva o kunga vhataleli na u fhira vhane a dzula navho nḓuni.

Ngoho muṱaṱisano wo vha u muhulwane nahone vhaṅwe vhaṋa vha nṱha vhane vha dzula nḓuni Jojo, Nate, Nsuku, na Uyanda vho ṋekedza zwoṱhe.

Muṅwe na muṅwe o ḓisa maanḓa awe na zwiṱirathedzhi zwawe kha mutambo,

 zwa ita uri ino khalanwaha i fhisaho i vhe ine ya ḓo humbulea.

Fhedzi mafheleloni, vhaṱaleli vho dzhia tsheo vha nanga Sweet Guluva sa ene muwini.

vhalani hafhu: U wa ha miḽionea’: MaMkhize u ngafhi zwino?

  • Source: fakaza.com
  • Translator: Nthaduleni Rolivhuwa
U sola

U wa ha miḽionea’: MaMkhize u ngafhi zwino?

Naho vho vha vhe muṅwe wa vhaḓivhalea mufumakadzi wa mabindu, Shauwn ‘MaMkhize’ Mkhize

o ngalangala kha ṱhogomelo vhukati ha maṱungu awe na Tshumelo ya Mbuelo ya Afrika Tshipembe (Sars).

A zwi timatimisi uri vhashumisi vha inthanethe vho vha vha tshi khou lingedza u wanulusa nga ha hune MaMkhize a vha hone.

U khou trenda nga murahu ha musi Sars yo vhea kilabu yawe ya bola ya milenzhe, Royal AM, kha thengiso u itela u vhuisa tshikolodo tsha R40 million.

Miṅwahani ya zwenezwino, MaMkhize o kokodzelwa khothe nga ṅwambo wa mithelo na zwikolodo zwi songo badelwaho.

Fhedzi nwaha wo fhelaho, muthelisi o tevhela muhulwane wa mabindu a dzhena kha

nnḓu yawe khulwane ya Durban nga murahu ha musi o kundelwa u tevhedza ndaela dza khothe.

Muthelisi o dzumbulula uri u ṱhaselwa ho vha hu tshipiḓa tsha

‘vhuḓidini hawe ha u lwa na u shavha muthelo na mishumo ya vhugevhenga ine ya dzhiela fhasi ikonomi ya shango.’

Kha u lwa na u ṱhaselwa, Sars na ene o tevhela kilabu yawe, ye ya vha yo ṅwaliswa zwenezwino uri i rengiswe.

 Uya nga ha mivhigo, vhabindudzi vha fhiraho vhaṱanu vho sumbedza dzangalelo kha kilabu.

Vhaṅwe vhathu vha ḓivheaho vhe vha ṋetshedza bidi dzavho vha katela DJ Black Coffee na Muraḓo wa Phalamennde wa MK Party Vho David Skosana.

MaMkhize ha athu bvela vhathuni lwa tshifhinganyana.

Musi vhanzhi vha tshi khou lingedza u ṱumanya dotho nga ha hune a vha hone,

 Vha u gandisa vho vhona uri MaMkhize o vha a siho kha nyanḓadzamafhungo ya matshilisano lwa tshifhinganyana.

Poswo yawe ya u fhedzisela ya Instagram yo vha nga ḽa 8 Phando 2025.

Poswo yawe ya u fhedzisela yo amba nga ha u kundelwa u badela miholo ya kilabu na vhuṱhogwa ha Sars.

Nḓivhadzo ya nyanḓadzamafhungo yo dovha ya ḓivhadza vhatikedzi nga ha thaidzo dza kilabu.

vhalani hafhu: Lufuno lwa vhukuma lwa tshoṱhe’: ndi nnyi Munna wa Natasha Joubert?

  • Source: thesouthafrican.com
  • Translator: Nthaduleni Rolivhuwa
Hhadivhalea

Lufuno lwa vhukuma lwa tshoṱhe’: ndi nnyi Munna wa Natasha Joubert?

 Nyalunako wa Afrika Tshipembe wa 2023 Vho-Natasha Joubert ndi mufumakadzi o malwaho lwa tshiofisi nga murahu ha mbingano ya muloro wawe mafheloni a vhege o fhiraho na Enrico Vermaak.

Vhavhingani avha vhe vha  tshoma u funana u bva musi vha tshe vhaṱuku  

vho fulufhedzisana ṅwaha wo fhiraho kha lwendo lwa lufuno tshikepeni tsha yacht.

Nga Swondaha, ḽa 16 Ṱhafamuhwe, Vho Natasha Joubert vho vhinga Vho ​​Enrico Vermaak fhethu havhuḓi ha Cavalli Estate ngei Kapa Winelands.

Ralunako  o vha o ambara nguvho ya mbingano yo khetheaho kha vhuṱambo hawe ha mbingano.

Vhuṱambo ho khavhiswaho zwavhuḓi na fhethu ha u ṱanganedza vhaeni ho vha ho ḓala u tshina na champagne nnzhi musi vhaeni vha tshi khou pembelela mbingano .

U bva tsheetsho vho shandula dzina ḽavho lwa tshiofisi vha vha Natasha Vermaak.

