Vhoramafhungo vha Inthanethe Vho Fhindula Mivhigo ya u Vhuyelela Ha Lesego Marakalla kha Skeem Saam.

Lesego Marakalla o mbo ḓi vha na bvumo musi a tshi tamba kha Skeem Saam miṅwaha ya fumi yo fhiraho.

Mutambi wa matambwa we a wina pfufho o tamba mushumo wo khetheaho sa Rachel Kunutu.

Lesego o vha na ḓirama i funzaho vhukuma u bva tshe yavha  premiere  nga 2011, u swika nga 2020.

Mubvumbedzwa wawe, Rachel, o ita nga hune a nga kona ngaho u tshila vhutshilo he a vha a tshi tenda uri khotsi awe vho lovhaho vho vha vha tshi ḓo mu ṋea hone.

Vhanzhi vha ita na u mu vhidza khosi ya mufumakadzi wa vhutshilo ho leluwaho, kana Slay Queen.

Musi a tshi khou ḓivha vhutshilo havhuḓi, Rachel o vha a tshi lwisana na muṱa wawe wa tsini.

O fhedza o mala mukalaha vho pfumaho, Marothi Maphutho, mbingano iyo ya vha khombo.

Na zwithu zwavhuḓi zwi a fhela, na zwa Rachel zwo ralo kha Skeem Saam.

U ṱuwa hawe kha mbekanyamushumo zwo nyadzisa vhaṱaleli, vhe vha vha vho no aluwa vha tshi mu funa.

Lesego o sumbedza ndivho yawe ya u dzhia tshifhinga tsha u awela kha thelevishini a vhuyelela tshikoloni.

Naho zwo ralo, nga murahu ha tshifhinganyana, o vhuyelela kha thelevishini e na mushumo muswa.

Lesego o tamba kha Generations: The Legacy, a tshi khou tamba sa Thuso.

Mubvumbedzwa wawe o ḓa sa mufarisi wa Winston kha vhutshinyi nahone a ṋea miswaswo ine ya ṱoḓea vhukuma.

Uya nga ha tshitatamennde tshi bvaho kha SABC1, Vho-Rachel vho vhuya, khathihi na munna wavho Marothi.

U do vhuya nga dzi 10 dza June, ngeno Marothi a tshi do vhuya nga dzi 13 dza nwedzi wonoyo muthihi.

• VHALANI HAFHU:‘Kha zwi ambiwe zwavhuḓi’: Minnie Dlamini o hana pfarelo ya MacG

“Ndi zwavhuḓi vhukuma u vhuya. A si nga ha nṋe fhedzi fhedzi na nga ha vhafuni vhanga vhane vha dzhiela nṱha mushumo wanga. Vha dzulela u nmbudzisa uri ndi ḓo vhuya lini kha Skeem Saam. Ndi a takalela u amba uri vha ḓo mmbona ndi tshi vhuya kha thelevishini, ndi tshi khou tamba Rachel hu si kale,” Lesego o ralo.

Translated by Nthaduleni Rolivhuwa

Mutambi wa kale Abdul Khoza o tshuwisa vhafuni nga nḓivhadzo i bvaho mbiluni.

wanani uri ndi ngani a tshi khou ṱuwa kha ndowetshumo nga murahu ha miṅwaha ya mishumo i sa hangwei.

Mutambi wa ṋaledzi ya The Wife Abdul Khoza o tshuwisa vhafuni vhawe musi a tshi litsha u tamba, a tshi kovhelana mafhungo kha Instagram.

Abdul ndi munwe wa vhatambi vhane vha khavhiswa na u pembelelwa vhukuma Afrika Tshipembe.

Mutambi wa matambwa a re na vhukoni o vha tshipiḓa tsha mbekanyamushumo nnzhi na dzifilimu dzi ngaho Isibaya, Shaka ILembe na Uzalo.

Vhege dzi si gathi dzo fhiraho, o ṱutshela The Wife, fhedzi vhafuni vhawe vho vha vha sa zwi ḓivhi uri ndi ḓuvha ḽawe ḽa u fhedzisela sa mutambi wa matambwa.

