A-Reece o Prenka Mzansi nga ‘Inthavhiyu ya Cassper’ ya kholekhole
A-Reece o fhedza o fhindula zwe Cassper Nyovest a amba zwenezwino, fhedzi hu si nga nḓila ye vhafuni vha vha vho i lavhelela.
Cassper o vusa khanedzano mathomoni a vhege ino musi a tshi khou ita nyambedzano kha L-Tido Podcast,
He a amba nga ha mushumo wa A-Reece sa “niche” na u vhudzisa nga ha mvelelo dzawe dzoṱhe Afrika Tshipembe.
- Vha nga ri wana kha facebook| facebook.com/profile.php?
Vhupfiwa ho mbo ḓi ṱavhanya u phaḓalala, vhafuni na vhaimbi ngae vha tshi khou ṱolisisa zwine vhanzhi vha zwi vhona sa u ṱangana hu songo ṱuṱuwedzwaho.
Musi a tshi fhindula, A-Reece o rembuluwa a ya kha X (we a vha e Twitter) nga poso i sa vhonali fhedzi i re na tshivhindi,
A tshi kuvhanganya vhatikedzi vhawe, vhane vha ḓivhiwa nga lufuno sa Slimes, nga u ṅwala kha Twitter a ri: “a ba re tshabe slimes ”
Musi ḽi tshi ṱalutshedzelwa nga u bva kha Tshitswana, ḽi amba uri: “Vha fanela u ri ofha, Slimes.”
Fhedzi zwithu zwo mbo ḓi shanduka nga nḓila i songo lavhelelwaho nga ḓuvha ḽi tevhelaho. Reece o kovhelana vhuṱumani vhu re na ṱhalutshedzo
“kha zwi vhe nga u ralo. ‘Inthavhiyu ya Cassper’ Tshitaila tsha Vhuḓilangi tsho BVA ZWINO”
Vhafuni vha gidimela u click, vho lavhelela diss track ya mulilo yo livhiswaho kha Cassper.
- VHALANI HAFHU:Sweet Guluva o bvisa luimbo lwawe lwa u thoma .
Nṱhani hazwo, vho ṱanganedzwa nga tshimangadzo tsha u tamba. Link yo isa kha mulaedza wo leluwaho une wa vhala nga u rali:
“Phaaa!!! Ndo ni wana🤣”
Translated by Nthaduleni Rolivhuwa
