Cyan Boujee o vula nga ha u bvuḓa ha BBL yawe .

DJ o vula nga tshifhinga tsha nyambedzano yo ṱambaho na Freshmen Magazine, a tenda uri ndi ene o ambaho nga  ha tshiṱori tsho phaḓalalaho.

Musi a tshi vhudziswa nga ha zwine zwa khou humbulelwa, Cyan Boujee ha ngo vhuya a hanedza.

“Ee, ndi ngoho,” o ralo, a tshi khou amba nga ha mafhungo a u bvuḓa ha Brazilian Butt Lift yawe. “Ndi nne we nda vhudza vhathu nga hazwo.”

O ṱalutshedza uri u bvuḓa ho vha hu tshi bva kha tshilonda tshe tsha vhumbwa nga murahu ha u ita muaro,

Mafhungo o ḓoweleaho ane a nga itea nga ṅwambo wa u kavhiwa kana vhuleme musi muthu a tshi khou fhola.

Cyan’s transparency yo vha yo bvelela kha tshikhala tsha didzhithaḽa hune influencer vhanzhi vha shavha u dzumbulula zwithu zwa vhukuma zwine wa tangana nazwo zwo no ita BBL.

• vhari wana kha facebook| .facebook.com/profile.php

Lwendo lwawe lwa u ita muaro lwo ṱanḓavhuwa, u thoma nga BBL nga 2021, ha tevhelwa nga liposuction, u ita muaro wa gastric sleeve nga 2024, nahone zwenezwino, O takusa maḓamu nga 2025.

O dovha a tenda uri zwino o no vha na ndowelo ya u ita muaro wa pulasitiki,” u ḓibula nga tshivhindi he ha ita uri hu vhe na nyambedzano kha Inthanethe.

Vhashumisi vha nyanḓadzamafhungo  vho ṱavhanya u khoḓa u fulufhedzea hawe, vha tshi ambesa u vula hawe  tshiphiri tshine vhaṅwe influencers vhanzhi vha tshi vhulunga.

Muṅwe mufuni o ṅwala uri, “Arali influencers vhoṱhe vho vha vha tshi fulufhedzea u fana nae? Sana u ḓo zwi ṱhogomela uri u na rekhodo ya khwine, Ndi a Mufuna”

• VHALANI HAFHU: Minnie Ntuli o Nyadza mbetshelwa ya 5PM ya Londie London

Muṅwe a engedza nga uri, “Oh shem, arali ni sa mu funi, khamusi na inwi a ni ḓifuni .

Shauwn “MaMkhize” Mkhize u khou sedzana na vhuleme vhuswa ha mulayo na ha masheleni nga murahu ha musi Khothe Khulwane ya Pretoria yo dzhia tsheo khae na kilabu yawe ya bola ya milenzhe, Royal AM.

kha mulandu une wa kwama Ḽigi ya Bola ya Milenzhe ya Lushaka (NSL).

Khaṱhulo, yo ṋetshedzwaho nga Ḽavhuvhili, ḽa 8 Fulwana 2025, yo wana uri Royal AM yo xedza NSL na u pfuka milayo minzhi ya Premier Soccer League (PSL).

Mawanwa a khothe a sumbedza tshifanyiso tsha khakhathi dza vhulanguli nga ngomu ha kilabu.

Kha vhukhakhi ho bulwaho ho vha na tshanduko dzi songo tendelwaho kha u vha na mikovhe na vhulanguli nga Fulwi 2023,

U sa ṱalutshedza zwavhuḓi kha khumbelo ya u vusuludza miraḓo ya kilabu ya 2024,

Na u kundelwa u swikelela vhuḓifhinduleli ha mutheo vhu ngaho u hulisa mitambo na vhuḓifhinduleli ha masheleni.

U pfuka mulayo uhu, khothe yo amba uri, zwo ita uri kilabu i pandelwe kha ḽigi na musi i sa athu vhewa fhasi ha vhulanguli nga SARS nga ṅwambo wa mafhungo a muthelo ane a khou gonya.

