Phelo Bala o sumbedza mvelaphanda
Phelo Bala O Sumbedza Mvelaphanḓa I Mangadzaho U bva Kha Lwendo Lwa Vhuḓifari.
Mushumo wa khwine une na nga u ita ndi u ḓishuma.
Ṅwedzi wo fhiraho, Phelo Bala o ita zwenezwo fhedzi, musi a tshi thoma lwendo lwa u ḓiṱoḓela.
Mbekanyamushumo ya Bala Family yo bvukulula manwe a madimoni e a vha a tshi khou lwa na Phelo.
Ho itea zwithu zwinzhi vhutshiloni hawe, zwi katelaho u vhaisala mbilu, na u ṱaṱisana ha vharathu na vhakomana.
Hezwi zwo ita uri a nwe halwa nga nḓila i si yavhuḓi, nahone zwenezwi zwo kwama mushumo wawe nga nḓila i si yavhuḓi.
Zwithu zwo ṋaṋa u vhifha musi muimbi na ṋaledzi ya reality show a tshi kambiwa mbulungoni ya malume wawe.
Na vhaṱaleli vho vha vha songo takadzwa nga maitele a Phelo, e a vha a tshi sumbedza u sa vha kule na u sa ṱhonifha.
Vhana vhawe na mme awe vho lingedza nga nungo dzoṱhe uri a litshe u nwa nahone a ḓiṱhogomele, fhedzi vha kundelwa.
O fhedza mbekanyamushumo yawe ya u fhola, nahone u khou bvela phanḓa na u tshila vhutshilo ha mutakalo.
Phelo o thoma khaedu ya u shandukisa muvhili lwa maḓuvha a 30, a tshi sumbedza u ḓikumedzela hawe kha u laya, u sukumedza mikano, na u ṱhonifha muvhili wawe.
O vha a tshi khou kovhelana maitele awe a mushumo, nahone zwino mvelelo dzi khou vhonala.
- VHALANI HAFHU: Ndi ngani Afrika Tshipembe ḽi tshi pembelela Ḓuvha ḽa Vhaswa
Phelo u do dovha a ri kovhela nganea yawe i mangadzaho hu si kale, a tshi ri divhadza nga ha lwendo lwawe lu ṱuṱuwedzaho.
Translated by Nthaduleni Rolivhuwa
