Vho Dokotela Brian Monaisa na mufumakadzi muswa
Vho Dokotela Brian Monaisa vho dzula vhe kha maṱo a tshitshavha nga murahu ha vhushaka havho vhupfufhi fhedzi ha vhuimo ha nṱha na muthu wa nyanḓadzamafhungo Vho Minnie Dlamini.
Naho lufuno lwo fhela miṅwedzini i si gathi yo fhiraho, Brian u vhonala a tshi khou ḓiphina nga u vhonwa nga vhathu u fhira naho hu lini.
Dokotela wa miaro o vha e vhukati ha vhaeni vha ḓivheaho kha u thoma ha Kings of Joburg Season 3,
Tshiitea tsho khetheaho tsho farwaho phanḓa ha musi mutevhe u tshi bviswa ḽifhasini ḽoṱhe nga ḽa 13 Fulwi, 2025.
U ya nga thero ya madekwana, “Kingpin & Queenpin Glam,” Brian ho ngo sokou ḓivhonadza; o ita tshitatamennde.
O swika o farana nga zwanḓa na mufumakadzi wa vhudele, nahone vhenevho vhavhili vho ṱanganedza zwavhuḓi fesheni ya vhusiku.
Zwiambaro zwavho zwo dzudzanyeaho na khemikhali i sa hanedzei zwo vusa dzangalelo nga u ṱavhanya, fhethu ha vhuṱambo na kha inthanethe.
U dzhena kha Instagram, Brian o kovhelana tshinepe tshawe tshavhuḓi na date yawe i mangadzaho, nahone poso yo ṱavhanya ya ṱanganya phindulo.
Vhatevheli vho ḓadza tshipiḓa tsha u ṋea vhupfiwa nga u khoḓa, u ṱoḓa u ḓivha, na u humbulela nga ha lushaka lwa vhushaka havho.
- VHALANI HAFHU:Ngomu ha mbingano ya Ntando Duma ya miloro yawe
Naho Brian a sa athu ḓivhadza mufumakadzi lwa tshiofisi kana u khwaṱhisedza arali lufuno lu hone,
Zwi khagala uri u a ḓivha nḓila ya u ita uri vhafuni vha dzule vha tshi amba, kha khaphethe tswuku na nnḓa hayo.
Translated by Nthaduleni Rolivhuwa