 Abdul o sia ngudo kha vhatambi vhane vha khou ḓa vhane vha fanela u fhira kha dzi audition.

Abdul o ṋea u laela ha vhuimo ha nṱha kha u tamba dzifilimu.

 “Ngauralo ndo dzhia tsheo ya u kovhelana iṅwe ya dzi-audition dza u fhedzisela dze nda dzi ita ṅwaha uno ndi sa athu litsha u tamba nga nḓila i si yavhuḓi.” A thoma.

“Heyi ndi nḓila ya uri ndi sumbedze vhane vha kha ḓi tama u ita mushumo wa u tamba uri roṱhe ri fhira kha maitele a u ṱola. U itela uri mutambi a wane mushumo, vha fanela u mu ṱola, nahone heyi ndi self-tape yanga ya u fhedzisela”self-tape, vho isa phanḓa.

“Ndi a fulufhela uri zwi ḓo ni ṋea u pfesesa khwine ha maitele na nḓila ine ra zwi ita ngayo. Ndi livhuwa @spholaricky nge a vhala hezwi na nṋe.” a isa phanḓa.

“Tsha u fhedzisela: Ndi livhuwa munwe na munwe we a tikedza lwendo lwanga lwa mutambi. DI LIVHELA MUNWE NA MUNWE VHE VHA TIKEDZA LWENDO LWANGA SA MUṰAmbi, Ndi pfa ndo hulisea u kona u kovhelana talente dzanga na vheiwe.” o fhedza u livhuwa vhatevheli vhawe.

• VHALANI HAFHU:Zwifhinga zwi konḓaho: Hune Thabo Masoga a vha hone zwino.

Nga murahu ha musi Abdul o no bvukulula mulaedza, o kwama mbilu dza vhafuni vhawe.

Source: thesouthafrican.com

Translator: Nthaduleni Rolivhuwa

O vha e ṋaledzi ya TV i funwaho, hoyu thabo masoga wa Skeem Saam zwino u shuma sa mulindi wa tsireledzo

 u tumbula lwendo lwa maḓipfele lune lwa vha murahu ha u shandukiswa hawe ha mushumo hu songo lavhelelwaho.

Mutambi wa kale wa Skeem Saam Vho-Thabo Masoga vho sedzana na zwifhinga zwi konḓaho nahone zwino vha shuma sa mulindi wa tsireledzo.

Masoga o vha a tshi tamba sa Anania, muṋe wa nnḓu ya Big Boy, kha Skeem Saam.

O mbo ḓi vha muṅwe wa vhabvumbedzwa vhane vha funeswa vhukuma kha mbekanyamushumo.

Ngauralo, o renga goloi nnzhi dza nṱha na nnḓu ngei Hammanskraal.

Mashudu mavhi zwithu zwo mbo ḓi shanduka musi a tshi wa kha tshilidzi nahone a fanela u rengisa thundu dzawe dzoṱhe.

Uya nga ha Sunday World, Masoga o amba nga ha nyimele yawe na uri zwithu zwo fhandekana hani.

O amba uri zwithu zwo thoma u ya devhula nga murahu ha musi o ṋewa mushumo wa u ṅwala script tsha Skeem Saam, zwe a hana.

“Ndo vha ndi tshi ḓivhudzisa uri ndi ngani ngauri a thi muṅwali wavho. Zwo vha zwi tshi vhonala u nga vha khou ṱoḓa u shumisa vhukoni hanga sa muṅwali u itela u takusa soapie yavho. U bva nga tshenetsho tshifhinga, vhubvo hanga ho vha vhu tshi fheliswa nga zwiṱuku nga zwiṱuku u swika hu si na dzifounu,” o ralo.

“Ndi funa mushumo wanga, zwihuluhulu ngauri ndi shuma muḓini wa hashu phanḓa ha vhatikedzi vhanga.Vho vha vha tshi npembelela sa tsumbo yavho,” o ralo.

