Idols SA na dzinwe mbekanyamushumo dza vhukoni dzi khou vhuya kha TV .

Thelevishini ya Afrika Tshipembe yo ḓiimisela u ṱanganedza hafhu dziṅwe dza mbekanyamushumo dzayo dza vhukoni dzine dza takalelwa vhukuma.

Muṱalutshedzi wa zwa vhuḓimvumvusi Vho-Phil Mphela vho khwaṱhisedza nga Ḽavhuraru, ḽa 3 kubvumedzi 2025,

U ri Idols SA, The Voice SA na Project Runway SA zwi ḓo vhuyelela kha zwikirini zwi tshi tevhela thendelano ntswa ya u bveledza.

Muṱaṱisano wa u imba une wa funeswa vhukuma wa Idols SA wo khanselwa nga 2023 nga murahu ha dzi season dza 19, zwa sia vhafuni vhanzhi vho dinalea.

Zwino, nga ṅwambo wa tshumisano vhukati ha Primedia Studios na Opulent Entertainment Group, mbekanyamushumo, khathihi na dziṅwe ṱhanganyelo mbili khulwane, i khou dzudzanyela mvusuludzo.

“Primedia Studios yo saina thendelano ya tshumisano na Opulent Entertainment Group, nahone sa tshipiḓa tsha thendelano, vhavhili vha ḓo bveledza mbekanyamushumo dza Afrika Tshipembe dza  vhukoni.

• vhari wana kha facebook| .facebook.com/profile.php

Naho zwo ralo, o sevha uri mbekanyamushumo dzi nga kha ḓi sa bviswa kha pulatifomo dzadzo dzo fhiraho.

“Naho dzenedzo dziṱhoho dzi tshi nga vhuya, a zwi ambi uri dzi ḓo vha kha dzipulatifomo dzi fanaho na dze dza vha dzi khadzo kale — Idols SA i nga fhedza i kha Netflix kana SABC hu si kha Mzansi Magic,” vha ralo.

Vhafuni kha social media vho kovhelana dakalo nga ha nḓivhadzo, ngeno vhaṅwe vho eletshedza nḓila dzine mbekanyamushumo dza nga khwiniswa ngadzo.

Mphela ene muṋe o ṱanganedza mafhungo aya, a tenda a ri: “Ndi funa na u ṱuvha thelevishini ine ya vha na vhukonani ha muṱa.

• VHALANI HAFHU: Phumeza na munna vha khou livha thalanoni

Ndo dzhena nga muvhili wothe. Zwi nga vha zwavhuḓi u lingedza na u bveledza mihumbulo ya vhukuma ya Afrika Tshipembe, fhedzi u neta hanga kha emo-tainment and telenovelas zwi amba uri ndi khou takalela u dzhia hezwi.”

Source: http://fakazanews.com

Uzalo yo no ḓi khwaṱhisa vhatambi vhayo nga vhukoni vhu mangadzaho, nahone vhaṱaleli vha khou ḓiphina.

Kha vhenevho hu na Nelisa Mchunu, ane a khou vhuya u dovha a tamba mushumo wawe sa Fikile.

U do isa phanda na lwendo lwawe kha dirama ya SABC1 u bva nga Lavhuraru, dzi 24 kubvumedzi 2025.

Fikile o vhuyelela KwaMashu nga murahu ha u awela lwa minwaha ya 4, nga murahu ha musi o sia Sbu o rovhiwaho mbilu na mbudziso i sa fhindulei.

O vha a tshi kha ḓi vha na vhufhura na u ḓifara luvhi u fana na kale.

Lunako lwawe lu sa hanedzei, lu takadzaho na ḓivhazwakale yawe na Sbu zwo mu kundwa nga maanḓa lwe a vha a si na zwine a nga ita nga nnḓa ha u mu tendela uri a vhuyelele vhutshiloni hawe.

Nga ha u vhuya hawe, Nelisa, u fulufhedzisa vhaṱaleli maanḓa a fanaho a “Beyoncé” na mboni vhukati ha Fikile wa kale na Sbu muswa.