Zwi tshi engedza kha maṱungu, MaMkhize o dovha a kundwa kha nndwa yawe ya mulayo ya uri Royal AM i vhuyedzedzwe kha PSL.

• vhari wana kha facebook| .facebook.com/profile.php

U ya nga Daily News, khumbelo yawe yo landulwa nga murahu ha musi khothe yo ṱolisisa zwe ya zwi ṱalusa sa “complex web” ya u sa langa zwavhuḓi, zwikolodo zwi songo badelwaho, zwithivheli zwo vhewaho nga FIFA, na u fhela tshoṱhe ha u dzika ha mushumo.

U wa a hu  ngo ima henefho.

Khaṱhulo iyi yo ḓa nga murahu ha maḓuvha a si gathi musi Royal AM yo xelelwa nga thendelano ya u tikedza ya R27 miḽioni na Masipala wa Msunduzi ngei KwaZulu-Natal.

• vhalani hafhu: Toyota ntswa ya Sbahle Mpisane yo vusa phosho kha social media

Thendelano iyi, ye ya vha yo no ḓi bveledza u sa tendelana huhulwane, yo fheliswa lwa tshiofisi nga murahu ha musi tshigwada tsho pandelwa kha PSL.

Mzansi yo ita khuwelelo ya u fariwa ha Shebeshxt zwi tshi tevhela inwe khombo ya goloi

Muimbi wa rap wa Limpopo Shebeshxt o dovha a ḓiwana e vhukati ha khanedzano nga murahu ha musi ho bvelela mivhigo ya uri hu pfi o wana iṅwe khombo ya goloi nga Ḽavhuṱanu, ḽa 4  Fulwana 2025.

Zwifanyiso zwa goloi ya Volkswagen Golf GTI yo tshinyalaho vhukuma, ine ya tendiwa uri ndi yawe,

wo phadalala kha nyanḓadzamafhungo ya matshilisano, zwa vusa vhuhali vhukati ha maAfrika Tshipembe.

Tshifanyiso tsho phaḓalalaho tshi sumbedza goloi i re na tshinyalelo khulwane ya phanḓa, bampa yo ṱanganaho, mavhone a phanḓa o pwasheaho, na dzithambo dza nga ngomu dzi re khagala.

Naho zwidodombedzwa zwo ṱanganaho na tshiitea itshi zwi sa athu pfala zwavhuḓi, goloi i fana vhukuma na Shebeshxt’s.

Zwe zwa ita uri vhanzhi vha tende uri o vha a khou reila zwa vhukuma.

Shebeshxt, ane dzina ḽawe ḽa vhukuma ndi Lehlogonolo Katlego Chauke o vha o no vhuya a wana khombo i vhavhaho ye ya vhulaha ṅwananyana wawe, Onthatile, ṅwaha wo fhiraho.

Khombo yawe ya zwenezwino ine ya khou humbulelwa uri yo itea yo vusuludza mbilaelo dza tshitshavha nga ha vhuḓifari hawe badani.

Nga maanḓa nga murahu ha mivhigo ya zwenezwino ya vhuḓifari vhu songo teaho kha zwiitea zwa tshitshavha.

Naho murepa kana tshigwada tshawe vha sa athu khwaṱhisedza kana u hanedza tshiwo itshi,

Nḓila ye vhathu vha aravha ngayo nga u ṱavhanya nahone nga nḓila i vhaisaho.

“Farani hoyu munna ni mu rumele dzhele. U khombo kha tshitshavha,” ho ṅwala muṅwe mushumisi wa X.

Muṅwe o engedza nga uri, “Hoyu ndi khombo ene muṋe. A si khombo khae fhedzi, fhedzi na kha vhaṅwe vhathu vhane vha nga kwamea nga u bvisa hawe tshigidi, u shumisa zwidzidzivhadzi, kana u reila nga vhutsilu.”

• VHALANI HAFHU: Khamphani ya Somizi Mhlongo i khakhathini na mulayo

Vhaṅwe vho eletshedza uri zwi nga vha na masiandoitwa a mulayo:

“Ḽaisentsi yawe ya u reila i fanela u imiswa lwa miṅwaha miṱanu kana ya bviswa lwa tshoṱhe.”

