Social media yo vha vho tanganana  ino vhege nga murahu ha musi Samkelo Shezi, muimbi, influencer na murwa wa ramuzika wa kale wa Durban DJ Tira, o posa tshinepe tshawe o ambara zwiambaro zwa nga ngomu zwa vhafumakadzi.

Tshifanyiso tsho ṱavhanya u phaḓalala kha inthanethe, tsha sia vhathu vhanzhi vha Afrika Tshipembe vho hanganea nga ha uri naa o vha a tshi khou tamba, a tshi khou ita contant, kana a tshi khou lingedza u rumela mulaedza.

Shezi ha ngo vha mutsinda kha zwifhinga zwa trenda.

Mathomoni a uno nwaha, o vha thoho dza mafhungo nga murahu ha musi hu tshi pfi o badela lobola kha musidzana wawe, Mbali Dlamini, nga murahu a ita zwa u swaswa nga ha u vha na vhuleme ha masheleni nga nthani ha maitele aya.

Zwino, tshiṅwe tshifhinga tshi songo lavhelelwaho tsho mu vhuyedzedza khau trenda.

Mushumisi a ḓivheaho kha X, @mashesha, o dovha a kovha tshinepe nga Ḽavhuraru, ḽa 10 Nyendavhusiku 2025, a tshi vhudzisa uri, “ndi content na izwi ?” .

Mbudziso yeneyo nthihi yo vula zwikhala zwa u fhindula, na vhashumisi vhanzhi vho tshuwa, u ṱangana ṱhoho na u ṱanganedza.

“Ndi mini zwenezwi?” muṅwe shumisi o vhudzisa, ngeno muṅwe o ṅwala uri, “Udlisiwe lo,” a tshi sumbedza uri a nga vha o “loiwa.”

• VHALANI HAFHU: Shebeshxt o sedzana na u humisa  masheleni a fhiraho R2m 

Vhaṅwe vho amba nga ha khonadzeo ya u shandukiswa ha vhushaka, na muṅwe mushumisi a ri, “Hu na mufumakadzi ane a khou shela mulenzhe.”