Busisiwe Kunene o rwela ṱari podcast yawe Precious Moments
Busisiwe Kunene o rwela ṱari podcast ya u kovhelana zwiṱori zwi sa ambiwi zwa Afrika Tshipembe.
Mutambi wa kale wa matambwa a Muvhango na muhashi wa kale wa TV Vho-Busisiwe Kunene vho vhuyelela khagala nga mushumo muswa.
U divhea nga vhanzhi nga mushumo wawe sa Agnes kha soapie ya SABC2, Busisiwe zwino u khou isa maanḓa awe kha Precious Moments,
Pulatifomo ine a amba uri yo itelwa u sumbedza tshenzhemo dza vhukuma dza maAfrika Tshipembe u bva kha masia oṱhe a vhutshilo.
“Ndo vha ndi muhashi wa TV u bva nga 1996 kha Eco Act, mbekanyamushumo ya mupo.
“Ndo fhira kha Sasko Sam nahone nga murahu nda vha muhashi wa Young Tongues na Bonginkosi ‘Zola 7’ Dlamini kha Take 5, he ra shumana na mafhungo a matshilisano a ngaho u vhifha muvhilini ha vhaswa,”
Musi mushumo wawe wo no fhedza mahumi a miṅwaha, Busisiwe o tenda uri tshikhala tsha u ḓimvumvusa tsho shanduka vhukuma.
- vhari wana kha facebook| .facebook.com/profile.php
“Nḓowetshumo a i tsha ṱanganedza vhathu u fana na kale, nga zwenezwo, ndo dzhia tsheo ya u ḓithola,” o ralo, a tshi ṱalutshedza nḓila ye yeneyo tsheo ya mu ita ngayo uri a thome u ita dzi- podcast.
“Heyi a si zwisolo kana podikhasithi ya vhaḓivhalea. Ri amba na vhathu vha bvaho kha masia oṱhe a vhutshilo, lushaka lwa mafhungo ane MuAfrika Tshipembe o ḓoweleaho a nga ṱoḓa u a pfa na u ṱanganelana nao,”
Vhaeni u swika zwino vho katela Felicia Goosen, we a bebwa dzhele ngei Thailand ngeno mme awe vho sedzana na milandu ya u rengisa zwidzidzivhadzi;
Vho Phinah Kodisang, Mulanguli Muhulwane wa Tshiimiswa tsha Ḓorobo ya Muya, vhe vha kovhelana lwendo lwavho lwa vhurangaphanḓa lu ṱuṱuwedzaho;
Na Tebogo Majolane, vhe vha ṱutshela mushumo wa u rengisa nyanḓadzamafhungo u itela u thoma vhurangeli ha u eletshedza vhatukana vhaṱuku.
Naho zwa zwino Precious Moments i tshi khou ḓi ḓitika nga masheleni, Busisiwe U na fulufhelo ḽa u wana vhatikedzi u itela u engedza nḓila ine ya swikelela ngayo.
Source: fakazanews.com
