SK Khoza u sumbedza vhukoni hawe kha Telenovela dzi ḓivheaho Mzansi

SK Khoza o vha a tshi khou ita bvelaphanḓa kha mushumo uno nwaha.

Mathomoni a uno nwaha o dzhena kha Isitha: The Enemy , u tamba sa Sabelo.

Zwa zwino SK u penya nga mushumo wawe wa u ranga phanḓa kha mutevhe wa ḓirama dza Netflix dzi ḓivheaho, Umthetho .

I bveledzwa nga Black Brain Pictures, mutevhe wa zwipiḓa zwa sumbe u ya kha zwa malo ndi filimu  ine ya ḓivhea vhukuma ine ya pfi Brotherhood.

Kha mutevhe, SK u sumbedza Zola, nahone u khou konesa mushumo nga nḓila i mangadzaho.

Zwino o vhuya, na munwe mushumo wa u tamba, tshifhinga hetshi o dzhena kha telenovela ine ya khou ita uri munwe na munwe a dzhule o tielela tshikirini tshawe.

Mutambi wa matambwa o winaho pfufho nnzhi, muthu wa TV na muimbi ndi ene o dzhenaho zwenezwino kha The Four of Us.

U ṱanganela kha ḓirama sa muvhulayi, a vhea vhutshilo ha Papi khomboni na u engedza iṅwe nḓila i re na khombo kha tshiṱori.

The Four of Us ndi telenovela ntswa ya Afrika Tshipembe yo sedzaho kha muṱa wa Dhlomo u re na maanḓa, na zwiṱori zwo fhaṱiwaho kha khuḓano ya muṱa, nndwa dza maanḓa, u fheṱwa, u ṱoḓa vhuimo na u sinyuwa ho no vhaho hone lwa tshifhinga tshilapfu.

Mutambi wa kale Dumisani Dlamini u tamba sa Papi, munna o ḓiimiselaho ane a tenda uri o ṱangulwa zwe zwa vha zwo tea u vha zwawe nahone o ḓiimisela u lwa u itela u zwi wana hafhu.

• VHALANI ZWINWE : Dithejane o vha muhali wa Bafana Bafana

Mutevhe wo thoma u sumbedzwa nga dzi 29 dza ṅwedzi wa Fulwana 2026 nahone u ḓo bviswa nga maḓuvha a vhukati ha vhege nga 20:00 kha e.tv.