Nga murahu ha miṅwaha miraru milapfu khothe, muvhuso wo fhedza mulandu wawo lwa tshiofisi kha tsengo ya nṱha ya u vhulaha Senzo Meyiwa.

Musi vha tshi khou amba phanḓa ha khothe khulwane ya Pretoria, mutshutshisi wa muvhuso Vho-Advocate Vho-George Baloyi vho khwaṱhisedza tsheo iyi.

“Izwo zwi phetha u ranga phanḓa vhuṱanzi ha muvhuso, nahone ri vala mulandu wa muvhuso. Ho no fhela miṅwaha miraru u bva tshe muvhuso wa thoma u ranga phanḓa vhuṱanzi.”

Tsengo iyi yo vha i tshi khou tevhelwa nga vhuronwane nga tshitshavha ubva tshe ya thoma nga 2022, yo vha i tshi khou ḓitika nga bulayo ḽa 2014 ḽa mukapuṱeni a funwaho wa Bafana Bafana.

Vhanna vhaṱanu, Bongani Ntanzi, Muzi Sibiya, Mthobisi Mncube, Mthokoziseni Maphisa, na Fisokuhle Ntuli vho ima vha tshi khou pomokwa mulandu wa u vhulaha,

U lingedza u vhulaha, na u vha na zwihali na zwihali zwi siho mulayoni.

Vhothe vhatanu vho tenda uri a vha na mulandu.

Meyiwa o thuntshiwa hayani ha Vosloorus ha muimbi Kelly Khumalo, we a vha e musidzana wawe nga tshenetsho tshifhinga.

Ho vha na dzikhakhathi khothe ino vhege musi Vho-Fisokuhle Ntuli vha tshi humbela u pfuluswa dzhele ya Kgosi Mampuru II vha tshi ya dzhele ya Leeuwkop, vha tshi amba nga ha mavharivhari a u tambudzwa.

• Vhalani hafhu :Miss SA yo fhiriselwa phanda 

Kḽeimi yo imisa maitele lwa tshifhinganyana, zwa lenga u ṋea vhuṱanzi ha ṱhanzi ya mapholisa ho dzudzanywaho.

Source : Fakazanews.com