Mutambi wa matambwa a re na vhukoni u vhona Uzalo sa haya hawe ha u thoma, he a guda hone, a aluwa na u swika kha vhuimo vhuswa kha mushumo wawe.

Mondli Nkomo na ene u khou dzhena kha Uzalo, u tamba tshipiḓa tsha Vho ​​Dongwe.

O vhuya nḓuni ya Xaba a songo lavhelelwa nga Ḽavhuraru, ḽa 1 tshimedzi 2025.

Vho Dingwe, ndi munna wa MaDongwe na khotsi a Lilly. Nga murahu ha u vha munna a re na lufuno na o ḓikumedzelaho lwa miṅwaha minzhi, o dzhia tsheo i konḓaho ya u ṱutshela mufumakadzi wawe na ṅwananyana wawe, a vha sia vha si na haya.

Lwa miṅwaha i ṱoḓaho u vha fumi, o vha a sa vhonali fhethu. U na charisma ya mvelo ine ya kokodza vhathu; zwi a leluwa u mu funa na u mu fulufhela.

• VHALANI HAHU: Kefilwe Mabote o dovha a vhingwa lwa tshiphirini

O dovha a shumisa zwenezwi u itela u fhura vhathu uri vha mu takalele.

Source: http://youthvillage.co.za

‘Shaka iLemba’  i ḓo vhuya kha khalanwaha yayo ya u fhedzisela. 

MultiChoice yo khwaṱhisedza uri Lwendo lwa  Shaka iLembe lu ḓo fhela lwa tshiofisi nga khalanwaha yayo ya vhuraru.

Ḓirama ya ḓivhazwakale, ye ya kunga vhaṱaleli u mona na Afrika na u fhira, i ḓo vhuya nga 2026 kha zwine vhabveledzi vha zwi ṱalusa sa “nyito ya u fhedzisela,” ya vhuvhusi ha Shaka.

Mutevhe wa zwipida, wo bveledzwaho nga Bomb! Productions, yo tevhela vhutshilo vhu songo ḓoweleaho ha Khosi Shaka.

U bva kha nndwa dzawe dza u thoma u swika kha u takuwa hawe sa muṅwe wa vharangaphanḓa vhane vha ofhisa kha ḓivhazwakale ya Afrika.

Khalanwaha ya vhuvhili yo fhela , i tshi vala ndima i ṱalusaho na u lugisela tshiṱeidzhi tsha mulingo wawe wa u fhedzisela wa maanḓa, u fulufhedzea na ifa.

Khalanwaha i ḓaho i fulufhedzisa ḓirama ya nṱhesa, i tshi vula nga Shaka a tshi ḓo vha ṋemuṱa wa vhuṱambo vhuhulwanesa ha Ijadu kha ḓivhazwakale ya Zulu, mbonalo ya muzika, u tshina na theatre ya polotiki.

Fhedzi vhukati ha vhugala, pfumo ḽa muvhulayi ḽi ṱhavha malofha a vhuhosi, ḽa bvisa u timatima na paranoia nga ngomu khothe yawe.

Vhuvhusi ha Shaka ho vha vhu tshi khou ḓi vha na tshiṱuhu musi u fheṱwa hu tshi khou tshuwisa nga ngomu na nnḓa ha muvhuso wawe.

Fulo ḽa u lwa na lushaka lwa Mpondo ḽi ṋaṋisa mutsiko, ngeno Queen Nandi o hwala tshiphiri tshine tsha vha na masiandoitwa a tshinyadzaho.

Vhaṱaleli vha nga dovha vha lavhelela u swika ha Francis Fynn na vha Britain, vhe khumbelo yavho ya u dzula Port Natal ya sumbedza murunzi une wa khou ḓa wa u ṱoḓa u vha wa vhukoloni.

U bva tshe ya thoma, Shaka iLembe yo no vha mbekanyamushumo yo ṋewaho pfufho nnzhi kha ḓivhazwakale ya thelevishini ya Afrika Tshipembe.