Ma Afrika Tshipembe zwenezwino vho vha vha tshi khou ḓiphina nga mafhelo a vhege malapfu,

Na Musumbuluwo wa u awela mushumoni – nga nṱhani ha holodei ya tshitshavha ya Ḓuvha ḽa Vhaswa.

Bonus mbili: Zwenezwo zwi amba vhege pfufhi ya mushumo phanḓa!

Ndi ngani Afrika Tshipembe ḽi tshi pembelela ḓuvha ḽa vhaswa?

Ḓuvha ḽa Vhaswa ndi ḓuvha ḽine maAfrika Tshipembe vha hulisa ngaḽo vhaswa vhe vha vha vho fariwa nga mapholisa a muvhuso wa Tshitalula ngei Soweto nga ḽa 16 Fulwi 1976.

Nga ḓuvha ḽeneḽo ho vhulahwa vhaswa vha fhiraho 500.

Nga matsheloni a dzi 16 dza ṅwedzi wa fulwi 1976, zwigidi zwa matshudeni vha vharema vho ya kha mugwalabo wa u sumbedza u sa tendelana vha tshi bva zwikoloni zwavho vha tshi ya Orlando Stadium.

Vho vha vha tshi khou gwalabela ndaela ya tshiofisi ye ya ita uri luambo lwa Afrikaans lu kombetshedzwe zwikoloni zwa ḓoroboni dza vharema shangoni ḽoṱhe.

U shumiswa ha nyambo dzapo zwo vha zwo thivhelwa kha zwikolo izwi ngeno ndayotewa i tshi tikedza uri Luafrikaans na Luisimane zwi vhe nyambo dza tshiofisi dza shango.

Raḽi yo vha yo itelwa u vha mugwalabo wa mulalo hu na ndivho dza u humbela muvhuso uri u sa kombetshedze luambo lwa Afrikaans zwikoloni.

Fhedzi zwithu zwo mbo ḓi bva ndanguloni musi hu tshi vhidzwa mapholisa uri vha balanganye magogo nahone ha thoma dzikhakhathi.

Naho migwalabo ya dzi 16 June 1976 yo ita uri hu vhe na vhathu vhanzhi vho huvhalaho.

Vhaswa vha 1976 vho shela mulenzhe kha u lwa na u kunda u sa lingana na u tsikeledzwa zwo vhangwaho nga muvhuso wa tshiṱalula.

• VHALANI HAFHU :Mac G o pomoka Sabelo Zuma u shumiswa zwidzidzivhadzi

Nga murahu ha u ḓa ha dimokirasi nga 1994, muvhuso muswa wa dimokirasi wo ḓivhadza ḽa 16 Fulwi sa Ḓuvha ḽa Vhaswa ḽa Lushaka na Fulwi sa Ṅwedzi wa Vhaswa.

Translated by Nthaduleni Rolivhuwa 

Sizwe Dhlomo zwenezwino o vusa phindulo kha inthanethe nga murahu ha musi o hana thambo ya u bvelela kha Awkward Dates, mbekanyamushumo ya Lasizwe Dambuza i ḓivheaho ya YouTube.

U tshintshana ho thoma nga murahu ha musi muṅwe mufuni o amba uri zwi ḓo vha zwavhuḓi hani u vhona Sizwe kha mbekanyamushumo, zwa ita uri Lasizwe a ite uri tshimemo tshi vhe tsha tshiofisi.

Nga nḓila yawe yo ḓoweleaho ya u livha, muhashi wa radio ya Kaya FM o hana nga vhulenda.

“A thi iti dziinthavhiyu,” o ralo, phanḓa ha musi a tshi engedza maipfi a ṱuṱuwedzaho:

 “Ndi mbekanyamushumo yavhuḓi naho zwo ralo. Arali nda vha na tshiṅwe tshithu tshine nda ḓo tshi kunguwedza ḽiṅwe ḓuvha, ndi ḓo ni kwama. Bvelani phanḓa na mushumo wavhuḓi.”

Nṱhani ha u sokou vala vothi, Sizwe o ṋea Lasizwe tshikhala tsho fhambanaho, tsha u eletshedzwa.

