Teffo uri Kelly khumalo o thuntsha Senzo Meyiwa nga phoswo

Mutshutshisi  Vho-Malesela Teffo vho vusa khanedzano kha mulandu wa u vhulahwa Senzo Meyiwa nga murahu ha musi vho amba zwithu zwine zwa nga akhamadza musi vha  kha Podcast na Chill zwenezwino.

Kha tshipiḓa tshe tsha thoma u sumbedzwa nga Ḽavhuṋa, ḽa 17 Fulwana 2025, Teffo o ḓivhadza nga tshivhindi uri vhanna vhaṱanu vhane zwa zwino vha khou sengiswa,

Nga ṅwambo wa u vhulaha ṋaledzi ya bola ya milenzhe a vha na mulandu, nahone a sumba muimbi Kelly Khumalo nga minwe sa muthu a re na vhuḓifhinduleli.

Teffo, we a vha a tshi imela muṅwe wa vhahumbulelwa kha mulandu wa vhuimo ha nṱha,

O vhudza vhahashi Mac G na tshigwada uri vhavhili vha vhahumbulelwa vha na vhuṱanzi ho khwaṱhaho.

“Zwine nda nga ni vhudza ndi uri avho vhathannga vhaṱanu a vha na mulandu, vha na alabai dzavho dzavhuḓi.

“Musi ndi tshi amba nga ha alibi, ndi amba vhahumbulelwa vha nomboro nthihi na mbili, vho vha vhe KZN ḓuvha ḽe Senzo a thuntshiwa a vhulahwa ngaḽo nnḓuni.”

O kombetshedza uri vhenevho vhanna vhaṱanu ndi mbudzi dza tshiṱhavhelo hu si vhaiti vha vhukuma.

“Nga u tou pfufhifhadza, ndi kho amba uri havha vhathannga vhatanu vhane vha dzhiiwa sa vhavhulayi vha Senzo vho no vha scapegoat, zwine zwa amba uri vha kho u dzhiela vhudzulo vhathu vho teaho.”

Uya nga ha Teffo, Senzo Meyiwa o thuntshiwa nga khombo nga Kelly Khumalo musi hu tshi khou ṱaṱisana vhukuma.

O amba uri tshigidi tshi khou pfi ndi tsha Longwe Twala, we a vha o dalela muṱa wa ha Khumalo ḽeneḽo ḓuvha u itela u sedzana na Zandile Khumalo.

• vhari wana kha facebook| .facebook.com/profile.php

A tshi khou humbulela uri o vha a tshi khou mu fhura na muṅwe wa khonani dza Senzo.

Vho-Teffo vhari u thuntsha ho vha hu songo lavhelelwa, zwine zwa sumbedza uri Senzo o vhaisala vhukuma musi Kelly a tshi khou lingedza umu ṋekedza tshihali.

“Senzo hu pfi o thuntshiwa a vhulahwa nga Kelly [Khumalo], hune ha pfi ho vha hu vhukhakhi.”

Musi a tshi khou tsikeledzwa nga hune a wana hone mafhungo, Teffo o amba uri o bva kha ṱhoḓisiso yawe na zwe a zwi ṱalusa sa mafhungo o livhaho.

• VHALANI HAFHU: Jessica o sumbedza goloi yawe ntswa ya mavhaivhai

“U bva kha ṱhoḓisiso na ṱhoḓisiso. Zwe nda zwi wana kha vhathu vhe vha vha vhe hone. Dziṱhanzi dzo zwi vhonaho nga maṱo.”