Yo ṱanganya SAFTA dza 12 na u wana thendo nga zwiambaro zwayo, cinematography, mubvumo na u sumbedzwa ha vhukuma ha vhufa ha Zulu.

Mutambi wa matambwa Vho ​​Nomzamo Mbatha, vhane vha tamba sa Khosi Nandi, vho dovha vha wina Mutambi wa Matambwa wa Nṱhesa wa Afrika kha Pfufho dza Septimius dza 2024 ngei Amsterdam.

• VHALANI HAFHU: Ḓivhazwakale yo itwa ngei tshitediamu tsha Loftus Versfeld

Khalaṅwaha ya vhuraru i ḓo swaya u fhela ha tshiitea tsha thelevishini tshe tsha ṱalusa hafhu u anetshela zwiṱori zwa Afrika kha vhuimo ha ḽifhasi.

Translated by Nthaduleni Rolivhuwa 

U bveledzwa ha tshitori tsha ‘Uzalo’ zwo imiswa

Vhatambi vha soapie ine ya vhoniwa vhukuma Afrika Tshipembe, Uzalo, vha khou sedzana na vhuleme ha masheleni nga murahu ha u sa hola lwa minwedzi i fhiraho mivhili.

Khamphani ya u bveledza mbekanyamushumo, Stained Glass TV, yo khwaṱhisedza uri u filimiwa ho imiswa nga ṅwambo wa u lenga ha mbadelo dzine dza khou bvela phanḓa u bva kha SABC.

Muvhigi wa zwa vhuḓimvumvusi @TVwithThinus o bvisela khagala kha X uri vhatambi vhanzhi a vha na tshiṅwe tshisima tsha tshelede nahone vha khou balelwa tshelede ya matshilo avho a duvha na duvha.

“Vhatambi vha kha SABC1’s @Official_SABC1, Uzalo @Uzalo_SABC1 vhari a vha athu badelwa lwa minwedzi mivhili,

• vhari wana kha facebook| .facebook.com/profile.php

“A vha na muṅwe hunwe hune vha wana hone tshelede, nahone a vha koni u badela zwikolodo zwavho,” vho ṅwala.

Musi vha SABC vha tshi khou hanedza uri soapie i kha tshifhinga tsha u awela tsha u bveledza, vha nga ngomu vha khou tikedza uri mushumo wo ima na miholo a i athu badelwa.

Mivhigo i sumbedza uri khasho yo vha i tshi dzulela u lenga u badela khamphani ya u bveledza.

Kha tshitatamennde tsha tshiofisi, Stained Glass TV yo khwathisedza u vala:

“Ri a ḓisola u ni ḓivhadza uri, nga ṅwambo wa vhuleme vhuhulwane ha u dzhena ha masheleni, ri khou kombetshedzea u imisa mveledziso nga u ṱavhanya.”

• VHALANI HAFHU: Grace u vha muambasada wa u thoma wa GWM Afrika Tshipembe

Khamphani yo engedza nga uri vha kha nyambedzano dzi bvelelaho na SABC u wana thandululo, vha na fulufhelo ḽa u thoma u bveledza nga u ṱavhanya.

SOURCE: fakazanews.com

Dzangano ḽa Miss Afrika Tshipembe ḽo fhirisela phanḓa lwa tshiofisi muṱaṱisano waḽo wa 2025, we wa vha wo vhetshelwa u vha hone nga Ṱhangule.

Tsheo iyi, yo ḓivhadzwaho nga Instagram ino vhege,

Yo bveledza u ṱangana ṱhoho na u nyadziwa vhukati ha vhatikedzi na vhaṱaṱisani vha re na fulufhelo, nga maanḓa hu si na ḓuvha ḽiswa ḽo khwaṱhisedzwaho.

Muṱaṱisano wa vhuimo ha nṱha, une wa vha tshipiḓa tshihulwane tsha mvelele ya Afrika Tshipembe u bva nga 1956.