“Ni songo ḓisa dzikhamera, fhedzi ni nga nṋea murunzi lwa vhege yoṱhe,” o ṅwala kha Twitter

“Ndi ḓo ni ṋea ṱhalutshedzo ya uri ni nga tshimbila hani kha mutambo. Ndi arali ni tshi ḓo wana mafhungo ayo a tshi thusa. Ndi tsheo yaṋu.”

Offer yo fhandekanya vhafuni.

Vhaṅwe vho khoḓa Sizwe nga u ṋea vhulivhisi nṱhani ha u sokou ri hai, vha zwi vhidza tshikhala tsha ndeme tsha nyaluwo.

Naho zwo ralo, vhaṅwe vho pfa uri tshenetsho tshiga tsho ḓa sa u nyadza kana u tikedza.

Naho ho vha na phindulo dzo fhambanaho, Lasizwe o bvela phanḓa na u wana maanḓa nga mbekanyamushumo yawe.

• VHALANI HAFHU :“Kha ri litshe halwa”: L-Tido u ṱuṱuwedza MaAfrika Tshipembe

Zwa zwino vho kovha mafhungo a takadzaho a uri Zozibini Tunzi, we a vha e Miss Afrika Tshipembe na Miss Universe vha do bvelela kha tshipida tshine tsha khou da.

Translated by Nthaduleni Rolivhuwa

Mutambi wa matambwa wa kale na muimbi Vho-Khanyo Maphumulo vho vula mbilu nga ha zwine vha zwi vhidza tshenzhemo i nyadzisaho vhukuma kha mushumo wavho.

Vho hola tshelede i re fhasi ha R10,000 kha mushumo wavho kha filimu ya bvumo Sarafina!

Musi a tshi amba nga ho livhaho, Maphumulo o dzumbulula uri o vha a tshi kha ḓi tou bva u vha na miṅwaha ya 14 musi a tshi ita audition ya Sarafina!

 Nahone o vha e na miṅwaha ya 17 fhedzi musi a tshi shuma kha yeneyo filimu.

Naho vho vha vhe muṅwe wa vhaṅwali vha nyimbo dzi re na maanḓa dzi ngaho Freedom Is Coming na The Lord’s Prayer,

 Vha ri vho wana hu si na tshithu tshine tsha ṱoḓa u vha hone kha mushumo wavho.

O elekanya a ri: “Ndo vha ndi tshee muswa nahone ndi sa ḓivhi tshithu,” a tshi ṱalutshedza nḓila ye u sa vha na nḓivho ya nḓowetshumo nga tshenetsho tshifhinga zwa ita ngayo uri a shumiswe luvhi.

Vho-Maphumulo vhari a vho ngo vhuya vha saina thendelano nahone, u swika na ṋamusi, vha kha ḓi lwela masheleni na Dzangano ḽa Pfanelo dza Muzika wa Tshipembe ha Afrika (SAMRO).

Vhuḓidini hawe ha u tandulula eneo mafhungo a ho ngo bvelela u swika zwino.

Nganea yawe yo vusa nyambedzano malugana na u farwa ha vhaswa vha vhusiki kha nḓowetshumo ya u ḓimvumvusa, nga maanḓa Afrika Tshipembe.

Hune vhatambi vhanzhi vha kale vha bvela phanḓa na u amba nga ha u sa badelwa zwavhuḓi kana u vhewa thungo naho vho shela mulenzhe.

Naho tshipiḓa tsha u thoma tsha mushumo wawe tsho vha tsho tshinyadzwa nga tshenzhemo iyi, Maphumulo o bvela phanḓa na u penya kha zwa vhutsila.

• VHALANI HAFHU: Ashley Ogle wana mpho ya R500k ubva kha vhafuni vhawe

Nga 2024, vho ṱanganedza Pfufho ya Iconic Impact kha Pfufho dza Vhahali vha Afrika Tshipembe, ṱhonifho yo teaho kha ifa ḽavho ḽi sa fheli.

Translated by Nthaduleni Rolivhuwa

khombo doroboni ya Johannesburg musi mutshudeni wa wits o wanala o lovha.

