vho Nandi Nyembe a vhathu wana masheleni kuvhanganelwa one

Mutambi wa matambwa wa kale wa Afrika Tshipembe Vho-Nandi Nyembe vho bvisela khagala uri,

Naho ho vha na mushumo wa u kuvhanganya masheleni wo farwaho dzinani ḽavho,

Vha kha ḓi ḓo wana masheleni o kuvhanganywaho u itela u vha tikedza.

Ṋaledzi ya kale, ine ya ḓivhelwa vhukuma mishumo yayo ya tshiga kha Yizo Yizo, Zone 14, na zwenezwino kha Adulting.

Vho vula nga ha thaidzo dzavho dza masheleni dzine dza khou bvela phanḓa.

Nga murahu ha vhege musi vhathu vha Afrika Tshipembe vho fhindula khuwelelo yawe i bvaho mbiluni ya u ṱoḓa thuso.

Kha mvelaphanḓa yo ṱanganelanaho yo kovhelwaho nga Sunday World, Vho-Nyembe vho sumbedza u dinalea havho.

Vha ri, “Zwi a nyadzisa uri tshelede yo kuvhanganywaho u itela u nthusa a i athu swika kha nṋe.

Ndi vhuria, nahone ndi khou ṱoḓa Heater na zwithu nyana zwine zwa do nthusa.”

Khale nga ṅwedzi wa Ṱhafamuhwe, ho vha na mushumo wa u kuvhanganya masheleni ngei Disoufeng ngei Soweto.

Wo vha wo itelwa u kuvhanganya thikhedzo ya masheleni kha mutambi wa matambwa a funwaho.

Vhukando uhu ho tevhela vidio ine ya kwama maḓipfele ye Nyembe a humbela thuso.

Zwa ita uri vhafuni vhawe u mona na shango vha ṱangane murahu hawe, vhaṅwe vha ita na u ṋetshedza thwii kha akhaunthu yawe ya bannga.

Naho zwo ralo, nga murahu ha miṅwedzi mivhili, mutambi wa matambwa o vha a tshi kha ḓi lindela.

U ya nga vhone, u lenga hu vhonala hu tshi khou vhofhekana na thendelo dza ndaulo dzi katelaho Khomishini ya Filimu ya Gauteng.

“Ndo vha ndi si na muhumbulo wa uri Khomishini ya Dzifilimu ya Gauteng ndi yone ine ya tea u ṋea thendelo malugana na uri ndi wane tshelede,” vho ṱalutshedza.

Vho Nyembe vho dovha vha amba uri Minisiṱa wa Mitambo, Vhutsila na Mvelele, Vho Gayton McKenzie,

• VHALANI HAFHU:Sdumo o takala phanḓa ha u bviswa ha filimu ‘Marked’

Vhe vha ṋetshedza R20,000 kha mushumo wavho nga Ṱhafamuhwe, a vha athu tevhedza fulufhedziso ḽavho ḽa u vha dalela hayani.

Translated by Nthaduleni Rolivhuwa