Hungani o fhindula mavharivhari a u sa fhulufhedzea kha Stephanie

Mutambi wa Skeem Saam Hungani Ndlovu o no vhuya a amba nga ha mafhungo  kha inthanethe malugana na mavharivhari a u sa fulufhedzea kha mbingano yawe na Stephanie Ndlovu.

Mutambi uyu, ane a ḓivhelwa mushumo wawe sa Tbose Maputla kha soapie ya SABC1.

O ḓiwana e vhukati ha nyambedzano dza nyanḓadzamafhungo ya matshilisano nga 2023 musi blog ya zwisolo

Ya vhaḓivhalea Maphepha Ndaba a tshi amba uri ha ngo fhulufhedzea kha mufumakadzi wawe nahone hu pfi o tshinya   muṅwe mufumakadzi.

Poswo yo vha i na vidio ya kale ya vhavhingani nahone yo vha yo ṅwalwa uri:

“Thespian na Majaivane (mutambi) @hunganindlovu vha sea mavharivhari a uri o fhura mufumakadzi wawe na u tshinya mufumakadzi muṅwe .”

Nṱhani ha u ṋaṋisa mulilo, Hungani na Stephanie, vhe vha amba nga ha vhushaka havho kha tshanele yavho ya YouTube, vho sokou sea nga ha zwe zwa vha zwi tshi khou ambiwa.

Nḓila ye vha aravha ngayo nga mbilu ṱhukhu yo vha i tshi sumbedza uri a hu na mafhungo-ngoho kha eneo mafhungo.

“Nyanḓadzamafhungo ya matshilisano i khou ḓala nga mavharivhari a uri Hungani o fhura mufumakadzi wawe,”

iṅwe poswo yo vhalea nga u ralo, “naho zwo ralo, Hungani o dzhena lufherani lwa mafhungo a sea mavharivhari ane a khou phaḓalala kha dzipulatifomo dza nyanḓadzamafhungo ya matshilisano.

A zwi athu vha khagala uri ndi nnyi ane a khou phaḓaladza mavharivhari.”

Vhavhingani avha, vho malana lwa miṅwaha ya rathi, vho dzula vhe na vhuthihi musi vho sedzana na ḓirama.

• Vhalani hafhu : Phelo Bala o sumbedza mvelaphanda

vha nanga u livhisa ṱhogomelo kha mishumo yavho na u sika zwi re ngomu nṱhani ha u sedzana na zwisolo zwa kha inthanethe.