Zwa u toda mutshudeni wa Wits University Olerato Mongale we a ngalangala zwo fhela nga u vhaisala mbilu,

Musi muta wawe wo khwathisedza uri tshitumbu tshawe tsho wanala ngei Lombardy West, Johannesburg.

Mufumakadzi muswa, we a vha a tshi bva Bloemfontein kha ḽa Free State, o vha a tshi khou bvela phanḓa na pfunzo dzawe johannesburg.

Olerato o vhigwa o xela hu tshee na ḓuvha ḽithihi fhedzi musi hu tshi tumbulwa zwithu zwi tshinyadzaho.

Uya nga ha muṱa wawe, o vha o bva kha zwine zwa tendiwa uri ndi zwa u thoma u ṱangana na munna we a vha a tshi kha ḓi tou bva u ṱangana nae.

O fhedzisela u vhonala a tshi khou dzhiiwa ngei Sandton nga goloi ya Volkswagen Polo tshena.

Zwi tshuwisaho ndi uri nomboro ya goloi yo vha yo ṅwaliswa kha goloi yo fhambanaho, Toyota Hilux, zwa ita uri hu vhe na u humbulelwa nga u ṱavhanya.

Musi a sa athu ṱuwa, Olerato o vha o no dzhia vhukando ha u ḓitsireledza, a ḓivhadza khonani dzawe nga ha date na u vha sevha uri arali vha sa wana location yawe hu sa athu fhela awara, vha fanela u thoma u mu ṱoḓa.

Musi ho no fhela awara mbili hu si na zwine zwa khou ḓivhadzwa, khonani dzawe dzo dzhia vhukando nga u ṱavhanya,

 Dza shumisa app ine ya kovhelana fhethu u itela u lingedza u mu ṱoḓa.

U setsha havho zwo vha isa nḓuni he vha wana zwiṅwe zwa zwithu zwawe .

U katela na lutingo lwawe na bege, fhedzi ho vha hu si na Olerato.

Nga murahu, vhadzulapo vha Lombardy West vho vhiga uri vho vhona Polo tshena i tshi ṱavhanya u posa zwithu zwine zwa vhonala zwi phasela khulwane nahone i soliseaho.

Musi vha tshi ita ṱhoḓisiso, tshitshavha tsho wana zwithu zwi ofhisaho: ho vha hu tshitumbu tsha Olerato tshi si na vhutshilo.

Mafhungo a lufu lwawe o rumela tshutshedzo nga kha nyanḓadzamafhungo ya matshilisano na tshitshavha tsha matshudeni.

 Zwe zwa thoma sa vhusiku ho ḓoweleaho zwo fhela nga khombo i sa humbulei.

• VHALANI HAFHU:Uncle Waffles u isa vhatshini vhawe kha mashango a nnḓa

Nahone mbudziso dzi tshimbidzanaho na zwiimo zwa lufu lwawe dzo vusa vhuhali na u humbela uri hu vhe na khaṱulokwayo.

Translated by Nthaduleni Rolivhuwa

 

Makhadzi o livhuwa pfarelo ya Scotts Maphuma

Makhadzi u amba nga ha Scotts Maphuma, ane zwazwino u khou tangana na u sasaladzwa nga nthani ha u dikukumusa hawe kha vhatikedzi.

Muimbi ane a khou aluwa o humbela pfarelo, fhedzi vhaṅwe vhashumisi vha inthanethe vha kha ḓi ḓo mu hangwela.

O nwala kha Twitter, Makhadzi o kala kha nyete ya Scotts, a tshi amba uri o dinalea naho o vha e mufuni.

Fhedzi muimbi we a wina pfufho o takala uri o humbela pfarelo kha tshitshavha.

“Nga tshiṅwe tshifhinga ndo pfa ndi tshi ṱoḓa u humbelela pfarelo Scott Maphuma ngauri ndo zwi vhona uri o vha o sokou takala nahone o hangwa vhathu vhe vha vha vha tshi stream muzika wawe hu tshi katelwa na nṋe.

