Mufunwa wa kale wa Oscar Mbo o mu pomoka u tambudza 

Ursula Dlamini, musidzana wa kale wa mubveledzi we a wina pfufho na DJ Oscar Mbo, o bvela khagala nga mavharivhari mahulwane a u tambudzwa hayani.Zwe zwa vusa khanedzano khulwane kha social media.

Dlamini o kovha tshiṱori tshawe kha Instagram, he a posa zwifanyiso zwine a amba uri zwo dzhiiwa nga tshifhinga tsha vhushaka havho, khathihi na milaedza yo dzikaho ya muthu nga eṱhe nga ha vhuṱungu vhune a amba uri o vhu hwala lwa miṅwaha.

Kha zwine o zwi ṅwala, o humbula nga ha vhuleme ha u dovha a dalela tshenetsho tshifhinga tsha vhutshilo hawe, a ṱalutshedza uri naho o no bvela phanḓa, u vhaisala hu kha ḓi vuwa hu songo lavhelelwa.

Zwino o malwa nahone u mme, Dlamini uri tsheo ya u amba yo vha i tshi khou tutuwedzwa nga ṱhoḓea ya u tsireledza mulalo wawe na muṱa wawe, na u litsha u tsireledza muthu ane a tenda uri o mu vhaisa lwa tshoṱhe.

O ṱalusa zwifhinga zwine zwihumbudzo zwa thithisa vhutshilo hawe ha ḓuvha na ḓuvha, zwa mu kombetshedza u dovha a tshila tshenzhemo dzine a amba uri o vhuya a dzi konḓelela o fhumula.

“Ṋamusi zwo vha zwi tshi khou nṱuṱuwedza vhukuma vhanna,” o ṅwala. “Oscar o vha a tshi ntshuwisa  ndi tea u tshila na maduvha a ngaho haya ane nda do zwihumbula vhukati ha mushumo mushumoni nda isa pfanda na duvha hu tshinga a huna  zwine zwa khou itea ngeno ndi tshi khou fa nga ngomu.

Ndingani ndi tshi khou vhuya nda tsireledza tshigevhenga hetshi?”

Kha munwe mulaedza, o amba nga ha vhudifhinduleli na vhuleme ha vhuḓipfhi vhune a amba uri vhu kha ḓi mu tevhela, naho vhushaka ho no fhela kale.

Naho o tenda uri vhutshilo hawe ho bvela phanḓa, o eletshedza uri u fhodzwa zwi kha ḓi konḓa arali hu si na khaṱulokwayo.

“Ndi khou zwi itela nṋe muṋe na vhananga na munna wanga fhedzi ndi tou tama arali a tshi nga badela na u vha na vhuḓifhinduleli kha zwe a nnyitela zwone miṅwaha yoṱhe yeneyo. Ndi ngasi fhole.” 

• VHALANI HAFHU: DJ Shimza o netshedza zwienda zwa tshikolo zwa 3000 

Oscar Mbo ha ngo fhindula khagala kha zwine zwa khou ambiwa. Mavharivhari aya ha athu lingiwa khothe.