Minnie Ntuli u khou itathoho dza mafhungo kha nyanḓadzamafhungo nga murahu ha u kundelwa u humbela pfarelo khagala kha mutambi wa Real Housewives wa Durban Londie London nga tshifhinga tsho vhewaho tsha 5PM.
Nga murahu ha u wana vhurifhi ha mulayo vhu bvaho kha Londie nga matsheloni a Ḽavhuraru vhu tshi khou ṱoḓa pfarelo ya vidio i bvaho mbiluni kha mavharivhari a u tshinya dzina na u rwiwa nga tshifhinga tsha u ṱangana ha RHOD, maṱo oṱhe o vha o sedza Minnie uri a fhindule.
Musi tshifhinga tshi tshi rwa awara ya vhuṱanu, u fhumula hu bvaho kha muthu ha radio ho vha hu tshi tou ṋaṋisa mulilo.
Vhashumisi vha X vho ṱavhanya u zwi vhona uri a hu na pfarelo yo poselwaho, nahone dzimeme dzo mbo ḓi dzhena nga u ṱavhanya nga nḓila i fanaho.
“Oo Minnie Ntuli, a no ngo guda tshithu,” ho ṅwala muṅwe mushumisi.
“So Minnie Ntuli u kho u di vhea khomboni ya u sengiswa na u vha na mulandu wa vhugevhenga nga nthani ha uri ha nga humbeli pfarelo?” muṅwe a vhudzisa.
- vhari wana kha facebook| .facebook.com/profile.php
“Minnie Ntuli sisi????So vha nga khetha u ya khothe u fhirisa u humbela pfarelo??”
Mutsiko une wa khou aluwa u bva kha tshigwada tsha mulayo tsha Londie, tshe tsha ṱoḓa uri Minnie a pose vidio ya u humbela pfarelo zwi tshi bva mbiluni kha,
Akhaunthu dzawe dzoṱhe dza nyanḓadzamafhungo nga 5PM nga ḽa 16 Fulwana 2025, kana a sedzane na vhukando ha mulayo ha u tshinya dzina na u rwa.
U ya nga Londie, khumbelo ya pfarelo ya tshitshavha yo fhiraho yo bviswaho nga kha Gagasi FM na SMS yo tevhelaho zwo vha zwi si zwa vhukuma nahone zwo vha zwo livhiswa kha u langa tshinyalelo u fhira u vha na vhuḓifhinduleli.
U swika zwino, Minnie Ntuli ha athu amba tshithu kha tshitshavha, fhedzi dzina lawe li khou bvela phanda na u bvelela musi vhafuni vhawe vho lindela zwine zwa do tevhela.
Translated by Nthaduleni Rolivhuwa
