Tsekeleke o tshuwisa vhatevheli vhawe musi a tshi khoḓa  Black Cat

Mutshini wa bvumo na  influencer Tsekeleke o mangadza vhanzhi nga u amba zwavhuḓi nga ha mufarisi wawe wa kale, Black Cat Girl, naho vho fhandekana nga ndila i si yavhuḓi mathomoni a ṅwaha uno.

Mutambi wa TikTok, dzina ḽawe ḽa vhukuma ndi Mixon Tholo, o khwaṱhisedza u fhandekana havho nga 2025 nga murahu ha miṅwedzi ya u ṱoḓa u ḓivha.

Vhushaka havho ho vha ho tshinyadziwa nga mavharivhari a uri Black Cat Girl o vha a tshi khou mu shumisa u itela u wana tshelede, nahone u fhandekana ho vha hu kule na u tshimbila zwavhuḓi.

Naho zwo ralo, Tsekeleke zwenezwino o bvisa vidio ye khayo a khoḓa mufarisi wawe wa kale nge a shandula vhutshilo hawe.

“Hoyo mufumakadzi o nṱanzwa a nthengela zwiambaro, o nbvisa zwiṱaraṱani, arali ndo vha ndi songo ṱangana nae kha party ya Nelly Mawaza ḽeneḽo ḓuvha, ndo vha ndi tshi ḓo vha ndi tshi kha ḓi tshina zwiṱaraṱani na ṋamusi,” o ralo.

Mutambi o tenda uri ex yawe yo vha na mushumo muhulwane kha u shandukiswa hawe.

A tshi khou ombedzela  uri o vha a tshi nga si vhe hune a vha hone namusi arali a husi ene.

Mathomoni a nwaha, mivhigo yo bvisela khagala uri Tsekeleke o wana ndaela ya tsireledzo khae, a tshi ri o shumisa luvhi mbadelo dzawe dza u buka.

O dovha a pomoka Black Cat Girl uri u khou fhura, a ri mafhungo awe o vha a tshi khou bvelela lune ha ngo ḓidina nga u a dzumba.

• Vhalani hafhu :  Nota Baloyi u pembelela minwaha ya 15 a saṅwi halwa

Miṱa yavho na yone yo kokodzwa kha ḓirama, hu pfi mashaka a Tsekeleke o vha a tshi khou mu thivhela u mu vhona kana u amba nae.

Source :Fakazanews.com