Cassper Nyovest na mufumakadzi wawe Pulane vha khou lavhelela ṅwana wavho wa u thoma vhe vhoṱhe lwa tshiofisi.

Muimbi wa rap o ita nḓivhadzo khulwane nga Mugivhela vhusiku musi e kha khonsathi yawe ya Fill Up Toyota Stadium, zwe zwa mangadza zwigidi zwa vhathetshelesi.

Cassper o sumbedza zwinepe zwa Pulane o vhifha muvhilini kha tshikirini tshihulwane tsha tshitediamu, nga u ṱavhanya a rumela gogo ḽa vhathu uri ḽi pembelele.

Zwifhinga zwi bvaho kha khontsathi, hu tshi katelwa na zwinepe, dzividio na phindulo dza vhafuni zwo ṱavhanya u phaḓalala kha nyanḓadzamafhungo .

Musi vhathu vhanzhi vha tshi khou fhululedza vhavhingani avha kha muṱa wavho une wa khou aluwa.

Vhaṅwe vho shumisa tshifhinga tshenetsho u ḓisa vhushaka ha Cassper na ṅwana wawe wa u thoma, Khutso, ane o vha nae na mufarisi wawe wa kale Thobeka Majozi.

Muṅwe mushumisi wa X o ṅwala uri, “@casspernyovest Edzani u humbula u vhona munna a tshi khou lata ṅwana wawe wa lutshetshe a re na canser zwino a dzhia tsheo ya u mu ṋea muṅwe 🤣, vhaṅwe vhafumakadzi vha na tshivhindi.”

• VHALANI HAFHU: Minnie Dlamini o takala nga u wana pfhufho ya best actress    

Muṅwe o fhindula a ri, “U fulufhela munna we a sia ṅwana wawe a tshi khou lwala ndi tshipengo.”