U pembelelwa nga u ṱuṱuwedza vhurangaphanḓa, u manḓafhadza, na masiandoitwa a matshilisano kha vhafumakadzi.

Maitele a u dzhena a ṅwaha uno, e a thoma nga ḽa 2 Ṱhafamuhwe u swika nga ḽa 11 Ṱhafamuhwe,

O khoḓiwa nga nṱhani ha maitele ayo a katelaho, u ṱanganedza vhafumakadzi vha vhuimo hoṱhe ha mbingano na ha vhubebi, na vhane vha vha na dzitattoo kana zwinwe zwithu zwe zwa vha zwi tshi vha ita uri vha sa fanelee.

Naho zwo ralo, musi nḓivhadzo yo ḓoweleaho ya Fulwana ya vhatatisani vha 35 vha nṱha vhane vha ḓo dzhena kha semifinals i sa bveleli, mbudziso dzo mbo ḓi bvelela nga u ṱavhanya.

U lenga hu khou ḓa nga tshifhinga tsha u sa dzika hu vhonalaho nga ngomu ha dzangano,

Nga murahu ha u bva ha CEO Vho Stephanie Weil na u ḓirula mushumo ha mulanguli wa vhusiki Vho Werner Wessels.

Zwiṅwe hafhu, zwenezwino dzangano ḽo litsha u vha Miss Supranational.

Zwe zwa ita uri hu vhe na u humbulelwa ho engedzeaho.

Kha tshitatamennde, Miss Africa Tshipembe vho amba nga ha tshanduko ya vhurangaphanḓa.

vha ri, “Vhadzudzanyi vha Miss Africa Tshipembe vha tamela mashudu Vho Stephanie Weil kha vhuḓidini havho vhuswa.

Sa izwi ho swikelwa thendelano ya uri Vho Weil vha ḓo ṱutshela dzangano nga murahu ha miṅwaha minzhi sa CEO.

• Vhalani hafhu: Nga murahu ha minwaha , Muvhango wo swika magumoni.

Malugana na u fhiriselwa phanḓa, dzangano ḽo amba nga ha u dzudzanywa hafhu ha zwiṱirathedzhi sa tshiitisi tsha u pfukelisa phanda.

Source : Fakazanews.com

Makhetheni a khou vala lwa tshiofisi kha soapie i funwaho ya SA “Muvhango.”

U bva tshe ya thoma u bveledzwa nga 1997, soapie yo fara mbilu dza vhanzhi sa izwi yo vha soapie ya u thoma ya SA nga Tshivenḓa.

“Muvhango” yo kunga vhathetshelesi nga u anetshela hayo zwiṱori zwo pfumaho.

Zwo ḓisendekaho kha mvelele ya Tshivenḓa na u ṱoḓisisa vhuleme vhukati ha mvelele na musalauno.

Ḓuvha ḽiṅwe na ḽiṅwe ḽa vhege nga awara ya vhuṱahe nga madekwana kha SABC2,

Miṱa yo vha i tshi kuvhangana musi i tshi khou ṱalela TV.

I tshi vhona muṱa wa vhuhosi wa Venda musi u tshi khou tshimbila nga kha u fheṱwa, ḓirama na mvelaphanḓa ya muṱa.

Miṅwahani yo fhiraho, vhabvumbedzwa vha ngaho Khosi Azwindini, Vho-Susan Mukwevho, Vho-Thandaza Mokoena, Vho-Mulimisi na Vho-K.K.Mulaudzi vho fara mbilu dza vhathu vhanzhi vha Afrika Tshipembe.

“Muvhango” yo rwela ṱari mishumo kha madzina  manzhi a miḓini, hu tshi katelwa na Gabriel Temudzani, Dingaan Khumalo, Lindiwe Chibi na Macdonald Ndou.

Vhatambi na tshigwada vho kovhelana zwine zwa vha murahu ha tshiṱori nga ḓuvha ḽavho ḽa u fhedzisela kha set ino vhege.