“Ndo vha ndi tshi shona… ndo vha ndi sa kho toda vhathu vha tshi mmbona nga u ralo,” o isa phanda, a tshi amba nga ha u shuma sa mulindi.

• VHALANI HAFHU:Cassper Nyovest u ḓo ita “Fill Up” ngei Free State

Naho o vha e kha luṱa lu konḓaho nga u rali lwa vhutshilo hawe, mutambi wa kale o vha a tshi tenda uri zwithu zwi ḓo vha khwine.

Thabo Mkhabela, ane a funwa nga vhafuni vhawe, o ṋetshedza khumbelo yawe i tevhelaho ya u tamba, Tiga, kha Isitha:The Enemy.

Mutambi wa miswaswo na mutambi wa miswaswo Ebenhaezer Dibakwane mathomoni o vha a tshi ḓo tamba tshipiḓa tsha Tigo.

Vho-Mkhabela vho mbo ḓi vha muthu wa bvumo musi vha tshi khou tamba sa Leshole Mabitsela kha ḓirama i ḓivheaho ya SABC 1 ya ḓuvha ḽiṅwe na ḽiṅwe ine ya pfi Skeem Saam.

Mutambi wa matambwa wa minwaha ya 32 u do tamba kha season ya vhuraru ya mutevhe wa e.tv nga dzi 28 dza Lambamai.

Thabo uri o ita audition nga dzi 22 dza ṅwedzi wa Ṱhafamuhwe a founelwa uri o wana tshipiḓa nga murahu ha vhege.

Thabo o ṱalutshedza uri o vha a sa zwi ḓivhi uri Ebenhaezer ndi ene ane a khou tamba mushumo uyu.

O bvela phanḓa a amba uri u humbula uri Ebenhaezer o vha o no vha hone luthihi, arali hu si luvhili.

Thabo o amba uri ho ngo wana mafhungo o engedzeaho [u bva kha vhabveledzi].

Vho-Thabo vhari vha do dzhia mushumo hune Ebenhaezer a litsha hone nahone vha na fulufhelo la u ḓadzisa mushumo nga nḓila yo teaho.

• Vhalani hafhu:Mutambi wa matambywa Buhle Samuels o pomokwa vhufhura

Mkhabela u amba uri nga murahu ha miṅwaha kha SkeemSaam, mushumo uyu we a u wana kha Isitha: Swina wo mu ṋea tshikhala tsha u sumbedza vhukoni hawe sa mutambi.

Mafheleloni, Mkhabela o phetha nga u amba uri u ṱanganedza tshikhala tshiṅwe na tshiṅwe.

Translator: Nthaduleni Rolivhuwa

Xolani Khumalo u khou vhuyelela lwa tshiofisi kha Sizok’thola kha Moja Love nga murahu ha musi milandu ya u vhulaha yo phumuliwa.

Xolani Khumalo u khou vhuyelela Sizok’thola lwa tshiofisi kha Moja Love nga murahu ha musi mulandu wa u vhulaha we a hweswa wone wo bviswa.

 U vhuya hawe zwi tevhela u imiswa  mushumoni zwi tshi elana na lufu lwa muhumbulelwa wa u rengisa zwidzidzivhadzi ngei Katlehong.

Muvhigi wa zwa vhuḓimvumvusi Vho-Phil Mphela vho bvisa mafhungo kha X, vha tshi bvisela khagala uri muhashi u ḓo dovha a ranga phanḓa mbekanyamushumo ya vhutshinyi yo ḓivheaho.

Xolani o khwathisedza mafhungo aya kha instagram yawe musi a tshi bvisa tshitatamennde.

Lufu lwa munna a songo bulwaho dzina lwo vusa vhuhali, zwa ita uri hu vulwe mulandu wa u vhulaha.

Moja Love yo mbo di tavhanya u di fhambanya na Xolani na thodisiso musi zwi tshi khou bvelela.

Zwino ngauri mulandu wa u vhulaha wo no phumulwa, muhashi wa Sizok’thola u khou ṱoḓa u vhuyelela kha mushumo wawe wa kale,

 Zwe zwa sia vhafuni vha maḓipfele o fhambanaho.