O fha thoho kha tshinepe tshavho tsha u thoma sa vhavhingani: “U ita uri ndi takale.” Natasha a fhindula a ri: “Na nṋe ndi nga amba zwi fanaho.”

Nrico o vha a tshi ḓivha na u tikelela miloro ya Natasha Joubert ya u ṱaṱisana, hu tshi katelwa na u vha Ralunako wa AfrikaTshipembe.

Nga tshifhinga tshawe tsha u thoma kha muṱaṱisano wa Miss SA nga 2020, Enrico o amba u ri

 “No vha ni tshi lora nga ha ṋamusi u bva ḓuvha ḽe nda ṱangana na inwi, ṋamusi ndi ḓuvha ḽaṋu.

“Naho zwi tshi nga itea mini, u do dzula u khosi ya mufumakadzi mbiluni yanga. Ḓiphineni na ṋamusi ni kuvhatedze secondo iṅwe na iṅwe”.

Nga murahu ha u vhewa hawe khare, Enrico o dzula e phuphu ya thikhedzo nahone o ita na u vhidzwa nga u swaswa “Mr SA by default.”

vhalani hafhu:U bva ha Mshini hu mangadzaho kha ‘Big Brother Mzansi’

  • Source: thesouthafrican.com
  • Translator: Nthaduleni Rolivhuwa
Thelevishini

U bva ha Mshini hu mangadzaho kha ‘Big Brother Mzansi’

Vhunzhi ha vhafuni vhawe na ene mune vho vha vha tshi humbula uri u ḓo swika kha vhaṱanu vha nṱha.

Naho zwo ralo zwithu zwo bvelela nga nḓila yo fhambanaho.

 mafulufulu awe o mmuita uri funeswe nga vhatevheli khs mbekenyamushumo.

 U konḓelela hawe zwo ita uri a dzule a hone u swika kha vhege ya vhuṱahe musi a tshi pandelwa.

Kha nyambedzano yo khetheaho, Mshini o bvisela khagala nḓila ye a konḓelela ngayo nga ngomu nḓuni nahone a livhuwa  vhatikedzi vhawe.

U bva ha Mshini kha mbekanyamushumo zwo tshuwisa vhanzhi, u katela na ene.

 “U amba ngoho, ndi kha ḓi vha ndi sa tendi.”o amba nga u ralo

Naho o vha a tshi tshidzwa tshifhinga tshoṱhe musi a tshi nangiwa, Mshini o  vouthelwa uri a tuwe afho nḓuni.

Musi a tshi vhudziswa uri o lavhelela u bva nḓuni nga hetshi tshifhinga tsha mutambo, Mshini o tenda uri ha ngo lavhelela.

“A thi ngo vhuya nda vuwa ndo nangiwa lwa vhege dza sumbe, ndo nandiwa fhedzi nga vhege ya vhumalo, nda tshidzwa,” o ṱalutshedza.

 “Ndo vha ndi tshi khou fulufhela u swika kha vhege ya u fhedzisela, ine ya vha finale.” o engedza nga u ralo.

kha vhatikedzi vhawe na vhafuni vhawe, Mshini o vha e na mulaedza wo khetheaho.

 “Kha vhatikedzi vhanga, ndi tama u amba uri ndi livhuwa nga maanḓa u nkhetha ndi a zwi ḓivha uri vho vha vha tshi ṱoḓa u mmbona kha final, fhedzi vouthu dzo vha dzi songo eḓana. vha a ḓihudza nga nṋe.”

O tenda uri a nga vha a songo swika kha luṱa lwau fhedzisela,

 fhedzi o vha a tshi ḓihudza nga u takadza vhafuni vhawe na u vha sumbedza ene wa vhukuma.

vhalani hafhu: Mufunwa wa kale wa Moshe Ndiki o shushedza u mutana.

  • Source: iol.co.za
  • Translator: Nthaduleni Rolivhuwa
Hhadivhalea

Mufunwa wa kale wa Moshe Ndiki o shushedza u mutana

Muthannga wa kale wa Moshe Ndiki o tshuwisa ambulula zwothe nga ha vhushaka havho

Mufarisi wa kale wa Moshe Ndiki, Mzie, o fhindula nga murahu ha musi muhashu wa thelevishini o mu pomoka uri ha fulufhedzei kha nyambedzano na Chill.

 kha TikTok, Mzie o sumbedza u dinalea hawe nga u bvela phanḓa ha Ndiki na u shumisa dzina ḽawe u itela u wana vhatevheli.

“Ndo vha ndi tshi khou sedzana na zwanga , naho zwo ralo o vha a tshi dzulela u amba dzina ḽanga kha tshikhala tshinwe na tshinwe. O mmbidza serial cheater kha mbekanyamushumo yawe. U dzulela u amba nga uri thifhulufhedzei  vhunga ene ha athu vhuya a tshita.”

Kha vidio ye ya phaḓalala vhukuma, Mzie o dzumbulula uri Ndiki o vha a tshi vho ya kha therapy musi vha tshi thoma vhushaka havho,

hu si nga ṅwambo wa u sa fulufhedzea khae.

