DJ maphorisa u ṱoda u vhuyelela he zwoṱhe zwo thoma hone AFRO

DJ Maphorisa o vusa nyambedzano nnzhi kha inthanethe nga murahu ha musi o  divhadza uri u khou bva kha Amapiano.

Mubveledzi o ita nḓivhadzo ya tshivhindi kha Instagram, a tshi amba uri Amapiano i “zwanḓani zwavhuḓi” musi a tshi vhuyelela kha lushaka lwe zwoṱhe zwa thoma hone.

Zwa vusa khanedzano i fhisaho nga ha tshelede, dzi gig dza ḽifhasi, na vhumatshelo ha Amapiano.

Mubveledzi na DJ we a wina pfufho o kovha vidio yawe kha Instagram ine ya vha na maipfi ane a ri, “U vhuyelela kha element yanga Afro.”

kha positi yawe a ṅwala uri: “Amapiano i zwanḓani zwavhuḓi ndi khou vhuyelela kha midzi yanga he zwoṱhe zwo thoma hone AFRO!!!!!!”

Positi yo ṱavhanya ya kunga ṱhogomelo ya vhaṅwe vhahulwane vha nḓowetshumo, vhanzhi vho sumbedza u takala na thikhedzo.

Shimza o fhindula nga u fhisea, a ṋea vhupfiwa ha uri, “Areye!!!!!!” Ngeno Zakes Bantwini o engedza nga u ri, “Woza baba”

Fhedzi musi muvhigo u tshi swika kha X, phindulo dzo mbo ḓi fhandekana vhukuma.

Musi vhaṅwe vhafuni vha tshi khou pembelela u vhuya ha Maphorisa kha mibvumo ya Afro, vhaṅwe vho vhudzisa zwiitisi zwawe, vha tshi vhea tsheo ya tshiṱirathedzhi tsha bindu nṱhani ha u sika fhedzi.

Muṅwe mushumisi o ṅwala uri, “Afro-House na Afro-Tech ndi thikhithi nthihi fhedzi ya u wana dzi gig nnzhi kha dzitshaka. Ndi ngazwo Coffee na Shimza vho sedza kha lushaka lwonolwo. Heyi ndi mvelaphanḓa ya mabindu kha Phori.”

Muṅwe o dovholola zwe a amba, a ri, “Afro tech i khou gonya nahone i na tshelede . Phori u khou tevhela tshelede.”

• VHALANI HAFHU: Shebeshxt u ḓo fhedza hoḽodeyi o valelwa dzhele

DJ Maphorisa, we a vha a tshi shuma vhukuma kha u isa Amapiano kha vhathetshelesi vha ḽifhasi, ndi kale a tshi ḓivhelwa u kona u ita zwithu zwo fhambanaho kha tshaka dzoṱhe dzi katelaho Afro-house, Afro-pop, gqom, na hip hop.