Vendaboy Poet u khou bvela phanḓa nau imelela vhutsila ha vhurendi
Lwendo lwawe lwo thoma ngau dalela embasi ya Afrika Tshipembe ngei Berlin, Germany, ha tevhela mbekanyamushumo ngei Lisbon, Portugal.
O dovha a dalela Valencia, Spain, a vhuyelela Dzheremane u itela u pembelela Ḓuvha ḽa Afrika ngei Freiburg, nahone a i ita Strasbourg (France), Basel (Switzerland), na Milan, Italy, he a bvelela hone kha vhuṱambo ha Vhege ya veini ya Milan.
Pfufho ya 4000 i dzhiela nṱha vhaswa vha Afrika Tshipembe vhane vha khou bvelela kha zwa mabindu na zwa vhutsila.
- vhari wana kha facebook| Mitamboyashu.co.za
Murendi Vendaboy Poet, we zwino o no kuvhanganya pfufho dza 15, o wana zwanwe kha vhuṱambo ha u tamba kha Hodela ya Sandton Marriott nga ḽa 16 Fulwi.
O zwi ṱalusa sa tshiga tsha u ḓivha na u aluwa. “Pfufho iyi i amba zwinzhi kha nṋe. I sumbedza uri ndo swika ngafhi na miṋango ye ya vula, nga maanḓa nga murahu ha lwendo lwa Europe lwa ṅwaha uno.”
O ṱanganedzwa nga vhulenda vhukavhamabupho ha Dzitshaka ha OR Tambo nga vhafuni vha maḓana nahone nga murahu ha maḓuvha mavhili o ṱanganedzwa nga muhali muvhunduni wa hawe HaNthabalala ngei Elim Mall.
Pfufho iyi i isa phanḓa na u khwaṱhisa vhuimo hawe sa muthu ane a khou ranga phanḓa kha vhutsila na mvelele ya Afrika Tshipembe.
Tshiṱori nga Elmon Tshikhudo
