Model Mohale o fara minwaha ya 30
Mohale Motaung o pembelela tshiitea tshihulwane musi vha tshi dzhena lwa tshiofisi kha miṅwaha ya vhu 30.
Mutambi uyu, we a ḓivhea nga tshipiḓa nga mbingano yawe na Somizi Mhlongo, o ṱanganedza ḓuvha ḽawe ḽa mabebo nga ḽa 9 Fulwana nga muya wa dakalo, u elekanya, na u ḓifuna ho dzikaho.
U swaya vhuṱambo ho khetheaho, Mohale o dzhia nyanḓadzamafhungo ya matshilisano u kovhelana zwinepe zwi mangadzaho u bva kha photoshoot ya ḓuvha ḽa mabebo,.
Zwi tshi khou tshimbila na mulaedza u bvaho mbiluni we wa kwama vhafuni na vhatevheli.
Mudivhalea o humbula nga ha lwendo lwawe u swika zwino, a vula nga ha khaedu, nyaluwo, na tshanduko ye a ṱangana nayo miṅwahani yo fhiraho.
- vhari wana kha facebook| .facebook.com/profile.php
O ṅwala a ri: “Lwo vha lwendo lwavhuḓi lungafhani.”
“Ndo ḓala ngudo, u sea, u fhambana, na u livhiswa hafhu ha Mudzimu. Ndo aluwa, nda ṱanḓavhuwa, a tho ngo guda, na u ṱalusa hafhu. Tshilonda tshiṅwe na tshiṅwe, u mwemwela huṅwe na huṅwe, vhukando vhuṅwe na vhuṅwe zwo nḓisa fhano. Kha nḓila iyi yo khwaṱhaho, yo khwaṱhaho ya nṋe muṋe.”
U fara miṅwaha ya 30 zwi vhonala zwo vusa muhumbulo muswa wa ndivho kha Mohale,
We a amba nga vhuḓalo nga ha u ṱanganedza ndima yawe i tevhelaho nga ndivho na u bvisela khagala.
- VHALANI HAFHU: Royal AM yo kundelwa u fhelisa tsheo ya u pandelwa kha PSL
“Heyi ndi ndima ntswa. U tshimbila nga ndivho, u funa nga ho dzikaho, u tshila nga ipfi ḽihulu, na u ḓikhetha tshifhinga tshoṱhe. Ḓuvha ḽavhuḓi ḽa mabebo kha nṋe,” o engedza nga u ralo.
Translated by Nthaduleni Rolivhuwa
