Grace Mondlana o sedzana na u sasaladzwa nga u langa mbulungo ya mufunwa wawe wa kale

Muthu ane a ḓivhea kha TikTok Grace o vusa khakhathi nga murahu ha lufu lwa mufunwa wawe wa kale

Grace Mondlana, muṱuṱuwedzi a ḓivheaho na content creator, o vusa khanedzano khulwane kha inthanethe nga murahu ha u lovha ha mufunwa wawe wa kale, sipho Zulu.

Mufunwa wa kale o lovha nga nḓila i vhavhaho kha khombo ya goloi nga ḽa 29 Fulwi  2025.

Naho vhavhili avha vho fhelisa vhushaka havho ha miṅwaha miṱanu mathomoni a ṅwaha uno,

U lila ha Grace khagala na u dzhenelela huhulwane kha ndugiselo dzawe dza mbulungo zwo ita uri vhathu vha ṱanganedzee kha nyanḓadzamafhungo ya matshilisano.

Musi a tshi amba nga ha Sipho sa “dinga la mbilu yawe,” Grace o dzumbulula uri o vha o dzhenelela vhukuma kha u dzudzanya mbulungo.

Nahone a amba uri o badela tshelede yoṱhe ya u vhulunga.

O vha a tshi dzulela u kovhelana zwiswa, u katela na uri o vha a tshi ya na u vhuya hayani ha sipho u itela u thusa kha ndugiselelo.

U sumbedza u ḓikumedza uhu khagala ho ita uri vhathu vha fhindule nga nḓila dzo fhambanaho.

Vhaṅwe vha tshi mu pfela vhuṱungu, ngeno vhaṅwe vha tshi khou vhudzisa zwiṱuṱuwedzi zwawe na mikano yawe.

Kha twist ye ya isa phanḓa na u ṋaṋisa u ṱangana ha vhathu kha inthanethe,

Grace o bvisela khagala uri ene na Sipho vho vha vho no bvela phanḓa na vhutshilo havho musi a sa athu lovha.

O amba uri mufunwa wawe muswa o vha a tshi ita na u mu reila a tshi ya na u vhuya mbulungoni.

U bva tsheetsho vhasasaladzi vho mu vhidza “mulila muhulwane,” vha tshi vhudzisa vhuimo hawe ha u dzhenelela hawe nga ṅwambo wa uri vhushaka ho vha ho no fhela miṅwedzi yo vhalaho nga phanḓa ha zwenezwo.

Zwiṅwe hafhu, mivhigo i amba uri Grace o dzhia founu ya Sipho musi e vhuongeloni nahone nga murahu a i shumisa u itela u khwinisa masiaṱari awe a social media.

Hu tshi katelwa na u shandula phrofaili yawe ya LinkedIn uri i katele emoji ya liivhai na ḓuvha ḽe a lovha ngaḽo.

Voice note yo phadalalaho, ine ha pfi yo rumelwa nga Grace kha musidzana wa Sipho wa zwino, yo engedza mulilo.

• VHALANI HAFHU: Hu khou pfala uri Shebeshxt o wana inwe khombo ya goloi

Khayo, Grace u imelela zwiito zwawe na u tandulula vhuleme vhu sa takadzi vhune ha nga vha ho vhangwa nga u vha hone hawe.