Tamia Mpisane o kolelwa nga u wa ha masheleni ha MaMkhize

Tamia Mpisane u khou ḓi bvelela nga zwiitisi zwoṱhe zwo khakheaho nga murahu ha musi mafhungo o bvelela a uri goloi dza vhuimo ha nṱha dza mme awe, Shauwn “MaMkhize” Mkhize dzi khou ya kha rengisiwa.

Nyambedzano  kha social media yo ṱavhanya, vhanzhi vha tshi khou pomoka Tamia uri o mala lupfumo lune zwino lwa khou elela nga minwe yawe.

U ḓivhelwa u tshila vhutshilo ho dzikaho ha vhuimo ha nṱha u bva tshe a vhofha lufuno na Andile Mpisane nga 2021.

Tamia o vha a tshi anzela u kovhelana zwiṱukuṱuku zwa vhutshilo hawe ha vhuimo ha nṱha kha nyanḓadzamafhungo ya matshilisano.

Fhedzi vhutshilo honoho ho fhelaho zwino vhu khou thivhelwa nga thaidzo dza masheleni dza vhazwala vhawe.

musi Tshumelo dza Mbuelo dza Afrika Tshipembe dzi tshi khou isa phanḓa na u tsikeledza thundu dza muṱa wa Mkhize.

Mathomoni a ṅwaha uno, ho vhigwa uri SARS yo dzhia Royal AM, nahone zwino, goloi dza ndeme dza MaMkhize dzi khou rengiswa.

• VHA RI WANA KHA FACEBOOK| facebook.com/profile.

Zwine zwa tendiwa uri zwi ḓo vhuisa tshikolodo tsha muthelo.

Hezwi zwithu zwo ita uri vhanzhi kha inthanethe vha humbule uri maḓuvha a Tamia a vhuimo ha nṱha a nga vha o vhaliwa.

Naho o vha e hone nga nḓila ya fhasi, Tamia o vhonala a tshi fulufhedzea kha muṱa wa munna wawe.

Na u ima na MaMkhize nga tshifhinga tsha u vhigwa ha mapholisa, zwine hu pfi zwo ita uri ene muṋe a farwe.

Fhedzi u pfela vhuṱungu hu bvaho kha tshitshavha hu khou fhungudzea.

Muṅwe mushumisi, @LesediMS_, o zwi pfufhifhadza nga u tou ṱamba:

“Zwino u na vhana vhavhili na bege i si na tshithu!”

Vhaṅwe vho dovholola vhuḓipfi vhu fanaho, vha sumbedza u vhilaela nga ha vhumatshelo ha Tamia.

@Sleeweezy o posa uri, “Ndi a fulufhela uri musidzana a shayaho o vha a tshi khou vhulunga miṅwaha yoṱhe heyi,”

• Vhalani hafhu :Babes Wodumo o tangana na khotsi a Mampintsha.

Ngeno @LuKayMampuru o engedza nga uri, “Khakhathi ya vhukuma hafha ndi u ṱutshela hawe nyimele yoṱhe heyi na vhana.”

Translated by Nthaduleni Rolivhuwa