Mutambi wa matambwa a ḓivheaho wa Afrika Tshipembe Siyabonga Thwala o vula nga ha tshanduko khulwane kha lwendo lwawe lwa muya, a tshi dzumbulula uri zwino ndi Mukriste o bebwaho hafhu.
Mutambi wa Smoke & Mirrors, ane a ḓivhelwa mishumo yawe kha Isibaya na Empini.
O kovha vhuṱanzi hawe kha vidio ye ya ṱavhanya ya dzhielwa ntha nga vhanzhi kha Social media.
Kha video i bvaho mbiluni, Thwala o ḓivhadza uri tshanduko yawe yo thoma nga murahu ha u vhala bugu ya Tshikhiresithe ye a ṋewa nga khonani yawe yo pfumaho.
he bugu yeneyo, u ri, yo dovha ya ita uri mufumakadzi wawe a lile ḽiṅwe ḓuvha nga murahu ha kereke.
“Yesu o dzhena hayani hashu nga yeneyo bugu,” siyabonga o ṱalutshedza, a engedza nga uri yo vusa u ṱangana na Mudzimu zwine zwa shandula vhutshilo.
Mutambi uyu we a vhuya a khoḓa kereke ya Shembe khagala nga u tamba tshipiḓa kha vhutshilo hawe ha muthu nga eṱhe.
Hu tshi katelwa na u bebwa ha murwa wawe, zwino o ḓifhambanya na vhurabeli ha makhulukuku.
O vhudza vhathu vhe vha vha vho kuvhangana nga tshivhindi a ri:
“A hu na tshithu tshavhuḓi nga u hulisa vhomakhulukuku musi ni tshi tevhela Yesu Kristo,”
A bvela phanḓa a tshi ri, “Ndi a ḓivha zwithu zwi mangadzaho zwe Mudzimu a zwi ita vhutshiloni hanga.”
Uya nga ha Thwala, ndi ene fhedzi muraḓo wa muṱa wawe we a bebwa hafhu.
“A thi ofhi, Yesu ndi mutsireledzi wanga,” o ralo, a tshi zwi bvisela khagala uri lutendo lwawe zwino lwo ḓisendeka nga vhuḓalo kha Kristo.
Miṅwahani yo fhiraho, Thwala na mufumakadzi wawe vho sedzana na nndwa ya miṅwaha mivhili ya u sa vhifha muvhilini.
Kha tshifhinga tsho fhiraho o vha a tshi khoḓa thembele ya Shembe, he mufumakadzi wawe a vhuya a rabela e eṱhe, nga madembe a murwa wavho.
- VHALANI HAFHU: Naledi Aphiwe o nangiwa kha pfufho mbili dza muzika
Hu pfi o vha na muloro we khawo musidzana muṱuku a mu vhudza uri hu si kale u ḓo beba ṅwana wa mutukana wa lukanda lwo nakaho, bono ḽe ḽa bvelela nga murahu.
Translated by Nthaduleni Rolivhuwa