Musi vhanwe vha tshi tenda uri u vhuya ha Xolani zwi sumbedza u konḓelela na maanḓa.

Vhaṅwe vha humbula uri Moja Love yo mu fheṱa musi zwi zwa ndeme vhukuma nahone nga ṅwambo wa zwenezwo o vha a songo fanela u vhuya.

• Vhalani hafhu:U Ṱuwa ha Benjamin Dube kha Spirit of Praise.

Vhafuni vha mbekanyamushumo vha do tou lindela vha vhona uri u kondelela hawe hu tshi do fhedza tshifhinga hetshi naa.

Thuli Phongolo u khou vhuyelela kha tshiṱori tshi ḓivheaho tsha Generations: The Legacy,

A  tshi dovholola mushumo wawe une wa funeswa nga vhafuni sa Namhla Diale.

U ḓivhelwa muhumbulo wawe wo ṱhavhaho, u ṱoḓa vhuimo, na u ḓiimisa nga eṱhe,

 Vhumuthu  ha Namhla ho vha vhu tshi dzulela u vha na zwipiḓa; o farwa vhukati ha lufuno lwo khwaṱhaho lwa mme awe Lucy Diale na u ḓilugisa ho vhalelwaho ha khotsi awe Jack Mabaso.

Naho lufuno lwa Lucy lu sa athu vhuya lwa timatimisa, vhushaka havho vhu dzula vhu tshi dzulela u sukumedzwa nga vhuḓipfi.

Jack, naho zwo ralo, o vha a tshi dzulela u vha na pulane dza Namhla, a tshi mu vhona a tshi khou dzhena kha shango ḽawe ḽa murunzi- shango ḽine zwino a vha o vulea khaḽo.

Nga hetshi tshifhinga, vhaṱaleli vha ḓo ṱangana na Namhla o shandukiswaho.

 A si tsha vha muswa wa miṅwaha ya vhufumi rathi we vha vha vha tshi mu ḓivha,

 U  vhuya nnḓa ha shango e na fulufhelo ḽo kunaho, tshenzhelo ya tshaka dzoṱhe, na nḓala ya u bvelela.

Mbudziso zwino ndi ya uri: naa shango ḽa Jack ḽi re na khombo ḽi ḓo ṋea vhutshilo vhuhulwane vhune Namhla a vhu tama, kana ḽi ḓo sumbedza uri ndi zwinzhi zwine a nga si kone u zwi langa?

“U vhuyelela kha Generations: Ndipfa ndi tshi nga ndi khou vhuyelela hayani,” Thuli o kovha.

“Ndi khou takalela u dovha nda ṱangana na vhatambi, tshigwada na vhafuni na u ḓisa maanḓa maswa kha lwendo lwa mubvumbedzwa wanga.”

Vhafuni vha nga fara u vhuya ha Thuli u bva nga Lavhutanu la dzi 25 dza Lambamai.

Nga hetsho tshifhinga, mbekanyamushumo i do vha i tshi khou onesana na Six Nyamane, ane a tamba sa Nozipho Cele-Moroka.

• Vhalani hafhu:“Hezwi a zwi nga ḓo nnyita uri ndi fhumule”: Bushiri

U tamba hawe ha u fhedzisela hu ḓo bviswa nga ḽa 24 Ṱhafamuhwe.

Mbekanyamushumo ya Lasizwe ya Awkward Dates i khou ya kha Thelevishini

Lasizwe Dambuza u khou pembelela tshiitea tshihulwane musi mbekanyamushumo yawe i ḓivheaho ya YouTube, Awkward Dates, i tshi khou ṱoḓa u sumbedzwa lwa u thoma kha Mzansi Magic.

Awkward Dates” ndi mbekanyamushumo ya u ṱanganelana i takadzaho hune Lasizwe Dambuza wa bvumo, a ya u tangana na vhaḓivhalea vho fhambanaho.