• Vhalani hafhu :Khosi ngema o Mangadza vhatevheli vhawe nga rinngi

Musi vha tshi kovhelana vidio kha nyanḓadzamafhungo ya matshilisano vha tshi khou onesana na soapie i funwaho.

Source : iol.Co.Za

Musi Vho-Sannah Mchunu vha tshi dzhena kha tshigwada tsha WhatsApp, khakhathi dza thoma.

Mutambi wa matambwa wa miṅwaha ya 53, ane a funwa nga ḓirama yawe ya vhuṱali i sa hangwei Zodwa ngei Gomora,

U khou ḓisa thaidzo kha ṋaledzi ya kale ya Generations: The Legacy ya SA Vho Phindi Nxumalo.

Ḓirama ya madekwana ya SABC 1 i ḓo dovha ya vhona u engedzwa ha Phillip “Tipo” Tindisa, Tinah Mnumzana na Nozuko Ntshangase.

Buntu Petse na ene u ḓo vhuya kha khalanwaha ya vhu 34, sa Pearl Monama (Dr.Siphesihle “Sphe” Moroka) Mchunu o vhudza Sowetan zwine vha fanela u zwi lavhelela kha ndima ntswa:

Ndo ṱoliwa nga nwedzi wa thangule ṅwaha wo fhiraho.

Musi ndi tshi thoma u wana vhurifhi uvhu, ndo ḓivhudza uri ndi ḓo lingedza nga nungo dzoṱhe u vhu wana.

Ndi humbula ndi tshi rabela musi ndi sa athu u ita audition, zwine zwa vha zwithu zwine nda anzela u zwi ita.

Nga murahu ndo mbo ḓi wana luṱingo lwa uri ndi kha mutevhe wa vhatambi vhe vha vha vha tshi ḓo dovha vha ṱoliwa [u itela u tamba wonoyo mushumo].

Nga ṅwedzi wa Ṱhafamuhwe, ndo wana mafhungo mahulwane a uri ndi ḓo vha ndi tshi khou tamba tshipiḓa tsha Phindi Nxumalo— ndo vha ndi sa tendi, ndo pfa u nga ndi nga tou tshina, nga dakalo le ndavha ndi nalo.

• VHALANI HAFHU: Vodacom Data i fhela sa mafhi kha Weetbix Prince Kaybee

“Zwo vha zwi tshi konḓa u vhulunga tshiphiri itshi.” ho amba mchunu

Mutambi wa TV wa ane a ḓivhea vhukuma na muṱuṱuwedzi Nonku Williams o ḓivhadza lwa tshiofisi u ṱuwa hawe kha The Real Housewives of Durban, zwe zwa sia vhafuni vhawe vha sa tendi.

Mufumakadzi wa mabindu na muṱuṱuwedzi o kovhelana mafhungo a songo lavhelelwaho kha akhaunthu yawe ya Instagram nga Swondaha, ḽa 1 Fulwi,

A tshi dzumbulula uri ha nga ḓo vhuya kha khalanwaha i ḓaho kana u ṱanganela kha vhuṱambo ha u ṱangana hafhu.

Nonku, we a vha a tshi funeswa nga vhafuni lwa tshifhinga tshilapfu, o vula nga ha tsheo ya maḓipfele, a ri,

 “A si tsheo yo leluwaho, fhedzi ndi ine nda fanela u i ita. Musi ndi tshi ḓiṱalela kha tshikirini, ndo sedzana na ngoho ine ya konḓa u ṱanganedza.”

O isa phanḓa na u tenda uri nḓila ine a sumbedzwa ngayo kha mbekanyamushumo a i tsha tshimbilelana na zwine a vha zwone.

“Mufumakadzi ane nda mu vhona a si muthu ane nda mu ḓivha kana u mu ṱhonifha,” o engedza nga u ralo,

A tshi ṱhogomela uri naho o vha na mushumo wa u vhumba tshifanyiso tshawe kha tshikirini,

o dovha a ṱuṱuwedzwa nga mvelaphanḓa ya mbekanyamushumo.

