Hhadivhalea

Makhadzi o ḓivhadza Mutevhe wa Vhaimbi Vha One Woman show

Nga murahu ha u tshimbila zwavhuḓi ha One Woman Show yawe nwaha wo fhelaho, Makhadzi o vhuya hafhu u nea vhathu zwine vha zwi toḓa, zwine zwa vha tshifhinga tsha vhuḓi vhukuma.

Nga murahu ha vhege dzi si gathi fhedzi Makhadzi muimbi u ḓo dzhia tshiṱeidzhi lwa vhusiku vhuvhili vhu sa hangwei ha muzika, u tshina, na u ḓimvumvusa.

U ḓivhelwa u imba hawe nga mafulufulu na nyimbo dzine dza vha nṱha ha tshati, Makhadzi u fulufhedzisa ḓikita lo ḓalaho maanḓa, lufuno, na vhukoni ho kunaho.

Naṅwaha muimbi o winaho pfufho nnzhi u khou ita  zwihulwane, u fara mushumo fhethu huvhili ho fhambanaho, nga maḓuvha mavhili.

Fhethu hune ha ḓo farelwa hone ndi tshitediamu tsha Makhuvha ( Tshitediamu tsha Makhuvha, R524, Thohoyandou) na tshitediamu tsha Ha Rabali ( Bada ya R523, Muḓini wa Rabali, Nzhelele, Makhado).

Hu dovha hafhu ha vha na lineup ya vhaimbi vhane vha ḓo imba  kha show.

Kha vhaimbi vha re kha mutevhe hu katelwa, Casper Nyovest, Gusba Banana, Shandesh, DJ Zinhle, Nomcebo Zikode, Mickey Black, Mawhoo, Benny Mayengani, Aymos, Rofhiwa Manyaga, Lwah Ndlukulu, Asa Tee na JR Player.

Hhadivhalea

Candice Modiselle u kovhelana zwihumbudzo zwa mutshato wawe

Ho no fhela minwedzi Candice Modiselle na Sechaba Sello vh0 vhofha lufuno lwavho,

Fhedzi vhafuni vhawe vha khou diphina kale nga zwinwe zwinepe zwe a vha a tshi khou zwi kovhela kha social media ubva tshe vha malana.

Musi hu tshi khou itwa vhuṱambo uho, Candice na muṱa wawe vho vha vha tshi vhonala vha tshi mangadza nahone vho ambara zwikhafu zwa Tol’thema zwine zwa tshimbilelana na zwiambaro zwavho.

Candice na murathu wawe muhulwane Bontle Modiselle-Moloi vho vha vho ambara zwidala kha vhuṱambo honoho, ngeno khaladzi avho muhulwane Refilwe na mme avho vho ambara zwitswuku na navy.

Nga murahu ha nwedzi wa u kovhelana zwinepe zwa u thoma, ramafhungo na mutambi wa matambwa Candice o kovhelana zwinzhi nga ha duvha lawe lihulu.

O sumbedza vhatevheli vhawe zwithu zwa u khavhisa, zwiṅwe zwiambaro zwi mangadzaho, u ḓimvumvusa, vhaḓivhalea na vhaeni.

Sa zwe zwa vha zwo lavhelelwa, Candice o vha na madzhenele a mangadzaho nga zwiambaro zwawe zwa Tshitswana zwo ṱanganaho na tshitaila tsha musalauno, ngeno munna wawe Sechaba na ene o mu ṱanganya nga nḓila ya tshitaila.

Musi a tshi amba, Candice o livhuwa muṅwe na muṅwe we a ita uri ḓuvha ḽi vhe ḽo khetheaho, u bva kha muṱa, khonani na vhadzudzanyi vha mushumo.

Zwino, o vhuya, e na zwiṅwe zwihumbudzo zwa mbingano yawe, nahone ri a zwi livhuwa.

Candice o rumela zwiṅwe zwinepe zwi sumbedzaho lunako lwa ḓuvha ḽavho.

O dovha a livhuwa muṅwe na muṅwe we a bvela phanḓa a tshi vha tikedza, u katela na mubveledzi wawe wa zwiambaro.

