Makhadzi o vula nga ha mufunwa wawe wa kale we a vha a tshi mu tambudza .
Muimbi we a wina pfufho Makhadzi o tshuwisa vhafuni vhawe nga nzumbululo dzi vhilaedzisaho,
Nga ha vhushaka hawe ha kale, a tshi pomoka mufunwa wawe wa kale uri o mu tambudza.
Muimbi wa nyimbo dza Ghanama, ane dzina ḽawe ḽa vhukuma ndi Ndivhudzannyi Ralivhona, o dzhena kha Facebook u kovhelana zwidodombedzwa zwi ṱungufhadzaho kha mutevhe wa zwithu zwine zwa tungufhadza.
Muimbi o posa vidio ine ya sumbedza tshilonda tshi vhonalaho kha phanḓa yawe, a tshi amba uri ndi nga ṅwambo wa u rwiwa ho vhalaho he a konḓelela.
Kha clip, Makhadzi o humbula u sedzana na ex yawe nga ha u tambudzwa, fhedzi a wana phindulo i tshuwisaho.
“Ni a zwi vhona hezwi? Ndo vha ndo rwiwa sa mmbwa. Musi ndi tshi mu vhudzisa uri ndi ngani a tshi khou nrwa, a ri ndi uri ndi kone u vhifhesa.” O ralo.
Nga nnḓa ha vidio, o dovha a dzhenisa zwifanyiso zwi sumbedzaho zwilonda kha muvhili wawe, a ṋea vhuṱanzi vhu vhonalaho u itela u tikedza zwine a amba.
Naho vha sa athu bvisela khagala vhuṋe ha munna, Makhadzi uri vhushaka havho ho vha ho ḓala lufuno, u swika vhu tshi shanduka ha vha na dzikhakhathi.
Uya nga ha Makhadzi, ex iyi i songo bulwaho dzina yo vha yo mu tshuwisa uri i do mu vhulaha arali a bvela phanda na u bvisa album yawe ntswa.
Kha iṅwe ya poso dzawe, o ṅwala uri, “Ndo rwiwa sa khuhu nga Ḓuvha ḽa Khirisimasi. Ndi ḓo anetshela tshiṱori tshanga.
“Ḓivhani fhedzi uri albamu yanga, #OneWomanStanding, i khou ḓa. Nahone i nga vha ya u fhedzisela ngauri vha ḓo mbulaya nga tshifhinga tshine nda doi bvisa ngatsho.
- VHALANI HAFHU: Ni nga zwi ḓivha hani uri ha tsha vha na dzangalelo kha inwi
“Heyi albamu yo fara zwiphiri zwinzhi. Ndo nanga u dzumbulula zwiphiri nga muzika ngauri ndi funa muzika. U dzumbulula zwinzhi, ndi khou ḓi gwela vhiḓa ḽanga.”
Translated by Nthaduleni Rolivhuwa
