Cyan Boujee o ḓiimelela vhukati ha u sasaladzwa ha mbekanyamushumo ya Russia
Vho Cyan Boujee vho fhedza vho amba nga murahu ha maḓuvha a u sasaladzwa huhulwane nga ha mushumo wavho kha u ṱuṱuwedza mbekanyamushumo ya Russia ine ya khou pomokwa u kunga vhafumakadzi vhaswa vha Afrika Tshipembe vha re khomboni.
Nga Ḽavhuvhili, ḽa 26 Ṱhangule 2025, DJ wa miṅwaha ya 24 ane dzina ḽawe ḽa vhukuma ndi Honor Zuma, o bvisa tshitatamennde tsha vidio tshine tsha khou amba nga ha mafhungo aya.
O tenda uri o fhumula u swika zwino ngauri o vha o lindela vhadzudzanyi vha mbekanyamushumo uri vha bvise tshitatamennde nga vhone vhane.
“Ndi ḓo ita uri hezwi zwi vhe zwipfufhi na u ṱavhanya.
” Ndo vha ndo fhumula nga ha mafhungo aya ngauri, tsha u thoma, ndo vha ndo lindela mbekanyamushumo uri i bvise tshitatamennde tsho nnyimelaho.
“Ndi vhona vha sa khou dzhiela nṱha hezwi ngauri u rengisa vhathu ndi fhungo ḽihulwane vhukuma, nahone a thi zwi tikedzi.
” Nga muhumbulo wo ḓoweleaho u ḓo dovholola zwithu zwi ngaho hezwi,” o ralo.
Cyan o isa phanḓa na u bvisela khagala uri ho ngo badelwa kha fulo, a tshi kombetshedza uri tshelede a si tshiṱuṱuwedzi tshawe.
“Ndi khou toda inwi vhanna ni tshi zwidivha uri a tho ngo ita hezwi nga tshelede ngauri a thi athu badelwa.
” Ndo vha ndi na dzinwe video dzine nda tea u dzi posa, ndi vhona unga ndo vha ndi na dzinwe video nṋa dza YouTube, TikTok na Instagram.
“Ndo vha ndi tshi khou ya u badelwa fhedzi nga murahu ha u posa, zwino a tho ngo wana tshelede.”
Nga thungo ha vidio, o ṅwala a ri: “Ndi a zwi ḓivha uri vhuimo ndi vhuhulwane lungafhani,nahone tshigwada tshi khou davhidzana na mbekanyamushumo.
- Vhalani hafhu : Mac G na Robot Boii vha shaina kha ‘Shaka iLembe’
” Ndo lindela phindulo ndi sa athu bvisa tshiṅwe tshitatamennde, tshine tsha ḓo katela zwidodombedzwa zwo engedzeaho.”
Translated by Nthaduleni Rolivhuwa