Zwiṅwe hafhu, Candice o ṋea Mudzimu vhugala, a amba uri vho ita uri a ḓipfe vha tshi funwa tshoṱhe na u ḓivhiwa nga Yesu nga vhuḓalo.

Uncategorised

Mohale Motaung o sumbedza uri zwino u vho funana na thanga dzawe

Mohale Motaung o dzinginyisa social media nga murahu ha u humbula nga ha khetho dzawe dza vhushaka ha kale na u sumbedza uri zwino o vulea u funana na thanga dzawe.

Muthu wa nyanḓadzamafhungo o dzhena kha nyambedzano yo phaḓalalaho nga Ḽavhuvhili, ḽa 25  Ḽara 2025.

He vhashumisi vha hanedzana uri ndi ngani vhaṅwe vhathu vha tshi iledza u funana na vhafarisi vha miṅwaha yavho.

Mohale o fhindula nga mutevhe wa mulaedza fhedzi wo hwalaho: “Ro vha ri mabofu, zwino ri a vhona.”

Vhupfiwa uhu ho mbo ḓi vusa nyambedzano nga ha mbingano yawe ya kale na Somizi Mhlongo, ye ya fhela khagala na u vha na khanedzano nga 2021.

Mohale, we a vha e muṱuku kha Somizi nga miṅwaha i fhiraho mahumi mavhili, o vha a tshi vhonala a tshi khou sumbedza zwe a zwi guda kha vhushaka honoho.

Mohale na Somizi vho thoma u funana nga 2018, zwa ita uri hu vhe na u fulufhedzisana  nga mbingano mbili dza vhuimo ha nṱha dze dza hashiwa kha mbekanyamushumo yo khetheaho ya vhukuma Somizi & Mohale: The Union.

Vhuthihi havho, he ha vha vhu tshi pembelelwa nga vhathu vhanzhi, ho fheleledza ho wa nga fhasi ha u senguluswa huhulwane ha vhathu.

Tweet yawe ya zwenezwino yo sia social media yo fhandekana. Vhaṅwe vhatevheli vho vha vha tshi ima na u fulufhedzea hawe nahone vha mu khoḓa nga u vhea phanḓa u funana na vhathu vha thanga dzawe.

Fhedzi vhanwe a vho ngo ḓifara, vha mu pomoka uri u shumisa dzina ḽa munna wawe wa kale u itela uri a dzhieliwe ntha.

Uncategorised

Londie London o wina kha Pfufho dza National Film and TV

Londie London u khou pembelela tshipikwa tshihulwane tsha mushumo nga murahu ha musi o wina pfufho ya Best Female TV Personality kha National Film and TV Awards (NFTA).

Muthu wa nyanḓadzamafhungo o kovha tshifhinga tsha u ḓihudza kha Instagram, a posa tshinepe tshawe o fara pfufho na u livhuwa vhatikedzi vhawe zwi tshi bva mbiluni.

 “Ndi livhuwa vhothe vhe vha nkhethela. Ndi livhuwa @nationalfilmandtvawards kha u ndzhiela ntha kha pfufho iyi. Pfufho iyi ya Best Female TV Personality ndi yashu,” o ṅwala.

Londie o humbula nga ha u vhuya hawe kha The Real Housewives of Durban kha khalanwaha ya vhuṱanu, a ri o vha a sa athu vhuya a lavhelela uri mbekanyamushumo iyi i ḓo mu isa kha u ḓivhiwa nga u rali.

O livhuwa tshigwada tsha u bveledza, @letitrainfilms, kha u shela mulenzhe kha u kono u wana pfufho.

“U vhuya kha Real Housewives of Durban khalanwaha ya vhuṱanu, ndo vha ndi sa humbuli uri zwi ḓo isa kha tshifhinga tshi ngaho hetshi nahone @letitrainfilms yo ita uri zwi itee,” o engedza nga u ralo.

U fara pfufho “nga mbilu yo ḓalaho na i livhuwaho,” Londie o livhuwa vhatikedzi vhawe kha thikhedzo yavho i sa dzinginyei, a tshi ombedzela uri gundo ndi ḽa muṅwe na muṅwe ane a tenda khae.

“Lufuno lwaṋu na thikhedzo zwo ita uri zwoṱhe hezwi zwi konadzee Ngyabonga,” o phetha nga u ralo.

