Tyla u khou bvela phanḓa no ita luswayo lwawe kha ḽifhasi ḽa muzika
Muimbi wa Afurika Tshipembe u isa phanḓa na u ita ḓivhazwakale kha muzika .
Muimbi na muṅwali wa nyimbo wa Afrika Tshipembe Tyla u khou bvela phanḓa na u ita luswayo lwawe kha ḽifhasi ḽa muzika.
Mudzulapo wa Johannesburg o wina pfufho yawe ya vhuvhili ya Grammy kha pfufho dze dza farwa nga ḽa 1 Luhuhi ngei Los Angeles.
Tyla o wina pfufho ya Muzika wa Nṱhesa wa Afrika nga luimbo lwawe “Push 2 Start.”
Muimbi o vha a tshi khou ṱaṱisana na vhaimbi vha ngaho Davido, Burna Boy, Wizkid, vhaimbi vha Nigeria Ayra Star na vhaṅwe vhanzhi.
Musi zwo ṱangana, Tyla o wina pfufho dzi fhiraho 40 kha nḓowetshumo ya muzika kha miṅwaha miraru yo fhiraho.
A si ene fhedzi MuAfrika Tshipembe we a nangiwa kha pfufho, fhedzi ndi ene fhedzi muwini.
Trevor Noah, we a vha e mulanguli wa mushumo, o xelelwa nga the Best Audio Book, Narration, and Storytelling Recording ya Dalai Lama nga ene muṋe.