Nonku Williams o isa phanda na u livhuwa vhafuni vhe vha vha vha tshi khou mutikedza kha mbekanyamushumo.

“Kha avho vhe vha ntikedza kha lwendo ulwu lwoṱhe, ndi a livhuwa. Ndi ṱanganedza tshipiḓa tshanga kha khakhathi,

“ Ndi khou nanga u bva kha mutevhe uyu, u ṱoḓa nḓila ine ya takusa na u ṱuṱuwedza.

“ Ndi khou nanga u shumisa pulatifomo, vhuthu na vhuthu hanga.”

O phetha nga u ri: “Ndi khou khetha u vha tsumbo yavhuḓi kha vhananga na kha vhaṅwe vhane vha nga vha vha tshi khou ṱalela.

Ndi khou khetha u vhea vhuḓifari hanga phanḓa na u ḓiṱhogomela.

• VHALANI HAFHU:Nwana wa Unathi u fara minwaha ya 14

Ndi khou khetha u vha wa vhukuma, u fulufhedzea kha nṋe muṋe, na u tshila vhutshilo vhune ha sumbedza zwilinganyo zwanga.”

Translated by Nthaduleni Rolivhuwa

 Muvhango u khou swika magumoni lwa tshiofisi, nga murahu ha miṅwaha i ṱoḓaho u vha mahumi mararu i tshi khou kunga vhathetshelesi vha Afrika Tshipembe.

SABC 2 na Word of Mouth Productions vho khwaṱhisedza uri tshiṱori tshi funwaho tshi ḓo fhela nga ḽa 8 Ṱhangule 2025,

 Yo sikwa nga Duma ka Ndlovu, Muvhango yo thoma u bviswa nga ḽa 7 Ṱhafamuhwe 1997 nahone nga u ṱavhanya ya vha tshithu tshihulwane tsha mvelele,

Ya ḓivhadza vhaṱaleli vhabvumbedzwa vha sa hangwei sa Muhulwane Azwindini, Thandaza, James, Mulalo, KK na vhaṅwe vhanzhi vhe vha bvela phanḓa vha vha madzina a nḓuni.

Mbekanyamushumo yo tamba mushumo wa vhuvulanḓila kha u ḓisa luambo lwa Tshivenḓa phanḓa nga tshifhinga tshe vhunzhi ha matambwa a vha o langiwa nga nyambo dzine dza ambiwa nga vhathu vhanzhi Afrika Tshipembe.

Musi vha tshi humbula nga ha ifa ḽa mbekanyamushumo, Vho-Duma ka Ndlovu vho ri:

 “Muvhango wo ṋea tshikhala luambo lwo dzhielwaho fhasi lune lwa vha luṅwe lwa nyambo dzi pembelelwaho vhukuma Afrika Tshipembe zwino.

“ Zwo vha ndugelo na khuliso u sika zwifhinga kha thelevishini, hune nyambo dzo dzhielwaho fhasi dzo vha dzi vhukati ha zwoṱhe.”

Nga murahu ha minwaha, Muvhango a wo ngo sokou takadza fhedzi, wo vha u tshi funza, u vusa muhumbulo, na u sika muhumbulo wa u ḓikukumusa na vhuimeleli kha vhaṱaleli.

Musi shango ḽi tshi khou shanduka u bva kha khethululo u ya kha dimokirasi,

Mbekanyamushumo yo sumbedza vhuḓiṱalusi ha Afrika Tshipembe vhune ha khou bvelela nga kha zwiṱori zwi kombetshedzaho zwo thewaho kha mvelele na khaedu dza musalauno.

Lala Tuku, mulanguli wa tshigwada tsha u ḓimvumvusa nga vidio, o khoḓa mushumo wa mbekanyamushumo, a ri:

 “Lwa miṅwaha i ṱoḓaho u vha 30, Muvhango wo vha u phuphu ya mbekanyamushumo dza SABC2 na tshipiḓa tshi funwaho tsha ḓivhazwakale ya thelevishini ya Afrika Tshipembe.