U kunda hawe zwi swaya tshifhinga tsha ndeme kha lwendo lwawe lwa thelevishini, nahone vhafuni vhawe vho vha vha tshi khou ḓadza siaṱari ḽawe nga milaedza ya u fhululedza u bva tshe ha ḓivhadzwa.

Uncategorised

Moipone o imelela Skomota nga murahu ha u lingedza u mu k!ss

Moipone o imelela Skomota nga murahu ha u lingedza u mu k!ss.

Skomota, muḓivhalea wa social media ane a anzela u kolelwa nga ṅwambo wa zwiito zwawe zwi sa pfali.

Zwenezwino o ḓiwana a tshi khou ḓiimelela nga murahu ha musi tshiṅwe tshiitea tsha u tamba tsho no phaḓalala.

Muṅwe mushumisi wa X, Moipone, o kovha tweet nga ha tshifhinga tshe Skomota a lingedza u mu khisa, a ṅwala uri:

“Mmbudzeni uri ndi ngani Skomota o lingedza u nkhisa kha milomo???”

Tweet yo ṱavhanya ya ḓisa phindulo nnzhi. Muṅwe mushumisi o ṅwala uri, “O dovha a lingedza zwenezwo kha nṋe;ndo vha ndi tshi ṱoḓa u ya hayani ngauri wtf.”

Muṅwe a amba, “zwiri a ni tshuwisi nga u to ralo, no vha ni tshi nga mu tshuwisa nga mug wa mean fhedzi.”

Naho ho vha hu tshi sasaladzwa na u swaswiwa, Moipone o vha a tshi vhonala a sa khou tshuwa.

o mbo ḓi posa vidio vha vhothe vha khou ḓiphina nahone a imelela Skomota, a tshi simesa uri a hu na zwo khakheaho khae.

“Hu na vhupfiwa vhunzhi vhu si dzavhuḓi fhasi ha heyi tweet.

” Ndi khou ṱoḓa u amba uri a hu na zwo khakheaho nga Skomota, ndi muthu  nae nahone a thi mu vhoni a tshi nengisa.

“Ndo pfha zwi khou takadza uri o vha a tshi ṱoḓa kiss kha milomo,” o nwala.

Hhadivhalea

Ciza o dzhenela kha mumatsho wa GBV

Muimbi wa Afrika Tshipembe Ciza o engedza ipfi ḽawe kha khuwelelo ine ya khou aluwa shango ḽoṱhe ya u fhelisa khakhathi dzo ḓisendekaho kha mbeu.

A tshi kovhelana tshipiḓa tshi re na maanḓa tsha ene muṋe a tshi khou shela mulenzhe kha u matsha u lwa na khakhathi.

O ambara zwiambaro zwitswu zwoṱhe, ṋaledzi yo tshimbila tsini na gogo ḽihulwane, i tshi ṱanganela na zwigidi zwa vhathu vha Afrika Tshipembe vhe vha bvela zwiṱaraṱani vha tshi khou ṱoḓa tshanduko nga u ṱavhanya.

Kha poswo yawe, Ciza o ṱalutshedza uri ndi ngani o pfa o kombetshedzea u ḓivhonadza, a tshi ombedzela uri GBV yo ṱhaṱhuvha miṱa u mona na shango lwa tshifhinga tshilapfu vhukuma.

“Ndo dzhia tsheo ya u ṱanganela kha matshi wa u lwa na khakhathi dzo thewaho kha mbeu ngauri dzo no vha thaidzo ya lushaka Afrika Tshipembe.

” Ro xelelwa nga vhomme vhanzhi vhukuma, khaladzi, khonani, na vhazwala,” o ṅwala.

Ciza o isa phanḓa na u sumbedza mushumo wa ndeme une vhanna vha tea u u ita kha u fhaladza mvelele ine ya konisa u tambudzwa.

A tshi vhidzelela vhuḓifhinduleli nga ngomu ha zwitshavha zwa vhanna.

“Sa munna, ndi ima na vhafumakadzi vha dzimiḽioni vho kwameaho, nahone ndi ita khuwelelo kha vhaṅwe vhanna uri vha bvele phanḓa, vha ambe, na u vhea vhuḓifhinduleli kha muṅwe na muṅwe,” o engedza nga u ralo.

