Sdumo o takala phanḓa ha u bviswa ha filimu ‘Marked’
Mutambi wa matambwa Sdumo Mtshali u khou dzhia tshifhinga u humbula nga ha uri o swika ngafhi kha mushumo wawe musi hu tshi khou lavhelelwa filimu ya Netflix ine ya khou ḓa ya Afrika Tshipembe ine ya pfi Marked.
Mutambi we a wina pfufho, ane a ḓivhelwa mishumo yawe ya maanḓa kha tshikirini na maanḓa awe o dzikaho nnḓa ha khamera.
O kovhelana poso ya Instagram i bvaho mbiluni, phanḓa ha musi filimu i tshi ḓo sumbedzwa lwa u thoma ḽifhasini ḽoṱhe nga murahu ha ṅwedzi uno.
Kha post yawe, Sdumo ha ngo sokou dropa trailer ya Marked, o dovha a vula nga ha u livhuwa hune a hu pfa kha tshifhinga hetshi tsha lwendo lwawe.
“Murena, ndi a livhuwa uri u khou shuma zwoṱhe u itela vhuḓi hanga. Na musi ndi sa pfesesi, ndi nanga u fulufhela mbilu yau.
Ṱanganedza maga anga na ndivho yau nahone u nkhumbudze uri a thi nga hangwiwi. Nga dzina ḽa Yesu Kristo, Amen,” o ṅwala.
Tshipiḓa tsha Netflix, tsho vhetshelwaho u bva nga ḽa 31 Fulwana 2025, tshi ḓihudza nga vhatambi vhapo vho ḓalaho vhukoni vha katelaho Lerato Mvelase, Bonko Khoza, na Sphamandla Dhludhlu.
I khou sika buzz kha inthanethe, na vhafuni vha tshi khou ḓala kha social media vha tshi khou tikedza vhatambi.
- Vhalani hafhu: Enhle Mbali u humbula tshifhinga tshi shushaho kha set
Nga maanḓa Sdumo, ane u ḓiṱukufhadza hawe na u sa shanduka hawe zwi khou bvela phanḓa na u mu wana lufuno u bva kha ḽoṱhe ḽa Mzansi.
Translated by Nthauleni Rolivhuwa
