Nkosazana Daughter u sumbedza dzi-grill ntswa

Nkosazana Daughter o dovha a vhea social media kha mulilo, tshifhinga hetshi nga sethe yawe ntswa ya dzi-grill dza maṋo.

Muimbi wa Amapiano o ḓihudza nga tshitatamennde tshawe tsha fesheni tsha zwenezwino kha vidio ye a i posa kha akhaunthu yawe ya TikTok,

Hune a ḓihudza nga vhatevheli vha ṱoḓaho u vha miḽioni nṋa.

Kha clip yo phaḓalalaho, mubvumeli wa Esangweni o vhonala a tshi khou mwemwela vhukuma musi a tshi khou sumbedza dzi grill ntswa dzi penyaho.

Dzine dza vha na tshivhumbeo tsho fhambanaho tsha muvhala mutsu na wa siliver. 

Naho vhafuni vhanzhi vho vha vha tshi khou takalela u ḓifulufhela hawe na tshitaila tshawe, a si vhoṱhe vhe vha takadzwa nga mbonalo yawe ntswa.

Vhashumisi vha nyanḓadzamafhungo ya matshilisano vho ḓadza ṱhalutshedzo nga mihumbulo yo fhambanaho.

Vhaṅwe vho mu khoḓa nga u ḓi ṱanganedza ngeno vhaṅwe vha tshi sasaladza nḓila ye ya ḓivhadzwa ngayo, vha ri i vhonala i si ya mvelo.

Vha si gathi vho ita na u swika hune vha vhambedza maṋo awe na a mutambi wa miswaswo Madluphuthu, zwa vusa khanedzano dzi seisaho kha dzipulatifomo dzoṱhe.

Mulomo une wa penya ndi wone wo engedzwaho zwenezwino kha tshifanyiso tshine tsha khou bvelela tsha Nkosazana Daughter.

Grills, ine yo ḓivhea kha mvelele ya hip-hop ya America nga vho 1980, ubva tshe ya wana fhethu kha muzika wa Afrika Tshipembe,

• VHALANI HAFHU : Gogo Maweni o khoḓa munna wawe Sabelo

Yo ambariwa nga dzi ṋaledzi dzine dza nga mufu AKA, Maglera Doe Boy, na Young Stunna.

Poswo yawe yo no wana vhathu vha ṱoḓaho u vha 700 000 vho i vhonaho na vhathu vha fhiraho 75 000 vho no i takalela .