 A zwo ngo ṅwaliwa, a zwi lavhelelwaho tshoṱhe, nahone zwo ḓala zwifhinga zwi seisaho.

Muthu wa nyanḓadzamafhungo o kovhelana mafhungo a takadzaho kha nyanḓadzamafhungo ya matshilisano, khathihi na vidio i nyanyulaho ine ya khou sumbedza nḓila ye muṱa wawe wa aravha ngayo.

“Awkward Dates zwino i khou ya kha MZANSI MAGIC! Reaction ya muta wanga kha mafhungo aya… PRICELESS! Ndi livhuwa munwe na munwe wa vheinwi we a vha a tshi khou ntikedza kha zwothe zwine nda ita!” o ṅwala.

 “Muthu wa miṅwaha ya 26 yoṱhe u bva Pimville, Soweto, o sika mbekanyamushumo ya YouTube nahone zwino i kha TV ya lushaka!”

Vhafuni vhawe na vhaḓivhalea ngae vho ḓadza siaṱari ḽawe nga milaedza ya u mu fhululedza, vha tshi pembelela tshifhinga tshenetsho nae.

• Vhalani hafhu :Tshifhaṱuwo tsha Khanyi Mbau tsho ita thoho dza mafhungo

Source: fakazanews.com

Translator: Nthaduleni Rolivhuwa

Mutambi wa matambwa wa kale Nandi Nyembe u khou ita thoho dza mafhungo nga murahu ha musi o amba nga ha vhuleme hawe ha zwa masheleni.

U vha khagala hawe zwo vusa u sasaladzwa ha nḓowetshumo ya u tamba ya Afrika Tshipembe.

na u pomokwa uri i kundelwa u lifha vhatambi nga nḓila yo teaho kha mushumo wavho.

Nḓowetshumo ya u tamba i ḓivhelwa u sa lavhelelwa, na zwikhala zwine kanzhi zwa vha zwiṱuku.

Mutambi wa matambwa, we a fhaṱa mushumo u swayeaho nga u tamba kha mbekanyamushumo dzi ngaho Zone 14, Soul City, Isibaya, na dziṅwe mbekanyamushumo, u ri u ṱoḓa zwikhala zwo linganaho u itela u ḓitika.

Nga miṅwaha ya 53 a tshi khou tamba, Nandi o kunga vhaṱaleli, fhedzi zwino o sedzana na vhuleme ha zwa masheleni.

U vha hawe khagala zwo vhea ṱhogomelo kha Muhasho wa Vhutsila na Mvelele, vha tshi vha ṱuṱuwedza uri vha tandulule vhuleme uhu.

Mivhigo i sumbedza uri Nandi, ane zwa zwino a vha tshipiḓa tsha mutevhe wa ḓirama dza Showmax,

 O fhedza masheleni awe musi a tshi khou thusa mutukana wawe uri a fhole kha vhulwadze.

Vidio ya mutambi wa matambwa a tshi khou wana thuso kha vhaṅwe yo phaḓalala kha nyanḓadzamafhungo ya matshilisano, zwa vusa khanedzano khulwane.

Kha video ye ya kovhelwa nga muṱalutshedzi wa zwa vhuḓimvumvusi Nozipho Mashaba kha X,

 mutambi uyu u pfala a tshi amba uri ha funi u humbela thuso kha vhathu nahone ha funi u pfela vhuṱungu,

Sa izwi a tshi tenda uri a nga ita zwithu nga ene muṋe.

O ri: “Ndi nga vha ndi tshi khou tshimbila nga tshidulo tsha vhaholefhali, fhedzi vhuluvhi hanga a ho ngo fa.”

“Mpheni script, ndi ḓo ni sumbedza uri vhuluvhi uhu vhu a tshila nga maanḓa,” o bvela phanḓa.

• Vhalani hafhu:Zodwa Wabantu u gai? – Vhafuni vha  mangala o fhumula

• Source: thesouthafrican.com

• Translator: Nthaduleni rolivhuwa

U lindela ho fheleledza ho fhela! Nga murahu ha khalanwaha yo khwaṱhaho ya u shanduka na zwimangadzo zwi mangadzaho, ho ḓivhadzwa muwini wa “Big Brother Mzansi” khalanwaha ya vhuṱanu.

