Babes Wodumo o tangana na khotsi a Mampintsha
Musi hu tshi khou pembelelwa Ḓuvha ḽa Vhaswa ngei Umlazi, Durban, Babes Wodumo o kovhelana vhupfiwa vhu bvaho mbiluni na Vho-Thembinkosi Maphumulo.
Khotsi a munna wawe o lovhaho, Vho-Mandla “Mampintsha” Maphumulo.
Musi a tshi khou imba kha mushumo wa duvha la vhaswa na vha EFF.
Babes o vhona khotsi a Mampintsha vhe kha gogo.
O mbo ḓi vha ramba uri a ṱangane navho kha tshipiḓa tsha VIP.
- VHA RI WANA KHA FACEBOOK| facebook.com/profile.
Hafha vha nga humbula nga ha Mampintsha na u kovhelana mishumo ya muimbi o lovhaho.
U ṱangana ho vha hu tshi kwama mbilu nga maanḓa sa izwi ho itea nga ḓuvha ḽa mabebo ḽa ṅwana wa Babes na Mampintsha.
Zwe zwa engedza zwihulwane zwa duvha, kha nyambedzano na TshisaLIVE.
Babes o sumbedza nḓila ye ḽeneḽi ḽa dzula ḽi ḓuvha ḽi takadzaho vhukuma vhutshiloni hawe.
Nga nnḓa ha dakalo ḽa ḓuvha ḽa mabebo ḽa mutukana wawe, kanzhi u fanela u shuma nga ḽeneḽo ḓuvha, naho Mampintsha a tshi kha ḓi tshila.
“June 16 ndi ḓuvha ḽi takadzaho tshifhinga tshoṱhe kha riṋe u bva tshee murwa washu a bebwa.”
“Ṅwaha muṅwe na muṅwe, ndi fanela u mu litsha nda ya mushumoni nṱhani ha u pembelela ḓuvha ḽawe ḽa mabebo”.
“Ngauri ndi ḓuvha ḽa dakalo kha nṋe sa muimbi, naho khotsi awe vha tshi kha ḓi tshila,” Babes o ralo.
Naho Babes na Thembinkosi vha songo vhuya vha vhonana, vhushaka havho vhu kha di vha ho khwatha.
U vha Umlazi, he Mampintsha a alutshela hone, zwo ita uri u ṱangana hafhu hu vhe na ndivho vhukuma.
“Ndo vha ndo takala u vhona khotsi a munna wanga, zwo nkhumbudza Mampintsha, we vha vha vha tshi mu vhidza Mseshi”.
“Zwe zwa ntakadza ndi uri ndo tangana avho nga duvha la mabebo la mudulu wavho.”
“Ro vha ri roṱhe u swika nga vho 10 nga madekwana,” Babes o engedza nga u ralo.
Tshifhinga tshenetshi tshi kwamaho mbilu tshi bvisela khagala vhushaka vhu sa fheli ha muṱa na maanḓa a muzika.
Translated by Nthaduleni Rolivhuwa
