Muimbi wa nyimbo dza Amapiano Kelvin Momo o fhedza o bva mulomo nga murahu ha u kundelwa u bvelela kha gig ye ya vha yo lavhelelwa vhukuma ya Sun City Resort nga Mugivhela, ḽa 16 Ṱhangule 2025.
DJ we a vha a tshi khou ṱanganedzwa nga vhafuni vhawe na vhashumisi vha nyanḓadzamafhungo ya matshilisano nga u sa ḓivhonadza naho o vha o ṅwaliwa na u badelwa.
O humbela pfarelo i bvaho mbiluni kha vhadzudzanyi, fhethu he a vha a tshi ḓo farelwa hone, na vhafuni vhe vha vha vhoḓa u mu vhona a tshi Dj.
Kha tshitatamennde tshawe, Momo o tenda vhudifhinduleli ha u sa bvelela, a ri:
“Ndi tama u humbela pfarelo kha Sun City Resort, vhadzudzanyi vha mushumo, na zwa ndeme vhukuma, vhafuni vhoṱhe na vhaeni kha u sa vha hone hanga na u nyadziwa ho vhangwaho nga u sa vha hone hanga…
“Ndi ḓisola vhukuma nga zwo bvelelaho, u dinalea, kana u ṱangana ṱhoho zwo vhangwaho nga nyimele iyi.
- vhari wana kha facebook| .facebook.com/profile.php
O ṱalutshedza uri zwiimo zwi songo lavhelelwaho na u sa davhidzana zwavhuḓi zwo shela mulenzhe kha nyimele fhedzi o tenda uri o vha o fanela u fhindula nga u ṱavhanya kha vhadzudzanyi.
“Ndi khou shumisana na tshigwada tshanga u vhona uri zwithu zwi ngaho hezwi a zwi tsha dovha zwa itea tshifhingani tshi ḓaho,” vho engedza nga u ralo.
Naho ho vha na u sa ṱanganedzwa, ṋaledzi ya Amapiano yo sumbedza u livhuwa vhatikedzi vhayo nahone ya fulufhedzisa u vha lifha.
“Ndi livhuwa vhukuma thikhedzo na u pfesesa haṋu, nahone ndi fulufhela u ni lifha kha tshiitea tshi ḓaho… Ndi khou humbela pfarelo nga mbilu yoṱhe nga u ni nyadzisa,” Momo o ralo.
Translated by Nthaduleni Rolivhuwa