Sweet Guluva, ane dzina ḽawe ḽa vhukuma ndi Akhonamathemba Mbele, o ṱuwa na tshiphuga khathihi na pfufho khulwane ya R2 miḽioni.

Mutambi wa minwaha ya 23 o vha e na vhukoni, a tshi tshama na u konḓelela u bva tshe a dzhena nḓuni, zwa ita uri a vhe na vhafuni vhanzhi.

Nga u ṱangana ha vhukoni hawe , u tshama na u ḓiimisela, Guluva o kunga vhataleli na u fhira vhane a dzula navho nḓuni.

Ngoho muṱaṱisano wo vha u muhulwane nahone vhaṅwe vhaṋa vha nṱha vhane vha dzula nḓuni Jojo, Nate, Nsuku, na Uyanda vho ṋekedza zwoṱhe.

Muṅwe na muṅwe o ḓisa maanḓa awe na zwiṱirathedzhi zwawe kha mutambo,

 zwa ita uri ino khalanwaha i fhisaho i vhe ine ya ḓo humbulea.

Fhedzi mafheleloni, vhaṱaleli vho dzhia tsheo vha nanga Sweet Guluva sa ene muwini.

vhalani hafhu: U wa ha miḽionea’: MaMkhize u ngafhi zwino?

• Source: fakaza.com

• Translator: Nthaduleni Rolivhuwa

Vhunzhi ha vhafuni vhawe na ene mune vho vha vha tshi humbula uri u ḓo swika kha vhaṱanu vha nṱha.

Naho zwo ralo zwithu zwo bvelela nga nḓila yo fhambanaho.

 mafulufulu awe o mmuita uri funeswe nga vhatevheli khs mbekenyamushumo.

 U konḓelela hawe zwo ita uri a dzule a hone u swika kha vhege ya vhuṱahe musi a tshi pandelwa.

Kha nyambedzano yo khetheaho, Mshini o bvisela khagala nḓila ye a konḓelela ngayo nga ngomu nḓuni nahone a livhuwa  vhatikedzi vhawe.

U bva ha Mshini kha mbekanyamushumo zwo tshuwisa vhanzhi, u katela na ene.

 “U amba ngoho, ndi kha ḓi vha ndi sa tendi.”o amba nga u ralo

Naho o vha a tshi tshidzwa tshifhinga tshoṱhe musi a tshi nangiwa, Mshini o  vouthelwa uri a tuwe afho nḓuni.

Musi a tshi vhudziswa uri o lavhelela u bva nḓuni nga hetshi tshifhinga tsha mutambo, Mshini o tenda uri ha ngo lavhelela.

“A thi ngo vhuya nda vuwa ndo nangiwa lwa vhege dza sumbe, ndo nandiwa fhedzi nga vhege ya vhumalo, nda tshidzwa,” o ṱalutshedza.

 “Ndo vha ndi tshi khou fulufhela u swika kha vhege ya u fhedzisela, ine ya vha finale.” o engedza nga u ralo.

kha vhatikedzi vhawe na vhafuni vhawe, Mshini o vha e na mulaedza wo khetheaho.

 “Kha vhatikedzi vhanga, ndi tama u amba uri ndi livhuwa nga maanḓa u nkhetha ndi a zwi ḓivha uri vho vha vha tshi ṱoḓa u mmbona kha final, fhedzi vouthu dzo vha dzi songo eḓana. vha a ḓihudza nga nṋe.”

O tenda uri a nga vha a songo swika kha luṱa lwau fhedzisela,

 fhedzi o vha a tshi ḓihudza nga u takadza vhafuni vhawe na u vha sumbedza ene wa vhukuma.

vhalani hafhu: Mufunwa wa kale wa Moshe Ndiki o shushedza u mutana.

• Source: iol.co.za

• Translator: Nthaduleni Rolivhuwa