Vho fhedza mulaedza wavho nga khumbelo i bvaho mbiluni ya u fhodzwa na vhuthihi:

“Ndi rabela u fhodzwa kha vhuṱungu he ha vhangwa nga GBV na vhumatshelo ho tsireledzeaho, vhu penyaho ha MaAfrika Tshipembe vhoṱhe. Ri kha hezwi roṱhe.”

U shela mulenzhe ha Ciza hu khou ḓa musi vhathu vha tshitshavha, vhalwela tshanduko na vhadzulapo vho ḓoweleaho vha tshi khou khwaṱhisa vhuḓidini ha u sedzana na zwitatamennde zwi tshuwisaho zwa GBV zwa shango.

Hhadivhalea

Nadia Nakai o imisa mishumo yawe u dzhenela mugwalabo

Muimbi wa Rap na Hip Hop Nadia Nakai o ḓivhadza uri u ḓo khansela mishumo yawe yoṱhe ye a vha o dzudzanya nga Ḽavhuṱanu [21 Lara] nga ṅwambo wa u gwalaba.

Vho-Nakai vhari vha do vha vha tshi khou dzhenelela kha mugwalabo muhulwane wo pulaniwaho Afrika Tshipembe sa tshiga tsha vhuthihi kha u lwa na khakhathi dzine dza khou itelwa vhafumakadzi na vhana.

Mugwalabo uyu, wo dzudzanywaho nga vha Women for Change, wo itelwa u rumela mulaedza wo khwaṱhaho kha samithi ya G20 ine ya khou ḓa na vhaṱanganedzi vhoṱhe.

Nakai we a vha o vhetshelwa u imba luimbo, o amba uri na ene u do vha a tshi khou imba sa tshipida tsha u gwalaba.

Ndo vha ndi tshi khou tea u bvisa luimbo lwe nda shuma khalo na Nasty C nga dzi 21. Datumu iyo yo vhewa kale fhedzi ndo mbo di tea u i lindela lwa tshifhinga nyana nga zwinwe zwiitisi,” Nakai o ralo.

Nakai o talutshedza uri mishumo yawe yothe ya lavhutanu yo fheliswa nahone a talutshedza uri u do bvisa luimbo nga dzi 28 dza nwedzi wa Lara.

Tshiitea itshi tshi ḓo vhona u imiswa ha u shuma lwa mimunithi ya 15 u thoma nga awara ya 12:00 nahone fhethu ho fhambanaho hu khou lavhelelwa u shela mulenzhe na u matsha ho fhambanaho.

Hhadivhalea

Vusi Nova zwino o novha ṅanga

Vusi Nova o dzhena kha ndima ntswa ya vhutshilo hawe nga murahu ha musi o fhedza o ṱanganedza mbizo yawe ya muya.

Muimbi we a wina pfufho o vha ṱhoho dza mafhungo musi vidio yawe a tshi khou vhuya u bva u thwasa i tshi bvelela kha inthanethe, yo kovhelwa nga muṅwali wa dziblogo Musa Khawula.

Kha clip, muimbi o ṱanganedzwa hayani nga murahu ha musi o no fhedza lwendo lwawe, a tshi khwaṱhisedza uri o no vha maine lwa tshiofisi.

Khawula o ṱhogomela uri Vusi Nova zwino o ṱanganela na vhaṅwe vhaḓivhalea vhe vha dzhia nḓila i fanaho, hu tshi katelwa na ṋaledzi ya Barcadi Jelly Babie.

Vidio iyi yo mbo ḓi ṱavhanya ya ḓivhea kha nyanḓadzamafhungo ya matshilisano, ya kokodza zwigidi zwa vhathu musi vhafuni vha tshi khou lingedza u pfesesa tshanduko yawe.

Nzumbululo iyi yo sia vhashumisi vhanzhi vha inthanethe vha tshi khou hanedzana nga ha tsheo yawe na uri zwi amba mini kha muzika wawe na vhutshilo hawe ha muthu nga eṱhe.

Vhaṅwe vhashumisi vha social media vho pfa uri nḓowelo ya vhathu vha ḓivheaho vhane vha thoma u ita zwithu zwa muya i khou thoma u ḓivhea, nahone muṅwe muthu o amba uri:

“Vha nga shanduka vha vha Vhasangoma kana Vhakriste vho bebwaho hafhu. 