 Ndi mufuni wawe, fhedzi ndo vha ndo dinalea. Ndi a takala uri o vhuyelela kha muhumbulo wawe.

Ri a mu funa. Ngoho ndi ya uri, a ri tshithu arali ri si na vheinwi.

• VHALANI HAFHU :Lwazilubanzi Mthembu o mbodi tshata .

“Ndi humbula ndi tshi koloda SARS 6M, nahone ndo vha ndi si na tshithu nga thikhedzo yaṋu, ndo kona u ita mulalo na muvhuso. A ri tshithu arali ni si na inwi vheiwe. Ndi a zwi ḓivha uri musi ni tshi funa muthu, ni a zwi amba. Nahone hafhu, ndi livhuwa u nkhetha uri ndi wine Artist of the Year kha MMA. Ndo kona nga nṱhani ha vouthu dza vheiwe,” o nwala kha twitter.

Translated by Nthaduleni Rolivhuwa

Muimbi wa Amapiano Pabi Cooper u kha ḽimuya ḽa u pembela sa izwi  a tshi khou fara minwaha ya 24 namusi.

O kovha zwinepe zwi mangadzaho zwawe  o fara maluvha matswuku, a  tshi khou ṱakalela ḓuvha lo  khetheaho.

Pabi o ḓi kanda  nga khekhe ya ḓuvha ḽa mabebo, sa zwine zwa khou vhonala  kha zwinepe zwo poselwaho kha Instagram.

 “Muṅwe ṅwaha u mona na ḓuvha. Izwi ndi fumbiliiṋa( 24) ”

o ṅwala nga fhasi ha positi, ye nga u ṱavhanya ya ḓala nga u tamela mashudu ubva kha  vhafuni na khonani dza nḓowetshumo.

U engedza kha dakalo, Pabi o kovhelana mulaedza wa ḓuvha ḽa mabebo u bvaho mbiluni u bva kha mufuṅwa wawe Focalistic, kha zwiṱori zwawe zwa Instagram.

“Ḓuvha ḽavhuḓi ḽa mabebo @cooperpabi. Ndi livhuwa uri no vha tshedza tshi penyaho vhukuma. Ni songo vhuya na litsha u mwemwela,” o ṅwala nga u ralo.

Vhalani hafhu: Shimza u pembelela Julius Malema kha u fara minwaha ya fuiṋaiṋa (44)

• Source: fakaza.com

• Translator: Nthaduleni Rolivhuwa

Minnie Dlamini na mufunwa wawe Brian vha khou ḓiphina nga holodei ngei Lagos

Vho Minnie Dlamini na mufarisi wavho, Vho Dokotela Brian Monaisa, vha khou ḓiphina nga maanḓa a vhutshilo a Lagos, Nigeria, musi vha tshi khou ḓiphina nga holodei yo vha fanelaho vhoṱhe.

Minnie Dlamini o anḓadza zwifhinga zwi mangadzaho zwa lwendo lwavho, a tshi dzhia zwifanyiso zwa zwiiteaho—u bva kha u awela tsini na lwanzhe na zwifhinga zwa u ṱangana nga ḓuvha u ya kha maḓikiṱa a takadzaho na khonani na u ṱola zwiṱaraṱa zwi re na vhathu vhanzhi zwa Lagos.

Musi a tshi sumbedza lufuno lwawe na u livhuwa, Minnie o ṅwala kha iṅwe ya poso dzawe a ri “ uwana lufuno kha dzhango ḽa Afrika ndi vhungome ho kunaho fhedzi . Ndi fulufhela uri no vha na ṅwedzi wa mabebo u mangadzaho, mufuṅwa wanga.”

Vhafunani avha vhane vho no bvela khagala nga ha vhushaka havho, vho vha vha tshi khou kovhelana zwifanyiso zwi takadzaho vhege dzo fhiraho, zwine zwa takadza vhukuma vhatevheli vhavho.

Vhalani hafhu:

Cassper Nyovest o fhedza tshelede yak ha akhanthu yawe kha vidio ya muzika wa ‘Kusho Bani’

• Source: fakaza.com

• Translator: Nthaduleni Rolivhuwa