O ṱalutshedza a ri: “Musi ri tshi thoma u funana, o vha o no tsikeledzea nga ṅwambo wa vhushaka he a vha e naho kale.”

Mzie o isa phanda na u sevha uri arali Ndiki a bvela phanda na u amba nga hae kha dzi nyambedzano dzawe,

u do bvisela khagala zwidodombedzwa zwothe nga ha tshifhinga tshe vha vha vhe vhothe.

“Ndi ngani ni tshi dzulela u amba nga nṋe kha dzi podcast ngeno ndi sa athu ṋewa tshikhala tsha u kovhelana sia ḽanga ḽa tshiṱori?” Mzie o vhudzisa.

A sa ambi dzina ḽa muthu, Mzie o amba nga sangoma, ine ya tendiwa uri ndi Phelo Bala,

a tshi amba uri hoyu muthu ndi ene mudzi wa nndwa dza vhuḓipfhi dza Ndiki.

O dovha a amba uri Ndiki o vha a tshi dzula ha Lasizwe, zwe zwa si ambiwe kha dzi nyambedano.

vhalani hafhu: luṱa lwau fhedzisela lwa Big Brother Mzansi S5

  • Source: fakaza.com
  • Translator: Nthaduleni Rolivhuwa
Thelevishini

luṱa lwau fhedzisela lwa Big Brother Mzansi S5

Vhege dza fumi-malo dzo fhiraho dzo vha dzo ḓala dziḓirama na zwithu zwi mangadzaho.

Jojo, Nsuku, Nate, Sweet Guluva,  na Uyanda vha kha di wana tshenzhemo ya nndu ya “Big Brother” sa vhaṱaṱisani vho salaho,

 fhedzi ndi nnyi ane a vha na khonadzeo ya udzhia vhuimo ha u thoma?

Musi vho salaho vha tshi khou lugisa tshipiḓa tshau fhedzisela vha a zwidivha uri tshinwe na tshinwe tshine vha ita tshia dzhielwa ntha.

Sa izwi muhashi wa Smash Afrika o vha eletshedza uri vha tende khavhu dzi tshi penya u fhira kha luṱa holu.

Vhaṱaṱisani vha 5 vha nṱha vho ḓisumbedza sa vhatambi vho khwaṱhaho.

 muṅwe na muṅwe o tshila vhege iṅwe na iṅwe musi a tshi nangiwa kha vhane vha nga tuwisiwa.

Naa hu ḓo vha Nsuku, ane a amba nga ho livhaho na u ḓifulufhela; Nate, mutambi wa tshiṱirathedzhi; Sweet Guluva, mufunwa wa vhafuni; Uyanda, mudededzi ane a sa ime na u tambudzwa; kana Jojo, ane a vha fhasi, ndi nnyi ane a dzhia khare?

Nga Swondaha ino, muwini wa “Big Brother” Mzansi season 5 u do bvukululwa, vha do ṱuwa na  pfufho khulwane hayani.

Ngeno vhanwe  vha tshi wana pfanelo dza u dihudza nga u dzhena kha vhatanu vha ntha.

vhalani hafhu: Gogo Maweni u fhelisa vhushaka wa munna wawe na lufarathonga lwawe

  • Source: IoL.co.za
  • Translator: Nthaduleni Rolivhuwa

U sola

Gogo Maweni u fhelisa vhushaka wa munna wawe na lufarathonga lwawe

Gogo Maweni o fhelisa vhushaka ha munna wawe Sabelo Magube na musidzana wawe wa nga thungo o vhifhaho muvhilini.

Rekhodo yo bvaho ya nyambedzano yavho yo no phaḓalala kha nyanḓadzamafhungo.

Kha odio, Gogo Maweni u pfala a tshi khou vhudza munna wawe uri a fhelise vhushaka, a tshi dzumbulula uri u a ḓivha na ḓiresi ya mufumakadzi.

“Mu vhudzeni uri a ni kho toda u vha nae, a ni kho toda u mu vhona, na nne ndi na aḓiresi yawe,… na zwothe zwe na vha ni tshi khou ita nothe zwo fhela,” Maweni o ralo.

odio yo vusa bonyongo kha nyandadzamafhungo vhunga munwe na munwe a kho amba zwone fhedzi.

Muṅwe mushumisi wa X o ṋea vhupfiwa a ri, “ lufarathonga lwawe lwo  vhifha muvhilini. Yoh, ni na tshivhindi. Vheiwe noṱhe  a ni ofhi ndadzi, u tou dzhia munna wa Gogo Maweni?”

Muṅwe o ṅwala uri, “Iyoooooo… Vhafumakadzi vha na tshivhindi vhukuma. Kha vha dzule kule na munna wa hoyu mufumakadzi arali vha tshi ṱoḓa u tshila tshifhinga tshilapfu. Heeee… Vhafumakadzi maar… Ndi vhadzia-khakhathi vha mvelo.”

vhalani hafhu: Mulandu wa u rwa wa Gogo Maweni wo fhiriselwa phanḓa

  • Source: faazanews.com
  • Translator: Nthaduleni Rolivhuwa
Exit mobile version