Vhenevha vhaḓivhalea vho no vha vhane ra ḓivha zwine zwa ḓo itea nga maanḓa.”

Hhadivhalea

Sol Phenduka o  zuwisa u nangiwa hawe kha pfupfho dza Radio

A nga vha a siho kha radio zwa zwino, fhedzi zwe Sol Phenduka a ita  medium zwi kha ḓi pfala vhukuma.

Zwi tou vha khagala uri Sol o vha e muthu wavhuḓi wa radio sa izwi a tshi kha ḓi nangiwa kha pfufho.

Miṅwedzi i si gathi yo fhiraho, Sol o vhofhololwa kha KAYA FM, nga ṅwambo wa zwe a amba nga ha mutambi wa matambwa na muthu wa nyanḓadzamafhungo Minnie Dlamini.

Sol o vha e hone musi MacG a tshi amba uri Minnie u sa vha na mashudu kha zwa lufuno zwi nga vha zwo itiswa ngauri zwipiḓa zwawe zwa tshiphirini zwi nga vha zwi na munukho u sa takadzi.

Hezwi a zwo ngo dzula zwavhuḓi kha vhathu vhanzhi, vha ita khuwelelo ya uri MacG na Sol vha khanselwe.

Zwi ṱungufhadzaho kha Sol ndi uri zwenezwi zwo ita uri a xelelwe nga mushumo wawe. Zwavhuḓi naho zwo ralo ndi uri vha kha ḓi humbulwa nga vhuhulwane havho sa muthu wa radio.

U dzhia kha X, Sol o kovhelana poso nga ha u nangiwa hawe kha pfufho.

Muḓivhi wa nyanḓadzamafhungo we a wina pfufho nnzhi, ṋaledzi ya reality show , DJ na ramabindu vho wana ṱhonifho fhasi ha khethekanyo ya best Traffic Presenter category.

Hezwi ndi zwa Siz World, mbekanyamushumo ya vhuragani ye vha i ṋekedza na Sizwe Dhlomo kha KAYA FM.

Sol u khou lwa nayo na Juliet Joseph na Tsikwe Molobye, na vhone vha bva kha KAYA FM. Khethekanyo iyi i dovha ya vha na Tara Penny u bva kha Hot 102. 7 FM na Buhle Hlatswayo u bva kha ECR FM.

“Vhonani uri ndi nnyi we a nangiwa sa muhashi wa khwiṋe wa therafiki kha pfufho dza radio😅,” Sol o mbo ḓi zuwa  nga ha u nangiwa hawe.

Hhadivhalea

Nasty C u ḓiphina nga tshifhinga tshavhuḓi ngei Nigeria

Nasty C u ḓiphina nga tshifhinga tshavhuḓi ngei Nigeria .

Murepa wa Afrika Tshipembe Nasty C, o bebwaho Nsikayesizwe David Junior Ngcobo, o vhuyelela hune a hu vhidza nga lufuno haya hawe ha vhuvhili, Nigeria.

Ṋaledzi yo winaho pfufho yo ḓivhadza u swika hayo nga mutevhe wa zwinepe zwi takadzaho, zwo kovhelwaho kha masiaṱari awe a social media, zwi tshi sumbedza uri u khou ṱanganedza maanḓa a Naija.

U bva kha mbonalo ya dzi snaps, zwi tou vha khagala uri Nasty C u khou ḓiphina vhukuma.

Nga tshifhinga tsha musi a henefho, o dalela Lagos na Abuja, nahone a takadza vhafuni nga u tamba hawe kha khontsathi yo ḓalaho.

A humbudza vhatikedzi vha Nigeria uri ndi ngani a tshi kha ḓi vha muṅwe wa vhatambi vha rap vha funwaho vhukuma Afrika.

“Tshifhinga tshoṱhe ndi zwavhuḓi u vhuya kha ḽiṅwe ḽa mahaya anga. Ebuka u funa Naija & Naija i funa Ebuka. Vhatukana vha mafulufulu u swika nga hu sa fheli,” o ṅwala kha iṅwe ya dzi-post dzawe.

Exit mobile version