• Vha nga dovha vha ri wana kha facebook|facebook.com/profile.php?

“ U ṱanganya vhathetshelesi u mona na Afrika Tshipembe.”

Musi Muvhango u tshi nga vha u khou tamba lwau fhedzisela , ndima ntswa ya u anetshela zwiṱori zwapo yo lindela.

• VHALANI HAFHU:Ngei Johannesburg mutshudeni wa wits o wanala o lovha

Naho zwi songo khwathisedzwa nga SABC, mivhigo i sumbedza uri tshitori tshi do tevhelwa nga Pimville Queens, ine ya khou lavhelelwa u bvelela nga dzi 11 Thangule nga 9pm.

Translated by Nthaduleni Rolivhuwa

 Arali no vha ni tshi humbula uri Brooke Logan na Taylor Hayes ndi maswina o anaho, zwi tou vha khagala uri a no ngo vhuya na ṱangana na Mapitsi Maputla na Kamo Phalane.

Vhabvumbedzwa vhavhili vha bvaho kha Skeem Saam, vho shumela vhaṱaleli iṅwe ya kholomo dzo imaho tshifhinga tshilapfu kha mbekanyamushumo dzashu dzapo.

Nndwa yavho yo thoma minwaha ya 10 yo fhiraho, musi vha tshi kha di vha matshudeni tshikoloni tsha nṱha tsha Turf.

 Vho vha vha tshi dzulela u rwa ṱhoho. U fana na zwine zwa itea kha maswina a tshikoloni tsha nṱha,

Muṅwe na muṅwe wa vhenevho vhafumakadzi vhavhili o vha e na vhaṅwe vhagudiswa vhane vha vha tikedza.

Musi Mapitsi a tshi vhifha muvhilini a tshi kha ḓi vha tshikoloni, Kamo a tshi zwiwana a dzumbulula thumbu yawe kha muṅwe na muṅwe.

 Nga murahu ha tshikolo tsha murole wa nṱha, avha vhavhili vha bvela phanḓa na vhutshilo havho, Mapitsi o vhingwa nga Thabo Maputla nahone a vha na muṅwe ṅwana.

 Na vhone vha khou tshimbila zwavhudi, nahone ndi muhashi wa radio kha Berry FM.

Kamo zwenezwino o vhuyelela zwiṱaraṱani zwa Turfloop, u itela u ita tshinyalelo nnzhi kha vhutshilo ho fhelelaho ha Mapitsi.

Lwa tshifhinga tshilapfu, ndi ene muthu e eṱhe we a vha a tshi zwi ḓivha uri Mapitsi o vha a tshi khou fhura munna wawe Thabo na mushumisani nae DJ Thomas.

Mathomoni o vha a tshi blackmail vhavhili, vho vha vha tshi tea u mu thusa u wana mushumo tshiṱitshini, uri a si vha bvisele khagala.

Nṱhani ha u imisa mafhungo avho, Mapitsi na DJ Thomas vho bvela phanḓa, nahone vha vha na vhutsilu musi vhe khazwo.

Zwi vha ṱungufhadzaho ndi uri mafhungo avho o bviselwa khagala nga nḓila i shonisaho vhukuma.

 Mapitsi o vha a tshi khou humbela Thomas uri a si mu ṱale, vhenevho vhavhili vha vha na khanedzano,

Vha sa zwi ḓivhi uri Kamo o vha isa muyani. Munwe na munwe wa Turfloop o mbo di divha tshiphiri tshawe tsha tshikha, na vhalavhelesi vho takala vhukuma.

• VHALANI HAFHU:“hezwi zwi ngavha u fadalala ha budo ḽawe” Shebeshxt

Mapitsi u tambiwa nga Mogau Motlhatswi, ngeno Mulalo Ndou e Kamo.

Translated by Nthaduleni Rolivhuwa